ARYNews.tv | Urdu – Har Lamha Bakhabar

Tag: Bollywood

  • کترینہ کیف ایک بار پھر پاکستانی لڑکی کا کردار نبھانے کو تیار

    کترینہ کیف ایک بار پھر پاکستانی لڑکی کا کردار نبھانے کو تیار

    ممبئی: بالی ووڈ کی باربی ڈال کترینہ کیف فلم ’ٹائیگر زندہ ہے‘ کے بعد ایک بار پھر اپنی نئی آنے والی فلم میں پاکستانی لڑکی کا کردار نبھائیں گی۔

    تفصیلات کے مطابق بالی ووڈ کی معروف اداکارہ کترینہ کیف نے فلم ‘ٹائیگر زندہ ہے‘ میں بحیثیت جاسوس پاکستانی لڑکی زویا کا کردار نبھایا تھا جسے فلمی مداحوں نے خوب پسند کیا جس کے بعد وہ اپنے نئے پروجیکٹ میں بھی پاکستانی لڑکی بنیں گی۔

    معروف ہدایت کار علی عباس ظفر کی ہدایت کاری میں بننے والی فلم ’ٹائیگر زندہ ہے‘ میں مقبول ادکار سلمان خان اور کترینہ کیف نے مرکزی کردار نبھایا تھا جبکہ فلم ’ایک تھا ٹائیگر’ کی سیکوئل تھی۔

    سلمان خان کترینہ کیف پرایک بارپھرمہربان

    خیال رہے کہ گذشتہ دنوں مشہور پرودکشن ہاؤس نے ہدایت کار ریمو ڈی سوزا کے ساتھ نئے پروجیکٹ کا اعلان کیا تھا جس کی کاسٹ کا اعلان بعد میں کیا جانا تھا تاہم بھارتی میڈیا نے اس سے قبل ہی کاسٹ کے حوالے سے خبریں بریک کردیں۔

    معروف ہدایت کار ریمو ڈی سوزا کی ہدایت کاری میں بننے والی نئی فلم میں جہاں اداکارہ کترینہ کیف پاکستانی لڑکی کا کردار نبھائیں گیں وہیں بالی ووڈ دبنگ خان ایک بچی کے باپ کا کردار ادا کریں گے، فلم رواں سال نومبر میں ریلیز کی جائے گی۔

    محبت کو پانے کے لیے بغیر کچھ سوچے اپنا کرئیر قربان کردوں گی، کترینہ کیف

    واضح رہے کہ سلمان خان ان دنوں ہدایت کار ریمو ڈی سوزا کی فلم ‘ریس 3‘ کی شوٹنگ میں بھی مصروف ہیں جس میں ان کے مد مقابل انیل کپور، بوبی دیول اور جیکولین فرنینڈس مرکزی کرداروں میں نظر آئیں گے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • پریا پرکاش ایک دن بڑی اسٹار بنیں گی، رشی کپور کی پیش گوئی

    پریا پرکاش ایک دن بڑی اسٹار بنیں گی، رشی کپور کی پیش گوئی

    .ممبئی: بالی وڈ کے سینئر اداکار رشی کپور نے کہا ہے کہ پریا پرکاش ایک دن بڑی اسٹار بنیں گی، 

    تفصیلات کے مطابق سوشل میڈیا پر اپنی ایک ویڈیو سے مشہور ہونے والی پریاش پرکاش کے بارے میں رشی کپور نے پیش گوئی کرتے ہوئے کہا ہے کہ پریا  پرکاش ایک دن بڑی اسٹار بنیں گی۔ ازرائے مذاق رشی کپور نے کہا کہ آپ میرے دور میں نہیں آئیں، کیوں؟

    پریا پرکاش نے رشی کپور کی جانب سے ٹویٹ کا جواب دیتے ہوئے کہا ہے کہ پرنس آف رومانس کی جانب سے سراہا جانا میرے لئے اعزاز کی بات ہے۔

    واضح رہے کہ اس سے قبل انہوں نے میڈیا سے گفتگو کرتے ہوئے رنویر سنگھ، شاہ رخ خان اور سدھارتھ ملہوترا کے ساتھ فلموں میں کام کرنے کی خواہش کا اظہار کیا تھا۔

