ARYNews.tv | Urdu – Har Lamha Bakhabar

Tag: BOOM BOOM

  • شاہد آفریدی کا کرس گیل کو سنگل وکٹ کا چلینج

    شاہد آفریدی کا کرس گیل کو سنگل وکٹ کا چلینج

    کراچی: قومی کرکٹ ٹیم کے سابق کپتان اور آل راؤنڈر شاہد خان آفریدی نے ویسٹ انڈیز کے بلے باز کرس گیل کو سنگل وکٹ کھیلنے کا چیلنج دے دیا۔

    تفصیلات کے مطابق ویسٹ انڈیز (ون ڈیز) کی کرکٹ ٹیم کے اوپننگ بلے باز کرس گیل نے پانچ روز قبل بنگلا دیش کے خلاف تیسرے اور آخری ون ڈے میچ میں 66 گیندوں پر 5 چھکوں کی مدد سے 73 رنز اسکور کیے اور انہوں نے اب سب سے زیادہ چھکے مار کر شاہد آفریدی کا ریکارڈ برابر کردیا۔

    جارحانہ اننگز کے بعد کرس گیل انٹرنیشنل کرکٹ میں سب سے زیادہ 476 چھکے مارنے والے کھلاڑی بن گئے جبکہ اس سے پہلے یہ اعزاز شاہد خان آفریدی کے پاس تھا جو اب برابر ہوگیا۔

    مزید پڑھیں: کرس گیل نے شاہد آفریدی کا چھکوں کا ریکارڈ برابر کردیا

    سماجی رابطے کی ویب سائٹ پر گیل نے لکھا کہ ’شاہد آفریدی کا 476 چھکوں کا ریکارڈ برابر کرنا آسان نہیں تھا تاہم اب یہ برابر ہوگیا تو میرے لیے خوشی کی بات ہے کہ میں پہلا ریکارڈ بنانے والے کو جوائن کرسکا۔

    ویسٹ انڈیز کے کھلاڑی نے مزید کہا کہ ’اب میں مزید چھکے نہیں ماروں گا لہذا بوم بوم کو پریشان ہونے کی ضرورت نہیں کیونکہ اُن کا ریکارڈ قائم رہے گا‘۔

    قومی کرکٹ ٹیم کے سابق کپتان نے سوشل میڈیا پر جواب دیتے ہوئے کہا کہ ’ریکارڈ برابر ہونا میرے لیے کوئی پریشانی کی بات نہیں بلکہ میں آپ کو سراہتا ہوں‘۔

    آفریدی نے چلینج دیا کہ ’آئیے ایسا سنگل وکٹ میچ کھیلتے ہیں کہ جس میں آؤٹ ہونے کا کوئی قانون نہیں ہو، پھر دیکھتے ہیں کہ کون زیادہ چھکے مار سکتا ہے‘۔

    واضح رہے کہ کرس گیل نے 476 چھکے مارنے کا ریکارڈ 443 میچز کھیل کر پورا کیا اور اُن کی ریٹائرمنٹ میں ابھی دو سال سے زائد کا عرصہ باقی ہے اس لیے یہ کہا جاسکتا ہے کہ وہ یہ اعزاز اپنے نام کرلیں گے۔

    یہ بھی پڑھیں:شاہد آفریدی اور کرس گیل کی جارحانہ اننگز

    شاہد خان آفریدی نے 476 بار گیند کو سیدھا باؤنڈری لائن کے باہر پھینکنے کا اعزاز 524 میچز میں حاصل کیا تھا اور اب چونکہ وہ ریٹائرمنٹ لے چکے لہذا یہ چھن جانے کا بہت زیادہ خطرہ ہے۔

    قومی کرکٹ ٹیم کے سابق کپتان  نے اپنے کیریئر میں ون ڈے انٹرنیشنل میں 351 ، ٹی ٹونٹی انٹرنیشنل میں 73 اور ٹیسٹ میچز میں 52 چھکوں کا ریکارڈ بنایا تھا۔علاوہ ازیں کرس گیل نے اب تک ون ڈے انٹرنیشنل میں 275، ٹی ٹوئنٹی میں 103 اور ٹیسٹ میچز میں 98 چھکے لگانے کا ریکارڈ اپنے نام کیا۔

  • بوم بوم 38 برس کے ہوگئے، کراچی کنگز کے ساتھ سالگرہ منائی

    بوم بوم 38 برس کے ہوگئے، کراچی کنگز کے ساتھ سالگرہ منائی

    کراچی: پاکستانی کرکٹ ٹیم کے اسٹار آل راؤنڈر شاہد خان آفریدی 38 برس کے ہو گئے۔ کراچی کنگز کے صدر نے اپنی سالگرہ کراچی کنگز کے شیروں کے ساتھ منائی۔

