ARYNews.tv | Urdu – Har Lamha Bakhabar

Tag: blast

  • بلور فیملی اور دیگر متاثرین کے لیے دل خون کے آنسو رو رہا ہے: شاہد آفریدی

    بلور فیملی اور دیگر متاثرین کے لیے دل خون کے آنسو رو رہا ہے: شاہد آفریدی

    کراچی: قومی کرکٹ ٹیم کے سابق کپتان اور اسٹار آل راؤنڈر شاہد آفریدی نے کہا ہے کہ بلور فیملی اور دیگر متاثرین کے لیے دن خون کے آنسو رو رہا ہے۔

    ان خیالات کا اظہار انہوں نے سماجی رابطے کی ویب سائٹ ٹوئٹر پر جاری اپنے بیان میں کیا، شاہد آفریدی کا کہنا تھا کہ ہارون بلور بہادر والد کے بہادر بیٹے تھے، شہید والد کا بیٹا شہید ہوا۔

    ان کا کہنا تھا کہ بلور فیملی کے لیے یہ بڑا سانحہ ہے، دل خون کے آنسو رو رہا ہے، اللہ تعالیٰ بلور فیملی اور متاثرین کو ہمت عطا کرے۔

    پشاور دھماکا، نگراں وزیراعلیٰ خیبر پختونخواہ کی زیر صدارت ہنگامی اجلاس

    خیال رہے کہ خیبرپختونخواہ کے علاقے یکہ توت میں اے این پی کی کارنر مٹینگ کے دوران خودکش دھماکا ہوا جس کے نتیجے میں ہارون بلور سمیت 13 افراد شہید جبکہ 35 سے زائد افراد زخمی ہوئے۔

    نمائندہ اے آر وائی عدنان طارق کے مطابق صوبائی اسمبلی کے حلقے پی کے 78 میں عوامی نیشنل پارٹی کے امیدوار یکہ توت کے علاقے میں منعقدہ کارنر مٹینگ میں جیسے ہی پہنچے تو مرکزی دروازے پر زور دار دھماکا ہوا۔

    پشاور سانحے پر سیاسی و مذہبی رہنماؤں کی مذمت، لواحقین کیلئے صبر کی دعا

    افسوس ناک سانحے پر مختلف سیاسی ومذہبی رہنماؤں کی جانب سے شدید مذمت کی گئی اور شہیدوں کے لواحقین سے دلی ہمدردی اور تعزیت کا اظہار کیا گیا۔

    بعد ازاں نگراں وزیر اعلیٰ خیبرپختونخواہ جسٹس ریٹائرڈ دوست محمد خان کی زیر صدارت ہنگامی اجلاس بھی ہوا جس میں پشاور دھماکے کی باریک بینی سے جائزہ لینے کی ہدایت کی گئی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • پشاور دھماکا، نگراں وزیراعلیٰ خیبر پختونخواہ کی زیر صدارت ہنگامی اجلاس

    پشاور دھماکا، نگراں وزیراعلیٰ خیبر پختونخواہ کی زیر صدارت ہنگامی اجلاس

    پشاور: نگراں وزیر اعلیٰ خیبر پختونخواہ جسٹس ریٹائرڈ دوست محمد خان کی زیر صدارت ہنگامی اجلاس ہوا جس میں پشاور دھماکے کا جائزہ لیا گیا۔

    تفصیلات کے مطابق نگراں وزیراعلیٰ خیبر پختونخواہ کی زیر صدارت ہنگامی اجلاس میں چیف سیکرٹری، آئی جی پولیس سمیت دیگر اعلیٰ حکام نے شرکت کی۔

    اجلاس میں نگراں وزیر اعلیٰ دوست محمد خان نے دھماکے کے تمام پہلوؤں کی باریک بینی سے جائزہ لینے کی ہدایت دیتے ہوئے کہا کہ سانحہ میں ملوث عناصر کو مثالی سزا دی جائے گی۔

