Tag: boxing

  • سپر باکسنگ لیگ: لاہور کی ٹیم کے ٹرائلز مکمل، 10 مرد اور 2 خواتین باکسرز کی ٹیم منتخب

    سپر باکسنگ لیگ: لاہور کی ٹیم کے ٹرائلز مکمل، 10 مرد اور 2 خواتین باکسرز کی ٹیم منتخب

    لاہور: سپر باکسنگ لیگ کے لیے گوجرانوالہ کے بعد لاہور کی ٹیم کے ٹرائلز بھی مکمل ہوگئے، 10 مرد اور 2 خواتین باکسرز پر مشتمل ٹیم کا انتخاب کر لیا گیا۔

    تفصیلات کے مطابق پاکستان کی پہلی سپر باکسنگ لیگ کی ٹیموں کے انتخاب کے لیے ملک بھر میں باکسرز کے ٹرائلز جاری ہیں، ٹرائلز کے ذریعے لاہور کی ٹیم کا انتخاب عمل میں آ گیا ہے۔

    قبل ازیں گوجرانوالہ میں بھی باکسرز کی ٹیم کے انتخاب کے لیے ٹرائلز کیے گئے تھے، ملک بھر میں باکسنگ لیگ کے لیے ٹرائلز کا سلسلہ 11 اگست تک جاری رہے گا۔

    سپر باکسنگ لیگ میں ٹیموں کے انتخاب کے لیے ٹرائلز کے شیڈول کے مطابق اسلام آباد میں 28 کو ٹرائلز ہوں گے جب کہ پشاور میں 29 جولائی کو ہوں گے۔

    کوئٹہ میں سپر باکسنگ لیگ کے ٹرائلز 2 اگست کو شیڈول ہیں، جب کہ کراچی میں 5 اور 6 اگست کو سپر باکسنگ کے ٹرائلز ہوں گے۔

    پاکستان کی پہلی سپر باکسنگ لیگ کے ٹرائلز شروع

    فیصل آباد سے باکسنگ ٹیم کے انتخاب کے لیے ٹرائلز 10، جب کہ ملتان سے ٹیم کے انتخاب کے لیے 11 اگست کو شیڈول کیے گئے ہیں۔

    واضح رہے کہ ملک میں پہلی سپر باکسنگ لیگ کے لیے ’روڈ ٹو دا رِنگ‘ ٹرائلز 20 جولائی سے شروع ہیں، جن کا اختتام گیارہ اگست کو ملتان میں ہوگا۔

    سلمان اقبال اور باکسر عامر خان کی کاوش، پاکستان میں‌ سپر باکسنگ لیگ کا انعقاد

    ملک میں باکسنگ کے فروغ کے لیے پاکستان میں پہلی سپر باکسنگ لیگ کا شان دار آغاز اے آر وائی ڈیجیٹل نیٹ ورک کے سی ای او سلمان اقبال اور ممتاز باکسر عامر خان کی مشترکہ کاوشوں سے ہوا ہے۔


    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • لیاری کی بچیاں باکسنگ کے رنگ میں اتر گئیں

    لیاری کی بچیاں باکسنگ کے رنگ میں اتر گئیں

    کراچی: شہر قائد کے علاقے لیاری میں لڑکیوں کو باکسنگ کی تربیت دینے کے لیے چار کلب کھل گئے جہاں نو عمر بچیاں اپنی صلاحیتوں کے جوہر دکھا رہی ہیں۔

    نمائندہ اے آر وائی انور خان کے مطابق کراچی کے جنوب میں واقع علاقے لیاری کو پاکستان میں کھیلوں کی دنیا میں  اہم مقام حاصل  ہے اس علاقے نے مختلف کھیلوں خصوصا فٹبال، سائیکلنگ اورباکسنگ میں کئی نامور کھلاڑی پیدا کیے۔

    لیاری کا علاقہ گذشتہ کئی سالوں سے گینگ وار کے ہاتھوں یرغمال بنا ہوا تھا جس کے باعث علاقے میں کھیلوں اور دیگر مثبت سرگرمیاں بند ہوگئی تھیں تاہم قانون نافذ کرنے والے ادارون کی جانب سے تین برسوں سے جاری قیام امن کی کوششوں اور گینگ وار کے خاتمہ کے بعد اس علاقے میں دیگر نصابی وغیر نصابی سرگرمیوں کا آغاز ہوا۔

    کراچی کے جنوبی علاقے میں امن بحال ہوا تو اب وہاں تواتر کے ساتھ فٹبال  باکسنگ کے مقابلے منعقد کیے جارہے ہیں اور اب لڑکوں کے ساتھ  ساتھ  لڑکیاں بھی  کھیلوں  میں بڑھ چڑھ کرحصہ لے رہی ہیں۔

