ARYNews.tv | Urdu – Har Lamha Bakhabar

Tag: boat capsize

  • بحر ہند میں کشتی اُلٹنے سے 5 افراد ہلاک، متعدد لاپتہ

    بحر ہند میں کشتی اُلٹنے سے 5 افراد ہلاک، متعدد لاپتہ

    تنزانیہ کے بحر ہند کے ساحل پر کشتی الٹنے کے سبب 5افراد لقمہ اجل بن گئے جبکہ 6 لاپتہ ہوگئے۔

    غیر ملکی ذرائع ابلاغ کے مطابق تانگا کے علاقے میں پنگانی جانے والی کشتی ڈوبنے سے ہلاک ہونے والے 5 افراد کی لاشیں کینیا کے ممباسا کے ساحل سے برآمد ہوئی ہیں۔

    پنگانی کے علاقائی کمشنر موسیٰ کیلاکالا کے مطابق ہم اس واقعے کے بارے میں معلومات اکٹھا کرنے کے لیے کینیا کے ساتھ تعاون کر رہے ہیں۔

    پنگانی کے علاقائی کمشنر موسیٰ کیلاکالا کا مزید کہنا تھا کہ 6 لاپتہ افراد کی تلاش اور بچاؤ کی کوششیں جاری ہیں۔

    اس سے قبل افریقی ملک موزمبیق میں کشتی ڈوبنے کاواقعہ پیش آیا تھا، جس میں 91 افراد لقمہ اجل بن گئے تھے، جبکہ 25 کے قریب کے لاپتہ ہونے کی اطلاعات سامنے آئی تھیں۔

    مصری جوڑے کے 40 سال کشتی پر بیت گئے، آخری خواہش بھی بتادی؟

    حکام کے مطابق کشتی پر گنجائش سے زیادہ لوگوں کو سوار کیا گیا تھا، جبکہ کشتی میں سوار افراد صوبے میں ہیضے کی وبا سے بچنے کیلئے جزیرے پر روانہ ہو رہے تھے۔

  • دل دہلا دینے والی ویڈیو: گاؤں کے سردار کے جنازے کے لیے جانے والی بھری کشتی دیکھتے ہی دیکھتے الٹ گئی

    دل دہلا دینے والی ویڈیو: گاؤں کے سردار کے جنازے کے لیے جانے والی بھری کشتی دیکھتے ہی دیکھتے الٹ گئی

    بنگوئی: وسطی افریقی جمہوریہ میں کشتی اُلٹنے سے 58 افراد ہلاک ہو گئے۔

    روئٹرز کے مطابق وسطی افریقی جمہوریہ کے دارالحکومت بنگوئی میں جمعہ کے روز ایک متوفی کی آخری رسومات کے لیے جانے والے اٹھاون افراد اس وقت ڈوب کر ہلاک ہو گئے جب وزن کی زیادتی کی وجہ سے کشتی دریا میں الٹ گئی۔

    مقامی اہلکار کے مطابق کشتی حادثہ دارالحکومت بنگوئی میں دریائے مپوکو میں پیش آیا، کشتی میں گنجائش سے زیادہ 300 مسافر سوار تھے، کشتی مقامی افراد کو لے کر بنگوئی سے تقریباً 45 کلومیٹر دور مکولو میں گاؤں کے ایک سردار کے جنازے کے لیے جا رہی تھی۔

    شہری تحفظ کے سربراہ تھامس جیماسے نے ہفتے کے روز مقامی ریڈیو کو بتایا کہ ڈوبنے والوں کی درست تعداد کے بارے میں انھیں مصدقہ معلومات نہیں ہیں، دوسری طرف عینی شاہدین اور سوشل میڈیا ویڈیوز کے مطابق کشتی میں 300 سے زائد افراد سوار تھے، جن میں سے کچھ کشتی میں کھڑے تھے اور کچھ لکڑی کے ڈھانچے پر بیٹھے تھے، ریسکیو سروس کشتی ڈوبنے کے 40 بعد پہنچی۔

    نائجیریا نیوز سروس نائیجا ٹائمز کے مطابق ایک شہری نے بتایا کہ کشتی میں جگہ نہ ہونے کے باعث وہ ایک ڈونگی میں بیٹھ کر کشتی کے پیچھے جا رہا تھا، کشتی الٹنے کے بعد اس نے ماہی گیروں اور دیہاتیوں کی مدد سے اپنی بہن سمیت چند ڈوبنے والوں کی لاشیں اکٹھی کیں۔

  • دریائے ستلج میں کشتی الٹنے سے لاپتا 8 افراد کی تلاش دوبارہ شروع

    دریائے ستلج میں کشتی الٹنے سے لاپتا 8 افراد کی تلاش دوبارہ شروع

    حویلی لکھا: دریائے ستلج میں 2 دن قبل سوجیکے کے مقام پر کشتی الٹنے سے لاپتا 8 افراد کی تلاش دوبارہ شروع کر دی گئی۔

