ARYNews.tv | Urdu – Har Lamha Bakhabar

Tag: Bollywood

  • پاکستانی نوجوانوں سے محبت کرتا ہوں: رشی کپور نے پٹری بدل لی

    پاکستانی نوجوانوں سے محبت کرتا ہوں: رشی کپور نے پٹری بدل لی

    پاک بھارت میچ سے قبل بھارتی شہریوں اور معروف افراد کی بڑی تعداد بھارتی کرکٹ ٹیم کے حوالے سے بلند و بانگ دعوے کرنے اور پاکستانی کرکٹ ٹیم کو نیچا دکھانے میں مصروف تھی، تاہم بھارت کی عبرت ناک شکست کے بعد ان سب کو مجبوراً پاکستان کی بہترین کارکردگی کا اعتراف کرنا پڑا۔

    چیمپیئنز ٹرافی کے فائنل میں جس طرح پاکستان نے ناقابل یقین شاندار کارکردگی دکھائی وہ ایسی تھی جس نے پوری دنیا کو دنگ کردیا۔ ہندوستانی حسب معمول ٹیم کی شکست کو برداشت نہ کرسکے اور ملک بھر میں توڑ پھوڑ اور جلاؤ گھیراؤ کے واقعات شروع ہوگئے۔

    کشیدگی کے پیش نظر حکومت کو کھلاڑیوں کے گھر کے باہر فوج بھی تعینات کرنی پڑگئی۔

    تاہم ایسے موقع پر بالی ووڈ اداکاروں نے اپنے ملک کی شکست کا غم بھلا کر پاکستان کو ٹوئٹر پر کھلے دل سے مبارکباد دی اور ان کی تعریف کی۔

    اداکار رشی کپور جو 2 دن پہلے تک متعصبانہ ٹوئٹس کے ذریعے جنگ کی فضا قائم کرنے پر تلے ہوئے تھے، اپنے ہی الفاظ اپنے منہ پر پڑجانے کے بعد سخت دلبرداشتہ ہوئے اور بالآخر اپنی شکست تسلیم کی۔

    یہی نہیں اس کے بعد پٹری بدلتے ہوئے انہوں نے پاکستانی نوجوانوں سے محبت کا دعویٰ بھی کر ڈالا۔

    ابھیشک بچن نے پاکستانی ٹیم کی تعریف کرنے کے ساتھ ساتھ اپنی ٹیم کی حوصلہ افزائی بھی کی۔

    کافی عرصہ سے فلموں سے دور رہنے والے اداکار رتیش دیش مکھ نے بھی پاکستانی ٹیم کو مبارکباد پیش کی۔

    ارجن رامپال پاکستانی ٹیم کے کھیل سے کافی متاثر نظر آئے۔ انہوں نے فتح کو پاکستانی ٹیم کا حق قرار دیا۔

    سابق ملکہ حسن سشمیتا سین نے پاکستانی ٹیم کو مبارکبا دیتے ہوئے کہا کہ یہ رحمتوں سے بھرپور ماہ رمضان ہے۔

    سدھارتھ ملہوترا نے دونوں ٹیموں کی حوصلہ افزائی اور تعریف کرتے ہوئے کہا کہ بس آج ہمارا دن نہیں تھا۔

    دیا مرزا نے پاکستانی ٹیم کی تعریف کرتے ہوئے کہا کہ وہ بھارتی ٹیم کے لیے اداس ہیں۔

    اداکار و ہدایت کار فرحان اختر نے کہا کہ پاکستان ٹیم کی کارکردگی تمام شعبوں میں بہترین تھی۔

    ورون دھون نے کہا کہ کھیل میں ایک ٹیم فاتح ہوتی ہے اور ایک شکست خوردہ۔ مجھے یقین ہے کہ بھارت بھرپور طریقے سے کم بیک کرے گا۔

    اس موقع پر ثانیہ مرزا بھی پیچھے نہ رہیں اور انہوں نے دل کے بہلانے کو بھارت کی ہاکی میں پاکستان کے خلاف فتح کو یاد کرتے ہوئے بھارت کو مبارکباد دے ڈالی، تاہم انہیں پاکستان کو بھی مبارک باد دینی پڑی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • کروڑوں دلوں کی دھڑکن’نوتن‘، گوگل کا خراجِ تحسین