    تفصیلات کے مطابق 38 سالہ سپراسٹار بوم بوم آفریدی نے شارجہ میں ٹیم ارکان کے ساتھ سالگرہ منائی۔ ٹیم نے کیک کاٹا اور لالہ کا منہ میٹھا کیا۔ آفریدی نے اے آر وائی اور کراچی کنگز کا شکریہ ادا کیا۔ کراچی کنگز کے کپتان عماد وسیم نے کہا کہ شاہد آفریدی کی سالگرہ منانا ہمیشہ یاد رہے گا۔

    واضح رہے کہ ان دنوں شاہد آفریدی متحدہ عرب امارات کے میدانوں میں جاری پاکستان سپر لیگ سیزن تھری میں کراچی کنگز کے لیے کھیلتے ہوئے مداحوں کو اپنی کارکردگی سے لبھا رہے ہیں‘ حال ہی میں انہوں نے پی ایس ایل کا مشکل ترین  کیچ پکڑ کر شائقین کو ورطۂ حیرت میں ڈال دیا تھا۔

    شاہد خان آفریدی یکم مارچ 1980 کو خیبرایجنسی میں پیدا ہوئے، 1996 میں سری لنکا کے خلاف اپنے دوسرے انٹرنیشنل میچ میں 37 گیندوں پردنیا کی تیزترین سنچری بنا کرراتوں رات شہرت کی بلندیوں پرپہنچ گئے۔

    ان کا یہ ریکارڈ تقریباً 17سال تک قائم رہا جسے نیوزی لینڈ کے کوری اینڈرسن اورپھرجنوبی افریقہ کے اے بی ڈی ویلیئرز نے اپنے نام کر لیا۔

    1996ء میں کرکٹ کی دنیا میں قدم رکھنے والے آفریدی بوم بوم آفریدی کے نام سے بھی پہچانے جاتے ہیں۔ ان کو یہ نام بھارت کے معروف کرکٹر اور کمنٹیٹر راوی شاستری نے دیا۔

    آفریدی اپنی جارحانہ بلے بازی کی بدولت پوری دنیا میں پہچانے جاتے ہیں اوراسی بدولت کئی ریکارڈ مثلا سب سے زیادہ چھکوں کا ریکارڈ اورسب سے بہترین اسٹرائیک ریٹ کا ریکارڈ اپنے نام کرچکے ہیں۔

    حال ہی میں کئے گئے ایک سروے کے مطابق وہ پاکستان کے سب سے مشہور کھلاڑی ہیں۔ آج شاہد آفریدی کے مداح شہر شہر ان کی سالگرہ کا جشن منائیں گے اور کیک کاٹیں گے۔

    شاہد آفریدی کی شاندارکارکردگی کے ناقابلِ فراموش مناظر

    شاہد آفریدی ایشیا کپ میں بنگلہ دیشی باؤلرزکی دھلائی کرتے ہوئے

    شاہد آفریدی کا چارسوواں شاندارچھکا

    شاہد آفریدی کے پاکستان کے روایتی حریف بھارت کے خلاف نودھواں دھارچھکے

    انگلینڈ کی ایک کے بعد ایک وکٹ گرانا آفریدی کا ہی کمال ہے

    کرکٹ کی دنیا کا مشکل ترین کیچ جسے صرف شاہد آفریدی ہی پکڑسکتے تھے

  • بوم بوم نے نیویارک کی برف باری کو بھی شکست دے دی

    بوم بوم نے نیویارک کی برف باری کو بھی شکست دے دی

    کراچی : اگرچہ اس وقت امریکا برفانی طوفانوں‌ کی زد میں‌ ہے، سردی کے باعث دریا جم گئے، اس کے باوجود پاکستانی سپراسٹار بوم بوم کے جذبے مانند نہیں‌ پڑے۔ وہ باقاعدگی سے ورزش بھی کر رہے ہیں اور برف باری سے بھی محظوظ  ہورہے ہیں۔

    Afridi

    پاکستان کے سابق کپتان اس وقت نیویارک میں‌ ہیں، جہاں‌ بلا کی سردی پڑ رہی ہے۔ فوارے منجمد ہو گئے، معمولات زندگی معطل ہو چکے ہیں، مگر شاہد خان آفریدی نہ صرف ٹریننگ جاری رکھے ہوئے ہیں، بلکہ شدید سردی اور برف باری سے بھی لطف اندوز ہورہے ہیں۔

    بوم بوم نے سماجی رابطے کی ویب سائٹ ٹویٹر پر اپنی چند تصاویر شیئر کی ہیں، ایک تصویر میں‌ وہ ورزش کرتے ہوئے دیکھے جاسکتے ہیں، جب کہ دوسری میں‌ ان کے پس منظر میں‌ نیویارک میں‌ پڑنے والی برف نظر آرہی ہے۔

