ARYNews.tv | Urdu – Har Lamha Bakhabar

Tag: Bollywood

  • عامر خان نے فلم دنگل کیلئے اپنے وزن میں 30 کلو کا اضافہ کرلیا

    عامر خان نے فلم دنگل کیلئے اپنے وزن میں 30 کلو کا اضافہ کرلیا

    ممبئی: بالی ووڈ میں  مسٹر پر فیکشنسٹ کے نام سے مشہور اداکار عامر خان نے فلم ’دنگل‘کے لیے اپنے وزن میں 30 کلو اضافہ کیا جس کے باعث اب انہیں سانس لینے میں دشواری کا سامنا ہے۔

    اداکار عامر خان اپنے کردار میں ڈھل جانے کے باعث کافی شہرت رکھتے ہیں اور اپنے کردار میں ڈھل جانے کے لیے کسی قسم کا خطرہ مول لینے کے لیے بھی تیار ہوجاتے ہیں جب کہ انہوں نے اپنی نئی آنے والی فلم’’دنگل‘‘ کے لیے بھی صحت کا خطرہ مول لیا ہے جس کے باعث انہیں شدید پریشانی کا سامنا کرنا پڑ رہا ہے۔

    میڈیا رپورٹس کے مطابق اداکار عامر خان اپنی نئی آنے والی فلم’دنگل‘میں ایک پہلوان کا کردار نبھا رہے ہیں جس کے لیے انہوں نے اپنے وزن میں 30 کلو اضافہ کیا تھا جس کے باعث فلم کی شوٹنگ کے دوران بھی کئی مشکلات پیش آئیں تاہم اب انہیں بڑھے ہوئے وزن کی وجہ سے سانس لینے میں دشواری کا سامنا ہے اور چلنے پھرنے میں بھی شدید مشکلات درپیش ہیں۔

  • سلمان خان کی شکرگزار ہوں کہ انہوں نے بالی ووڈ میں متعارف کروایا، سوناکشی سنہا

    سلمان خان کی شکرگزار ہوں کہ انہوں نے بالی ووڈ میں متعارف کروایا، سوناکشی سنہا

    ممبئی: بالی ووڈ کی دبنگ گرل سوناکشی سنہا نے فلم انڈسٹری میں اپنے پانچ سال مکمل کرلئے ہیں،سوناکشی سنہا نے بالی ووڈ میں اپنے کیریر کی ابتداء سال 2010 میں فلم ’’دبنگ‘‘ سے کی تھی۔ ارباز خان کی ہدایت میں بنی فلم ’’دبنگ‘‘ میں سوناکشی نے سلمان خان کی ہیروئین کا کردار ادا کیا تھا۔

    سوناکشی ا ن دنوں ’فورس۔2‘ میں کام کررہی ہیں، سوناکشی نے بالی ووڈ میں اپنی انٹری کے لئے سلمان کا شکریہ ادا کیا ہے۔

    سوناکشی نے ٹوئٹر پر لکھا ہے کہ ’’دبنگ سے فورس۔2 سلمان خان اور ارباز خان کی دین ہے، مجھے راستہ دکھانے کے لئے شکریہ۔سوناکشی نے اپنے شائقین کا بھی شکریہ ادا کیا ہے۔‘‘۔

     انہوں نے لکھا ہے کہ ’’دس ستمبر کو دبنگ کو پانچ سال پورے ہوگئے۔ اس کا مطلب سوناکشی کے پانچ سال۔ میں آپ کی وجہ سے یہاں ہوں، اس شاندار سفر کے لئے میرے ساتھ ہونے کے لئے شکریہ

  • اداکار اکشے کمار آج اپنی 48 واں جنم دن منارہے ہیں

    اداکار اکشے کمار آج اپنی 48 واں جنم دن منارہے ہیں

     بالی ووڈ کو لا تعداد کامیاب فلمیں دینے والے کھلاڑی اور ایکشن ہیرو اکشے کمار نے اپنی زندگی کی48 بہاریں دیکھ لیں۔

