ARYNews.tv | Urdu – Har Lamha Bakhabar

Tag: bollywood actor

  • پاکستانی فنکار دہشت گرد نہیں، سلمان خان

    پاکستانی فنکار دہشت گرد نہیں، سلمان خان

    ممبئی : بھارتی اداکارسلمان خان ایک بار پھر پاکستانی فنکاروں پر تنقید اور پابندی کیخلاف بول پڑے، سلمان خان کا کہنا ہے کہ پاکستانی فنکار دہشت گرد نہیں ہیں۔

    بالی ووڈ اداکار سلمان خان کا کہنا ہے کہ پاکستانی فنکار دہشت گرد نہیں ہیں، دہشتگردوں اور اداکاروں میں فرق ہوتا ہے، پاکستانی فنکار کو بھارتی حکومت ہی ویزے اور پرمٹ دیتی ہے، دونوں ملکوں کے درمیان پرامن تعلقات کو برقرار رکھنا چاہیئے۔

    گزشتہ روز بھارت کی جانب سے سرجیکل اسڑایئکس کے حوالے سے سلمان خان کا کہنا تھا کہ دہشتگرد تھے ،اس لیے مناسب کاروائی تھی۔

    مزید پڑھیں: پاکستانی اداکاروں کی فلمیں ریلیز کرنےدی جائیں،سلمان خان

    اس سے قبل بھی اداکار سلمان خان پاکستانی اداکاروں کو انتہا پسندوں کی جانب سے دی جانے والی دھمکیوں کے بعد انکے حق میں بول پڑے تھے، سلمان خان نے انتہاپسند تنظیم کے رہنما راج ٹھاکرے کو فون کیا اور کہا کہ پاکستانی اداکار فواد خان اور ماہرہ خان سمیت دیگر پاکستانی اداکاروں کی فلمیں ریلیز کرنے کی اجازت دی جائے۔

    مزید پڑھیں : بھارتی فلم پروڈیوسرز ایسوسی ایشن نے پاکستانی اداکاروں پر پابندی لگادی

    گذشتہ روز بھارتی فلم پروڈیوسرزایسوسی ایشن نے پاکستانی اداکاروں پر پابندی لگائی تھی اور حالات ٹھیک ہونے تک پاکستانی فنکاروں کو کام نہ دینے کا اعلان کیا گیا ہے۔

    مزید پڑھیں : پاکستانی فنکاروں‌ کو 48 گھنٹوں میں بھارت چھوڑنے کی دھمکی

    واضح رہے کہ گزشتہ ہفتے ہندو انتہا پسند تنظیم ایم این ایس نے پاکستانی اداکاروں کو بھارت چھوڑنے کی دھمکی دے دی تھی

  • پاکستان میں فلم "ڈھشوم” کی نمائش پر پابندی عائد، ورن دھون افسردہ

    پاکستان میں فلم "ڈھشوم” کی نمائش پر پابندی عائد، ورن دھون افسردہ

    ممبئی : پاکستانی سنسر بورڈ نے فلم ڈھشوم کو پاکستان میں ریلیز کرنے پر پابندی عائد کردی ہے، جس پر بالی ووڈ اداکار فلم ورن دھون نے افسوس کا اظہار کیا ہے۔

    تفصیلات کے مطابق پاکستان میں فلم ’ڈھشوم‘ کی نمائش پر پابندی لگادی گئی ، دنیا بھر میں 29 جولائی کو نمائش کے لیے پیش کی گئی، فلم میں بالی وڈ اداکار ورن دھون، جون ابراہم اور جیکولین فرنینڈز شامل ہیں۔

    filmm

    فلم ڈھشوم پر پاکستان میں پابندی عائد ہونے کے بعد اداکار ورن دھون نے سماجی رابطے کی ویب سائٹ ٹوئٹر پر اپنی مایوسی کا اظہار کیا، ان کا کہنا تھا کہ ’ڈھشوم کے پاکستان میں ریلیز نہ ہونے پر کافی افسردہ ہے، مجھے نہیں لگتا کہ فلم میں کسی بھی ملک کو غلط انداز میں پیش کیا گیا، یہ غلط فیصلہ ہے۔