    پریا پرکاش بھارتی ریاست کیرالا کے شہر تھریسور میں بی کام کی طالبہ ہیں، پریا پرکاش نے اپنی پہلی فلم ’اروادالو‘ کے گانے کی ویڈیو کلپ سوشل میڈیا پر شیئر کی تھی جو بے حد مقبول ہوئی تھی اور ان کے فالورز کی تعداد میں ریکارڈ اضافہ ہوگیا تھا۔

    پریا پرکاش نے 2017 میں لائم لائٹ کی دنیا میں قدم رکھا اور چند ایک فیشن شوز میں ریمپ واک کی اور جلد ہی فلم میں کام حاصل کرنے میں کامیاب ہوگئیں۔

    ویڈیو وائرل ہونے کے بعد پریا پرکاش کو انٹرنیٹ پر اتنا سرچ کیا گیا کہ انہوں نے معروف اداکارہ کو بھی پیچھے چھوڑ دیا۔

    یہ پڑھیں: پریا پرکاش، پذیرائی دیکھ کر جذبات قابو نہ رکھ سکیں

    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔ 

  • سلمان خان’ریس تھری‘ کی شوٹنگ کے لیے کہاں چلے گئے

    سلمان خان’ریس تھری‘ کی شوٹنگ کے لیے کہاں چلے گئے

    بالی وڈ کے سلطان سلمان خان ان دنوں اپنی آئندہ آنے والی فلم ریس تھری کی شوٹنگ کے سلسلے میں تھائی لینڈ میں موجود ہیں‘ اور وہاں کے حسین مناظرسے ٹویٹر کے ذریعے اپنے صارفین کو اپ ڈیٹ کررہے ہیں۔

    تفصیلات کے مطابق بالی وڈ سپراسٹار سلمان خان اپنی اگلی فلم ’’ریس تھری‘‘ پر تیزی سے کام کر رہے ہیں،فلم کا پہلا حصہ مکمل ہوچکا ہے اور دوسرے حصے کی شوٹنگ جاری ہے‘ شوٹنگ کے دوران سلمان خان ایک قدرتی لوکیشن پر پانی کے تالاب کے کنارے پہنچے تھے انہوں نے اس حسین منظر کواپنے مداحوں کے ساتھ بھی شیئر کیا۔

    اس سے قبل ایک ویڈیو میں سلمان خان ایک تھائی پس منظر والی جگہ پر کھڑے ہیں اور تھائی زبان میں کچھ کہہ رہے تھے ‘ ویڈیو کا کیپشن ’’ریس تھری کے سیٹ سے ’’ ہے۔ بھارتی ویب سائٹس کے مطابق وہ تھائی زبان میں اپنے مداحوں کو تھائی زبان میں ہیلو کہہ کر بتارہے تھے کہ وہ ریس تھری کی شوٹنگ کے لیے بنکاک میں موجود ہیں۔

    بالی وڈ سلطان ’’ ٹائیگر زندہ ہے‘‘ میں 300 کروڑ سے زائد کا بزنس کرنے اور فلم نگری میں اپنی دھاک بٹھانے کے بعد اپنے مداحوں کے لیے ’’ریس تھری‘‘ پراجیکٹ پر مستقل مزاجی سے کام کرہے ہیں۔ ان کے دیگر پراجیکٹس میں فلم ’’بھارت‘‘ اور ’’ویلکم ٹو نیویارک‘‘ شامل ہیں۔ یاد رہے کہ ریس کے ابتدائی حصوں میں سیف علی خان نے مرکزی کردار نبھایا تھا۔

     

    فلم ’’ ریس تھری ‘‘ کے ہدایت کار رومیو ڈی سوزا نے اپنے ایک بیان میں کہا ہے کہ فلم کی تیاری تیزی سے جاری ہے، پراجیکٹ کو عید سے پہلے مکمل کر لیا جائے گا، فلم کا ایک حصہ مکمل ہوچکا، اگلے شیڈول کی شوٹنگ ابوظہبی اور تھائی لینڈ میں کی جائے گی۔