    پشاور سانحے پر سیاسی و مذہبی رہنماؤں کی مذمت، لواحقین کیلئے صبر کی دعا

    ان کا مزید کہنا تھا کہ دہشت گردوں کو ان کے ناپاک مقاصد میں کامیاب نہیں ہونے دیں گے، شفاف اور پرامن انتخابات کا انعقاد اولین ترجیح ہے، جسے ہر صورت ممکن بنائیں گے۔

    خیال رہے کہ خیبرپختونخواہ کے علاقے یکہ توت میں اے این پی کی کارنر مٹینگ کے دوران خودکش دھماکا ہوا جس کے نتیجے میں ہارون بلور سمیت 13 افراد شہید جبکہ 35 سے زائد افراد زخمی ہوگئے۔

    پشاور: اے این پی کی کارنر میٹنگ میں خودکش دھماکا، ہارون بلور سمیت 13 شہید

    نمائندہ اے آر وائی عدنان طارق کے مطابق صوبائی اسمبلی کے حلقے پی کے 78 میں عوامی نیشنل پارٹی کے امیدوار یکہ توت کے علاقے میں منعقدہ کارنر مٹینگ میں جیسے ہی پہنچے تو مرکزی دروازے پر زور دار دھماکا ہوا۔

    افسوس ناک سانحے پر مختلف سیاسی ومذہبی رہنماؤں کی جانب سے شدید مذمت کی گئی اور شہیدوں کے لواحقین سے دلی ہمدردی اور تعزیت کا اظہار کیا گیا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • جرمنی: رہائشی عمارت میں دھماکہ، تین افراد ہلاک

    جرمنی: رہائشی عمارت میں دھماکہ، تین افراد ہلاک

    برلن: جرمنی کے شہر برمن کی ایک رہائشی عمارت میں ہونے والے دھماکے کے نتیجے میں تین افراد ہلاک ہوگئے۔

    تفصیلات کے مطابق دھماکہ اتنا زور دار تھا کہ اس کی آواز دور دراز علاقوں تک بھی سنی گئی، دھماکے کے بعد عمارت کا ملبہ پچاس میٹر دوری تک پھیل گیا۔

    جرمن میڈیا کا کہنا ہے کہ اس دھماکے کے نتیجے میں تین افراد ہلاک ہوئے، دھماکے کے بعد عمارت سے 41 سالہ خاتون اور اس کے 7سالہ بیٹے جبکہ ان کے پڑوس کے مکان سے ایک 70 سالہ عورت کی بھی لاش برآمد کر لی گئی ہے۔

    جرمنی کے شمال مغربی شہر برمن کی رہائشی عمارت میں دھماکہ صبح سویرے ہوا بعد ازاں امدای ٹیمیں جائے وقوعہ پر پہنچیں اور عمارت میں موجود دیگر لوگوں کو ریسکیو کیا جبکہ ہلاک ہونے والوں کو بھی اسپتال منتقل کیا گیا۔

    جرمنی میں فٹبال ٹیم کی بس میں دھماکہ، ایک زخمی

    پولیس حکام کا کہنا ہے کہ دھماکے کے نتیجے میں عمارت بر ی طرح متاثر ہوئی اور ملبہ 50 میٹر کی دوری تک پھیل گیا تاہم اب تک اس دھماکے کی اصل و جہ نہیں بتائی گئی۔

    دوسری جانب ریسکیو حکام کا کہنا ہے کہ ہوسکتا ہے دھماکہ گھر میں گیس کے اخراج کے باعث ہوا ہوا تاہم تحقیقات جاری ہے جس کے بعد ہی حتمی فیصلہ کیا جائے گا جبکہ دھماکے کے نتیجے میں عمارت کا اندونی حصہ مکمل طور پر جل کر خاک ہوگیا۔

