ARYNews.tv | Urdu – Har Lamha Bakhabar

Tag: Box Office

  • فلم لو گرو نے باکس آفس پر کامیابی کے جھنڈے گاڑ دیے

    فلم لو گرو نے باکس آفس پر کامیابی کے جھنڈے گاڑ دیے

    عید الاضحیٰ کے موقع پر ریلیز ہونے والی اے آر وائی فلمز کی میگا بجٹ اور میگا کاسٹ فلم ’لو گرو‘ نے باکس آفس پر کامیابی کے جھنڈے گاڑ دیے۔

    اے آر وائی فلمز کی شاندار پیشکش فلم لو گرو کو شائقین کی طرف سے بھرپور پذیرائی ملی، اے آر وائی نیوز کی رپورٹ کے مطابق فلم نے اب تک 55 کروڑ 3لاکھ روپے کا بہترین بزنس کیا۔

    اس فلم نے پاکستان میں 29 کروڑ دو لاکھ جبکہ بیرون ممالک میں 26 کروڑ ایک لاکھ روپے کمائے۔ رومانوی کامیڈی فلم ’لو گُرو‘ نے اپنے پہلے ہفتے میں ’دی لیجنڈ آف مولا جٹ‘ کو بھی پیچھے چھوڑ دیا۔

    فلم کی شوٹنگ لندن میں کی گئی ناظرین نے اس فلم میں ہمایوں سعید اور ماہرہ خان کی جوڑی کو بے حد پسند کیا۔

    اس فلم کے ہدایت کار معروف فلم ساز ندیم بیگ ہیں جبکہ اس کی کہانی واسع چوہدری نے تحریر کی ہے، فلم میں رومانس کے ساتھ ساتھ پشتو اور پنجابی تڑکے والا مزاح بھی شامل ہے جو شائقین کو خوب پسند آرہا ہے۔

    اس فلم کا ایک گانا ’رات کے سائے‘ بھی مقبولیت کی بلندیوں پر پہنچ چکا ہے، جس میں اداکارہ رمشا خان اور ہمایوں سعید نے پرفارم کیا ہے جبکہ گلوکارہ آئمہ بیگ نے اپنی آواز کا جادو جگایا۔

    اس گانے میں رمشا خان کی پرفارمنس کو بھی مداحوں کی جانب سے سراہا جارہا ہے جبکہ لباس، رقص اور اسکرین کیمسٹری نے بھی مداحوں کو بےحد متاثر کیا ہے۔

  • ’دی نن ٹو‘ نے باکس آفس پر دہشت پھیلا دی

    ’دی نن ٹو‘ نے باکس آفس پر دہشت پھیلا دی

    ہالی ووڈ کی ڈراؤنی فلم ’دی نن ٹو‘ نے باکس آفس پر بھی دہشت پھیلا دی ہے، فلم ریلیز کے 3 دنوں میں 32.6 ملین ڈالر کما کر سب سے آگے رہی۔

    وارنر برادرز کی ہالی ووڈ بلاک بسٹر ہارر تھرلر فلم ’دی نن ٹو‘ نے سنیماؤں میں دھوم مچا دی، خوفناک راہبہ نے امریکی باکس آفس پر بھی سب کو ڈرا رکھا ہے، اور بورڈنگ اسکول کی بد روحیں نارتھ امریکی باکس آفس پر خوب ہلچل مچا رہی ہیں۔

    راہبہ کے شیطانی قوتوں سے ٹکراؤ پر مبنی اس فلم نے اب تک 3 کروڑ 26 لاکھ ڈالر کا بزنس کر لیا ہے، جس کی مالیت پاکستانی 10 ارب روپے بنتی ہے۔

    دل چسپ بات یہ ہے کہ فلم ریلیز ہونے سے قبل The Nun II کے بارے میں کافی منفی جائزے پیش کیے گئے تھے، تاہم یہ برے جائزے بھی فلم بینوں کو ٹکٹ خریدنے سے ڈرا نہیں سکے، وارنر برادرز نے یہ فلم 3 ہزار 728 سینما گھروں میں ریلیز کی تھی، اور یہ شمالی امریکا کے تھیٹرز میں اپنے پہلے ویک اینڈ میں باکس آفس پر سرفہرست رہی۔