    انھوں‌ نے ٹویٹ کیا کہ اس وقت نیویارک میں‌ صبح کے 5.55 بج رہے ہیں، لیکن وہ ٹریننگ جاری رکھے ہوئے ہیں، جب کہ باہر برف کے خوب صورت مناظر ہیں۔

    شاید آفریدی نے اپنے مداحوں کے لیے ایک ویڈیو بھی شیئر کی ہے، جس میں وہ برف بار میں ڈرائیو کر رہے ہیں۔

    یہ بھی پڑھیں: ٹی ٹین لیگ کو بھی دیگر لیگز کی طرح سمجھنا چاہئے، شاہد آفریدی

    واضح رہے کہ اس وقت بوم بوم ایک فنڈ ریزنگ ٹور پر امریکا میں موجود ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • اسٹار آل راؤنڈر شاہد آفریدی کا ہمپشائر سے معاہدہ

    اسٹار آل راؤنڈر شاہد آفریدی کا ہمپشائر سے معاہدہ

    لندن: انگلش کاؤنٹی ہمپشائر نے آل راؤنڈر شاہد خان آفریدی سے رواں سال ٹی 20 بلاسٹ کے لیے معاہدہ کرلیا۔ سنہ 2011 کے بعد یہ تیسرا موقع ہوگا جس میں آفریدی انگلش کاؤنٹی سے کھیلیں گے۔

    جائلز وائٹ کا کہنا ہے کہ ٹی 20 ٹورنامنٹ کے لیے شاہد خان آفریدی ایک بہترین انتخاب ہیں ان کی نمائندگی ہماری ٹیم کو مزید مضبوط بنادے گی۔

    afridi post 1

    آفریدی نے ٹی ٹوئنٹی انٹرنیشنل میچز میں 98 میچز میں 97 وکٹیں حاصل کر رکھی ہیں جو اب تک انٹرنیشنل ریکارڈ ہے۔

    واضح رہے کہ شاہد آفریدی نے سنہ 2011 میں سمر سیٹ سے کھیلتے ہوئے 42 گیندوں پر 80 رنز بنائے تھے جہاں ٹائی ہونے والے میچ میں ہمپشائر کو سپر اوور میں شکست کا سامنا کرنا پڑا تھا۔

    afridi post 2

    یاد رہے کہ آفریدی رواں سال انٹرنیشنل کرکٹ سے ریٹائر منٹ کا اعلان کرچکے ہیں۔ بوم بوم نے دنیا بھر میں ٹی ٹوئنٹی لیگز کھیلنے کا سلسلہ جاری رکھنے کا اعلان کرتے ہوئے اپنی فلاحی فاؤنڈیشن پر توجہ دینے کا اعلان کیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • شاہد آفریدی کی نجم سیٹھی سے ملاقات، فیئر ویل دینے کا اشارہ

    شاہد آفریدی کی نجم سیٹھی سے ملاقات، فیئر ویل دینے کا اشارہ

    لاہور : بوم بوم آفریدی اور چیئرمین پی ایس ایل نجم سیٹھی کے درمیان بالآخر دبئی میں ملاقات ہو ہی گئی۔ ملاقات کے دوران نجم سیٹھی نے شاہد آفریدی کو فیئر ویل دینے کا اشارہ دے دیا۔

    تفصیلات کے مطابق پاکستان سپر لیگ کے چیئرمین نجم سیٹھی سے دبئی میں شاہد آفریدی نے ملاقات کی ہے، ملاقات کے بعد چیئرمین پی ایس ایل نجم سیٹھی نے سماجی رابطے کی ویب سائٹ ٹوئٹر پر ملاقات کی تفصیل کے ساتھ شاہد آفریدی کے ہمراہ تصویر بھی جاری کی ہے۔

    اپنے ٹوئٹر پیغام میں نجم سیٹھی نے بتایا ہے کہ سابق ٹی توینٹی کپتان سے ملاقات خوشگوار ماحول میں ہوئی ہے۔ اس دوران انٹرنیشل کرکٹ کو خیرباد کہنے پر شاہد آفریدی کو فیئرویل دینے کے حوالے سے بھی گفتگو ہوئی۔

    انہوں نے کہا کہ مستقبل میں کرکٹ کے فروغ کیلئے شاہد آفریدی نے اپنا کردار ادا کرنے کا بھی ارادہ ظاہر کیا ہے۔ جواب میں شاہد آفریدی نے بھی ٹوئٹ کرتے ہوئے چیئرمین پی ایس ایل کی تجاویز کو قابل ستائش قرار دیا ہے۔