    کروڑوں دلوں کی دھڑکن’نوتن‘، گوگل کا خراجِ تحسین

    کراچی: بھارتی فلم انڈسٹری پر ماضی میں راج کرنے والی فطری اداکارہ نوتن کی 81 ویں سالگرہ پر انہیں زبردست خراج تحسین پیش کرتے ہوئےگوگل نے آج کا ڈوڈل ان کے نام کردیا۔

    ماضی میں کروڑوں دلوں کی دھڑکن اداکارہ نوتن 4 جون 1936 کو بھارتی فلم انڈسٹری کے معروف اور اعلیٰ تعلیم یافتہ گھرانے میں پیدا ہوئیں‘ ان کا پورا نام نوتن سمرتھ تھا تاہم وہ فلموں میں صرف نوتن کے نام سے مشہور ہوئیں۔

    سنہ 1950 میں محض 14 برس کی عمر میں اپنی والدہ شوبھنا کی ہدایت کاری میں بننے والی فلم ’ہماری بیٹی‘ سے نوتن نے اپنے فلمی کیرئیر کاآغاز کیا اور پھر 1952 میں مس انڈیا کا ٹائٹل جیتنے والی نوتن نے فلم ’پیئنگ گیسٹ‘ میں اداکار دیو آنند کے ساتھ یاد گار کردار نبھایا جس نے انہیں شہرت کی بلندیوں پر پہنچادیا، 1960 میں نوتن کا شمار فلم انڈسٹری کی صف اول کی اداکاراؤں میں کیا جانے لگا۔

    چار دہائیوں تک فلم انڈسٹری پرراج کرنے والی نوتن نے 70 سے زائد فلموں میں اداکاری کے جوہر دکھائے‘ ان کی کامیاب فلموں میں میں تلسی تیرے آنگن کی، دیوی، ساجن کی سہیلی، ملن‘،’بندنی، کرما، میری جنگ، نام، سجاتا اور اناڑی شامل ہیں۔ فلموں میں بہترین خدمات انجام دینے پر انہیں پدما شری اور فلم فیئر سمیت متعدد ایوارڈز سے بھی نوازا گیا۔

    بھارتی فلم انڈسٹری پر کسی ملکہ کی طرح راج کرنے والی معصوم نقوش کی حامل اداکارہ نوتن 90 کی دہائی میں کینسر جیسے موذی مرض کا شکار ہوکر21 فروری 1991 کو انتقال کرگئی تھیں۔

    نوتن پر فلمائے گئے لازوال فلمی گیت

    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

  • سلمان خان راج کپور کو خراج تحسین پیش کریں گے

    سلمان خان راج کپور کو خراج تحسین پیش کریں گے

    ممبئی: بالی وڈ اداکار دبنگ خان عید الفطر پر اپنی نئی آنے والی فلم ٹیوب لائٹ میں راج کپور کو خراج تحسین پیش کریں گے۔

    ٹیوب لائٹ کے نئے ریلیز ہونے والے گانے ’سجن ریڈیو بجایو‘ میں سلمان راج کپور کے مشہور گانے آوارہ، اور سری 420، کی طرز پر خراج تحسین پیش کرتے دکھائی دے رہے ہیں۔


    سجن ریڈیو بجایو گانے میں کمال خان اور پریتم نے اپنی آواز کا جادو جگایا ہے۔

    ٹیوب لائٹ کے ڈائریکٹر کبیر خان نے راج کپور کو خراج تحسین پیش کرنے کا ارادہ مشہور و معروف فلم بجرنگی بھائی جان میں کیا تھا تاہم اس وقت ایسا ممکن نہ ہوسکا، اب ٹیوب لائٹ کی ریلیز میں کبیر خان کی خواہش پر سلمان راج کپور کو خراج تحسین پیش کرتے دکھائی دے رہے ہیں۔

    واضح رہے کہ دبنگ خان کی فلم ٹیوب لائٹ، ہالی وڈ مشہور فلم لٹل بوائے کی نقل ہے ، ٹیوب لائٹ کی کہانی سن 1962ء میں ہونے والی انڈو چائنہ جنگ پر مبنی ہے۔ فلم کی زیادہ تر شوٹنگ لداخ اور منالی میں کی گئی ہے۔ دلچسپ بات یہ ہے کہ سلمان خان کی عید الفطر اسٹارر بجرنگی بھائی میں   ’منی کے مرکزی کردار‘ کی طرح ٹیوب لائٹ میں بھی ایک چائلڈ اداکار متین رائے کو کاسٹ کیا گیا ہے۔