    فلم کی کہانی بھارتی کھلاڑی ویرات کوہلی سے متاثر ہوکربنائی گئی ہے، جس میں ایک کرکٹ کھلاڑی جسے پاکستان اور بھارت کے فائنل میچ سے قبل اغوا کرلیا جاتا ہے اور جس کی بازیابی کے لیے اداکار حرکت میں آتے ہیں۔

    DISHOOM POST 1

     

    مزید پڑھیں : بالی ووڈ اداکار ورن دھون نے پاکستان آنے کی خواہش کا اظہار کردیا

    دوسری جانب بالی ووڈ اداکار ورن دھون نے پاکستان آنے کی خواہش کا بھی اظہار کیا تھا، ان کا کہنا تھا کہ حال ہی میں ہمارے وزیراعظم نریندر مودی نے پاکستان کا دورہ کیا تھا اور ایک دن وہ بھی پاکستان ضرور آنا چاہیں گے۔

  • ہندو گروپ کی بالی ووڈ اداکارہ ارشد وارثی کو زندہ جلانے کی دھمکی

    ہندو گروپ کی بالی ووڈ اداکارہ ارشد وارثی کو زندہ جلانے کی دھمکی

    ممبئی: بالی ووڈ اداکار ارشد وارثی اپنی آنیوالی فلم ’’لیجنڈز آف مائیکل مشرا‘‘ میں ایک ڈائیلاگ کی وجہ سے مشکل میں پھنس گئے ہیں، ہندو گروپ کی جانب سے بالی ووڈ اداکارہ ارشد وارثی کو زندہ جلائے جانے کی دھمکیاں دی جارہی ہے۔

    arshad-post-1

    بھارتی میڈیا کے مطابق ارشد وارثی نے اپنی آنیوالی فلم میں ایک ڈائیلاگ بولا کہ ’’ڈاکو والمیک سے سنت والمیک بن جائیں گے‘‘ جس پر انھیں ٹیلی فون کالز ، میسیجز اور خطوط کے ذریعہ زندہ جلانے اور جسم کے ٹکڑے کرنے کی دھکمیاں دی جارہی ہیں ۔

    ہندو گروپ کا کہنا ہے کہ اس ڈائیلاگ سے ان کے مذہبی جذبات مجروح ہوئے ہیں اور انھوں نے ارشد وارثی اور لیجنڈ آف مائیکل مشراکے رائٹر و ہدایتکار منیش جاء کے علاوہ فلمسلازوں کشور اروڑا اور شیرین مانتری کیدا کیخلاف ایف آئی آر درج کروادی ہے ۔

    ارشد وارثی کا کہنا ہے کہ ہر کوئی والمیت کی کہانی جانتا ہے اگر مجھے پتہ ہوتا کہ اس ڈائیلاگ سے کسی کے جذبات مجروح ہونگے تو میں کبھی بھی اسے ادا نہ کرتا، میں تو خود ہمیشہ مذہبی یا دوسرے تنازعات سے دور رہنے کی کوشش کرتا ہوں۔

    arshad-post-2

    انھوں نے بتایا کہ اس سے پہلے بھی انکو دھمکیاں مل چکی ہے، جب وہ فلم کابل ایکسپرس کی شوٹنگ کر رہے تھے، طالبان نے انھیں جان سے مارنے کی دھمکی دی تھی۔

    kabul

    ارشد وارثی کا مزید کہنا تھا کہ آج کل کچھ بھی کہتے ہوئے ہر کوئی خیال کرتا ہے کیوںکہ بھارت مذہبی جذبات سے بھرا پڑا ہے اور کوئی بھی گروپوں اعتراض کر سکتا ہے، لیکن سنسر بورڈ نے اس فلم کو منظوری دے دی اور سنسر بورڈ فلم کے دو مناظر میں تبدیلی چاہتا تھا، ہم فلم کے ریلیز ہونے سے قبل مذکورہ کمیونٹی کو معذرت خواہ کا پیغام ارسال کرینگے۔

