نائیجیریا : شمال مشرقی علاقے میں خودکش حملے میں اڑتالیس طلبا جاں بحق جبکہ اناسی زخمی ہو گئے۔
مقامی پولیس کے مطابق خود کش حملہ آور نے شمال مشرقی شہر میں واقع اسکول میں اسمبلی کے دوران خود کو دھماکے سے اڑا لیا۔ شدت پسند تنظیم بوکو حرام نے حملے کی ذمہ داری قبول کر لی ہے۔ عینی شاہدین کا کہنا ہے کہ خودکش حملہ آور اسکول یونیفارم میں تھا۔ مقامی ذرائع کے مطابق بوکو حرام نے اپنے قیام کے پانچ سال کے دوران مختلف اسکولوں کو ہدف بنایا جس میں اب تک تقریبا ہزاروں افراد اپنی جانوں سے ہاتھ دھو بیٹھےہیں۔
چیناری : مہمند ایجنسی تحصیل صافی کے علاقے میں مسافر گاڑی کے قریب یکے بعد دیگرے 2 دھماکے میں ،6 افراد جاں بحق،4 زخمی ہوگئے۔
اے آر وائی نیوز کے نمائندے فوزی خان کے مطابق دھماکہ خیز مواد سڑک کنارے نصب مواد پھٹنے سے ہوا ،جاں بحق افراد میں ایک امن کمیٹی اہلکار بھی شامل ہے۔
ذرائع کے مطابق دھماکہ خیز مواد سڑک کنارے نصب کیا گیا تھا جو امن کمیٹی کی گاڑی کے گزنے کے وقت پھٹ گیا۔
واقع کے بعد امدادی ٹیمیں جائے وقوعہ پر پہنچ گئی جس کے بعد ذخمیوں کو اسپتال منتقل کردیا گیا۔
لاہور:واہگہ بارڈر پر ہونے والے دہشت گردی کے واقعے کے بعدپاکستان اور بھارت کے درمیان تین زور سے بند آمد و رفت اور تجارت کھول دی گئی ہے۔
واضح رہے کہ سانحہ واہگہ بارڈرکے بعد اتوار کو پاکستان اور بھارت نے واہگہ بارڈر کو مسافروں اور تجارت کے لیے عارضی طور پر بند کر دیا گیاتھا۔
بارڈر کھلنے پر آنےجانےوالےٹرکوں کی سخت چیکنگ کی جارہی ہے۔ دوسری جانب سانحہ واہگہ بارڈر کے سینتالیس زخمی مختلف اسپتالوں میں تاحال زیر علاج ہیں اور ان میں سے سات افراد کی حالت تشویشناک ہے۔
سروسز اسپتال میں انیس زخمی ،گھرکی اسپتال میں گیارہ،جناح اسپتال میں پانچ اور جنرل اسپتال میں گیارہ زخمی زیر علاج ہیں۔
پشاور: شہر کے نواحی علاقے بڈھ بیرمیں ایک زوردار دھماکہ ہوا جس میں پولیس کی بکتربند گاڑی نشانہ بنی۔
تفصیلات کے مطابق ہفتے کی صبح سڑک کنارے کھڑی بکتر بند پولیس وین کے نزدیک ایک زوردار دھماکہ ہوا، دھماکہ خیز مواد شدت پسندوں نے سڑک کے کنارے نصب کیا تھا۔
دھماکے کے نتئجے میں بکتربند گاڑی تباہ ہوگئی لیکن کسی بھی جانی نقصان کی اطلاع موصول نہیں ہوئی ہے۔
واقعے کے بعد پولیس اہلکاروں نے علاقے کو گھیرے میں لے کر ذمہ داروں کی تلاش شروع کردی ہے۔
واضح رہے کہ علی الصبح باجوڑ کی تحصیل ماموند میں بھی اسی نوعیت کاایک دھماکہ ہوچکا ہےجس میں ایک لیوی اہلکار شہید جبکہ ایک زخمی ہوگیا تھا۔