    اکشے کمار9ستمبر1967کو بھارتی پنجاب کے شہر امرتسر میں پیدا ہوئے، اکشے نے اپنے بالی ووڈ کیریئر کا آغاز1991ء میں فلم سوگندھ سے کیا جس کے بعد وہ اب تک کئی فلموں کو اپنی شاندار اور لاجواب اداکار کی بدولت کامیابیوں سے ہمکنار کر چکے ہیں۔

    انھوں نے اپنے کیرئیر میں، میں کھلاڑی تو اناڑی،مہرا، جے کشن ، سب سے بڑاکھلاڑی ،کھلاڑیوں کا کھلاڑی، چاندنی چوک ٹو چائنہ، کمبخت عشق، بلیو ،ہائوس فل، ،تیس مارخان ،پٹیالہ ہائوس، تھینک یو،دیسی بوائزرائوڈی راٹھور، سمیت درجنوں فلموں میں اپنی اداکاری کے جوہر دکھائے۔

     بھارتی سینما کیلئے اکشے کمار کی خدمات پر انہیں کینیڈا کی یونیورسٹی آف ونڈسر کی جانب سے قانون میں ڈاکٹریٹ کی اعزازی ڈگری دی جبکہ بھارتی حکومت کی جانب سے چوتھے سب سے بڑے سویلین ایوارڈ پدما شری سے بھی نوازا جا چکا ہے۔

     رواں سال اکشے کی فلمیں بے بی، برادر اور گبر ریلیز ہوئی جب کہ ان کی آنے والی فلموں میں سنگھ از بلنگ اور ہیرا پھیری تھری شامل ہیں۔

    ایکشن ہیرو اکشے کمار کی سالگرہ کے موقع پر ان کے ساتھی اداکاروں کی جانب سے مبارکباد کے ٹوئٹس بھی سماجی رابطے کی ویب سائٹ ٹوئتر منطر عام پر آئے ۔

  • شاہ رخ خان نے کاجول کیساتھ گانوں کی فلمبندی کو جادو قرار دیدیا

    شاہ رخ خان نے کاجول کیساتھ گانوں کی فلمبندی کو جادو قرار دیدیا

    ممبئی: بالی ووڈ کنگ شارخ خان کا کہنا ہے کہ ان کی ساتھی اور نامور اداکارہ کاجول کے ساتھ گانوں کی شوٹنگ کرنا جادو کرنے کے مترادف ہے۔

    بھارتی میڈیا رپورٹس کے مطابق شاہ رخ خان اور کاجول کی جوڑی جو بالی ووڈ میں سب سے مشہوراورمتعدد بلاک بسٹر فلمیں دینے والی رومانوی جوڑی ہے۔

    اپنی نئی آنے والی فلم “دل والے” کے لیے آئس لینڈ میں گانے کی شوٹنگ کے بعد اداکارنے سماجی رابطے کی ویب سائٹ ٹوئٹرپر کاجول کی تعریف کرتے ہوئے کہا کہ ہم دونوں فلم کے لئے گانا ” کالی کالی آنکھیں دو تیرے نینا ” کی شوٹنگ میں مصروف ہیں اور میری دوست کاجول کے ساتھ یہ گانا ریکارڈ کرانا جادو جیسا ہے۔

    دونوں اداکار 2010 میں ریلیز ہونے والی بلاک بسٹر فلم “مائی نیم ازخان” کے بعد ایک ساتھ فلم “دل والے” میں جلوہ گرہورہے ہیں جو کہ 18 دسمبرکوریلیز کی جائے گی جب کہ فلم میں ورن دھون، کریتی سنون اور دیگر اداکاربھی شامل ہیں۔

  • کیا پاکستان مخالف فلم کی حمایت پر ماورا حسین پر پابندی عائد کردی جائے؟ شان کا سوال

    کیا پاکستان مخالف فلم کی حمایت پر ماورا حسین پر پابندی عائد کردی جائے؟ شان کا سوال