    جرمنی میں مسجد اور بین الاقوامی کانفرنس سینٹر کے باہر دھماکہ

    خیال رہے کہ گذشتہ دنوں جرمنی کے  شہر ووپرٹل کی ایک رہائشی عمارت میں دھماکہ ہوا تھا جس کے نتیجے میں متعدد افراد شدید زخمی ہوگئے تھے، بعد ازاں اسپتال حکام نے 5 زخمیوں کی حالت تشویش ناک بتائی تھی۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • زمبابوے کے صدر اور اتھوپیا کے وزیر اعظم کی ریلی میں دھماکہ، سینکڑوں افراد زخمی

    زمبابوے کے صدر اور اتھوپیا کے وزیر اعظم کی ریلی میں دھماکہ، سینکڑوں افراد زخمی

    ہرارے: زمبابوے کے صدر ایمرسن منانگاگوا اور اتھوپیا کے وزیر اعظم ابئی احمد کی ریلی میں دھماکے سے سینکڑوں افراد زخمی ہوگئے۔

    تفصیلات کے مطابق افریقی ممالک زمبابوے اور اتھوپیا دھماکوں سے گونج اٹھا، زمبابوے صدر اور اتھوپیئن وزیر اعظم کی ریلی میں دھماکے کی وجہ سے سو سے زائد افراد زندگی کی بازی ہار گئے۔

    غیر ملکی خبر رساں ادارے کا کہنا ہے کہ زمبابوے شہر بولا وایو میں ہونے والے دھماکے میں تقریباً پچھتر افراد زخمی ہوئے، حکمران جماعت کے ترجمان کے مطابق صدر ایمرسن منانگاگوا دھماکے میں محفوظ ہیں اور انہیں محفوظ مقام پر منتقل کر دیا گیا ہے، زمبابوے کے دوسرے سب سے بڑے شہر میں منعقدہ ریلی میں ہزاروں افراد شریک تھے۔

    زمبابوے میں تیس مئی کو عام انتخابات ہونے جارہے ہیں جس کے لیے حکمران جماعت کی جانب سے بھرپور مہم چلائی جارہی ہے اسی سلسلے میں صدر ایمرسن کی جانب سے ریلی نکالی گئی تھی۔

    دوسری جانب ایتھوپیا کے دارالحکومت ادیس آبابا میں وزیراعظم ابئی احمد کی ریلی میں دھماکہ ہوا جس کی وجہ سے بھگدڑ مچ جانے کے نتیجے میں تراسی افراد زخمی ہوگئے۔

    مقامی میڈیا کے مطابق دھماکہ دستی بم حملے کا تھا جبکہ حملے کا نشانہ اتھوپیئن وزیر اعظم ابئی احمد تھے لیکن وہ بال بال بچ گئے، قبل ازیں دھماکے میں ہلاکتوں سے متعلق قیاس آرائیاں کی جارہی تھی جو افواہیں نکلیں۔

    وزیر صحت عامر امان کا کہنا ہے کہ اس حملے کے نتیجے میں آٹھ افراد کی حالت انتہائی تشویش ناک ہے تاہم ان سمیت دیگر زخمیوں کو طبی امداد فراہم کی جارہی ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • کینیڈا: بھارتی ریستوران میں دھماکا، 15 افراد زخمی

    کینیڈا: بھارتی ریستوران میں دھماکا، 15 افراد زخمی

    ٹورنٹو : کینیڈا کے دارالحکومت ٹورنٹو کے علاقے میساساگوا میں واقع بھارتی ریستوران میں دھماکا خیز مواد کے پھٹنے سے 15 افراد زخمی ہوگئے جب کوئی جانی نقصان نہیں ہوا۔

    تفصیلات کے مطابق بر اعظم امریکا کے ملک کینیڈا کے دارالحکومت ٹورنٹو کے نواحی علاقے میساساگوا کے مقامی ریستوران میں دو نامعلوم داخل ہوئے اور دھماکا خیز مواد نصب کرکے چلے گئے، دھماکے کی زد میں آکر ریستوران میں موجود متعدد افراد زخمی ہوگئے۔