    انھوں نے مزید کہا کہ میں اس بات پر یقین رکھتا ہوں کہ فلم کی کامیابی کیلئے تنازعات کا استعمال نہیں کرنا چاہیے، فلم کی کہانی ہی اسکی کامیابی کی ضمانت ہوتی ہے۔

  • انوشکا شرما کے بیان پر سلمان خان ناراض

    انوشکا شرما کے بیان پر سلمان خان ناراض

    ممبئی: بالی وڈ اداکا سلمان خان انوشکا شرما کے دیئے گئے بیان سے ناراض ہوگئے ہیں، بالی ووڈ اداکار سلمان خان اور اداکارہ انوشکا شرما نے فلم ’’سلطان‘‘ میں ایک ساتھ اداکاری کے جوہر دکھائے، جسے شائقین کی جانب سے بے حد پسند کیا گیا۔

    میڈیا رپورٹس کے مطابق چند روز قبل ایک انٹرویو کے دوران انوشکا شرما سے سلمان خان سے متعلق سوال پوچھا گیا جس پر اداکارہ کا کہنا تھا کہ وہ سلمان کو نہیں جانتی۔

    anuskha-2

    انوشکا شرما نے سلمان خان کے ’’زیادتی سے متاثرہ خاتون‘‘ کے بیان پر کہنا تھا کہ میں نے جب اس بیان کے بارے میں سنا تو مجھے یقین نہیں ہوا کیوں کہ سلمان سے مجھے ایسے کسی بیان کی توقع نہیں تھی، میں نے ان کے ساتھ صرف ایک فلم میں کام کیا ہے، اس کے علاوہ ہم نے ساتھ بیٹھ کر کبھی باتیں نہیں کی۔

    anuskha-1

    میڈیا رپورٹس کے مطابق سلمان کو انوشکا کا یہ بیان اچھا نہیں لگا اور وہ ایسا مان رہے تھے کہ ’سلطان‘ کی شوٹنگ کے دوران ان کی انوشکا سے اچھی بات چیت ہو چکی ہے۔

    sultan 2

    سلمان خان نے انوشکا کے بیان پر سخت ناگواری کا اظہار کرتے ہوئے انوشکا سے دوری اختیار کرلی ہے جبکہ تقریبات میں بھی ساتھی اداکارہ کو نظر انداز کرنا شروع کردیا ہے، جس پر انوشکا بھی پریشان ہیں۔

    واضح رہے کہ سلمان خان سے ایک انٹرویو کے دوران جب پوچھا گیا کہ ’’سلطان‘‘ میں ان کا پہلوانوں کے ساتھ کام کرنے کا تجربہ کیسا رہا تو اس پر ان کا کہنا تھا کہ فلم میں کام کے دوران ان کی حالت زیادتی کا شکارعورت جیسی ہوگئی تھی جو نہ ٹھیک سے چل سکتی ہے۔

  • اداکار پلکٹ سمراٹ کی بیوی کا اداکارہ یمی گوتم کو تھپڑ

    اداکار پلکٹ سمراٹ کی بیوی کا اداکارہ یمی گوتم کو تھپڑ

    ممبئی: بالی ووڈ اداکار پلکت سمراٹ کی بیوی شویتا روہرہ نے اداکارہ یمی گوتم کو تھپڑ رسید کردیا۔

    POST 2

    تفصیلات کے مطابق اداکار پلکت سمراٹ اور انکی بیوی شویتا روہرہ کے درمیان اداکارہ یمی گوتم کی وجہ سے کافی عرصے سے ناراضگی چل رہی تھی، پلکت سمراٹ کی بیوی اپنے شوہر اور اداکارہ یمی گوتم کے قریب آنے کی افواہوں سے بہت پریشان تھیں تاہم اب دونوں میاں بیوی کی جنگ میں اداکارہ یمی گوتم کو مشکلات کا سامنا کرنا پڑ رہا ہے۔