    اس سیریز میں پہلی بار بالی ووڈ کے دبنگ خان کی انٹری ہے جو جیکولین فرنینڈس کے ہمراہ عید الفطر پر باکس آفس پر ریس لگائیں گے۔ فلم کے پہلے دونوں حصوں میں چھوٹے نواب سیف علی خان نے مرکزی کردار ادا کیا تھا جب کہ انیل کپور بھی دونوں سیکوئل کا حصہ تھے اور فلم نے بھر پور کامیابی سمیٹی تھی۔

    واضح رہے ریس کے پہلے دونوں حصوں میں مرکزی کردار ادا کرنے والے سیف علی خان نے ’ریس تھری‘ کرنے سے انکار کردیا تھا جب کہ فلم کی دیگر کاسٹ میں انیل کپور، بوبی دیول، ثاقب سلیم، ڈیزی شاہ اور پوچا ہیکڈے شامل ہیں۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہچانے کےلیے سوشل میڈیا پرشیئر کریں

     

  • انوشکا کی خوفناک پری، بچے ہرگز نہ دیکھیں

    انوشکا کی خوفناک پری، بچے ہرگز نہ دیکھیں

    ممبئی: بالی ووڈ اداکارہ انوشکا شرما کی نئی فلم ’پری‘ کا تیسرا خوفناک ٹیزر سامنے آگیا جسے دیکھنے والے خوف زدہ ہوگئے۔

    تفصیلات کے مطابق بالی ووڈ اداکارہ انوشکا شرما کے اپنے پروڈکشن ہاؤس میں بنائی جانے والی اولین ڈراؤنی فلم ’پری‘  کی پہلی جھلک کے بعد ان کی ایک اور ویڈیو بھی سامنے آگئی۔

    قبل ازیں انوشکا نے سماجی رابطے کی ویب سائٹ پر اپنی نئی فلم پری کی پہلی جھلک پوسٹر اور ٹیزر کی صورت میں جاری کی تھی جس میں دیکھا جاسکتا ہے کہ انوشکا زخمی چہرے کے ساتھ کھڑی ہیں۔

    ویسے تو فلم کو پری کا نام دیا گیا ہے مگر ساتھ میں یہ بھی بتایا گیا ہے دراصل یہ کوئی پری کی کہانی نہیں بلکہ اس میں انوشکا خوفناک بھوت کے کردار میں نظر آئیں گی۔

    قبل ازیں جاری کیا گیا ٹریزر 30 سیکنڈ پر مبنی تھا جس میں دیکھا جاسکتا ہے کہ ہاتھوں پیروں میں بیڑیوں کے ساتھ وہ ٹی وی پر کارٹون دیکھ رہی ہیں اور اسی دوران اچانک اُن کے پیروں کی انگلیوں کے ناخن بڑے ہونے شروع ہوگئے۔

    مزید پڑھیں: انوشکا بھوت بن گئیں، پہلی جھلک سامنے آگئی

    چودہ فروری کے روز پری کی تیسری ہولناک ویڈیو سامنے آئی، ویروشکا نے فلم کی ایک اور جھلک سماجی رابطے کی ویب سائٹ پر شیئر کی اور لکھا کہ  کیا یہ آپ اس کے ویلنٹائن بنیں گے۔؟

    ویڈیو میں دیکھا جاسکتا ہے کہ انوشکا شرما اور اداکار پرم براتا چتر جی صوفے پر بیٹھے ٹی وی دیکھ رہے ہیں کہ اچانک اداکارہ ہیرو کی طرف دیکھ کر انہیں پرپوز کرتی ہیں۔

    اسی دوران جب وہ پرم براتا کی طرف دیکھتی ہیں تو سامنے سے زخمی چہرے والی مافوق فطرت مخلوق انوشکا کو دیکھ کر ہنستی ہے اور جواب بھی دیتی ہے مگر حیران کُن بات یہ ہے کہ وہ زخمی چہرے والی لڑکی ہیرو کو نظر نہیں آتی۔

