ملیے کراچی کی رابعہ سے جو میٹرک کی طالبہ ہیں، لیکن اپنے ہنر سے تمام معاشرتی قدغنوں کو توڑ کر دنیا میں اپنا نام بنا رہی ہیں۔ رابعہ اپنے خاندان کی پہلی لڑکی ہے، جنھوں نے باکسنگ کی دنیا میں قدم رکھا، اس ویڈیو میں جانتے ہیں رابعہ کی کہانی!
رابعہ نے کم وسائل، محدود مواقع اور معاشرتی رکاوٹوں کو توڑا، 16 سالہ رابعہ جو کہ باکسنگ کی دنیا میں خود کی پہچان بنا رہی ہیں۔
رابعہ پڑھائی کے ساتھ ساتھ باکسنگ پریکٹس بھی جاری رکھے ہوئے ہے، وہ کہتی ہیں ’’میرا خواب ہے دنیا میں قومی پرچم کی اہمیت اُجاگر کرنا۔‘‘ کراچی کے پس ماندہ علاقے بلدیہ سے تعلق رکھنے والی یہ بہادر لڑکی باکسنگ کی دنیا میں بلندیوں کو چھونے کے لیے اسپانسرشپ کی منتظر ہیں۔