    POST 1

    میڈیا رپورٹس کے مطابق تقریبا ایک سال قبل شویتا روہرہ اپنے شوہر پلکت سمراٹ کے ساتھ شملہ میں صنم ری کے سیٹ پر ہمراہ تھیں، جب انھوں نے دیکھا کہ اداکارہ یمی گوتم انکے شوہر کے ساتھ زیادہ دوستانہ ہو رہی ہے، جس کے بعد دونوں میاں بیوی کے درمیان تعلقات خراب ہونے لگے۔

    POST 5

    بالی ووڈ اداکار پلکت سمراٹ اور اداکارہ یمی گوتم نے 2 فلموں میں ایک ساتھ اداکاری کے جوہر دکھائے ہیں، جس کے باعث دونوں اداکاروں میں بڑھتی ہوئی قربتوں کو پلکت اور ان کی اہلیہ شویتا میں اختلافات کی وجہ قراردیا گیا۔

    POST 3

    بھارتی میڈیا کے مطابق کچھ روز قبل شویتا روہرہ اور یمی گوتم کی ایک جم میں لڑائی ہوئی، لڑائی کے دوران جب یمی گوتم نے شویتا روہرہ سے پوچھا کہ تمھیں کیا لگتا ہے میں تم سے تمھارے شوہر کو دور کر رہی ہوں، جس پر شویتا روہرہ نے غصّے میں آکر یمی گوتم پر تھپڑوں کی بارش کردی اور پھر اداکارہ کو وہاں سے بھاگ کر جان چھڑانا پڑی۔

    POST 6

    حال ہی میں ایک انٹرویو میں شویتا روہرہ کا کہنا تھا کہ یمی گوتم ہمیشہ میرے شوہر کے قریب آنے کی کوشش کرتی ہے لیکن میرے شوہر اس کو توجہ نہیں دیتے۔

    POST 4
    واضح رہے پلکت سمراٹ اور شویتا روہرہ کی 2014 میں شادی ہوئی تھی ، جس کے بعد اداکارہ یمی گوتم سے قربت کے باعث دونوں میاں بیوی نے ایک دوسرے سے کنارہ کشی اختیار کرلی تھی۔

  • امجد صابری کا قتل: بھارت کے معروف گلوکاروں و اداکاروں کا اظہار افسوس

    امجد صابری کا قتل: بھارت کے معروف گلوکاروں و اداکاروں کا اظہار افسوس

    کراچی : عالمی شہرت یافتہ قوال امجد صابری کے بہیمانہ قتل پر پاکستان کے ساتھ ساتھ بھارتی فلم نگری بھی سوگوار ہے اور نامور گلوکاروں نے بھی دکھ کا اظہار کیا ہے۔

    پاکستان کے ممتاز قوال امجد فرید صابری کی کراچی میں ہونے والی ٹارگٹ کلنگ کی خبریں بھارتی میڈیا میں ’’بریکنگ نیوز ‘‘ کے طور پر شائع کی گئیں ،بھارتی میڈیا نے امجد صابری کو فن قوالی کا ’’راک سٹار ‘‘ قرار دے دیا اور کہا کہ صابری برادران صوفی گائیکی اور فن قوالی میں پورے برصغیر میں اپنا کوئی ثانی نہیں رکھتا۔

    بھارت کے معروف گلوکاروں اور اداکاروں کا کہنا ہے کہ دنیا ایک اور عظیم گلوکار سے محروم ہوگئی ہے۔

    بھارتی اداکارہ عالیہ بھٹ نے معروف قوال کے قتل پر گہرے افسو س کا اظہار کیا۔

    گلوکار سونو نگم نے سماجی رابطے کی ویب سائٹ ٹوئٹرپر کہا کہ امجد صابری کاقتل ایک ناقابل تلافی نقصان ہے۔