    یہ فلم دراصل 2018 کی ہٹ فلم ’دی نن‘ کا سیکوئل ہے، پہلی فلم نے ابتدائی دنوں میں ریکارڈ 53.8 ڈالر بزنس کیا تھا، خیال رہے کہ یہ فلم بھی ’کنجرنگ یونیورس‘ والی فلموں کا حصہ ہے، جس میں اب تک 9 فلمیں آ چکی ہیں اور باکس آفس پر مجموعی طور پر ان فلموں نے 2.1 ارب ڈالر بزنس کیا ہے۔

    دی نن ٹو نے بین الاقوامی سطح پر بھی اچھا کاروبار کیا ہے، جس نے 69 مارکیٹوں سے 52.7 ملین ڈالر کمائے۔

  • فلم ’جوان‘ کی بلاک بسٹر کامیابی کے بعد شاہ رخ کا ٹوئٹ

    فلم ’جوان‘ کی بلاک بسٹر کامیابی کے بعد شاہ رخ کا ٹوئٹ

    بالی ووڈ فلم ’جوان‘ کی بلاک بسٹر کامیابی پر کنگ خان نے دنیا بھر میں اپنے مداحوں کا شکریہ ادا کیا ہے۔

    اداکار شاہ رخ خان کی ریلیز ہونے والی نئی فلم ’جوان‘ نے پہلے ہی دن سے کامیابی کے جھنڈے گاڑنا شروع کر دیے، اوپننگ ڈے پر 75 کروڑ روپے کما کر ریکارڈ بنا لیا ہے جب کہ انٹرنیشنل سینما میں کمائی 130 کروڑ تک پہنچ گئی ہے۔

    اس کامیابی پر شاہ رخ نے سماجی رابطوں کی ویب سائٹ ایکس پر مداحوں کا شکریہ ادا کرتے ہوئے ایک ٹوئٹ میں لکھا ’’جوان کے لیے تمام محبتوں اور تعریفوں کا شکریہ، سلامت اور خوش رہیں۔‘‘

    بالی ووڈ کنگ نے مداحوں سے یہ بھی کہا کہ وہ فلمیں دیکھتے ہوئے اپنی تصاویر اور ویڈیوز بھیجتے رہیں، میں جلد ہی انھیں دیکھنے لوٹوں گا، تب تک جوان کے ساتھ تھیٹرز میں پارٹی کا لطف لیں۔

    انڈین ایکسپریس کے مطابق ڈائریکٹر ایٹلی اور شاہ رخ کی فلم جوان نے ہندی سنیما کی تاریخ میں اب تک کی سب سے بڑی اوپننگ کا ریکارڈ توڑ دیا ہے، جوان نے دوسرے دن 53 کروڑ روپے کمائے، جو شاہ رخ کی پچھلی فلم پٹھان کے پہلے دن کی کمائی کے قریب ہے، جس کا پہلے دن کا بزنس 57 کروڑ تھا۔ یوں فلم جوان کا دو دن کا مجموعی بزنس 127 کروڑ روپے ہو گیا ہے۔

  • عامر خان کی ’لال سنگھ چڈھا‘ 50 کروڑ بھی نہ کما سکی

    عامر خان کی ’لال سنگھ چڈھا‘ 50 کروڑ بھی نہ کما سکی

    نئی دہلی: معروف بھارتی اداکار اور مسٹر پرفیکشنسٹ سمجھے جانے والے عامر خان کی نئی فلم لال سنگھ چڈھا 4 روز میں 50 کروڑ روپے بھی نہ کما سکی، فلم نے پہلے دن محض 12 کروڑ روپے کا بزنس کیا۔