    پاکستانی اداکارشان شاہد نے اداکارہ ماورا حسین کے ٹویٹس کی ایک تصویر اپنے فیس بک پر شیئر کی ہے جس میں وہ بھارت کی پاکستان مخالف فلم ’فینٹم‘کی تعریف کرتی نظر آرہی ہیں۔

    یاد رہے کہ پاکستانی اداکار شان شاہد نے سیف علی خان کے پاکستان کے بارے میں متنازعہ بیان پر انتہائی سخت تنقید کرتے ہوئے انہیں بھارت میں سرکاری پروٹوکول کے حامل دہشت گردوں کی فکر کرنے کا مشورہ دیا تھا۔

    دوسری جانب پاکستانی اداکارہ ماوراحسین نے بھارتی فلم فینٹم کے بارے میں متعدد ٹویٹس کے ذریعے اپنے خیالات کا اظہار کیا۔

    mawra
    ان کا کہنا تھا کہ ’’ یہ ایک سانحے کے بارے میں ہے جس سے انسانیت کو تکلیف ہوئی یہ کسی پاکستانی یا بھارتی کی تکلیف کے بارے میں نہیں ہے‘‘۔

    پاکستانی اداکارہ ماورا حسین ان دنوں اپنی بالی وڈ فلم کی شوٹنگ کے لئے کیپ ٹاؤن میں موجود ہیں اور ان کے مذکورہ بالا ٹویٹ پر پاکستانی اداکار شان نے اپنےردعمل کا اظہار کرتے ہوئے سوال کیا کہ ’’آیا ماورا خان پر پابندی عائد کردی جائے‘‘۔

    Should we ban the actress who supports an anti-Pakistan movie?#banphantom#banmawra Posted by Shaan Shahid on Friday, August 28, 2015

    ماورا نے اپنے دیگر ٹویٹس میں اس بات کی بھی وضاحت کی کہ وہ دونوں ممالک میں محبت اوربرادرانہ تعلقات کے لئے کوشاں ہیں۔

    اب دیکھنا یہ ہے کہ کیا ماورا نے یہ بیان اپنی آنے والی بالی وڈ فلم کے سلسلے میں بھارتی عوام کے دل جیتنے کے لئے دیا ہے۔ واضح رہے کہ انہوں اداکار شان کی جانب سے اٹھاگئے سوال کہ ’’کیا ہمیں ایسی اداکارہ پر پابندی عائد کرنی چاہیئے جو کہ پاکستان مخالف فلم کی حمایت کرے‘‘۔

    واضح رہے کہ پاکستان اس سے قبل فینٹم پر اپنا ردعمل ظاہر کرچکا ہے اور حافظ سعید کی لاہور ہائی کورٹ میں دائر کردہ پٹیشن کے بعد فلم کی پاکستان نمائش پرپابندی عائد کردی گئی ہے۔

  • سینئر اداکار قادر خان کی بالی ووڈ میں واپسی

    سینئر اداکار قادر خان کی بالی ووڈ میں واپسی

     ممبئی: بالی ووڈ کے سینئر اداکار قادر خان فلموں میں واپس آ رہے ہیں اور ان کی واپسی کا اعلان کسی اور نے نہیں بلکہ امیتابھ بچن نے کیا ہے۔

    امتیابھ بچن نے ٹوئٹر کے ذریعے قادر خان کی فلموں میں واپسی کا اعلان کیا، انہوں لکھا کہ میرا بہترین کولیگ، فلم رائٹر اور اداکار قادر خان فلموں میں واپس آ رہا ہے، تاہم امیتابھ بچن نے یہ نہیں لکھا کہ قادر خان کسی فلم کے ذریعے بالی ووڈ میں واپسی کریں گے۔

     واضح رہے کہ قادر خان مسلسل فلموں میں کام کر رہے ہیں لیکن وہ ہر سال اک دو فلموں میں مختصر کرداروں میں دکھائی دیتے ہیں۔