  • پشاور: شاہد آفریدی قصہ خوانی بازارپہنچ گئے، دیوانے بے قابو

    پشاور: شاہد آفریدی قصہ خوانی بازارپہنچ گئے، دیوانے بے قابو

    پشاور : شاہد آفریدی کو اپنے درمیان دیکھ کر پشاور کے عوام دیوانے ہوگئے۔ بوم بوم آفریدی قصہ خوانی بازار پہنچے تو ہزاروں مداحوں نے گھیرلیا۔ کئی گھنٹے کی کوشش کے بعد ان کو بازارسے لے جایا گیا۔

    تفصیلات کے مطابق بیٹنگ کے دوران اپنے بلند و بالا چھکوں سے شائقین کو دیوانہ کرنے والے شاہد آفریدی کے مداح پوری دنیا میں پھیلے ہوئے ہیں اور وہ جہاں بھی جاتے ہیں، انہیں دیکھنے کیلئے مداحوں کا ہجوم اکٹھا ہو جاتا ہے۔

    ایسا ہی کچھ پشاور میں بھی ہوا جہاں شاہد آفریدی ایک اشتہار کی شوٹنگ کیلئے پہنچے تو لوگوں کا ہجوم اکٹھا ہو گیا، بوم بوم پشاور کے قدیم اور تاریخی قصہ خوانی بازار آئے تو پھنس کررہ گئے، دیکھتے ہی دیکھتے عوام کے سمندر نے آفریدی کی گاڑی گھیرلی۔

    تمام راستے بلاک ہوگئے، آفریدی کی گاڑی جیسے ہی بازار میں داخل ہوئی لوگ کام کاج چھوڑ کردیوانہ وار بوم بوم کی گاڑی کے پیچھے دوڑ پڑے۔ انہوں نے جذباتی اندازمیں آفریدی زندہ باد کے نعرے بھی لگائے، مداحوں کا ہجوم اتنا تھا کہ کئی گھنٹے بعد بھی آفریدی باہر نہ نکل سکے۔

    شاہد آفریدی ایک کمرشل کی شوٹنگ کیلئےآئے تھے جونہ ہوسکا اور شوٹنگ ہی کینسل کرنا پڑ گئی جبکہ لوگوں کو منتشر کرنے کیلئے پولیس کو طلب کرنا پڑا۔ بیچارے مداح موبائل فون لیے سیلفی کاانتظار کرتے ہی رہ گئے۔

  • لاہور کے مچھروں سے ڈر لگتا ہے، شاہد آفریدی

    لاہور کے مچھروں سے ڈر لگتا ہے، شاہد آفریدی

    لاہور: سابق کپتان شاہد آفریدی کا لاہور میں ایم آروائی ٹیسٹ کے بعد ٹوئٹر پراحمد شہزاد سے مکالمہ ہوا جس میں انہوں نے کہا کہ ایم آرآئی سے زیادہ لاہور کے مچھروں سے ڈر لگتا ہے۔

    سابق کپتان شاہد آفریدی نے سماجی رابطے کی ویب سائٹ ٹوئٹر پر پاکستان کرکٹ ٹیم کے کھلاڑی احمد شہزاد کو بتایا کہ ایم آر آئی ٹیسٹ سے زیادہ لاہور کے مچھروں سے ڈر لگتاہے۔

    ٹوئٹر پرآفریدی نے احمد شہزاد سے مکالمہ کرتے ہوئے کہا لاہور سے بڑا پرانا تعلق ہے یہ مچھر مجھے کچھ نہیں کہہ سکتے۔

    شاہد آفریدی نے ڈینگی کنٹرول کرنے کے حوالے سے وزیر اعلٰی پنجاب شہباز شریف کی بھی تعریف کی۔

    شاہد آفریدی کا کہنا تھا کہ انجری سجیدہ نوعیت کی نہیں، ٹی ٹوئنٹی سے قبل چیک کرانا چاہتا تھا۔

    واضح رہے کہ ٹی ٹوئنٹی کے سابق کپتان آفریدی نے گھٹنے میں تکلیف کی وجہ سے لاہور میں ایم آر آئی ٹیسٹ کرایا ہے۔

  • ورلڈ ٹی ٹوئنٹی ، بھارت نے پاکستان کو 6 وکٹوں سے شکست دے دی

    ورلڈ ٹی ٹوئنٹی ، بھارت نے پاکستان کو 6 وکٹوں سے شکست دے دی

    کولکتہ:ٹی ٹوئنٹی ورلڈ کپ کے اہم میچ میں بھارت نے پاکستان کو 6 وکٹوں سے شکست دے دی۔

    ٹی ٹوئنٹی ورلڈ کپ کے اہم میچ میں بھارت نے پاکستان کیخلاف ٹاس جیت کر فیلڈنگ کا فیصلہ کیا ہے ۔