    بھارتی ویب سائٹس کے مطابق عامر خان کی فلم لال سنگھ چڈھا 4 دنوں کے دوران باکس آفس پر 50 کروڑ روپے بھی نہ کما سکی۔

    عامر خان کی فلمیں عموماً 100 کروڑ کما لیتی تھیں، اور اکثر پچھلی تمام فلموں کے ریکارڈ بھی توڑ دیا کرتی تھیں، تاہم اب ان کی نئی فلم کو غیر یقینی طور پر ناکامی کا سامنا ہے۔

    ان کی حال ہی میں ریلیز ہونے والی فلم لال سنگھ چڈھا نے گزشتہ روز، یعنی چھٹی کے دن بھی صرف 10 کروڑ روپے کا بزنس کیا جس کے بعد فلم کی مجموعی کمائی محض 37 کروڑ روپے تک ہی پہنچ سکی ہے۔

    4 روز کے دوران 37 کروڑ روپے کی کمائی عامر کی دیگر فلموں کے مقابلے میں انتہائی کم ہے۔ بھارتی باکس آفس پر پہلے دن لال سنگھ چڈھا کی کمائی صرف 12 کروڑ روپے تھی۔

    دوسری جانب بھارتی میڈیا کی جانب سے فلم لال سنگھ چڈھا کو عامر خان کی سب سے کم پرفارم کرنے والی فلموں میں شامل کیا جا رہا ہے جبکہ کچھ حلقوں نے اس فلم کو مکمل طور پر فلاپ قرار دے دیا ہے۔

  • سینما گھر کھلنے کے بعد پہلی فلم نے کامیابی کے ریکارڈز قائم کردیے

    سینما گھر کھلنے کے بعد پہلی فلم نے کامیابی کے ریکارڈز قائم کردیے

    مقبول ترین ایکشن فلم فرنچائز فاسٹ اینڈ فیوریس کے نویں حصے کی مقبولیت میں اضافہ جاری ہے، امریکی باکس آفس فاسٹ اینڈ فیوریس کے سحر سے نہ نکل سکا۔

    امریکی با کس آفس پر فاسٹ اینڈ فیوریس مسلسل دوسرے ہفتے بھی نمبر ون پوزیشن پر برقرار ہے۔ ایف نائن: دا فاسٹ ساگا نے اب تک 2 کروڑ 38 لاکھ ڈالر یعنی 3 ارب 73 کروڑ روپے کمالیے ہیں۔

    25 جون کو ریلیز ہونے والی ایکشن فلم فاسٹ اینڈ فیورس 9 نے کرونا وبا کے بعد دوبارہ کھلنے والے امریکی سنیما گھروں کا شاندار افتتاح کیا تھا اور پہلے ہفتے میں ہی شائقین کے دل جیت لیے تھے۔

    فلم کے مرکزی کرداروں میں سے ایک ون ڈیزل کے بیٹے ونسنٹ نے بھی فلم میں اپنا ڈیبیو کیا ہے، 10 سالہ ونسنٹ کے کنٹریکٹ میں سامنے آنے والی تفصیلات کے مطابق ونسنٹ کو ایک ہزار 5 ڈالر فی دن معاوضہ دیا گیا ہے۔

  • سنیما گھروں میں جوکر کا راج

    سنیما گھروں میں جوکر کا راج

    ہولی ووڈ کی سائیکولوجی تھرلر فلم ’جوکر‘ نے سینما گھروں پر قبضہ جما کر رکھا ہے، فلم اپنی ریلیز سے اب تک 55 ملین ڈالر کما چکی ہے۔

    تفصیلات کے مطابق امریکی باکس آفس پر پرتشدد ولن جوکر کا راج برقرار ہے۔ ہالی ووڈ کی جرائم پر مبنی ڈرامہ فلم دوسرے ہفتے بھی کمائی کی دوڑ میں سب سے آگے رہی۔

    اینی میٹڈ فلم ’دی ایڈمز فیملی‘ باکس آفس پر دوسرے اور ایکشن سے بھرپور فلم ’جیمنی مین‘ تیسرے نمبر پر رہی۔

