ملک کے مایہ نازکرکٹرشاہد خان آفریدی ان دنوں عید کی چھٹیاں منانے کے لئے اپنے آبائی گاؤں پہنچے ہوئے ہیں۔
پاکستانی کرکٹ کی شان سمجھے جانے والے شاہد خان آفریدی آل راوئنڈرہیں اورباؤلنگ، بیٹنگ اور فیلڈنگ تینوں شعبوں میں ہی عمدہ کارکردگی کا مظاہرہ کرتے ہیں۔
Good to be with my family before ZiM tour Posted by Shahid Afridi Official on Monday, September 21, 2015
کیمروں کی چکاچوند میں اپنی زندگی کا بیشترحصہ بسرکرنے والے اپنی نجی زندگی میں انتہائی سادہ شخصیت کے حامل ہیں اورایک عام آدمی کی سی زندگی گزارتے ہیں۔
شاہد آفریدی فاٹا کی خیبر ایجنسی سے تعلق رکھتے ہیں اور انہوں نے ضلع کوہاٹ میں واقع اپنے آبائی گاوٗں تنگی باڑہ میں ایک 16 بستروں پر مشتمل ایک اسپتال بھی قائم کیا ہے جہاں مریضوں کا مفت علاج کیا جاتا ہے۔
ان کا ماننا ہے کہ معاشرے سے انہوں نے جوعزت حاصل کی ہے تو اب ان کا بھی فرض ہے کہ سماج کی خدمت کرکے اپنا فرض ادا کریں۔
شاہد خان آفریدی کا ماننا ہے کہ شہروں کی زندگی بادشاہوں کی سی زندگی ہے جہاں ہر قسم کی سہولت میسر ہے اور اگر کسی کو زندگی کی اصل مشکلات دیکھنی ہیں تو وہ خیبر پختونخواہ کے دیہاتوں کا رخ کرے جہاں کچھ بھی نہیں ہے نا بچوں کے لئے تعلیم، نہ کھیل کے لئے میدان اورنہ ہی طبی سہولیات میسرہیں۔
شاہد آفریدی کو ان کی عوامی مقبولیت کے سبب اینٹی پولیو ممہم کا سفیر بھی مقرر کیا گیا ہے۔
شاہد آفریدی ٹی ٹوئنٹی ٹیم کے کپتان کی حیثیت سے جلد ہی قومی ٹیم کے ہمراہ زمبابوے کادورہ کریں گے۔