    کولکتہ کے  ایڈن گارڈن اسٹیڈیم میں کھیلے جا رہے میچ میں پاکستان نے پہلے بیٹنگ کرتے ہوئے مقررہ 18 اوورز میں پانچ وکٹوں کے نقصان پر118رنز بنائے، اس سے قبل بھارت نے ٹاس جیت کر فیلڈنگ کا فیصلہ کیا  تو پاکستانی اوپنرز نے اننگز کا آغاز کیا پاکستان کے شرجیل خان 8 ویں اورر میں 38 کے مجموعی سکورپر 17 رنز بنا کر آوٹ ہوئے ۔

    احمد شہزاد 28 گیندوں پر 25 رنز بنا کر بمرا کا شکار بنے ۔ کپتان شاہد آفریدی نے ایک دفعہ پھر قوم کو مایوس کیا اور 14 گیندوں پر 8 رنز بنا کر پویلین لوٹ گئے ۔ دیگرکھلاڑیوں میں عمراکمل نے  22،شعیب ملک نے 26،سرفراز احمد  نے 8اور محمد حفیظ  نے 5رنز بنائے ۔

    بھارت کی جانب سے بمبرا ،نہرا ،جڈیجا ،پانڈیا  اور رائنا نے ایک ایک کھلاڑی کو آوٹ کیا۔

    ورلڈ ٹی ٹونٹی کے سب سے اہم میچ میں پاکستان نے بھارت کو جیت کے لیے 18اوورز میں 119رنز کا ہدف دیا تھا ۔

    ہدف کے تعاقب میں بھارت نے اننگز کا آغاز اچھا نہ کیا بھارت کی جانب سے روہت شرما صرف دس رنز بنا کر محمد عامر کی گیند پر کیچ آوٹ ہو گئے، شیکھر دھون بھی بڑی اننگز کھیلنے میں ناکام رہے اور 6 رنز بنا کر محمد سمیع کی گیند پر پر کلین بولڈ ہوگئے ،سریش رائنا کو بھی محمد سمیع نے پہلی گیند پر کلین بولڈ کر دیا، دیگر بلے بازوں میں یووراج سنگھ نے 24اور  دھونی نے13رنز سکور کیے ۔

    پاکستان کی جانب سے محمد سمیع نے 2جبکہ محمد عامر اور وہاب ریاض نے ایک ایک کھلاڑی کو آوٹ کیا ۔

    بھارت نے مقررہ ہدف سات گیندوں قبل چار وکٹوں کے نقصان پر پورا کر لیا  جبکہ ویرات کوہلی ناقابل شکست 55رنز کے ساتھ ناٹ آوٹ رہے ۔

    واضح رہے کہ کولکتہ کے اسٹیڈیم ایڈن گارڈن میں ہونے والا پاک بھارت میچ بارش کے باعث تاخیر کا شکار ہے اور آئی سی سی کی جانب سے میچ کے اوورز کم کر کے 18 کر دیا گیا تھا۔

    میچ سے قبل دونوں ٹیموں کا ترانہ گایا گیا ، پاکستان کا قومی ترانہ پاکستانی گلوکار شفقت امانت علی نے گایا جبکہ بھارت کا ترانہ بھارتی اداکار امیتابھ بچن نے گایا۔

     

    براہ راست اپڈیٹ

     

     

    بھارت اننگز

     

    اوور نمبر 16 ہدف کے تعقب میں بھارت نے 7 رنز بنائے ، بھارت کا مجموعی اسکور  119/4 ہوگیا۔ ( بالر محمد عرفان)

    اوور نمبر 15 ہدف کے تعقب میں بھارت نے 7 رنز بنائے ، بھارت کا مجموعی اسکور  106/4 ہوگیا۔ ( بالر شاہد آفریدی)

    اوور نمبر 14 ہدف کے تعقب میں بھارت نے 8 رنز بنائے ، بھارت کا مجموعی اسکور  99/4 ہوگیا۔ ( بالر محمد عامر)

    اوور نمبر 13 ہدف کے تعقب میں بھارت نے 7 رنز بنائے ، بھارت کا مجموعی اسکور  91/4 ہوگیا۔ ( بالر شاہد آفریدی)

    اوور نمبر 12 ہدف کے تعقب میں بھارت نےایک کھلاڑی کے نقصان پر 10 رنز بنائے ، بھارت کا مجموعی اسکور  84/4 ہوگیا۔ ( بالر وہاب ریاض )

    چوتھی وکٹ: بھارت کے کھلاڑی یوراج سنگھ 24 رنز بنا کر  وہاب ریاض کی گیند پر آوٹ ہوگئے ۔

    اوور نمبر 11 ہدف کے تعقب میں بھارت نے 14 رنز بنائے ، بھارت کا مجموعی اسکور  74/3 ہوگیا۔ ( بالر شعیب ملک )