    یاد رہے کہ ٹیوب لائٹ میں بالی وڈ کے سلطان کے چھوٹے بھائی سہیل خان اور بالی وڈ کنگ شاہ رخ خان بھی دکھائی دیں گے۔

  • سنجے دت پھر گینگسٹر بنیں گے

    سنجے دت پھر گینگسٹر بنیں گے

    ممبئی: بالی وڈ اسٹار سنجے دت ایک بار پھر گینگسٹر کے روپ میں دکھائی دیں گے۔

    تفصیلات کے مطابق بالی وڈ اسٹار سنجے دت ٹگ منشو دھولیا کی فلم صاحب بیوی اور گینگسٹر تھری میں گینگسٹر کا کردار نبھائیں گے۔

    صاحب بیوی اور گینگسٹر کے تیسرے پارٹ کی شوٹنگ کا آغاز رواں سال اگست میں ہوگا، فلم کی شوٹنگ کا پہلا حصہ گجرات ایسٹرن بارڈر گودھرا میں فلمایا جائے گا۔

    راہول مترا کے مطابق سنجے دت کے کردار کے لیے مخصوص ڈیزائن کردہ ملبوسات متعارف کرائے جارہے ہیں۔

    واضح رہے کہ صاحب بیوی اور گینگسٹر کے پہلے دو پارٹ میں عرفان خان اور رندیپ ہدا نے منفی کردار اد اکئے تھے۔
    فلم کی کاسٹ میں جمی شیرگل، ماہی گیر ودیگر نمایاں ہیں، راہول مترا کا کہنا ہے کہ فلم میں مزید معروف چہرے متعارف کرائے جائیں گے۔

    یاد رہے کہ سنجے دت ان دنوں اپنی نئی آنے والی فلم بھومی، میں اداکارہ ادیتی راؤ حیدری کے باپ کا کردار ادا کررہے ہیں۔

     

  • عرفان خان ’بک گئی گورنمنٹ‘ والی پاکستانی آنٹی کے مداح نکلے

    عرفان خان ’بک گئی گورنمنٹ‘ والی پاکستانی آنٹی کے مداح نکلے

    ممبئی: بالی ووڈ اداکارعرفان خان پاکستانی سوشل میڈیا پر شہرت پانے والی ’بک گئی ہے یہ گورمنٹ‘ والی آنٹی کے مداح نکلے، ویڈیو بنا کر سب کو حیرت میں مبتلا کردیا۔

    تفصیلات کے مطابق بالی ووڈ میں اپنی منفرد اداکاری سے مشہور اداکارعرفان خان نے پاکستان میں ’بک گئی ہے یہ گورمنٹ‘  والی آنٹی کے نام سے وائرل ہونے والی ویڈیو کی میم بنا کر سب کو حیران کردیا ہے۔

    ویڈیو میں دیکھا جاسکتا ہے کہ عرفان خان پاکستانی خاتون کی طرح دوپٹہ اوڑھ کر بالی وڈ سنیما کو بُرا بھلا کہتے دکھائی دے رہے ہیں، اور فلم کی پروموشن کے طریقہ کار پربھی تنقید کررہے ہیں۔


    IRFAN POST 3

    یہی نہیں اداکار نے مشہور بالی وڈ اداکار امریش پوری کی فلم کے ڈائیلاگ ’ آؤ کبھی حویلی پہ، پر بھی کامیڈی کی اس کے علاوہ ہالی وڈ اداکار کی فلموں پر بھی کامیڈی کی اور مشہور ناول نگار شیکسپیئر کی نقل اتار کر بھی دکھائی۔
    IRFAN POST 5

    واضح رہے کہ عرفان خان ان دنوں اپنی نئی آنے والی فلم ’ہندی میڈیم‘ کی تشہیر میں مصروف ہیں، اور یہ ویڈیو بھی اسی تشہیری مہم کا حصہ قرار دی جارہی ہے۔

    IRFAN POST 1

    ہندی میڈیم میں عرفان خان کے ساتھ پاکستانی اداکارہ صبا قمر نے مرکزی کردار ادا کیا ہے فلم کے گانے پہلے ہی ہٹ ہوچکے ہیں۔ مذکورہ فلم کا ایک گانا ’تینوں سوٹ سوٹ کردا‘ مداحوں میں کافی پذیرائی حاصل کررہا ہے۔