    ویڈیو دیکھیں

    انوشکا کے ذاتی پروڈکشن ہاؤس میں تیار کی جانے والی پری کی شوٹنگ کا آغاز 7 ماہ قبل ہوا تھا، فلم رواں سال مارچ میں صرف 2 سینما گھروں میں پیش کی جائے گی۔

    یہ بھی دیکھیں: ٹی وی دیکھتے ہوئے انوشکا کے ناخن خود بہ خود بڑھنے لگے، ہولناک منظر

    واضح رہے کہ انوشکا شرما پروڈکشن کمپنی کے بینر تلے اس سے قبل بھی 2 فلمیں ’این ایچ 10‘ اور ’فلوری‘ ریلیز کی جاچکی ہیں جن کی کہانیاں بالکل منفرد تھیں اور انہوں نے ناظرین کو متاثر بھی کیا تھا۔ خیال رہے کہ ویروشکا کی شوبز مصرفیات آجکل بہت زیادہ ہیں کیونکہ وہ بیک وقت تین فلموں زیرو، سوئی دھاگہ اور پری کی شوٹنگ میں مصروف ہیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • کنگ خان کی لیجنڈ اداکار دلیپ کمار کے گھر آمد

    کنگ خان کی لیجنڈ اداکار دلیپ کمار کے گھر آمد

    ممبئی: کروڑوں مداحوں کے دلوں پر راج کرنے والے اداکار شاہ رخ خان بالی وڈ کے لیجنڈری اداکار دلیپ کمار کی عیادت کے لیے اُن کے گھر پہنچے۔

    تفصیلات کے مطابق دلیپ کمار جو گزشتہ کئی برسوں سے علیل ہیں اُن کی عیادت کے لیے بالی وڈ کی دیگر شخصیات کے بعد اب شاہ رخ خان ان کی رہاہش گاہ پہنچے۔

    شاہ رخ خان کی آمد پر دلیپ کمار خود اور ان کی اہلیہ سائرہ بانو بے حد خوش ہوئیں اور کنگ خان کا شکریہ ادا بھی کیا۔

    دلیپ کمار کے منہ بولے بیٹے شاہ رخ نے علالت کے بعد اب تک لیجنڈری اداکار کے گھر کا دو بار دورہ کیا، قبل ازیں ہونے والی ملاقات کی تصویریں بھی سوشل میڈیا پر وائرل ہو چکی ہیں۔

    دلیپ کمار کو نمونیا کی تشخیص

    شاہ رخ خان جہاں دلیپ کمار کو اپنا آئیڈیل مانتے ہیں وہیں لیجنڈ اداکار نے بھی بالی وڈ بادشاہ کو اپنا منہ بولا بیٹا بنا رکھا ہے، دونوں اداکاروں کا یہ رشتہ اس قدر مضبوط ہے کہ لیجنڈری اداکار کی کنگ خان کو دیکھ کر طبیعت خوش گوار ہوجاتی ہے۔

    ملاقات کے دوران لی گئی تصویر میں دیکھا جاسکتا ہے کنگ خان لیجنڈ اداکار کا ہاتھ تھامے کھڑے ہیں اور دلیپ کمار علالت اور ضعیف العمری کے باعث بہت کمزور ہوچکے ہیں۔

     

    خیال رہے دونوں اداکار ماضی میں فلم ’’دیو داس‘‘ کے لیے کام کرچکے ہیں، فلم میں بہترین اداکاری پر شاہ رخ خان کو دلیپ کمار نے تالیاں بجا کر خراج تحسین بھی پیش کیا تھا۔

    دلیپ کمار کی طبیعت ناساز، اسپتال منتقل

    واضح رہے کہ 95 سالہ دلیپ کمار کی صحت رواں برس سے تیزی سے گر رہی ہے جس کی وجہ سے انہیں کئی بار اسپتال میں داخل کیا جاچکا ہے۔

    گذشتہ برس دسمبر میں بھی انہیں دائیں پاؤں میں سوجن کے باعث اسپتال لےجانا پڑا تھا، جس کے بعد سے وہ مزید بیمار رہنے لگے ہیں۔

