بالی ووڈ اداکارہ اور سابق بھارتی کپتان ویرات کوہلی کی اہلیہ انوشکا شرما کی سوشل میڈیا پر جاری بولنگ کرتی تصویر نے پرستاروں کو حیران کردیا۔
بالی ووڈ انڈسٹری میں انوشکا شرما اور کرکٹ کی دنیا میں ویرات کوہلی بڑے نام ہیں اور یہی وجہ ہے حقیقی زندگی کی یہ جوڑی جب بھی اپنی فیلڈ یا اس سے باہر کوئی تصویر یا خبر جاری کرتی ہے تو وہ دیکھتے ہی دیکھتے دنیا بھر کی توجہ حاصل کرلیتی ہے۔
حال میں بھارتی اداکارہ اور ویرات کوہلی کی اہلیہ انوشکا شرما نے اپنے انسٹاگرام پر دو تصاویر پوسٹ کیں جن میں ایک میں انکا انداز بولنگ کرانے کا ہے جب کہ دوسرے ہاتھ میں انہوں نے گیند کو ہاتھوں میں پکڑ رکھا ہے۔
سوشل میڈیا پر اپنی تصاویر شیئر کرتے ہوئے انوشکا نے لکھا کہ ’’گرپ بائی گرپ‘‘۔
یعنی بال کو پکڑنے کے اور کیا کیا طریقے ہوسکتے ہیں، انوشکا شرما کے ہاتھوں میں سرخ گیند ہے جو ٹیسٹ کرکٹ میں استعمال ہوتی ہے۔
ان تصاویر کو چند گھنٹوں میں اب تک لاکھوں صارفین دیکھ چکے ہیں اور 13 لاکھ سے زائد لائیکس مل چکے ہیں جب کہ ان تصاویر پر صارفین کے دلچسپ تبصرے بھی جاری ہیں۔
ایک صارف نے مختصر پیغام میں لکھا بہت زبردست، کچھ صارفین نے دلچسپ اموجیز سے اپنے تاثرات کا اظہار کیا۔
ایک صارف نے لکھا کہ ’’یہ کس لائن میں آگئی ہیں آپ‘‘۔
واضح رہے کہ بھارتی ٹیم ان دنوں سری لنکا کے خلاف ٹی ٹوئنٹی سیریز کھیل رہی ہے جس کے بعد ٹیسٹ میچز کی سیریز ہے اور اس سیریز میں انوشکا کے شوہر ویرات کوہلی اپنے کیریئر کا سو واں ٹیسٹ میچ کھیلیں گے۔