    فلم جوکر میں آرتھر فلیک نامی ایک شخص کی کہانی بتائی گئی ہے جو ذہنی بیماری کا شکار ایک کامیڈین ہے۔ ذاتی اور پیشہ ورانہ زندگی میں مشکلات کے باعث وہ جرم کا راستہ اختیار کر لیتا ہے۔

    فلم میں پرتشدد مناظر موجود ہیں جس کے باعث اس پر تنقید کی جارہی ہے، تاہم اس پر کی جانے والی تنقید اور تنازعات ہی اس کی مقبولیت کا باعث بن رہے ہیں۔

    فلم کے ہدایت کار ٹوڈ فلپس پر تنقید کی جارہی ہے کہ انہوں نے ایک پرتشدد شخص کو قابل ستائش انداز میں پیش کیا ہے، تاہم انہوں نے اور فلم کے مرکزی کردار کوائین فیونکس نے واضح طور پر کہا کہ وہ اس کے ذمہ دار نہیں کہ لوگ اس فلم کا کیا اثر لیتے ہیں۔

    فلم کی ریلیز کے موقع پر حالات خرابی کا خدشہ بھی تھا یہی وجہ تھی کہ اس کی ریلیز کے موقع پر امریکا بھر میں سیکیورٹی ہائی الرٹ کردی گئی، تاہم ابھی تک اس فلم کے باعث ایسا کوئی پرتشدد واقعہ رونما نہیں ہوا۔

  • ڈی سی فلم شیزام نےامریکی باکس آفس پردھوم مچادی

    ڈی سی فلم شیزام نےامریکی باکس آفس پردھوم مچادی

    امریکی فلم بینوں پر ہالی ووڈ ایکشن کامیڈی فلم شیزام کا جادو چل گیا، سپر ہیرو ایڈونچر مووی نے ساڑھے سات ارب روپے کما کر نارتھ امریکن باکس آفس پر قبضہ جمالیا۔

    تفصیلات کے مطابق ڈی سی کامک کردار پر مبنی سپر ہیرو فلم ایک ایسے لڑکے کی کہانی ہے جو جادوئی لفظ ’شیزام‘ پکار کر سپر ہیرو میں ڈھلنے کی صلاحیت رکھتا ہے، فلم نے ریلیز کے پہلے ہفتے ہی شمالی امریکا میں اندازوں سے بڑھ کر 53 ملین ڈالر یعنی سات ارب سینتالیس کروڑ روپے سے زائد کا بزنس کیا ہے۔

    ہدایت کار ڈیوڈ ایف سینڈ برگ کی اس سنسنی خیز فلم کی کہانی ایک ایسے لڑکے کے گرد گھوم رہی ہے جسے اچانک جادوئی طاقت کے ذریعے بے پناہ طاقت مل جاتی ہے، لڑکا غیر معمولی طاقت کے ملتے ہی مضبوط جسامت والے نوجوان کا روپ دھار لیتا جسے اس کے دوست تک پہنچان نہیں پاتے۔

    لڑکا خطرناک صلاحیتوں کا استعمال نہ جاننے پر اکثر مشکل میں گھِر جاتا، تاہم پھر اپنی طاقت کا اندازہ ہونے پر نوجوان دشمنوں کو منہ توڑ جواب دیتا ہے اور ان کا ڈٹ کر مقابلہ کرتا ہے۔پیٹر سیفران کی پروڈکشن میں بننے والے اس سپر ہیرو فلم میں مرکزی کردار ہالی ووڈ اسٹارزیچرے لیوی، عشر اینجل، مارک اسٹروگ، روز بٹلر اور ایڈم بروڈی سمیت کئی فنکار اہم ادا کیے۔

    اسی ہفتے ریلیز ہونے والی ہارر مووی پیٹ سمٹری دوسرے نمبر پر رہی جس نے پچیس ملین ڈالر یعنی پاکستانی ساڑھے تین ارب روپے سے زائد کا بزنس کیا، فلم جانوروں کے قبرستان کے قریب رہائش اختیار کر کے مصیبت میں پھنسنے والے خاندان کی کہانی ہے۔

