اٹلی کے علاقے پریسٹینو میں ایک گھر سے 70سالہ خاتون کی 2 سال سے کرسی پر بیٹھی لاش ملی ہے جس کی شناخت ماربنیلا بیریٹا کے نام سے ہوئی ہے۔
امریکی اخبار کے مطابق کے مطابق پریسٹینو میں طوفانی ہواؤں کی وارننگ جاری کی گئی تھی مارینیلا کے گھر کے عقب میں درختوں کے اکھڑجانے کے خطرے سے آگاہ کرنے کے لیے پولیس نے ان کے گھر فون کیا لیکن کسی نے فون ریسیو نہ کیا۔
پولیس جب میرینیلا کے گھر پہنچی تو انہیں گھر میں کرسی پر مارینیلا کی لاش ملی، لاش کی حالت انتہائی خراب تھی جس سے پولیس نے اندازہ لگایا کہ خاتون کے انتقال کو دو برس سے زائد عرصہ بیت چکا ہے اور لاش تب سے اسی حالت میں پڑی ہے۔
پڑوسیوں کے مطابق انہوں نے مارینیلا کو آخری بار ستمبر 2019 میں دیکھا تھا اس کے بعد وہ کافی عرصے تک نظر نہیں آئیں جس سے انہیں لگا کہ وہ کہیں اور منتقل ہوگئی ہیں۔
پولیس کے مطابق جائے وقوعہ کے معائنے میں کسی مجرمانہ کارروائی کے شواہد نہیں ملے، حکام نے بتایا کہ بیریٹا کے خاندان میں سے اب کوئی بھی اس دنیا میں موجود نہیں ہے۔
مقامی کونسل نے بیریٹا کی میت کی آخری رسومات کے تمام اخراجات اٹھانے کا اعلان کیا ہے۔