    غیر ملکی خبر رساں ادارے کا کہنا تھا کہ میساساگوا کے ریستوران میں دھماکا مقامی وقت کے مطابق رات ساڑھے 10 بجے ہوا تھا جس میں تقربیاً 15 افراد کے زخمی ہونے کی اطلاع ہے۔

    ہنگامی خدمات انجام دینے والے عملے کے ترجمان کا کہنا تھا کہ دھماکے میں زخمی ہونے والے تمام شہریوں کو فوری طور پر قریبی اسپتال منتقل کردیا گیا تھا جہاں تین افراد کی حالت تشویش ناک بتائی جارہی ہے۔

    کینیڈا کی مقامی پولیس نے سماجی رابطے کی ویب سایٹ ٹویٹر پر ٹویٹ کیا کہ دو نامعلوم افراد ریستوران میں داخل ہوئے اور بم نصب کرکے موقع سے فرار ہوگئے۔

    کینیڈین حکام کا کہنا تھا کہ تاحال مذکورہ شدت پسند کارروائی کی ذمہ داری کسی بھی شدت پسند تنظیم نے قبول نہیں کی ہے۔

    کینیڈا: ٹرک کے ذریعے راہ گیروں کو کچلے والے شخص پر فرد جرم عائد

    کینیڈین حکام کا کہنا تھا کہ میساساگوا کینیڈا کا چھٹا بڑا شہر جہاں ایک ماہ قبل دوپہر کے وقت ٹورنٹو کے مصروف ترین مقام پر ایک تیز رفتار ٹرک نے سڑک کے اطراف موجود شہریوں کو روند ڈالا تھا جس کے نتیجے میں دس افراد جاں بحق اور پندرہ سے زائد ہوگئے تھے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • نائیجیریا:‌ مسجد اور مارکیٹ میں خودکش دھماکے، 60 افراد جاں بحق

    نائیجیریا:‌ مسجد اور مارکیٹ میں خودکش دھماکے، 60 افراد جاں بحق

    ابوجا: نائیجیریا کے شمال مشرقی علاقے میں مسجد اور مارکیٹ میں 2 خودکش بم دھماکے ہوئے جس کے نتیجے میں 60 افراد جاں بحق اور متعدد زخمی ہوگئے۔

    غیر ملکی خبررساں ادارے کی رپورٹ کے مطابق نائیجیریا کی ریاست ایداموا میں واقع علاقے موبی بور میں 2 خودکش حملہ آوروں نے مسجد اور مارکیٹ کو نشانہ بنایا جس کے بعد ہر طرف انسانی لاشوں کے ڈھیر پھیل گئے۔

    پولیس ترجمان کے مطابق ’مسجد میں ہونے والے دھماکے کے نتیجے میں 24 نمازی جاں بحق اور متعدد زخمی ہوئے جن کی ہلاکتیں بڑھنے کا خدشہ ہے جبکہ شمالی دوسرا دھماکا مارکیٹ میں ہوا جس میں 30 سے زائد افراد کے مرنے کی تصدیق ہوچکی‘۔

    نائیجیریا میڈیا کے مطابق پہلا دھماکا شمالی مشرقی علاقے یولا سے 200 کلومیٹر دور واقع شہر موبی میں ہوا جس میں مسجد کو نشانہ بنایا گیا جب کہ دوسرے بمبار نے خود کو قریبی مارکیٹ میں دھماکے سے اڑایا جہاں عوام بڑی تعداد میں موجود تھے۔

    عرب میڈیا سے عینی شاہدین نے گفتگو کرتے ہوئے بتایا کہ نوعمر لڑکا جیکٹ پہن کر  ظہر کی نماز کے وقت مسجد میں داخل ہوا اور چند ہی لمحوں میں بعد زوردار دھماکا ہوگیا جس کے بعدہرطرف دھواں بھر گیا اور چھت اڑ گئی۔

