Tag: bowling ection

دبئی: پاکستان کرکٹ بور ڈنے سعید اجمل کے ایکشن کی جانچ کے لئے آئی سی سی سے باضابطہ رابطہ کرلیا۔

پاکستان کرکٹ بورڈ کا کہنا ہے کہ اجمل کے بولنگ ایکشن ٹیسٹ کے لئے آئی سی سی کو ای میل کردی ہے، آف اسپنر کے ٹیسٹ کے لئے آئی سی سی تاریخ دے گا، اجمل کے ایکشن کو اگست میں مشکوک قرار دیا گیا تھا، جس کے بعد ستمبر میں سعید اجمل کو معطل کردیا تھا۔

اجمل کے ایکشن میں درستگی کے لئے پی سی بی نے سابق آف اسپنر ثقلین مشتاق کی خدمات حاصل کیں تھیں۔ برطانیہ میں سعید اجمل کا تین مرتبہ غیر سرکاری بولنگ ٹیسٹ ہوا، غیر سرکاری ٹیسٹ کے مطابق اجمل کی آف اسپین اور فاسٹ بولر کو لیگل قرار دے دیا گیا ہے۔ اجمل کے دوسرا میں بھی بہتری آئی تھی۔

کارڈف: پاکستان کے معطل اسپنر سعید اجمل کا بولنگ ایکشن ایک بار پھر کلیر نہیں ہوسکا، اجمل کا اہم ہتیھار دوسرا اب بھی پندرہ ڈگری سے زیادہ ہے۔

کارڈف کی لوبرو یونیورسٹی میں دئیے گئے غیر سرکاری ٹیسٹ کی رپورٹ کے مطابق سعید اجمل کا ایکشن اب بھی کلیئر نہیں ہوسکا، سعید اجمل کی آف اسین اور فاسٹر بال کو قانونی قرار دیا گیا ہے، اجمل کا اہم ہیتھار دوسرا گیند جس نے سعید اجمل شہرت کی بلندوں پر پہنچایا، اب بھی غیر قانونی ہے۔

۔ غیر قانونی ٹیسٹ کی رپورٹ میں دوسرا گیند کرواتے وقت اجمل کے بازو کا خم اب بھی پندرہ ڈگری کے زاوئیے سے زیادہ ہے، ڈومیسٹک کرکٹ میں واپسی سے قبل سعید اجمل ایک اور غیر سرکاری ٹیسٹ دے کر وطن لوٹیں گے۔

لاہور:پاکستانی ٹیم کے اسپن بولر سعید اجمل بولنگ ایکشن کی جانچ کیلئے آج انگلینڈ روانہ ہونگے۔ سعید اجمل نے امید ظاہر کی ہے کہ وہ جلد بین الاقوامی کرکٹ میں ایکشن میں دکھائی دیں گے۔

سعید اجمل کا بائیومیکنک ٹیسٹ دس نومبر کو کارڈف میں ہوگا۔ سابق پاکستانی آف اسپنر ثقلین مشتاق نے ایک ماہ سے زائد عرصے تک لاہور میں اجمل کے ایکشن کی درستگی پر کام کیا ہے۔

سعید اجمل کہتے ہیں کہ ان کی تمام تر توجہ انٹرنیشنل کرکٹ میں واپسی پر مرکوز ہے۔ایکشن درست کرنے کے لئے سخت محنت کی ہے۔

پاکستان اور سری لنکا کے درمیان گال میں کھیلے گئے ٹیسٹ میچ میں امپائرز نے سعید اجمل کے بولنگ ایکشن کو غیر قانونی قرار دیا تھا اور ایکشن کی درستگی تک ان پر انٹرنیشنل کرکٹ کے دروازے بند کردیئے تھے۔