گوجرانوالہ میں نامعلوم افراد نے بچے کو اغوا اور قتل کرکے اس کی لاش گھر کے قریب پلاٹ میں دفنا دی, پولیس نے مغوی بچے کی مدفون لاش برآمد کرلی۔
اے آر وائی نیوز کی رپورٹ کے مطابق پولیس کا کہنا ہے کہ گوجرانوالہ کے علاقے منڈیالہ تیگہ سے چار روز قبل اغوا ہونے والے 8 سالہ مغوی بچے کی مدفون لاش مل گئی۔
پولیس کے مطابق 8 سالہ شایان عمر کی لاش گھر کے قریب ایک پلاٹ سے ملی، اغواکاروں نے بچے کو قتل کرنے کے بعد اس کی لاش دفنا دی تھی۔
مقتول شایان عمر 4 روز قبل گھر کے قریب سے کھیلتے ہوئے اغوا ہوا تھا، پوسٹ مارٹم رپورٹ آنے کے بعد واردات کے اصل حقائق سامنے آئیں گے۔
گوجرانوالہ پولیس نے بتایا کہ واقعے کے شواہد اکٹھے کرکے ملزمان کی تلاش شروع کردی گئی ہے، جبکہ بچے کے والد کی مدعیت میں اغوا کا مقدمہ پہلے سے درج ہے۔