     امیتابھ بچن کی طرف سے ان کی واپسی کے اعلان کا مطلب یہ ہے کہ وہ امیتابھ بچن کے ساتھ کسی فلم میں اہم کردار نبھاتے دکھائی دیں گے، دونوں اداکار ماضی میں کئی فلموں میں ایک ساتھ اداکاری کر چکے ہیں۔

  • فلم ’دل چاہتا ہے ‘ کو ریلیز ہوئے 15 سال مکمل

    فلم ’دل چاہتا ہے ‘ کو ریلیز ہوئے 15 سال مکمل

    کراچی : بالی ووڈ کی مشہور اور سپر ہٹ فلم ’دل چاہتا ہے ‘ پندرہ سال مکمل ہونے ڈائریکٹر فرحان اختر نے شایقین کا شکریہ ادا کیا۔

    سن 2000 میں  ریلیز ہونے والی فلم ’دل چاہتا ہے‘ کے پندرہ سال مکمل ہونے پر فلم کے ڈائریکٹر فرحان اختر نے سماجی رابطے کی ویب سائٹ ٹوئٹر پر اپنے ٹوئٹ میں فلم میں کام کرنے والے اداکار ، عملہ اور شایقین کا شکریہ ادا کیا ہے ۔

    فلم دل چاہتا ہے اپنے وقتوں کے مشہور فلموں میں سے ایک تھی ،  فلم کی کاسٹ میں بڑے اداکار شامل تھے ، جس میں عامر خان ، سیف علی خان، اکشے کھنہ، اور پریٹی زنٹا شامل ہیں ۔

    فلم کے ڈائریکٹر فرحان اختر کا شمار بالی ووڈ کئی بہترین دریافتوں میں ہوتا ہے، 2001میں بطور ہدایتکار ان کی پہلی فلم ’’دل چاہتا ہے ‘‘ ریلیز ہوئی تو فلم انڈسٹری میں ایک نیا رجحان متعارف ہوا کیونکہ جدید دور کے نوجوانوں کی زندگی پر اس سے قبل اتنی اچھی فلم نہیں بنی تھی۔

    تیئس سالہ فرحان اختر نے ایک شاہکار فلم بنا کر بالی ووڈ کے بڑے بڑے ڈائریکٹر ز کو ورطہ حیرت میں ڈال دیا تھا۔

  • کیا فواد خان اور کرینہ کپور ایک ساتھ فلم میں جلوہ گر ہورہے ہیں؟

    کیا فواد خان اور کرینہ کپور ایک ساتھ فلم میں جلوہ گر ہورہے ہیں؟

    پاکستانی اداکار فواد خان کے ہمراہ بالی وڈ اداکارہ کرینہ کپور کی ایک تصویر آج کل انٹرنیٹ پر بے پناہ وائرل ہورہی ہے۔

    کیا فواد خان اور کرینہ کپور ایک ساتھ کسی فلم میں جلوہ گر ہونے والے ہیں؟ یہ تو وقت ہی بتائے گا لیکن فی الحال سوشل میڈیا پر دونوں کی تصاویر اور بالی وڈ حلقوں میں افواہیں گردش کررہی ہیں۔

    فواد خان اور کرینہ کپور ایک ساتھ کسی فلم میں جلوہ گر ہوں یا نہ ہوں لیکن ایک بات تو حقیقت ہے کہ خوبصورت کرینہ اور پرکشش فواد خان کی جوڑی اسکرین پر بے پناہ سجے گی۔

     

  • کنگ خان کو بالی ووڈ میں قدم رکھے 23 سال مکمل

    کنگ خان کو بالی ووڈ میں قدم رکھے 23 سال مکمل

    لاکھوں دلوں کی دھڑکن بالی ووڈ کے شاہ رخ خان کو فلم نگری پر راج کرتے ہوئے 23 سال مکمل ہوگئے۔ان 23سالوں کے ابتدائی کئی سال ایسے بھی تھے جب انہیں خود کومنوانے کیلئے سخت محنت کرنا پڑی۔