پشاور: باجوڑکی تحصیل ماموند میں ایک دھماکے میں سیکیورٹی اہلکاروں کو نشانہ بنایاگیا جس کے نتیجے میں ایک اہلکار شہید اور ایک زخمی ہوگیاہے۔
تفصیلات کے مطابق تحصیل ماموند کے علاقے’کمرسر‘میں دو لیوی اہلکار سڑک کے کنارے نصب بارودی مواد کا نشانہ بنے جن میں سے ایک موقع پر ہی شہید ہوگیا جبکےدوسرے کو زخمی حالت میں نزدیکی اسپتال منتقل کیا گیا ہے۔
ذرائع کا کہنا ہے کہ حملہ علاقے میں جاری آپریشن ضربِ عضب کے ردعمل میں سیکیورٹی اہلکاروں کو نشانہ بنایا گیا ہے۔
واضح رہے کہ گذشتہ کئی ماہ سے جاری آپریشن ضرب عضب میں پاک فوج نے فقید المثال کامیابیاں سمیٹی ہیں جن کے باعث شدت پسند علاقہ چھوڑنے اور انتقاماً اس نوعیت کی بزدلانہ کاروئیاں کرنے پر مجبور ہوگئے ہیں۔
کراچی: نیپا چورنگی کے علاقے میں نامعلوم افراد کی طرف سے پولیس وین پر دستی بم سے حملہ کیا گیا ہے جس کے نتیجے میں 2 پولیس اہلکار زخمی ہو گئے ہیں۔
ابتدائی تفصیلات کے مطابق پولیس اہلکارمحرم الحرام کے سلسلے میں جاری ایک مجلس عزا کی سکیورٹی پر مامور تھے اور اسی دوران ان پر حملہ کیا گیا۔ایس پی ایسٹ کے مطابق حملے بعد پولیس اور رینجرز اہلکاروں نے علاقے کو گھریے میں لے لیا اور نیپا فلائی اوور کو ٹریفک کے لئے بند کر دیا گیا۔
پولیس کے مطابق موبائل میں پانچ اہلکار ذخمی تھے جس میں سے دو ذخمی ہوگئے،حملے کے بعد پولیس وین مکمل طور جل کر خاکستر ہوگئی، واضح رہے کہ گزشتہ تین روز میں پولیس پر یہ تیشرا حملہ ہے۔
متحدہ قومی موومنٹ کے قائدالطاف حسین نے کوئٹہ میں جمعیت علمائے اسلام کے جلسہ عام کے موقع پرجے یوآئی کے امیرمولانافضل الرحمن کی گاڑی پر ہونیوالے خودکش حملے کی شدیدمذمت کی ہے اوراس دھماکے کے نتیجے میں جے یوآئی کے کئی کارکنوں کے شہیدوزخمی ہونے پر دلی افسوس کااظہارکیاہے.
الطاف حسین نے خودکش حملے میں مولانافضل الرحمن کے محفوظ رہنے پر اللہ تعالیٰ کاشکراداکیاہے۔اپنے بیان میں الطا ف حسین نے کہاکہ دہشت گرد عناصر نے خودکش حملوں،بم دھماکوں اورتخریبی کارروائیوں کی شکل میں پاکستان پر ایک غیراعلانیہ جنگ مسلط کررکھی ہے جس کے دوران سیاسی قائدین، مختلف مکاتب فکر سے تعلق رکھنے والے علمائے کرام اوردیگراکابرین کو چن چن کرشہیدکیاجارہاہے۔
پولیس، رینجرز، ایف سی اورمسلح افواج اوران کے مراکزکونشانہ بنایا جارہا ہے۔آج صبح بھی کوئٹہ کی ہزارہ برادری کے افرادکی بس اورایف سی پر بھی سفاکانہ فائرنگ کی گئی جس سے کئی معصوم وبے گناہ افرادشہیدہوگئے ۔
الطاف حسین نے کہاکہ بڑے پیمانے پر ہونیوالی دہشت گردی اس امرکاتقاضہ کرتی ہے کہ پوری قوم دہشت گردی کے خلاف متحدہوجائے اوردہشت گردی کے خلاف جنگ میں مصروف مسلح افواج کی ہرطرح سے حمایت کرے۔