    یاد رہے کہ دلیپ کمار نے کئی بالی ووڈ فلموں میں اپنی اداکاری کے جوہر دکھائے تاہم اُن کی کامیاب فلموں میں مغلِ اعظم، شکتی، رام اور شیام وغیرہ شامل ہیں، لیجنڈری اداکار کی آخری فلم قلع 1998 میں ریلیز ہوئی تھی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • 12 سال کی عمر میں شادی کرنا چاہتی تھی، پریانکا کا اعتراف

    12 سال کی عمر میں شادی کرنا چاہتی تھی، پریانکا کا اعتراف

    ممبئی: پریانکا چوپڑا کا شمار اُن اداکاروں میں ہوتا ہے جنہوں نے مختصر وقت میں انتھک محنت کر کے نہ صرف بالی ووڈ بلکہ ہالی ووڈ میں بھی اپنا بلند مقام بنایا۔

    امریکی نجی ٹیلی ویژن کے شو میں اداکارہ نے شرکت کی اور ذاتی زندگی سے متعلق پوچھے جانے والے سوالات کا جواب دیا۔

    پریانکا سے شادی سے متعلق سوالات اکثر اوقات پوچھے جاتے ہیں مگر وہ ان کا جواب دینا پسند نہیں کرتیں تاہم براہ راست شو میں جب اداکارہ سے شادی سے متعلق سوال کیا گیا تو انہوں نے بڑے راز سے پردہ ہٹایا۔

    مزید پڑھیں: پریانکا کا نیا انداز مداحوں میں مقبول

    بالی ووڈ اداکارہ نے سوال کا جواب دیتے ہوئے کہا کہ ’جب میں صرف 12 سال کی تھی تو اپس وقت ایک شخص سے شادی کرنا چاہتی تھی مگر ایسا نہ ہوا اور وقت کے ساتھ میں نے شادی کے خیال کو دل سے نکال دیا‘۔

    پریانکا کا کہنا تھا کہ ’میں ہمیشہ سمجھوتہ کرنے کو ترجیح دیتی ہوں، نجی زندگی میں جب بھی کسی سے کوئی معاملہ درپیش ہوا تو آگے بڑھ کر اُسے خود منانے کی کوشش کی‘۔

    ایک اور سوال کے جواب میں بالی ووڈ اداکارہ کا کہنا تھا کہ وہ ایک بار اسکول کی سالانہ تقریب کے دوران دلہن ضرور بنیں مگر اب وہ دلہنیا جب ہی بنیں گی جب انہیں ایسا شخص ملے گا جو بہت خیال رکھنے والا ہو‘۔

    یہ بھی پڑھیں: پریانکا چوپڑا چلتی گاڑی سے گر گئیں، ویڈیو وائرل

    واضح رہے کہ پریانکا امریکی شو’کوانٹیکو 3‘ میں کردار ادا کررہی ہیں۔

    خیال رہے کہ گزشتہ برس برطانوی جریدے فوربز میگزین میں بالی ووڈ اداکارہ پریانکا چوپڑا کا نام زیادہ کمانے والے اداکاروں کی فہرست میں آٹھویں نمبر جبکہ جرمنی سے شائع ہونے والی 100 بااثر خواتین کی فہرست میں اُن کا درجہ 97ویں نمبر آیا تھا۔

    یاد رہے کہ پریانکا نے گزشتہ برس ہالی ووڈ فلم ہاؤس آف کارڈ میں رابن ورتھ کے ساتھ مرکزی کردار عمدہ طریقے سے نبھایا تھا، جسے مداحوں نے بہت پسند کیا اور فلم نے باکس آفس پر کامیابی کے جھنڈے لہرائے تھے۔

    بھارتی اداکارہ پریانکا چوپڑا یونیسیف کی خیر سگالی سفیر ہیں وہ دنیا بھر میں تعلیم کے فروغ کے لیے کام سرگرم بھی ہیں وہ گزشتہ دنوں شام سے اردن ہجرت کرنے والے مہاجرین کے کیمپس گئیں اور متاثرہ بچوں سے ملاقاتیں بھی کیں تھیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • بالی ووڈ اداکار شوٹنگ کے دوران شدید زخمی