    مسجد میں ہونے والے بم دھماکے کے بعد امدادی کارروائیاں جاری تھی کہ اچانک دوسرے دھماکے کی زور دار آواز سنائی دی، انتظامیہ نے اسپتالوں میں ہنگامی حالت نافذ کردی جبکہ تمام متاثرہ افراد کو اسپتال منتقل کردیا۔

    حکام کے مطابق دھماکوں کی ذمہ داری تاحال کسی دہشت گرد تنظیم نے قبول نہیں کی۔ ڈاکٹرز کا کہنا ہے کہ 100 سے زائد زخمیوں کی حالت بہت زیادہ تشویشناک ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • افغانستان: بم دھماکے میں 5 افراد جاں بحق، درجنوں زخمی

    افغانستان: بم دھماکے میں 5 افراد جاں بحق، درجنوں زخمی

    کابل: افغان صوبے ننگر ہار میں سڑک کنارے نصب بم پھٹنے سے پانچ افراد جاں بحق اور درجنوں زخمی ہوگئے، جن میں بچے اور خواتین بھی شامل ہیں۔

    تفصیلات کے مطابق شدت پسندوں کی جانب سے مشرقی صوبہ ننگر ہار کی ایک سڑک کنارے بم نصب کیا گیا تھا جس کے نتیجے میں ہلاکتیں سامنے آئیں تاہم ابتدائی طور پر کسی بھی عسکریت پسند گروہ نے واقعے کی ذمہ داری قبول نہیں کی۔

    افغان حکام کا کہنا ہے کہ سڑک کنارے بم پھٹنے کے واقعے میں کم از کم پانچ افراد ہلاک اور متعدد زخمی ہوئے ہیں جبکہ زخمیوں کو طبی امداد فراہم کرنے کے لیے اسپتال منتقل کیا جاچکا ہے تاہم واقعے کے بعد قانون نافذ کرنے والے اداروں نے علاقے کو کلیئر قرار دیا ہے۔

    دوسری جانب ننگرہار کے گورنر کے ترجمان کا کہنا تھا کہ یہ بم صوبہ ننگر ہار کے اَسکا مینا نامی ضلعے میں پھٹا جس میں ہلاکتوں کے علاوہ ایک درجن سے زائد افراد زخمی بھی ہوئے، ہلاک اور زخمی ہونے والوں میں بچے اور خواتین بھی شامل ہیں۔

    افغانستان: طالبان کا حملہ، 11 پولیس اہلکار جاں بحق، 2 زخمی

    واضح رہے کہ کسی بھی شدت پسند گروپ کی جانب سے اس بم کے نصب کرنے کی ذمہ داری قبول نہیں کی گئی ہے، تاہم ننگرہار کے گورنر کے ترجمان نے اس کارروائی کی ذمہ داری طالبان پر عائد کی ہے۔

    خیال رہے کہ طالبان کے زیر اثر افغانستان کے مختلف علاقوں میں ان دونوں دہشت گردی کے واقعات میں اضافہ ہوا ہے جس کے بعد مقامی پولیس اور افغان فورسز کی پیشہ ورانہ خدمات پر سوالیہ نشان اٹھ رہا ہے۔

    افغانستان: طالبان کا حملہ، گورنر سمیت درجنوں جاں بحق، علاقے پر قبضہ: 

    یاد رہے کہ گذشتہ دنوں طالبان کی جانب سے افغان صوبے غزنی پر حملہ کیا گیا تھا جس کے نتیجے میں ضلعی گورنر سمیت درجنوں افراد جاں بحق ہوئے بعد ازاں طالبان نے علاقے پر قبضہ بھی کر لیا ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • کیماڑی: اسٹوریج ٹینک میں دھماکہ، 2 افراد جاں بحق، 9 زخمی

    کیماڑی: اسٹوریج ٹینک میں دھماکہ، 2 افراد جاں بحق، 9 زخمی

    کراچی: شہر قائد کے علاقے کیماڑی میں واقع اسٹوریج ٹینک میں دھماکہ ہوا ہے، جس کے نتیجے میں دو افراد جاں بحق اور نو زخمی ہوگئے۔