    شاہ رخ خان کی کامیابی کے حوالے سے ایک رپورٹ میں لکھا ہے کہ” دن رات کی محنت اور تگ ودو کے بعدبلاخر شاہ رخ خان کو پہلا بریک تھرو ملا 25 جون 1992ء کور یلیز ہونے والی فلم ”دیوانہ“ سے۔ اس فلم میں رشی کپوراور دیویا بھارتی جیسے اسٹارز کی موجودگی میں شاہ رخ نے اس کمال کی ایکٹنگ کی کہ اعتراف فن کے طور پر انہیں ”فلم فیئرایوارڈ“ سے نوازا گیا۔

    فلم ”دیوانہ“ان کے کیرئر کو ایسی مضبوط بنیاد فراہم کرنے میں کامیاب ہوگئی کہ تب سے اب تک شاہ رخ خان نے پیچھے مڑ کرنہیں دیکھا۔ آج وہ جس فلم میں کام کریں اسے ریلیز سے پہلے ہی بے انتہائی شہرت مل جاتی ہے ۔ ان بیس سالوں میں شاہ رخ نے لاکھوں اور کروڑوں فینز بنائے جو انہیں پیار سے ’ایس آر کے ‘ اور ’کنگ خان‘کہتے ہیں۔ وہ واقعی فلمی اسکرین کے کنگ ہیں۔

    بالی وڈ میں گزارے ہوئے ان بیس سالوں میں کنگ خان نے انگنت کردارکئے۔”دل والے دلہنیا لے جائیں گے “ کے والہانہ عاشق سے ’سوادیش ‘ کے سائنسدان تک کون سا ایسا کردار ہے جو کنگ خان نے ادا نہ کیا ہو اور داد نہ پائی ہو۔

     ابتدائی دور میں شاہ رخ نے بہت سی فلموں مثلاً ”ڈر“، ”بازی گر“ اور” انجام“ میں منفی کردار اس خوبی سے نبھائے کہ شہرت میں ہیرو کو بھی کوسوں میل پیچھے چھوڑ دیا۔

    انیس سو پچانوے میں فلمساز ادیتیہ چوپڑہ کی تاریخ ساز فلم ’ ’دل والے دلہنیا لے جائیں گے“ میں ’راج ملہوترہ ‘ کے کردار نے افسانوی شہرت حاصل کر کے شاہ رخ کو فلمی دنیا میں امر کر دیا اور رومینٹک ہیرو کا ایک نیا انداز متعارف کرایا۔ شاہ رخ کا جادو راج ملہوترہ کی صورت میں سر چڑھ کر بولا اوراس نے لاکھوں چاہنے والوں کو اپنا دیوانہ بنائے رکھا۔

    اس کے بعد تو شاہ رخ کے پاس رومینٹک فلموں کی لائن ہی لگ گئی۔”کچھ کچھ ہوتا ہے“،” کبھی الوداع نہ کہنا“،” محبتیں“، ”کل ہو نہ ہو“ اور ”رب نے بنا دی جوڑی‘‘کی صورت میں کنگ خان نے ایک سے بڑھ کر ایک میگا ہٹ رومینٹک فلم دی۔

    بلاشبہ اپنی حقیقی اور جنونی اداکاری سے شاہ رخ نے رومینٹک ہیرو کے کردار کو ایک نئی جہت، ایک نیا رخ عطا کیا۔اس دوران انہوں نے تجرباتی کردار بھی ادا کئے جو ہیرو کے عام تصور سے ہٹ کر تھے مثلاً سودیش“،” اشوکا، ڈان،ڈان 2،چک دے انڈیا ، دیوداس، اور ، را۔ون ،ہیپی نیو ایئر ، مائی نیم از خان ،  کے کردار ۔