    اوور نمبر 10 ہدف کے تعقب میں بھارت نے 6 رنز بنائے ، بھارت کا مجموعی اسکور  60/3 ہوگیا۔ ( بالر وہاب ریاض )

    اوور نمبر 09 ہدف کے تعقب میں بھارت نے 8 رنز بنائے ، بھارت کا مجموعی اسکور  54/3 ہوگیا۔ ( بالر شعیب ملک)

    اوور نمبر 08 ہدف کے تعقب میں بھارت نے 6 رنز بنائے ، بھارت کا مجموعی اسکور  46/3 ہوگیا۔ ( بالر شاہد آفریدی )

    اوور نمبر 07 ہدف کے تعقب میں بھارت نے 12 رنز بنائے ، بھارت کا مجموعی اسکور  40/3 ہوگیا۔ ( بالر محمد سمی )

    اوور نمبر 06 ہدف کے تعقب میں بھارت نے 5 رنز بنائے ، بھارت کا مجموعی اسکور  28/3 ہوگیا۔ ( بالر شاہد آفریدی )

    اوور نمبر 05 ہدف کے تعقب میں بھارت نےدو کھلاڑیوں کے نقصان پر 5 رنز بنائے ، بھارت کا مجموعی اسکور  23/3 ہوگیا۔ ( بالر محمد سمی )

    تیسری وکٹ: بھارت کے کھلاڑی شریش رائنا بغیر کوئی رنز بنا کر محمد سمیکی گیند پر آوٹ ہوگئے ۔

    دوسری وکٹ: بھارت کے کھلاڑی شیکھر دھون 6 رنز بنا کر محمد سمیکی گیند پر آوٹ ہوگئے ۔

    اوور نمبر 04 ہدف کے تعقب میں بھارت نے 2 رنز بنائے ، بھارت کا مجموعی اسکور  18/1 ہوگیا۔ ( بالر محمد عرفان )

    اوور نمبر 03 ہدف کے تعقب میں ایک کھلاڑی کے نقصان پر بھارت نے 2 رنز بنائے ، بھارت کا مجموعی اسکور  16/1 ہوگیا۔ ( بالر محمد عامر )

    پہلی وکٹ: بھارت کے کھلاڑی روہت شرما 10 رنز بنا کر محمد عامر کی گیند پر آوٹ ہوگئے ۔

    اوور نمبر 02 ہدف کے تعقب میں بھارت نے 10 رنز بنائے ، بھارت کا مجموعی اسکور  14/0 ہوگیا۔ ( بالر محمد عرفان )

    اوور نمبر 01 ہدف کے تعقب میں بھارت نے 4 رنز بنائے ، بھارت کا مجموعی اسکور  4/0 ہوگیا۔ ( بالر محمد عامر )

    پاکستان اننگز

     

    اوور نمبر 18  کے اختتام پر پاکستان نے 7 رنز بنائے ، پاکستان کا مجموعی اسکور  118/5 ہوگیا۔ (محمد حفیظ اور سرفراز احمد)

    اوور نمبر 17  کے اختتام پر پاکستان نے ایک کھلاڑی کے نقصان پر 8 رنز بنائے ، پاکستان کا مجموعی اسکور  111/5 ہوگیا۔ (محمد حفیظ اور سرفراز احمد)

    پانچویں وکٹ: پاکستان کے کھلاڑی شعیب ملک 26 رنز بنا کر نہرا کی گیند پر آوٹ ہوگئے ۔

    اوور نمبر 16  کے اختتام پر پاکستان نے ایک کھلاڑی کے نقصان پر 8 رنز بنائے ، پاکستان کا مجموعی اسکور  103/4 ہوگیا۔ (شعیب ملک اور سرفراز احمد)

    چوتھی وکٹ: پاکستان کے کھلاڑی عمر اکمل 22 رنز بنا کر جدیجہ  کی گیند پر آوٹ ہوگئے ۔

    اوور نمبر 16  کے اختتام پر پاکستان نےدو چوکوں کی مدد سے 13 رنز بنائے ، پاکستان کا مجموعی اسکور  95/3 ہوگیا۔ (شعیب ملک اور عمر اکمل)

    اوور نمبر 15  کے اختتام پر پاکستان نےدو چوکوں کی مدد سے 13 رنز بنائے ، پاکستان کا مجموعی اسکور  95/3 ہوگیا۔ (شعیب ملک اور عمر اکمل)

    اوور نمبر 14  کے اختتام پر پاکستان نےدو چھکوں کی مدد سے 15 رنز بنائے ، پاکستان کا مجموعی اسکور  82/3 ہوگیا۔ (شعیب ملک اور عمر اکمل)