    تفصیلات کے مطابق اسٹوریج ٹینک میں دھماکہ گیس بھرنے سے ہوا جس کے نتیجے میں قریب موجود دو افراد زندگی کی بازی ہار گئے جبکہ 9 افراد کو زخمی حالت میں اسپتال منتقل کیا جاچکا ہے جہاں طبی امداد فراہم کی جارہی ہے۔

    ریسکیو ذرائع کا کہنا ہے کہ دھماکہ حادثاتی طور پر ہوا جس کی اطلاع ملتے ہی عملے نے جائے وقوعہ پہنچ کر امدادی کارروئیاں شروع کیں اور اب تک 3 زخمیوں کو ملبے سے نکال لیا گیا ہے۔

    زیرزمین ٹینک میں پراسراردھماکہ، گاڑیاں تباہ اورچوکیدارزخمی

    ذرائع کا کہنا تھا کہ حادثے میں 2 افراد جاں بحق اور 9 زخمی ہوئے، جبکہ دھماکہ کیماڑی میں واقع اسٹوریج ٹینک میں گیس بھر جانے سے ہوا جس سے اطراف کے تین اسٹوریج ٹینک بھی متاثر ہوئے۔

    دوسری جانب پولیس حکام کا کہنا ہے واقعے کی تحقیات کر رہے ہیں تاہم ابتدائی طور پر دھماکہ حادثاتی لگتا ہے البتہ حتمی فیصلہ تحقیقات مکمل ہونے کے بعد سامنے آئے گا۔

    کوٹ ادو: آئل ٹینکر میں آگ لگنےسے 4 افراد جاں بحق

    خیال رہے کہ چند ماہ قبل کراچی کے علاقے کیماڑی میں تیل ذخیرہ کرنے کے مرکز میں ایک بڑے ٹینکر میں اچانک آگ بھڑک اٹھی تھی جس کے بعد دھماکہ بھی ہوا جبکہ اس حادثے میں دو افراد موقع پر ہی ہلاک ہوئے اور متعدد زخمی ہوگئے تھے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • لندن دھماکےمیں ملوث عراقی پناہ گزین کو34سال قیدکی سزا

    لندن دھماکےمیں ملوث عراقی پناہ گزین کو34سال قیدکی سزا

    لندن:  برطانیہ میں پناہ لینے والےعراقی نوجوان احمد حسن کو قتل کا جرم ثابت ہونے پرمقامی عدالت نے 34 سال قید کی سزا سنادی گئی ہے۔

    تفصیلات کے مطابقعراق میں حالات خراب ہونے کے باعث 2016 میںبرطانیہ میں پناہ لینے والے 18 سالہ نوجوان احمد حسن نے 2016 میں دہشت گردی کی روک تھام کے لیے شروع کیے گئے پروگرام میں شرکت کرنے سے انکار کردیا تھا۔

    18 سالہ احمد حسن گذشتہ سال لندن کے علاقے پارسنز گرین میں واقع زیرزمین ریلوے اسٹیشن میں گھریلو سطح پر تیارکردہ دھماکہ خیزمواد نصب کیا تھا جس کے پھٹنے سے اسٹیشن پر مسافروں میں سے 30 افراد جُھلس کر زخمی ہوئے تھے۔

    حسن کی ذہن سازی کرنے والی خاتون لیکچرار کا کہنا تھا کہ نوجوان حملہ آورحکومتی سرپرستی میں چلنے والے دہشت گردوں کی بحالی کے مرکز میں جانے کے لیے تیار ہی نہیں تھا۔

    ان کا کہنا تھا کہ احمد حسن کو حکومت کی زیر سرپرستی چلنے والے مخلتف بحالی کے مراکز میں داخل کرنے کوشش کی گئی لیکن حسن کا یہ دعویٰ تھا کہ اسے ایسے کسی پروگرام میں شرکت کرنے کی ضرورت نہیں ہے۔