    شاہ رخ فلم نگر کے بادشاہ ضرور ہیں لیکن ان کی شروعات ٹیلی ویژن سے ہوئی تھی۔ ٹی وی ناظرین سے ان کا پہلا تعارف انیس سو اٹھاسی میں ٹی وی سیریز ’فوجی ‘ کے ذریعے ہوئی۔اس کے بعد شاہ رخ نے انیس سو نواسی میں عزیز مرزا کی ٹی وی سیریل ’سرکس‘ میں بھی کام کیا ۔

    بادشاہ خان نے اپنے سفر میں ایک اور سنگ میل اس وقت عبور کیا جب انہوں نے دو ہزار سات میں ٹی وی میزبان کے طور اسٹار پلس کے گیم شو ”کون بنے گا کروڑ پتی“ میں میزبان کے فرائض انجام دئیے۔اس کے علاوہ انہوں نے’کیا آپ پانچویں پاس سے تیز ہیں“اور ”زور کا جھٹکا“ کی بھی میزبانی کی۔

    شاہ رخ خان کی کے بالی ووڈ میں 23 سال مکمل ہونے سماجی رابطے کی ویب سائٹ ٹوئٹر پر ان کے مداح بے پناہ ٹوئٹ کرتے نظر آئے جن میں چند مندرجہ ذیل ہیں۔

  • شہرت پانے سے پہلے بالی ووڈ ستاروں کے تعلقات

    شہرت پانے سے پہلے بالی ووڈ ستاروں کے تعلقات

    ممبئی: بالی ووڈ ستاروں کا ہر کوئی دیوانہ ہے، بالی ووڈ ستاروں کی رومانس کے بارے میں جاننے کے لئے ہر کوئی بے چین رہتا ہے ، زیادہ تر ستاروں کی سابقہ محبت اور رومانوی زندگی کے بارے میں سب جانتے ہیں لیکن چند ایسے بھی قصے ہیں جن سے ان کے پرستار واقف نہیں ہیں۔
    آئیے کچھ بالی ووڈ ستاروں کے سابقہ معاشقوں کا احوال آج ہم آپ کو بتاتے ہیں۔

    سوناکشی سہنا اور ادتیہ شرف

    بالی ووڈ انڈسٹری میں آمد سے قبل سوناکشی سہنا کا رومانس فیم سنیما کے ڈائریکٹر ادتیہ شرف کے ساتھ تھا۔

    رنویر سنگھ ، ادتیہ رائے کپور اور احانہ دیول

    بالی ووڈ کے اداکار رنویر سنگھ  کالج کے زمانے میں احانہ دیول کے ساتھ کچھ عرصہ عشق لڑاتے نظر آئے جبکہ بالی ووڈ میں آمد سے قبل ادتیہ رائے کپور اور احانہ دیول کے درمیان 4 سال تک قربتیں رہیں۔

    رنبیر کپور اور اونتیکا ملک


    بالی ووڈ کے خوبرو اداکار رنبیر کپور کا 5 سال تک اونتیکا ملک کے ساتھ قریبی تعلق رہا۔تاہم ان دونوں میں علیدگی ہوگئی۔

    پرینکا چوپڑا اور اسیم مرچنٹ

    بالی ووڈ کی حسینہ پرینکا چوپڑا اپنے ماڈلنگ کے زمانے میں اسیم مرچنٹ کے قریب تھیں لیکن بالی ووڈ میں آنے کے بعد ان دونوں میں علیدگی ہوگئی۔

    نیل نتن مکیش اور پرینکا بھٹیا


    نیل نتن مکیش  کا رومانس پرینکا بھٹیا سے رہا لیکن انڈسٹری میں شہرت حاصل کرنے کے وہ ان سے الگ ہوگئے۔

     لارا دتہ اور کیلی دوڑجی

    بالی ووڈ میں مشہوری سے قبل بھارتی حسینہ لارا دتہ کے تعلقات کیلی دوڑجی سے 12 سال تک رہے، بعد ازاں سابقہ مس یونیورس مشہور بھارتی ٹینس اسٹار مہیش بھوپاٹی کے ساتھ شادی کے بندھن میں بندھ گئیں۔