    تفصیلات کے مطابق دریائے ستلج میں 2 دن قبل سوجیکے کے مقام پر کشتی الٹنے کا واقعہ پیش آیا تھا، جس میں لاپتا 8 افراد کی تلاش کے لیے ریسکیو آپریشن آج صبح دوبارہ شروع کر دیا گیا۔

    ڈپٹی کمشنر ذیشان حنیف کے مطابق کشتی میں 45 افراد سوار تھے، 33 کو بچا لیا گیا تھا، جب کہ ریسکیو آپریشن کے دوران 4 افراد کی لاشیں بھی نکال لی گئی تھیں، جن میں ایک خاتون اور ایک بچہ بھی شامل تھا۔

    ڈی سی کا کہنا تھا کہ لاپتا 12 افراد میں سے 4 کی لاشیں مل گئیں، تاہم 2 خواتین سمیت 8 افراد تاحال لاپتا ہیں، جن کی تلاش کے لیے ریسکیو آپریشن صبح دوبارہ شروع کر دیا گیا ہے۔

    ضلعی انتظامیہ کا کہنا ہے کہ کشتی پر 45 افراد کے علاوہ کھاد کے بیگ، 15 سے 20 موٹر سائیکلیں بھی موجود تھیں، مسافروں میں سے 43 کا تعلق ضلع بہاولنگر کی تحصیل منچن آباد سے جب کہ 2 کا دیپالپور سے تھا۔

  • بھارت میں سیاحوں کی کشتی الٹنے سے 22 افراد ہلاک

    بھارت میں سیاحوں کی کشتی الٹنے سے 22 افراد ہلاک

    کیرالہ: بھارتی ریاست کیرالہ میں سیاحوں کی کشتی الٹنے سے کم از کم 22 افراد ہلاک ہو گئے۔

    غیر ملکی میڈیا رپورٹس کے مطابق بھارت کی جنوبی ریاست کیرالہ کے مقامی حکام نے بتایا ہے کہ ضلع ملاپورم کے ساحلی قصبے تنور کے قریب سیاحوں سے بھری ایک ڈبل ڈیکر کشتی الٹنے سے کم از کم 22 افراد ہلاک ہو گئے ہیں۔

    ضلعی پولیس کے جونیئر سپرنٹنڈنٹ عبدالنذر نے روئٹرز کو بتایا کہ کشتی میں تقریباً 40 مسافر سوار تھے، جو گنجائش سے زیادہ افراد سوار ہونے کی وجہ سے اتوار کی شام مقامی وقت کے مطابق تقریباً 7 بجے الٹ گئی۔

    ریسکیو ذرائع نے پیر کو میڈیا کو بتایا کہ 22 لاشیں برآمد کی جا چکی ہیں، جن میں خواتین اور بچے بھی شامل ہیں، جب کہ ریسکیو آپریشن ابھی بھی جاری ہے۔

    تھووال تھیرم ساحل کے قریب سیاحوں کی کشتی الٹنے کی وجہ تاحال معلوم نہیں ہو سکی ہے، حکام نے اموات بڑھنے کا خدشہ بھی ظاہر کیا ہے، جب کہ الٹنے والی کشتی کو کیچڑ بھرے پانی سے باہر نکال لیا گیا ہے۔

  • نائجیریا میں کشتی الٹنے سے 76 افراد ہلاک، متعدد لاپتا

    نائجیریا میں کشتی الٹنے سے 76 افراد ہلاک، متعدد لاپتا

    ابوجا: نائجیریا میں کشتی الٹنے سے 76 افراد ہلاک، اور متعدد لاپتا ہو گئے۔

    تفصیلات کے مطابق نائجیریا کی جنوب مشرقی ریاست انامبرا میں کشتی ڈوبنے سے ہلاکتیں 76 ہو گئیں، کشتی میں 85 افراد سوار تھے، جب کہ 100 مسافروں کے بیٹھنے کی گنجائش تھی۔

    خبر رساں ایجنسی کے مطابق حادثہ اُس وقت پیش آیا جب انجن خراب ہونے سے کشتی رک گئی اورسیلابی ریلے کی نذر ہو گئی، ڈوبنے والوں میں سے 15 افراد کو بچا لیا گیا اور 10 لاشیں نکالی جا چکی ہیں۔

    نائجیریا کے صدر محمد بوہاری نے اپنے بیان میں چیہتر افراد کے ہلاک ہونے کی تصدیق کرتے ہوئے کہا کہ لاپتا افراد کی لاشیں ڈھونڈی جا رہی ہیں۔

    صدر نے مزید کہا کہ انھوں نے سیکیورٹی حکام کو حفاظتی پروٹوکول پر مکمل عمل کروانے کی ہدایت کی ہے، تاکہ مستقبل میں ایسے واقعات کو روکا جا سکے۔