    اوور نمبر 13  کے اختتام پر پاکستان نے 2 رنز بنائے ، پاکستان کا مجموعی اسکور  67/3 ہوگیا۔ (شعیب ملک اور عمر اکمل)

    اوور نمبر 12  کے اختتام پر پاکستان نے ایک کھلاڑی کے نقصان پر 11 رنز بنائے ، پاکستان کا مجموعی اسکور  65/3 ہوگیا۔ (شعیب ملک اور عمر اکمل)

    تیسری وکٹ: پاکستان کے کھلاڑی شاہد آفریدی 8 رنز بنا کر پانڈیا  کی گیند پر آوٹ ہوگئے ۔

    اوور نمبر 11  کے اختتام پر پاکستان نے 3 رنز بنائے ، پاکستان کا مجموعی اسکور  54/2 ہوگیا۔ (شاہد آفریدی اور عمر اکمل)

    اوور نمبر 10  کے اختتام پر پاکستان نے ایک کھلاڑی کے نقصان پر 9 رنز بنائے ، پاکستان کا مجموعی اسکور   51/2 ہوگیا۔ (شاہد آفریدی اور عمر اکمل)

    دوسری وکٹ: پاکستان کے اوپنر  احمد شہزاد 25  رنز بنا کر جدیجہ  کی گیند پر آوٹ ہوگئے ۔

    اوور نمبر 09  کے اختتام پر پاکستان نے 3 رنز بنائے ، پاکستان کا مجموعی اسکور  ایک کھلاڑی کے نقصان پر 42/1 ہوگیا۔ (شاہد آفریدی اور احمد شہزاد)

    اوور نمبر 08  کے اختتام پر پاکستان نے ایک کھلاڑی کے نقصان پر 5 رنز بنائے ، پاکستان کا مجموعی اسکور  ایک کھلاڑی کے نقصان پر 39/1 ہوگیا۔ (شاہد آفریدی اور احمد شہزاد)

    پہلی وکٹ: پاکستان کے اوپنر  شرجیل خان 17  رنز بنا کر رائنا  کی گیند پر آوٹ ہوگئے ۔

    اوور نمبر 07  کے اختتام پر ایک چوکےکی مدد سے پاکستان نے 6 رنز بنائے ، پاکستان کا مجموعی اسکور بغیر کسی کھلاڑی کے نقصان پر 34/0 ہوگیا۔ (شرجیل خان اور احمد شہزاد)

    اوور نمبر 06  کے اختتام پر پاکستان نے 4 رنز بنائے ، پاکستان کا مجموعی اسکور بغیر کسی کھلاڑی کے نقصان پر 28/0 ہوگیا۔ (شرجیل خان اور احمد شہزاد)

    اوور نمبر 05  کے اختتام پر ایک چوکےکی مدد سے پاکستان نے 5 رنز بنائے ، پاکستان کا مجموعی اسکور بغیر کسی کھلاڑی کے نقصان پر 24/0 ہوگیا۔ (شرجیل خان اور احمد شہزاد)

    اوور نمبر 04  کے اختتام پر ایک چوکےکی مدد سے پاکستان نے 7 رنز بنائے ، پاکستان کا مجموعی اسکور بغیر کسی کھلاڑی کے نقصان پر 19/0 ہوگیا۔ (شرجیل خان اور احمد شہزاد)

    اوور نمبر 03  کے اختتام پر ایک چوکےکی مدد سے پاکستان نے 7 رنز بنائے ، پاکستان کا مجموعی اسکور بغیر کسی کھلاڑی کے نقصان پر 12/0 ہوگیا۔ (شرجیل خان اور احمد شہزاد)

    اوور نمبر 02  کے اختتام پر پاکستان نے صرف 2 رنز بنائے ، پاکستان کا مجموعی اسکور بغیر کسی کھلاڑی کے نقصان پر 5/0 ہوگیا۔ (شرجیل خان اور احمد شہزاد)

    اوور نمبر 01  کے اختتام پر پاکستان نے صرف 3 رنز بنائے ، پاکستان کا مجموعی اسکور بغیر کسی کھلاڑی کے نقصان پر 3/0 ہوگیا۔ (شرجیل خان اور احمد شہزاد)

     

    ٹاس

     

    ٹی ٹوئنٹی ورلڈ کپ کے اہم میچ میں بھارت نے پاکستان کیخلاف ٹاس جیت کر فیلڈنگ کا فیصلہ کیا ہے۔

    ایڈن گارڈن میں ٹاس کے بعد گفتگو کرتے ہوئے پاکستانی ٹیم کے کپتان شاہد آفریدی نے کہا ہے کہ احمد شہزاد اور حفیظ اچھی فارم میں ہیں، بیٹنگ لائن چل گئی تو کامیابی ہماری ہوگی، بھارت کو بڑا ہدف دینے کی کوشش کرینگے، انہوں نے کہا کہ 160سے اوپر رنز اچھا سکور ہوگا۔

