Tag: Bolt Won 200 Meters

 بیجنگ: ورلڈ ایتھلیٹکس چیمپئن شپ کی دو سو میٹر ریس میں دنیا کے تیز ترین انسان یوسین بولٹ نے میدان مار لیا۔

بیجنگ کا میدان جمیکا کے یوسین بولٹ کے نام رہا، دنیا کے تیزترین انسان نے ہواؤں کو چیرتے ہوئے سو میٹر کے بعد دو میٹر ریس میں سب کو پیچھاڑدیا، دومیٹر ریس میں بولٹ کا مقابلہ امریکہ کے جسٹن گیٹلن سے تھا لیکن گیٹلن بھی بجلی سے تیز بولٹ کو روکنے میں ناکام رہے۔

بولٹ نے مقررہ فاصلہ انیس اعشاریہ پانچ پانچ سکینڈز میں طے کرکے ورلڈ ایتھلیٹس چیمپیئن شپ میں دوسرا طلائی تمغہ سینے پر سجایا۔

جسٹن گیٹلن انیس اعشاریہ سات چارسکینڈز کے ساتھ دوسرے نمبر پر رہے، ورلڈ ایتھلیٹکس مقابلوں میں یوسین بولٹ کا یہ ریکارڈ دسواں گولڈ میڈل ہے۔ اس سے قبل دوہزار نو میں بولٹ نے تین، گیارہ میں دو اور تیرہ میں تین طلائی تمغے جیتے تھے۔