    IRFAN POST 2

    عرفان اور صبا قمر کی فلم ہندی میڈیم کی ہدایت کاری کے فرائض سکیت چوہدری نے انجام دئیے ہیں جبکہ دیگر کرداروں میں دیپک دوبریال، ترن بجاج، جسپال شرما، سواتی داس ودیگر نمایاں ہیں۔

    IRFAN POST 4

    عرفان اور صبا قمر کی فلم باکس آفس پرکامیابی سمیٹے یا نہیں لیکن ان کی یہ تکنیک ضرور کارگر ثابت ہوئی ہے اورسوشل میڈیا پر ہر طرف عرفان خان کے ہی چرچے ہورہے ہیں۔

     

  • سلمان خان کی پسند، سونم کپور بھی بول پڑیں

    سلمان خان کی پسند، سونم کپور بھی بول پڑیں

    ممبئی: بالی ووڈ اداکارہ سونم کپور نے اس راز سے پردہ اٹھا دیا ہے کہ سلمان خان کس طرح کے کپڑوں کا انتخاب کرتے ہیں۔

    ایک انٹرویو کے دوران سونم کپور نے بتایا کہ سلمان خان اپنے برانڈ بینگ ہیومن کے علاوہ کسی دوسرے برانڈ کا انتخاب کم ہی کرتے ہیں۔

    سونم اور ریہا نے کہا کہ انہیں جیکٹس بہت پسند ہیں اور وہ زیادہ تر موم ڈینم جیکٹس استعمال کرتی ہیں۔

    SONAM POST 2

    سونم کا کہنا تھا کہ سلمان خان انسانیت کی خدمت میں ہمیشہ پیش پیش رہتے ہیں۔ دبنگ خان کی نظر میں کام کی اتنی اہمیت نہیں جتنی انسانیت کی خدمت ہے۔

    واضح رہے کہ سونم کپور نے فلم سانوریا سے دبنگ خان کے ساتھ اپنے فلمی کیریئر کا آغاز کیا تھا جس میں ان کے ہمراہ رنبیر کپور نے مرکزی کردار ادا کیا۔

    SONAM KAPOOR POST 1

    دوسری بار سونم اور سلمان خان فلم پریم رتن دھن پایو میں ایک ساتھ جلوہ گر ہوئے تھے جو باکس آفس پر کامیاب رہی تھی۔

    یاد رہے کہ سونم کپور ان دنوں ششنکر گھوش کی فلم ’ویرے دی ویڈنگ‘ کی شوٹنگ میں مصروف ہیں جس میں ان کے ساتھ کرینہ کپور بھی اہم کردار ادا کر رہی ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • نوانٹری سیکوئل میں سلمان خان کی انٹری بند؟

    نوانٹری سیکوئل میں سلمان خان کی انٹری بند؟

    ممبئی: بالی وڈ اسٹار سلمان خان نوانٹٓری کے سیکوئل میں نظر نہیں آئیں گے، ہدایت کارانیس بزمی نے دبنگ خان کی جگہ نوانٹری کے سیکوئل کے لئے ریتھک روشن کا انتخاب کرلیا ہے۔

    اطلاعات کے مطابق ہدایت کار انیس بزمی نے گزشتہ ہفتے ریتھک روشن سے ملاقات کی اور فلم کی کہانی سے متعلق انہیں آگاہ کیا ہے۔

    بھارتی میڈیا میں خبریں گردش کررہی ہیں کہ نوانٹری میں انٹری کے لئے بالی وڈ کے سلطان کی جگہ ریتھک کا انتخاب کیا جاچکا ہے تاہم آفیشلز کی جانب سے اس خبر کی تصدیق نہیں کی گئی ہے۔

    دلچسپ بات یہ ہے کہ سلمان خان نے کچھ عرصہ قبل نو انٹری کے سیکوئل کا حصہ بننے پر رضامندی ظاہر کی تھی، تاہم اب انہیں مذکورہ فلم سے آؤٹ کردیا گیا ہے، تاہم اب تک یہ واضح نہیں ہوسکا ہے کہ آیا سلمان نے یہ فلم خود چھوڑ دی ہے یا انہیں مذکورہ پروجیکٹ سے نکال دیا گیا ہے۔