    بالی ووڈ اداکار شوٹنگ کے دوران شدید زخمی

    ممبئی: بالی ووڈ اداکار ودیوت جموال اپنی نئی آنے والی فلم کی شوٹنگ کے دوران بلندی سے گر کر شدید زخمی ہوگئے۔

    بھارتی میڈیا کے مطابق بالی ووڈ اداکار اپنی نئی آنے والی فلم ’جنگلی‘ کا ایک منظر عکس بند کروانے کے دوران بلندی سے زمین پر گر کر شدید زخمی ہوئے جس کی وجہ سے اُن کے سر پر شدید چوٹ آئی۔

    ودیوت  جموال فلم ڈائریکٹر کی ہدایت پر فضاء میں خطرناک اسٹنٹ کررہے تھے کہ اچانک تار(رسی) ٹوٹ گیا جس کے بعد وہ تقریبا 3 فٹ کی بلندی سے زمین پر آگرے اور اُن کا سر فرش پر لگا۔

    ٹیم نے ہیرو کے زخمی ہونے کے بعد فوری طور پر شوٹنگ روکی اور انہیں زخمی حالت میں اسپتال پہنچایا جہاں اُن کی مرہم پٹی کی گئی، اسپتال ذرائع کے مطابق ودیوت کے سر میں 4 ٹانکے  آئے ہیں۔

    اسپتال سے فارغ ہونے کے بعد اداکارہ نے میڈیا سے گفتگو کرتے ہوئے کہا کہ ’کسی بھی فلم کی شوٹنگ کے دوران ایکشن کرنے کے دوران چوٹ آنا کوئی بڑی بات نہیں، میں خطرات سے کھیلنے کا عادی ہوں‘۔

    بعد ازاں ودیوت جموال نے سماجی رابطے کی ویب سائٹ پر بذریعہ ٹویٹ مداحوں کا شکریہ ادا کیا اور انہیں اپنی خیریت سے آگاہ کرتے ہوئے بتایا کہ میں اب بہتر ہوں اور شوٹنگ کا دوبارہ آغاز ہوگیا۔

    واضح رہے کہ ہالی ووڈ ڈائریکٹر کی ہدایت کاری میں بننے والی فلم ’جنگل‘ انسان اور ہاتھی کی دوستی پر مبنی ہے جس کی شوٹنگ اس وقت تھائی لینڈ میں جاری ہے اور ودیوت اس فلم میں ہاتھی کو تربیت دینے والے شخص کا کردار ادا کررہے ہیں۔

    فلم رواں سال 19 اکتوبر کو سینما گھروں میں ریلیز کی جائے گی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • کنگ خان انوشکا اور کترینہ کے ڈرائیور بن گئے، تصویر وائرل

    کنگ خان انوشکا اور کترینہ کے ڈرائیور بن گئے، تصویر وائرل

    ممبئی: بالی ووڈاداکار شاہ رخ خان سائیکل رکشے پر ساتھی اداکارؤں انوشکا شرما اور کترینہ کیف کو بیٹھاکر گلیوں مصرف شاہراہ پر نکل پڑے،  مداحوں نے کنگ خان کی تصویر بہت پسند کی۔

    تفصیلات کے مطابق اپنی نئی آنے والی فلم ’زیرو‘ کی شوٹنگ سے تھوڑی سی فراغت ملی تو جمعے کے روز کنگ خان نے تفریح کرنے کا ارادہ کیا اور ساتھی اداکارؤں کو سائیکل رکشے میں بیٹھا کر مصروف شاہراہ پر نکل پڑے۔

    شاہ خان نے سماجی رابطے کی ویب سائٹ پر اپنی یہ تصویر شیئر کی اور لکھا کہ ’لڑکیوں نے مجھے سائیکل رکشہ چلانے کا مشورہ دیا جو کہ بہت اچھا تجربہ رہا‘۔