    اس ہفتے تیسرے نمبر پر رہنے والی فلم ڈمبو ہے، سرکس کے اڑتے ہاتھی کی فینٹیسی فلم نے تقریباً ڈھائی ارب روپے کمائی کی ہے۔

  • جوانی پھر نہیں آنی 2 کا باکس آفس پر راج، مختصر وقت میں 10 کروڑ کا کاروبار

    جوانی پھر نہیں آنی 2 کا باکس آفس پر راج، مختصر وقت میں 10 کروڑ کا کاروبار

    کراچی: سلمان اقبال فلمز، اے آر وائی فلمز اور سکس سگما پلس کی مشترکہ کاوش سے ریلیز ہونے والی فلم جوانی پھر نہیں آنی 2 نے باکس آفس پر تہلکہ مچاتے ہوئے تمام ریکارڈ توڑ  دیے۔

    تفصیلات کے مطابق عید الاضحی پر ریلیز ہونے والی فلم جوانی پھر نہیں آنی 2 کا سینیما گھروں پر دوسرے روز بھی راج جاری ہے اور شائقین کی بڑی تعداد فلم دیکھنے کے لیے سینیما گھروں کو پہنچ رہی ہے۔

    سلمان اقبال فلمز، اے آر وائی فلمز اور سکس سگما پلس کی مشترکہ پیش کش سے ریلیز ہونے والی ایکشن اور رومانس سے بھرپور فلم کی بکنگ کے لیے سینما گھروں میں بے تحاشہ رش ہے اور شائقین اس بات کے خواہش مند ہیں کہ وہ اپنے پسندیدہ اداکاروں کو جلد سے جلد پردے پر دیکھ لیں۔

    باکس آفس پر نیا ریکارڈ قائم

    جوانی پھر نہیں آنی ٹو نے باکس آفس پر تہلکہ مچایا ہوا ہے اور  تاریخی ریکارڈ قائم کرلیا، اب تک آنے والی پاکستانی فلموں میں سے اس فلم نے کم ترین وقت میں دس کروڑ  72 لاکھ روپے کا بزنس کر کے اہم سنگ میل عبور کیا۔

    مزید پڑھیں: جوانی پھر نہیں آنی 2، آتے ہی چھا گئی، باکس آفس پر نیا ریکارڈ قائم

    ریلیز کے پہلے روز فلم نے دنیا بھر میں 5کروڑ 40لاکھ کا کاروبار کیا تھا جس میں سے صرف پاکستان سے 3کروڑ22 لاکھ روپے اور بیرونِ مملک میں 2 کروڑ 17 لاکھ روپے کا بزنس ریکارڈ کیا گیا تھا۔

    اے آر وائی فلمز، سلمان اقبال فلمز اورسکس سگماپلس کی کامیابی سے نمائش جاری ہے، عیدالاضحی کے دوسرے روز بھی باکس آفس پر ریکارڈ توڑ بزنس ہوا۔شہریوں کی دلچسپی سے لگتا ہے سلمان اقبال فلمز،اے آر وائی فلمز اور سکس سگما پلس کی مشترکہ پیش کش نئے ریکارڈ بنانے میں کامیاب ہوگی۔

    واضح رہے کہ جوانی پھر نہیں آنی 2015 میں ریلیز کی گئی تھی جس نے باکس آفس پر کامیابی کے جھنڈے گاڑے، ناظرین کی دلچسپی کو مدنظر رکھتے ہوئے اس کا سیکوئل بنانے کا فیصلہ کیا گیا تھا۔

    یہ بھی پڑھیں: فلم ’جوانی پھر نہیں آنی 2‘ پاکستان سمیت دنیا بھر میں ریلیز 

    خیال رہے کہ ایکشن، ڈراما، افراتفری، مذاق مستی اور رومانس سے بھرپور فلم جوانی پھر نہیں آنی کے پہلے پارٹ کی کہانی اُن چار دوستوں کے گرد گھومتی تھی جو اپنی شادی شدہ زندگی سے پریشان تھے اور اپنی ذمہ داریوں سے نالاں ہوکر دباؤ کا شکار تھے۔