    نوانٹری کے سیکوئل میں ریتھک کے انتخاب کی وجہ سلمان خان کی فلمی مصروفیات بھی قرار دی جارہی ہیں۔ بالی وڈ کے سلطان ان دنوں دو فلموں ٹیوب لائٹ، اور ٹائیگر زندہ ہے کی شوٹنگ میں مصروف ہیں۔

    نوانٹری کے سیکوئل کا نام ’نو انٹری میں انٹری‘ رکھا گیا ہے، فلم میں ری تھک روشن سمیت بہت سے مرکزی کردار ڈبل رول نبھاتے نظر آئیں گے۔

    واضح رہے کہ 2005ء میں نوانٹری ریلیز کی گئی تھی جو باکس آفس پر کامیاب ہوئی تھی، فلم کے پہلے پارٹ میں سلمان کے ساتھ انیل کپور، فردین خان، بپاشا باسو، ایشا دیول، سلینا جیٹلی نے مرکزی کردار اد اکئے تھے۔

  • دبنگ خان کی فلم ’ٹیوب لائٹ‘ کا ٹیژر جاری

    دبنگ خان کی فلم ’ٹیوب لائٹ‘ کا ٹیژر جاری

    ممبئی: معروف بھارتی اداکار دبنگ خان کی نئی آنے والی فلم ’ٹیوب لائٹ‘ کا ٹیژر ریلیز کردیا گیا ہے‘  ٹیوب لائٹ عید الفطر کے موقع پرفلم بینوں کے سامنے نمائش کے لئے پیش کی جائے گی۔

    ٹیوب لائٹ کی ڈائرکشن کے فرائض کبیر خان نے انجام دئیے ہیں، فلم کی خاص بات یہ ہے کہ سلمان خان کے ساتھ کوئی بھارتی اداکارہ نہیں بلکہ چینی اداکارہ ’زوہو زوہو‘ مرکزی کردار نبھا رہی ہیں، فلم کو انڈٰیا، کے علاوہ چین میں بھی نمائش کے لیے پیش کیا جائے گا۔

    اداکارہ زوہو زوہوکا کہنا ہے کہ ’’ امید ہے کہ ٹیوب لائٹ انڈیا اوردیگر ملکوں کے ساتھ ساتھ چین میں بھی اچھا بزنس کرے گی‘‘۔

    ٹیوب لائٹ کی کہانی سن 1962ء میں ہونے والی انڈو چائنہ جنگ پر مبنی ہے۔ فلم کی زیادہ تر شوٹنگ لداخ اور منالی میں کی گئی ہے۔

    فلم’ٹیوب لائٹ‘ نےریلیز سےقبل ہی دھوم مچادی

    دلچسپ بات یہ ہے کہ سلمان خان کی عید الفطر اسٹارر بجرنگی بھائی  میں ’منی کے مرکزی کردار‘ کی طرح ٹیوب لائٹ میں بھی ایک چائلڈ اداکار متین رائے کو کاسٹ کیا گیا ہے۔

    بھارتی میڈیا رپورٹس کے مطابق کنگ خان بھی فلم میں مہمان اداکار کے طور پر جلوہ گر ہوں گے۔ یہی نہیں سلمان خان کے چھوٹے بھائی سہیل خان بھی سولجر کے روپ میں دکھائی دیں گے۔

     بھارت کے ٹریڈ اینالسٹ ترن آدرش نے ٹیوب لائٹ فلم کو ریلیز سے  پہلے ہی کامیاب فلم قرار دے دیا ہے۔

     

  • بالی ووڈ اکار عامر خان کا نیاروپ، تصویر سوشل میڈیا پر وائرل

    بالی ووڈ اکار عامر خان کا نیاروپ، تصویر سوشل میڈیا پر وائرل

    ممبئی: بالی ووڈ اداکار عامر خان نے نئی فلم کے لیے ہمیشہ کی طرح ایک بار پھر نیا روپ دھار لیا۔

    بھارتی میڈیا رپورٹ کے مطابق بالی ووڈ اداکار آج کل اپنی نئی آنے والی فلم ’ٹھگس آف ہندوستان‘ کے حوالے سے کام کررہے ہیں، جس میں وہ ایک بار پھر نئے روپ میں نظر آئیں گے۔