    کنگ خان نے تصویر شیئر کی تو فلم زیرو کے ہدایت کار آنند ایل رائے نے جواب دیا کہ ’اچھے لوگ خوشیاں خود فراہم کرتے ہیں کیونکہ وہ بہت خوبصورت ہوتے ہیں‘۔

    بالی ووڈ اداکارہ انوشکا شرما نے بھی یہ تصویر اپنے سوشل میڈیا اکاؤنٹ پر شیئر کرتے ہوئے لکھا کہ ’دو لوگوں کے ساتھ یہ بہت زبردست سواری تھی‘۔

    یوں تو بالی ووڈ اداکاروں کا سائیکل پر سفر کرنا کوئی نئی بات نہیں تاہم یہ پہلی بار ہوا ہے کہ کوئی معروف اداکار اپنے ساتھ 2 خواتین اداکارؤں کو بیٹھا کر شہر کی معروف ترین شاہراہ پر بغیر سیکیورٹی کے نکلا ہو۔

    مزید پڑھیں: شاہ رخ خان ’زیرو‘ کے ہیرو، ٹریلر جاری

    واضح رہے کہ کنگ خان آج کل اپنی نئی آنے والی فلم ’زیرو‘ کی شوٹنگ میں مصروف ہیں جس میں اُن کے ساتھ کترینہ کیف اور انوشکا شرما بھی مرکزی کردار ادا کررہی ہیں۔

    فلم ڈائریکٹر آنند ایل رائے نے کنگ خان کے مداحوں کو رواں سال کے دوسرے دن ہی سرپرائز دیا، انہوں نے ’زیرو‘ کا پوسٹر جاری کیا جس میں شاہ رخ خان چھوٹے قد والے شخص (بونے) کا کردار ادا کررہے ہیں۔

    آنند رائے ایل نے فلم کا جو پوسٹر شیئر کیا اُس میں درج ہے کہ ’21 دسمبر سے آپ کے پیچھے‘۔ فلم ڈائریکٹر نے ٹوئٹ میں لکھا تھا کہ ’زیرو کا پہلا پوسٹر سامنے آگیا جس میں کترینہ کیف اور انوشکا شرما بھی کام کررہی ہیں‘۔

    یہ بھی پڑھیں: ٹی وی دیکھتے ہوئے انوشکا کے ناخن خود بہ خود بڑھنے لگے، ہولناک منظر

    فلم میں شاہ رخ خان کو جسمانی معذور دکھایا گیا ہے مگر وہ پرلطف زندگی گزار رہے ہیں، گوری خان کی پروڈکشن میں بنائے جانے والی فلم 21 دسمبر 2018 کو سینیما گھروں میں نمائش کے لیے پیش کی جائے گی۔

    ٹریلر دیکھیں

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • صبا قمر بالی وڈ کی ضرورت بن گئیں، ہندی میڈیم کے سیکوئیل میں‌ بھی کاسٹ

    صبا قمر بالی وڈ کی ضرورت بن گئیں، ہندی میڈیم کے سیکوئیل میں‌ بھی کاسٹ

    ممبئی: باصلاحیت پاکستانی اداکارہ صبا قمر بالی وڈ کی ضرورت بن گئیں، اب وہ ہندی میڈیم کے سیکوئیل میں‌ بھی نظر آئیں‌ گے۔

    تفصیلات کے مطابق گذشتہ برس کامیابی کے جھنڈے گاڑنے والی صبا قمر کی فلم ’ہندی میڈیم‘ کو ملنے والے ردعمل کو دیکھتے ہوئے اب اس کا سیکوئیل بنانے کا فیصلہ کیا گیا ہے، اس فلم میں بھی صبا قمر ہی صلاحیتوں کے جوہر دکھائیں گی۔

    فلم کے سیکوئیل کے حوالے سے ہدایت کار دینیش ویجان نے اپنے ایک بیان میں کہا کہ فلم کے دوسرے پارٹ کی کہانی مکمل ہوچکی ہے، جس پرگذشتہ سال مئی یا جون میں کام شروع کیا گیا تھا، جس کی تکمیل میں سات مہینے لگے۔