    امجد صابری کے قتل پر بھارتی سنگر اور کمپوزر امیت ترویدی کا کہنا تھا کہ ایک شاندار آرٹسٹ ہمیں چھوڑ گیا ہے۔

    بھارت کے معروف اداکار جاوید جعفری نے بھی ٹوئٹ کرکے امجد صآبری کے قتل پر گہرے دکھ کا اظہار کیا۔

  • فلمسٹار عامر خان کے خلاف کانپور میں بغاوت کا مقدمہ دائر

    فلمسٹار عامر خان کے خلاف کانپور میں بغاوت کا مقدمہ دائر

    کان پور : فلمسٹار عامر خان کے خلاف کان پور کی عدالت میں بغاوت کا مقدمہ دائر کرلیا گیا، سماعت یکم دسمبر کو ہوگی.

    بھارت میں بڑھتی ہوئی انتہاء پسندی کے خلاف بیان پر عامر خان کو تنقید کا نشانہ بنایا جارہا ہے، کانپورکی عدالت میں لوگوں کو بھڑکانے کے الزام میں مقدمہ دائر کردیا جبکہ عامر کے پوسٹر جلائے گئے ، گھر کا گھیراؤ کیا اور ان کےخلاف نعرے لگائے گئے۔

    عامر خان کے خلاف کان پور کی عدالت میں بغاوت کا مقدمہ دائر کرنے کی درخواست ایک فلمساز نے دی، جس میں مؤقف اختیار کیا گیا ہے کہ عامر خان نے اپنے بیان سے لوگوں کو خوفزدہ کیا ہے۔

    واضح رہے کہ انہوں نے ایک تقریب میں بھارت میں بڑھتی ہوئی انتہاءپسندی کے خلاف بیان دیا تھا، جس کے بعد ان کے خلاف شدید احتجاج کا سلسلہ جاری ہے۔

    یاد رہے کہ بھارت کے کئی رائٹرزاورسائنسدان انتہاپسندی کے خلاف احتجاجا اپنے سرکاری ایوارڈز واپس کرچکے ہیں۔

  • بھارتی اداکار نے ساتھی اداکارہ کو زیادتی کا نشانہ بنا ڈالا، مقدمہ درج

    بھارتی اداکار نے ساتھی اداکارہ کو زیادتی کا نشانہ بنا ڈالا، مقدمہ درج

    ممبئی:بالی ووڈ اداکار وشال ٹھاکر کے خلاف ٹی وی اداکارہ نے زیادتی کا مقدمہ درج کرا دیا ہے۔

    پولیس رپورٹ کے مطابق وشال ٹھاکر اور متاثرہ اداکارہ کے درمیان گزشتہ 18 ماہ سے افیئر تھا، دونوں کے درمیان پہلی ملاقات دو سال قبل ایک شوٹ کے دوران مدھ میں ہوئی، زیادتی کا شکار ہونے والی اداکارہ کی جانب سے درخواست میں وشال ٹھاکر پر الزام عائد کیا گیا ہے کہ اداکار وشال ٹھاکر نے بہانے سے گھر بلا کر زیادتی کا نشانہ بنایا.

    چار کوپ پولیس اسٹیشن کے سینئر افسر کے بیان کے مطابق اداکارہ نے ہفتے کے روز وشال کے خلاف اپنی شکایت درج کرائی تھی، انکا مزید کہنا تھا کہ وشال کے خلاف انڈین پینل کوڈ کے سیکشن 376 (ریپ)420(فراڈ)323(زخم پہنچانے کی سزا)509(الفاظ اوراشاروں کے زریعے خاتون کی عزت پر حملہ کرنے کی نیت)506(مجرمانہ ذہنیت سے دھمکانے)کے تحت ایف آئی آر درج کر دی گئی ہے۔

    تاہم پولیس کی جانب سے اب تک اداکار کی گرفتاری عمل میں نہیں لائی گئی، اداکار وشال اپنے خاندان کے ہمراہ کنڈیوالی کے علاقے چارکوپ میں رہائش پزیر تھا۔

    واضح رہے وشال ٹھاکر ”ٹینگو چارلی“، ”چاندنی بار“ اور ”منا بھائی ایم بی بی ایس“ جیسی فلموں میں کردار ادا کر چکے ہیں.