    عامر خان نے ہر بار کی طرح اس بار بھی مداحوں کو متاثر کرنے کے لیے ایک نیا روپ دھار لیا۔ بھارتی اداکار سشانت سنگھ نے انسٹاگرام اکاؤنٹ پر عامر خان کے ہمراہ بنائی جانے والی تازہ تصویر شیئر کی۔

    تصویر میں دیکھا جاسکتا ہے کہ عامر خان نے اپنی نئی آنے والی فلم کے لیے ایک بار پھر نیا روپ دھارتے ہوئے ناک چھدوا لی جو ایک نئی بات ہے تاہم ابھی کہنا یہ قبل از وقت ہوگا کہ عامر خان کا نیا روپ فلم کے لیے ہے یا پھر اس کی وجوہات کچھ اور ہوسکتی ہیں۔

    واضح رہے بالی ووڈ کے مسٹر پرفیکشنسٹ ہر سال اپنی فلم کے لیے نیا روپ دھارتے ہیں تاکہ اپنے کردار کو بھرپور طریقے سے نبھا سکیں اور وہ اپنی اس خصوصیت کی وجہ سے بے حد مقبول بھی ہیں۔

    نئی تصویر دیکھنے کے لیے اسکرول نیچے کریں

    عامر خان کے مختلف فلموں کے روپ

    عامر خان کی تازہ تصویر

  • ہال کی صفائی کرتا پریانکا کا لباس

    ہال کی صفائی کرتا پریانکا کا لباس

    نیویارک: بالی ووڈ کی معروف اداکارہ پریانکا چوپڑا آج کل ہالی ووڈ میں خاصی مصروف ہیں اور اسی سلسلے میں انہوں نے میٹ گالا کی تقریب میں شرکت کی۔ لیکن ان کا وہاں پہنا جانے والا لباس سب کے مذاق کا نشانہ بن گیا۔

    نیویارک میں ہونے والے میٹ گالا 2017 میں پریانکا چوپڑا نے امریکی فیشن ڈیزائنر رالف لورین کا ڈیزائن کردہ خاکی رنگ کا لباس زیب تن کیا۔

    ان کا لباس خاصا لمبا تھا اور اسے سنبھالنے اور تصاویر کھنچوانے کے لیے انہیں مدد کی ضرورت بھی پڑی۔

    تاہم ان کا یہ لباس بھارتیوں کو ایک آنکھ نہ بھایا اور انہوں نے ٹوئٹر پر اس کا مذاق اڑانا شروع کردیا۔

    زیادہ تر بھارتیوں نے اسے طنزیہ طور پر مودی سرکار کی سواچ بھارت ابھیان نامی صفائی مہم کا حصہ قرار دے ڈالا جس کے تحت پورے بھارت کی سڑکوں اور گلیوں کی صفائی کی جارہی ہے۔

    لوگوں کا کہنا تھا کہ پریانکا چوپڑا نے اس مہم کو اتنی سنجیدگی سے لیا کہ وہ بیرون ملک بھی اپنے لباس کے ذریعے مودی سرکار کی مہم کا حصہ بن گئیں۔

    ایک ٹوئٹر صارف نے ان کے لباس کی تصویر پوسٹ کرتے ہوئے کہا، ’ہمارا ڈوپٹہ ذرا سا زمین کو چھوتا ہے تو مائیں چیخ اٹھتی ہیں، کہ زمین پر لگ رہا ہے‘۔

    ایک شخص نے کہا، ’پریانکا ممبئی پولیس کی سب سے زیادہ فیشن ایبل لیڈی کانسٹیبل ہیں‘۔

    ایک صارف نے کچھ یوں تبصرہ کیا، ’سنی دیول کہتا ہے، اپنا لک (قسمت) پہن کر چلو، پریانکا کہتی ہے، اپنا بیڈ شیٹ (بستر کی چادر) پہن کر چلو‘۔

    کچھ لوگوں نے کہا کہ اگر آئی پی ایل کے میچز کے دوران بارش ہوگئی تو گھبرانے کی ضرورت نہیں، پریانکا کا لباس پورے میدان کو ڈھانپ سکتا ہے۔

    ایک صارف نے ان کی گاڑی میں سفر کی تصویر بھی پوسٹ کی کہ کس طرح وہ اس لباس کے ساتھ تقریب میں پہنچی ہوں گی۔

    طنز اور مذاق کے ساتھ ساتھ ایسے افراد کی بھی کمی نہیں تھی جنہوں نے پریانکا کی تعریف کی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