    بھارتی کپتان مہندرا سنگھ دھونی نے کہا کہ پاکستان کے پاس اچھے فاسٹ باولر ہیں۔ میچ اچھا رہے گا۔ہر میچ نیا ہے اس کیلئے تیاری بھی نئی کی جاتی ہے۔انہوں نے کہا کہ ماضی میں کتنے میچ ہارے اس سے کوئی فرق نہیں پڑتا۔ٹیم میں کوئی تبدیلی نہیں کی گئی۔

     

     ٹیم

    پاکستانی سکواڈ کپتان شاہد آفریدی سمیت ، شرجیل خان، احمد شہزاد، محمد حفیظ، شعیب ملک، سرفراز احمد، عمر اکمل، ، محمد عامر، وہاب ریاض اور محمد سمیع شامل ہیں۔

    دوسری جانب بھارتی سکواڈ میں کپتان مہندرا سنگھ دھونی، روہت شرما، شیکھر دھاون، ویرات کوہلی، سریش رائنا، یوراج سنگھ ، رویندرا جدیجا، ہردک پانڈیا، روی چندرا ایشون، جسپریت بمرا، اشیش نہرا شامل ہیں۔

     

     

  • ورلڈ ٹی ٹوئنٹی کا آغاز جیت کے ساتھ کریں گے، شاہد آفریدی

    ورلڈ ٹی ٹوئنٹی کا آغاز جیت کے ساتھ کریں گے، شاہد آفریدی

    کلکتہ: قومی ٹیم کے کپتان شاہد آفریدی نے ورلڈ ٹی ٹوئنٹی کا آغاز جیت کے ساتھ کرنے کا عزم ظاہر کیا ہے۔

    کلکتہ میں پریکٹس سیشن کے بعد نیوز کانفرنس کرتے ہوئے شاہد آفریدی نے کہا کہ بھارت آنے کیلئے ان کی ٹیم ذہنی اور جسمانی طور پر تیار تھی، ورلڈ ٹی ٹوئنٹی اہم ایونٹ ہے، آغاز جیت کے ساتھ کرنا چاہتے ہیں۔

    آفریدی کا کہنا تھا کہ بھارت میں ہمیشہ کرکٹ کو انجوائے کیا، بھارت میں لوگوں نے ہمیشہ پیار دیا، ایسے ممالک کم ہیں جہاں کرکٹ کھیلنے میں مزہ آتا ہے، بھارت ان میں سے ایک ہے۔

    ایک سوال پر آفریدی نے کہا کہ ایڈن گارڈن فیورٹ گراؤنڈ ہے، پاکستان کا بھارت اور اس گراؤنڈ میں ریکارڈ کافی اچھا ہے، اسے برقرار رکھنے کے لئے کھلاڑیوں کو عمدہ کھیل پیش کرنا ہوگا۔

  • اگرمصباح ریٹائر ہوجائیں تو اظہرعلی کوکپتان بنانا چاہئے، شاہد آفریدی

    اگرمصباح ریٹائر ہوجائیں تو اظہرعلی کوکپتان بنانا چاہئے، شاہد آفریدی

    کراچی: قومی ٹی ٹوئنٹی ٹیم کے کپتان شاہد آفریدی کا کہنا ہے کہ مضبو ط ٹیموں کے خلاف جتنا کھیلیں گے ورلڈ ٹی ٹوئنٹی کیلئے اتنی ہی اچھی تیاری ہوگی۔

    کراچی میں بنگلہ دیش ویمنز ٹیم کے اعزاز میں دیی گئی تقریب کے بعد میڈیا سے گفتگو کرتے ہوئے شاہد آفریدی کا کہنا تھا کہ آئندہ سال ورلڈ ٹی ٹوئنٹی بھارت میں ہونا ہے، اس لئے برصغیر میں جتنی زیادہ کرکٹ کھیلیں گے ٹیم کو اتنا فائدہ ہوگا۔

     ایک سوال پر آفریدی کا کہنا تھا کہ پاکستان میں دہشت گردوں کے خلاف آپریشن ضرور چل رہا ہے لیکن اس کے باوجود یہاں کے لوگ کرکٹ دیکھنا چاہتے ہیں،آفریدی نے کہا کہ تمام ایشیائی ممالک کو متحد ہوجانا چاہیے۔

    بوم بوم نے کہا کہ پاکستان ٹیسٹ ٹیم کومصباح الحق کی ضرورت ہے، اگرمصباح ریٹائرہوجائیں تواظہرعلی کوکپتان بناناچاہئے۔