    کنگنا رناوت اور ادھایان سمن

    بالی ووڈ میں شہرت حاصل کرنے سے قبل گینگسنٹر حسینہ کنگنا رناوت کا رومانس ادھایان سمن کے ساتھ رہا ، دونوں کی علیدگی کے بعد ادھایان سمن الزام لگایا تھا کہ کنگنا نے بالی ووڈ میں آنے کے لئے ان کا استعمال کیا ہے۔

    جیکیولین فرنینڈینز اور حسن بن راشد

    جیکیولین فرنینڈینز کا بحرین کے شہزادے حسن بن راشد الخلیفہ  کے ساتھ قریبی تعلق  دو برس تک رہا، تاہم شہرت کی بلندیوں کو چھونے کے بعد دونوں میں دوریاں ہوگئیں۔

    جیکیولین فرنینڈینز اور ساجد خان


    بحرین کے شہزادے حسن بن راشد الخلیفہ سے علہدیگی کے بعد جیکیولین فرنینڈینز ساجد خان کے ساتھ قریب ہوگئیں

    فریدہ پنٹو اور روہن انتاو

    فریدہ پنٹو کی کہانی بھی کچھ ایسی ہی ہے شہرت سے قبل ان کا رومانس روہن انتاو کے تھا جبکہ بعد ازاں انہوں نے  دیو پٹیل کے ساتھ تعلقات استوار کرلیے۔

    دیپیکا پاڈوکون اور نہار پنڈیا

    بالی ووڈ حسینہ دیپیکا پاڈوکون ماڈلنگ کے زمانے میں ماڈل نہار پنڈیا کے قریب رہیں لیکن بالی ووڈ میں قدم رکھنے کے بعد رنبیر کپور کے ساتھ ان کے تعلقات قائم ہوگئے۔

    ارجن کپور اور ارپیتا

    سلمان کی بہن ارپیتا جب 18 برس کی تھیں تو ان کا افیئر ارجن کپور کے تھا تاہم یہ رشتہ زیادہ دن نہ چلا اور دونوں میں علیدگی ہوگئی۔

    انوشکا شرما اور زوہیب یوسف

    انوشکا شرما کا بھی زوہیب یوسف کے ساتھ ایک عرصہ قریبی تعلق رہا ، بالی ووڈ میں شاہ رخ خان کے کردار نبہانے کے بعد انہوں نے زوہیب یوسف کو چھوڑ دیا ، آج کل وہ بھارتی کرکٹ اسٹار ویرات کوہلی کے عشق لڑاتی نظر آرہی ہیں۔

    عالیہ بھٹ اور علی ددارکر


    عالیہ بھٹ کا افیئر بھی ان کے بچپن کے دوست علی ددارکر کے ساتھ تھا تاہم بالی ووڈ فلم ’ اسوڈینٹس آف ایئر میں اداکاری کے بعد انہوں نے علی سے اپنے تعلقات کو پس پشت ڈالتے ہوئے ورن دھون سے میل جول بڑھالیا۔ اور اگر افواہوں کو خاطر لایا جائے تو آج کل عالیہ بھٹ سدھارتھ ملہوترا کے قریب ہیں۔

    ایشوریہ رائے اور راجیو ملچندنی


    ایشوریہ رائے کے سلور اسکرین پر آنے سے قبل راجیو ملچندنی کے ساتھ تعلقات رہے ، تاہم فلموں میں آنے کے بعد انہوں ملچندنی کو چھوڑ کر سلمان خان کے ساتھ روابط بڑھالئے ، سابقہ مس ورلڈ حال میں ابیشیک بچن کے ساتھ ازدواجی زندگی گزار رہی ہیں۔

    عامر خان اور رینا دت


    بالی ووڈ کے ٹرینڈ سیٹر عامر خان کی 1986 میں رینا دت سے شادی ہوئی لیکن 2002 میں دونوں علیدہ ہوگئےبعد ازاں عامر خان نے کرن راو سے شادی کرلی۔