  • باڈی گارڈ کا کردار ادا کرنے والے سلمان خان کو حسیناوں نے لوٹ لیا

    باڈی گارڈ کا کردار ادا کرنے والے سلمان خان کو حسیناوں نے لوٹ لیا

    بولی ووڈ کے سپر ہیرو سلمان خان اگرچہ اپنی فلم باڈی گارڈ میں اچھے باڈی گارڈ کا کردار ادا کر چکے ہیں تاہم دبنگ اسٹار سلمان خان کو حقیقت میں لڑکیوں نے لوٹ لیا۔

    بھارتی میڈیا رپورٹس کے مطابق ممبئی کے علاقے باندرا کے ایک نائٹ کلب میں 4 ڈاکو حسیناؤں نے انتظامیہ کو چکما دے کر اپنے آپ کو سلو میاں کا مداح ظاہر کیا اور سلمان خان کے بُک کروائے ہوئے میز پر پہنچ گئیں جہاں انہوں نے سلو میاں کو باتوں میں الجھا کر موقع پاتے ہی میز پر پڑا پرس ، چشمہ اور گلے کی چین اٹھا کر نکل گئیں۔

    واقع کے بعد اداکار کا کہنا تھا کہ لڑکیاں انکی جیب کا صفایا کرکے فوراً ہی کلب سے رفو چکر ہو گئیں۔سلو میاں کے باڈی گارڈ کا کہنا تھا کہ وہ واقعے کی اطلاع پولیس کو دیں۔تا ہم دبنگ اسٹار نے ایسا کرنے سے انکار کردیا۔

    سلمان خان کی بہن ارپتا خان کا کہنا ہے کہ اس خبر میں کو ئی صداقت نہیں ہے اور انکے بھائی کو لوٹنا اتنا بھی آسان نہیں،علاوہ ازین انکا یہ بھی کہنا ہے کہ اداکار گزشتہ ہفتے کسی نائٹ کلب میں گئے ہی نہیں اور نہ ہی وہ اپنی جیب میں والٹ رکھتے ہیں

  • اداکار سنجے دت کو ایک بار پھر ضمانت مل گئی

    اداکار سنجے دت کو ایک بار پھر ضمانت مل گئی

    ممبئی: آرمس ایکٹ میں پونے کی يروڈا جیل میں بند اداکار سنجے دت کو ایک بار پھر ضمانت مل گئی ہے، سنجے دت کو اس بار 30 دن کے لئے پیرول ملی ہے، سنجے نے اس بار ضمانت کے لئے بیٹی کی بیماری کو لے کر عرضی دی تھی۔

    سنجے دت نے جون میں 45 دنوں کے پیرول کے لئے عرضی دی تھی۔ دو دن پہلے انہیں پیرول ملی۔ بتا دیں کہ سنجے دت اس سے پہلے بھی کئی بار پیرول پر جیل سے باہر آ چکے ہیں، یہی نہیں سنجے دت کو بار بار پیرول ملنے پر تنازعہ بھی کھڑا ہو چکا ہے۔

    اکتوبر 2013 میں طبی بنیاد پر 28 دن کے لئے سنجے دت جیل سے باہر آئے۔ اس کے بعد دسمبر 2013 میں بیمار بیوی مانیتا کی دیکھ بھال کے لئے 28 دن کے لئے جیل سے باہر آئے۔

    پھر جنوری 2014 میں بیوی کی بیماری کی بنیاد پر پھر 28 دن کی پھر چھٹی ملی اور اکتوبر 2014 میں 14 دن کی چھٹی لی جسے بعد میں مزید 14 دنوں کے لئے بڑھا دیا گیا۔