بالی ووڈ کے معروف اداکار سنی دیول اور بوبی دیول کیرئیر کے بُرے دن اور نئی فلموں کی کامیابی کا ذکر کرتے ہوئے آبدیدہ ہوگئے۔
دی گریٹ انڈین کپل شو کے آنے والے ایپی سوڈ میں سنی دیول اور بوبی دیول نے شرکت کی اور اس دوران دونوں نے اپنی نجی و پروفیشنل زندگی سے متعلق گفتگو کی۔
شو کے دوران ایک سوال کے جواب میں سنی دیول نے کہا کہ ہم 1960 سے فلمی دنیا میں اپنا نام بنائے ہوئے ہیں لیکن اب کئی سالوں سے ہم کوشش کر رہے تھے کہ اپنے چاہنے والوں کو کوئی بڑی ہٹ فلم دے پائیں لیکن اس میں ہم کامیاب نہیں ہو پا رہے تھے۔
View this post on Instagram
سنی دیول نے بتایا کہ اسی دوران میں نے اپنے بڑے بیٹے کی شادی کر دی اور پھر اس کے کچھ ہی عرصے کے بعد پاپا کی فلم منظر پر آئی اور پھر میری غدر2 ریلیز ہوئی، دونوں فلموں کی کامیابی کے بعد ہمیں سمجھ نہیں آ رہا تھا کہ رب کیتھوں آ گیا، مزید یہ کہ پھر بوبی کی فلم اینیمل ریلیز ہوئی تو اس نے تو پھٹے ہی چک دیے۔
ویڈیو میں بوبی دیول کی اس گفتگو کے دوران سنی دیول کو اپنے آنسو صاف کرتے ہوئے بھی دیکھا جاسکتا ہے۔
واضح رہے کہ گزشتہ سال فلم راکی اور رانی کی پریم کہانی میں نامور سینئر اداکار دھرمیندر نے ہیرو کے دادا کا کردار نبھایا تھا، اس فلم نے دنیا بھر سے 340 کروڑ روپے کمائے تھے۔
دوسری جانب سنی دیول کی فلم غدر2 نے دنیا بھر سے 524 عشاریہ 75 کروڑ روپے کمائے تھے جبکہ بوبی کی فلم اینیمل 917 عشاریہ 82 کروڑ روپے کا ریکارڈ بزنس کرنے میں کامیاب ہوئی تھی۔
