دبئی : بھارتی فلموں کی مشہور اداکارہ سری دیوی گزشتہ رات حرکت قلب بند ہوجانے سے دبئی میں انتقال کر گئی تھیں، یہاں ہم آپ کو دکھا رہے ہیں ان کی زندگی کی آخری ویڈیو جو کہ ان کی بے وقت موت سے چند گھنٹے قبل شادی کی تقریب میں بنائی گئی تھی۔
بالی ووڈ کی یہ معروف اداکارہ گزشتہ رات ایک شادی کی تقریب میں شرکت کے لیے دبئی میں موجود تھیں، جہاں انہیں دل کا دورہ پڑا جو جان لیوا ثابت ہوا، ان کی عمر 55 سال تھی۔
سری دیوی 13اگست 1963کو پیدا ہوئیں، انہوں نے تامل، تیلگو، ملیالم اور ہندی فلموں میں اپنی صلاحیتوں کے جوہر دکھائے، وہ نوے کی دہائی میں اپنے کیریئر کے عروج پر تھیں۔انہیں بالی ووڈ انڈسٹری میں پہلی خاتون سپراسٹار تصور کیا جاتا ہے، جس نے انڈیا سنیما کو اپنی بے پناہ صلاحیت سے یکسر بدل ڈالا، انہیں دو ہزار تیرہ میں بھارت کے چوتھے بڑے شہری ایوارڈ پدم شری سے بھی نوازا گیا۔
یہ ویڈیو بھارتی ٹی وی جرنلسٹ اور اینکر ’مانک گپتا ‘ نے اپنے ٹویٹر اکاؤنٹ سے ٹویٹ کی ہے۔ ویڈیو میں بھارتی شادیوں میں بجنے والا روایتی ڈھول پورے زور و شور سے بج رہا ہے اور سری دیوی اپنی زندگی سے بھرپور مسکراہٹ کے ساتھ مہمانوں میں موجود تھیں۔
سری دیوی اپنے بھتیجے موہت مارواہ کی شادی کی تقریب میں شرکت کے لیے دبئی گئی تھیں جہاں تقریب کے اختتام پر انہیں دل کا دورہ پڑا ‘ انہیں نزدیکی اسپتال منتقل کیا گیا تاہم وہ جانبر نہیں ہوسکیں۔
#Sridevi was attending the wedding of nephew Mohit Marwah in Dubai. Last video pic.twitter.com/pri3kuHpGI
— Manak Gupta (@manakgupta) February 25, 2018