    کیٹ کیبل نے برطانوی خبررساں ادارے کو بتایا کہ یہ میرے لیے ضمیر کا مسئلہ تھا، ہمیں پارسنز گرین میں ہونے والے خطرناک واقعے سے سبق سیکھنا چاہیے اور کوشش کرنی چاہیے کہ آئندہ ایسا کوئی حادثہ رونما نہ ہو۔

    ان کا مزید کہنا تھا کہ میں نے پولیس کو حسن کے حوالے سے پہلے ہی متبنہ کردیا تھا کیوں کہ سن 2016 میں حسن نے امیگریشن کے لیے دیئے گئے انٹرویو میں دعویٰ کیا تھا کہ وہ عراقی شدت پسند تنظیم داعش میں شامل ہوکر قتل کرنے تربیت حاصل کرچکا ہے۔

    یاد رہے کہ برطانوی دارالحکومت لندن کے جنوبی حصے میں واقع زیر زمین ٹرین اسٹیشن پارسنز گرین انڈر گراؤنڈ میں کھڑی ٹرین میں ایک بالٹی میں رکھا گیا بم دھماکے سے پھٹ گیا تھا جس کے نتیجے میں 30 افراد جُھلس کر زخمی ہوئے تھے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • افغانستان میں گلبدین حکمت یار کی ریلی کے قریب دھماکا، 3 افراد جاں بحق، 9 زخمی

    افغانستان میں گلبدین حکمت یار کی ریلی کے قریب دھماکا، 3 افراد جاں بحق، 9 زخمی

    کابل: افغانستان کے شہر جلال آباد میں گلبدین حکمت یار کی ریلی کے قریب دھماکا ہوا جس کے نتیجے میں 3 افراد جاں بحق جبکہ 9 زخمی ہوگئے۔

    تفصیلات کے مطابق افغانستان میں جہادی تنظیم جزب اسلامی کے رہنماء گلبدین حکمت یار دھماکے سے محفوظ رہے البتہ 3 افراد موقع پر جاں بحق ہوگئے، زخمی ہونے والے 9 افراد کو اسپتال منتقل کیا جاچکا ہے۔

    ترجمان صوبہ ننگر ہار عطا اللہ نے کہا ہے کہ گلبدین حکمت یار کو دھماکے سے کوئی نقصان نہیں ہوا کیوں کہ جب وہ ریلی سے خطاب کے لیے مقام پر پہنچے تو اس وقت تک دھماکہ ہو چکا تھا۔

    اقوام متحدہ نے گلبدین حکمت یار پر عائد پابندیاں ختم کردیں

    حکام کے مطابق دھماکا خیز مواد موٹر سائیکل میں نصب کیا گیا تھا تاہم اب تک کسی دہشت گرد تنظیم نے دھماکے کی ذمہ داری قبول نہیں کی۔دھماکہ کے بعد قانون نافذ کرنے والے ادارے واقعے سے متعلق کارروائی کر رہے ہیں۔

    خیال رہے کہ گلبدین حکمت یار افغانستان کے اہم اور با اثر شخصیت سمجھے جاتے ہیں، ماضی میں ہونے والے سول وار کے درمیان وہ بحیثیت وزیر اعظم اپنے پیشہ ورانہ خدمات سر انجام دے چکے ہیں۔

    گلبدین حکمت یار اور افغان حکومت کے درمیان امن معاہدے پر اتفاق

    یاد ہے کہ ماضی میں عسکری اقدامت کے باعث انہیں اقوام متحدہ کی جانب سے پابندیوں کا بھی سامنا کرنا پڑا تھا، علاوہ ازیں وہ حکومت اور طالبان کے درمیان رابطے کا ذریعہ سمجھے جاتے ہیں۔

    گذشتہ برسوں افغان حکومت اور جزب اسلامی کے درمیان معاہدہ بھی ہوا تھا جس کہ تحت گلبدین نے اپنی عسکری اقدامات چھوڑ کر سیاسی سفر کے آغاز کرنے پر اتفاق کیا تھا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