    ان کا مزید کہنا تھا کہ فلم ‘‘ہندی میڈیم‘‘ کی کامیابی کو مددنظر رکھتے ہوئے ہم نے فلم کے دوسرے پارٹ کی  تیاری شروع کی، فلم کی کاسٹ جلد فائنل کر لی جائے گی اور ہم اس حوالے سے بہت پرامید ہیں۔

    خیال رہے  پاکستانی اداکارہ صبا قمر نے فلم میں بھارتی ادکار عرفان خان کی بیوی کا کردار نبھایا تھا اور اپنی پہلی ہی بالی ووڈ فلم سے فلم کی کہانی ایک ایسے گھرانے کے گرد گھومتی تھی،  جو کم وسائل کے باوجود اپنی بچی کو اعلیٰ تعلیم دلوانے کا خواہش مند ہے۔خود کو منوا لیا۔

    فلم فیئر ایوارڈز: صبا قمر کی فلم کے چرچے

    یاد رہے کہ فلم نے بکس آفس پر نہ صرف اچھا بزنس کیا، بلکہ کئی ایوارڈ بھی حاصل کیے۔ 63 ویں فلم فیئر ایوارڈ میں فلم اور صبا قمر کا چرچا سنائی دیا۔ فلم میں مرکزی کرادار نبھانے والے عرفان خان  بہترین اداکار ایوارڈ کے حق دار ٹھہرے اور فلم نے اور بہترین فلم ایوارڈ  کا ایوارڈ اپنے نام کیا۔ اب دونوں اداکار پھر ایک ساتھ نظر آئیں گے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • تینوں خانز ایک ساتھ ایک ہی شہر میں

    تینوں خانز ایک ساتھ ایک ہی شہر میں

    ممبئی: بالی ووڈ انڈسٹری کی تاریخ میں ایسا پہلی بار ہورہا ہے کہ تینوں نامور خانز شاہ رخ، سلمان اور عامر ایک ہی شہر میں اپنی نئی آنے والی فلموں کی شوٹنگز شروع کرنے جارہے ہیں۔

    تفصیلات کے مطابق مسٹر پرفیکٹ، کنگ خان، اور دبنگ خان کا شمار بالی ووڈ کے اُن صفِ اول اداکاروں میں ہوتا ہے جن کے دنیا بھر میں لاکھوں مداح موجود ہیں یہی وجہ ہے کہ اُن کے پرستار اپنے پسندیدہ اداکار کی نئی فلم کا شدت سے انتظار کرتے ہیں۔

    بھارت کے نامور اینکر راجت شرما نے اپنے حالیہ پروگرام ’جنتا کی عدالت‘ میں تینوں بالی ووڈ خانز کو دعوت دی اور اُن سے نئی آنے والی فلموں کے حوالے سے دریافت کیا تھا۔

    اس دوران یہ بات سامنے آئی کہ تینوں خانز کی نئی فلموں کی شوٹنگ کے انتظامات ایک ہی شہر کے مختلف مقامات پر کیے گئے جبکہ شاہ رخ خان تو اپنی فلم ’زیرو‘ کی باقاعدہ شوٹنگ کا آغاز کرچکے ہیں۔

    مزید پڑھیں: شاہ رخ خان ’زیرو‘ کے ہیرو، ٹریلر جاری

    آنند ایل رائے کی ہدایت کاری میں بنائی جانے والی فلم ’زیرو‘میں کنگ خان مرکزی کردار ادا کررہے ہیں جبکہ اُن کے ساتھ کترینہ کیف اور انوشکا شرما بھی جلوہ گر ہوں گی۔

    دوسری جانب ’ریس 3‘ کے ڈائریکٹر نے شہر میں شوٹنگ کے لیے تین مختلف مقامات منتخب کیے تھے جن میں سے ایک کا انتخاب کرلیا گیا، فلم میں سلمان خان بطور مرکزی کرداری اپنی اداکاری کے جوہر دکھائیں گے جبکہ یہ بھی اطلاع ہے کہ مسٹر پرفیکٹ بھی جلد اپنی نئی فلم کی شوٹنگ کا آغاز ممبئی میں کریں گے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