  • سنجو نے عامر خان اور سلمان کی کامیاب فلموں کو پیچھے چھوڑ دیا

    سنجو نے عامر خان اور سلمان کی کامیاب فلموں کو پیچھے چھوڑ دیا

    ممبئی: بالی ووڈ کے متنازع اداکار کی زندگی پر بننے والی فلم ’سنجو‘ نے باکس آفس پر کمائی کے تمام ریکارڈ توڑ دیے اور یہ اب تک کمانے والی دوسری بڑی انڈین فلم بن گئی۔

    تفصیلات کے مطابق فلم سنجو نے ریلیز کے 28 روز میں اب تک 339 کروڑ 75 لاکھ روپے سے زائد کا بزنس کر کے ’دنگل‘ کے بعد بالی ووڈ دوسری بڑی فلم ہونے کا اعزاز اپنے نام کرلیا۔

    اگر یوں کہا جائے کہ بالی ووڈ کے ابھرتے ہوئے اداکار رنبیر کی ’سنجو‘ میں کی جانے والی اداکاری نے عامر خان اور سلمان خان کے لیے خطرے کی گھنٹی بجا دی۔

    سنجے دت کی زندگی پر بنائی جانے والی فلم نے ریلیز کے پہلے ہی روز ریکارڈ بزنس کیا تھا جس کے بعد سے اُس کی کامیابی کا سفر اب تک جاری ہے اور لوگ اسے دیکھنے میں دلچپسی لے رہے ہیں۔

    مزید پڑھیں: سنجو کی کامیابیوں‌ میں‌ کتنی ناکامیاں‌ شامل

    بھارتی سینما گھروں میں 28 روز بعد بھی لوگ سنجے دت کی زندگی پر بننے والی فلم دیکھنے آرہے ہیں اور روزانہ کی بنیاد پر شوز اب بھی جاری ہیں۔

    اس سے قبل مسٹر پرفیکٹ (عامر خان) کی پی کے نے باکس آفس پر 339 کروڑ 50 لاکھ جبکہ سلمان خان کی ’ٹائیگرزندہ ہے‘ نے 339 کروڑ 16 لاکھ بھارتی روپے کی کمائی کی تھی۔

    علاوہ ازیں بالی ووڈ کی سب سے زیادہ کمانے والی فلم دنگل تھی جس نے باکس آفس پر 370 کروڑ کا کاروبار کیا تھا اور اب سنجو 333 ارب کے ساتھ دوسرے نمبر پر آگئی۔ انٹرٹینمنٹ انڈسٹری پر نظر رکھنے والے تجزیہ نگاروں کا ماننا ہے کہ سنجو مستقبل میں دبنگ کو بھی پیچھے چھوڑ سکتی ہے۔

    واضح رہے کہ ”تھری ایڈیٹس“ اور” پی کے“ جیسی بلاک بسٹر فلمیں بنانے والے ہدایت کار راج کمار ہیرانی نے ممتاز اداکار سنجے دت کی زندگی کے مختلف ادوار کو یکجاں کرکے فلم بنانے کا اعلان دو برس قبل کیا تھا۔

    یہ بھی پڑھیں: فلم سنجو، رشی کپور 25 برس پرانی تصویر سامنے لے آئے

    سنجے دت کا شمار بالی وڈ کے متنازع ترین اداکاروں میں ہوتا ہے جن کی زندگی میں محبت کی کہانیاں، منشیات اور اسلحہ رکھنے جیسے بڑے اسکینڈلز سامنے آئے۔

    انڈسٹری کو کئی بلاک بسٹر دینے والے سنجے دت کو ایک بار جیل کی ہوا کھانی پڑی تھی، ایک دور میں تصور کیا جاتا تھا کہ شاید منا بھائی کے مرکزی کردار کا فلمی مستقبل ختم ہوگیا مگر انہوں نے اپنے کرداروں اور صلاحیتوں سے ایک بار پھر انڈسٹری میں جگہ بنائی۔