الطاف حسین نے کہاکہ کوئٹہ میں ہونے والے واقعہ پر ہم مولانافضل الرحمن اورانکے تمام عقیدت مندوں،جے یوآئی کے تمام قائدین اورکارکنوں سے مکمل یکجہتی اورہمدردی کااظہارکرتے ہیں ۔
انہوں نے دعاکی کہ اللہ تعالیٰ دہشت گردوں کے حملے میں جاں بحق ہونے والوں کوشہادت کادرجہ عطاکرے ، ان کے لواحقین کوصبرجمیل عطاکرے اورزخمیوں کوجلدصحت یاب کرے۔
انہوں نے وفاقی وصوبائی حکومت سے بھی مطالبہ کیاکہ دہشت گردی کے ذریعے معصوم شہریوں کوخون میں نہلانے والے سفاک عناصر کے خلاف سخت کارروائی کی جائے اوردہشت گردی کے اس بڑھتے ہوئے عفریت پر قابوپانے کیلئے تمام وسائل بروئے کارلائے جائیں۔
مہمند ایجنسی میں دھماکے میں دو افراد جان سے گئے اور پولیو ورکر شدید زخمی ہوا، وزیر اعلیٰ پنجاب محمد شہباز شریف کی مہمند ایجنسی دھماکے کی شدید مذمت کی، وزیر اعلیٰ کا دھماکے میں قیمتی انسانی جانوں کے ضیاع پر اظہار افسوس کیا انھوں نے کہا کہ انسداد پولیو ورکرز کو نشانہ بنانا قابل مذمت فعل ہے،پولیٹیکل انتظامیہ نےعلاقے کو گھیرے میں لے کر تحقیقات شروع کر دی ہے۔
کراچی: اورنگی ٹاؤن میں پولیس موبائل کے قریب دستی بم حملے میں چھ پولیس اہلکار سمیت چودہ افراد زخمی ہوگئے۔
کراچی کے علاقے اورنگی ٹاؤن کے علاقے فرنٹیئر کالونی میں دوران ڈیوٹی پولیس موبائل کے قریب زوردار دھماکہ ہوا جس کے نتیجے میں چوکی انچارج وحید اعوان ،سمیت چھ اہلکار اور آٹھ راہ گیر زخمی ہوگئے ۔ جنہیں ریسکیو ایمبولنسز کے ذریعے قطر اسپتال اور عباسی شہید اسپتال منتقل کردیا گیا۔
ایس پی اورنگی ساجد سدوزئی کے مطابق دھماکہ قریبی کھڑی موٹرسائیکل میں نصب بم پھٹنے سے ہوا، بم ڈسپوزل اسکواڈ نے تفتیش کیلئے شواہد اکھٹے کرلیے۔ بی ڈی ایس حکام کاکہنا ہے کہ دھماکہ خیز مواد موٹرسائیکل میں نصب کرکے ریموٹ کے ذریعے اڑایا گیا، بم میں بال بیرنگ کی مقدار ذیادہ رکھی گئی تھی جس کی وجہ سے متعدد زخمی ہوئے ۔
ہنگو:ہنگو کے علاقے محمد خواجہ کے توغ سرائی آئی ڈٰی پیز کیمپ میں دھماکے سے سات افراد جاں بحق جبکہ متعدد زخمی ہوگئے ہیں، تفصیلات کے مطابق ہنگو کے علاقے توغ سرائی آئی ڈٰی پیز کیمپ میں زوردار دھماکہ سے سات افراد موقع پر جاں بحق ہوگئے جبکہ متعدد افراد کے زخمی ہونے کی اطلاعات ہیں۔
زخمیوں کو فوری طور پر قریبی اسپتال منتقل کیا گیا ،سیکورٹی فورسز نے علاقے کو گھیرے میں لے لیا، ذرائع کے مطابق بارودی مواد ایک موٹر سائیکل میں نصب کیا گیا تھا،جبکہ پولیس نے اس کی اب تک تصدیق نہیں کی ہے، ہلاک شدگان میں دو بچے بھی شامل ہیں۔