    فلم سنجو 29 جولائی کو ریلیز ہوئی تھی، معروف ہندوستانی نقاد ترن آدیش نے کہانی کو ماسٹر پیس ٹھہرایا اور جذبات سے بھرپور ایک طاقتور فلم قرار دیتے ہوئے ہدایت کار راج کمار ہیرانی کوخوب سراہا۔

    خیال رہے کہ سنجو فلم سنجے دت کی زندگی پر مبنی ہے، اس فلم میں رنبیر کپور نے سنجے دت کا کردار بھرپور طریقے سے ادا کیا اور خوب داد سمیٹی، سنجو رنبیر کی بلاک باسٹر فلم ثابت ہوئی۔

    فلم میں پریش راول سنیل دت اور منیشا کوئرالا نرگس کے روپ میں نظر آئے ہیں جبکہ دیا مرزا اور سونم کپور نے بھی اپنی صلاحیتوں کا مظاہرہ کیا ہے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • دبنگ خان کے مداحوں‌ کے لیے خوش خبری: ’ریس تھری‘ کا پہلا مرحلہ مکمل

    دبنگ خان کے مداحوں‌ کے لیے خوش خبری: ’ریس تھری‘ کا پہلا مرحلہ مکمل

    ممبئی: دبنگ خان فلم ’’ ٹائیگر زندہ ہے‘‘ کے بعد اپنی نئی فلم ’’ریس تھری‘‘ کی تیاریوں میں مصروف ہیں، جو رواں سال عید پر ریلیز کی جائی گی۔

    تفصیلات کے مطابق بالی وڈ سپراسٹار سلمان خان اپنی اگلی فلم ’’ریس تھری‘‘ پر تیزی سے کام کر رہے ہیں، جس کا پہلا حصہ مکمل ہوچکا ہے۔

    بالی وڈ سلطان ’’ ٹائیگر زندہ ہے‘‘ میں 300 کروڑ سے زائد کا بزنس کرنے اور فلم نگری میں اپنی دھاک بٹھانے کے بعد اپنے مداحوں کے لیے ’’ریس تھری‘‘ پراجیکٹ پر مستقل مزاجی سے کام کرہے ہیں۔ ان کے دیگر پراجیکٹس میں فلم ’’بھارت‘‘ اور ’’ویلکم ٹو  نیویارک‘‘ شامل ہیں۔ یاد رہے کہ ریس کے ابتدائی حصوں میں سیف علی خان نے مرکزی کردار نبھایا تھا۔

    فلم ’’ ریس تھری ‘‘ کے ہدایت کار رومیو ڈی سوزا نے اپنے ایک بیان میں کہا ہے کہ فلم کی تیاری تیزی سے جاری ہے، پراجیکٹ کو عید سے پہلے مکمل کر لیا جائے گا،  فلم کا ایک حصہ مکمل ہوچکا، اگلے شیڈول کی شوٹنگ ابوظہبی اور تھائی لینڈ میں کی جائے گی۔

    فلم کے پہلے حصے کی تیاری مکمل ہونے کی خوشی میں سلمان خان نے اپنے ساتھی  اداکاروں کے ساتھ کیک کاٹا اور تصویریں بنوائیں، مذکورہ فلم میں اداکاری کے جوہر دکھانے والوں میں سلمان خان سمیت بوبی ڈیول، ثاقب سلیم، انیل کپور، ڈیزی شاہ، اور پوجا ہیج اداکار شامل ہیں۔

    خیال رہے بوبی دیول گذشتہ برس اپنے والد دھرمندر اور بھائی سنی ڈیول کے ساتھ فلم ’’پوسٹر بوائز‘‘ میں دیکھا گیا تھا، لیکن فلم خاطر خواہ کامیابی نہیں سمیٹ سکی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