    مزید پڑھیں: پاکستان میں خواتین بھی اب باکسنگ میں نام پیدا کررہی ہیں

    باکسنگ کو ویسے تو خطرناک کھیل تصور کیاجاتا ہے تاہم لیاری کی نوعمر لڑکیاں باکسنگ رنگ میں اتر کر اپنی صلا حیتوں  کےجوہر دکھا رہی ہیں اور اب اُن کی تربیت کے لیے علاقے میں چار کلب کھل چکے ہیں۔

    ویڈیو دیکھیں

    باکسنگ کی تربیت میں حصہ لینے والی  لڑکیوں میں سے 6 لڑکیوں کو 2  دسمبر سے شروع ہونےوالی وویمن آف دی ورلڈ فیسٹول کے لئے منتخب کیا جائے گا علاوہ ازیں منتخب ہونے والی لڑکیاں الیانس فرانسس فیسٹیول میں بھی اپنی صلاحیتوں کا مظاہرہ کریں گی۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • باکسر محمد وسیم کا پاکستانی شہریت چھوڑنے پر غور

    باکسر محمد وسیم کا پاکستانی شہریت چھوڑنے پر غور

    کراچی: حکومتی سطح پر کسی قسم کی سپورٹ نہ ملنے پر باکسر محمد وسیم نے پاکستانی شہریت چھوڑنے پر غور شروع کردیا۔

    کراچی میں ویڈیو پیغام جارتے ہوئے باکسر محمد وسیم نے کہا کہ پندرہ سال سے پاکستان کے لیے کھیل رہا ہوں پاک فوج کے علاوہ کسی نے حوصلہ افزائی نہیں کی۔

    انہوں نے کہا کہ حکومتی سطح پر کسی قسم کی سپورٹ نہیں کی جارہی ہے، کوریا کی جانب سے کھیلنے کی پیشکش کی گئی تھی میں نے انکار کردیا۔

    باکسر محمد وسیم نے کہا کہ اپنے ملک کے لیے کھیلنا چاہتا ہوں لیکن سپورٹ نہیں کیا جارہا، برانڈ ایمبسڈر کے لیے رابطے کئے جارہے ہیں۔

    انہوں نے کہا کہ مجھے پیسوں کی ضرورت نہیں، فائٹ کی صورت میں مل جاتے ہیں، چاہتا ہوں پاکستان کے لیے آگے بھی کھیلوں بس حوصلہ افزائی کی جائے۔

    باکسر محمد وسیم نے کہا کہ میرے پاس جو ٹائٹل ہے ساؤتھ ایشیا میں کسی کے پاس نہیں، کوریا کے اسپانسرز مسلسل رابطے کررہے ہیں، ورلڈ ٹائٹل فائٹ کی تیاری کے لیے فنڈز نہیں ہیں۔

    مزید پڑھیں: پاکستانی باکسرمحمد وسیم نے پاناما کے باکسر کو شکست دے دی

    واضح رہے کہ باکسر محمد وسیم نے 8 پروفیشنلز فائٹ کھیلی ہیں اور سب مقابلوں میں کامیابی حاصل کی ہے، اب محمد وسیم ڈبلیو بی سی فلائی ویٹ کی ورلڈ رینکنگ میں نمبر ون پوزیشن برقرار رکھنے کے لیے امریکا روانہ ہورہے ہیں جہاں وہ کولمبیا کے باکسر سے مقابلہ کریں گے۔

    یہ پڑھیں: پاکستانی باکسرمحمد وسیم دنیا کے نمبرون باکسرزمیں شامل


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • بی بی شہید کی بیٹی آصفہ بھٹو باکسر بن گئیں، ویڈیو منظرعام پر

    بی بی شہید کی بیٹی آصفہ بھٹو باکسر بن گئیں، ویڈیو منظرعام پر

    دبئی: محترمہ بے نظیر بھٹو شہید کی صاحبزادیاں بختاوراورآصفہ بھٹو زرداری باکسر بن گئیں، بختاور اور آصفہ کی باکسنگ ٹریننگ کی ویڈیو سامنے آگئی۔ دونوں بہنیں پاکستانی نژاد برطانوی باکسرعامرخان کےزیرتربیت ہیں۔

    تفصیلات کے مطابق بے نظیر بھٹو کی طرح سخت جان اورحوصلہ مند ان کی بیٹیاں سیاست کے ساتھ ساتھ کھیل کے میدان میں بھی سرگرم عمل ہیں۔ پاکستانی نژاد برطانوی باکسرعامرخان کے زیرتربیت بختاور بھٹو باکسنگ سیکھنے لگیں۔

    بختاور نے ورلڈ چیمپئن عامر خان سے نہ صرف ٹپس لیں بلکہ رنگ میں بھی اتریں۔ سماجی رابطے کی ویب سائٹ ٹویٹر پر بختاور بھٹو کی باکسنگ ٹریننگ ویڈیو سامنے آئی ہے جس میں وہ مکے بازی کرتی نظر آرہی ہیں۔

    یہ ویڈیو بختاور بھٹو نے بھی سوشل میڈیا پر جاری کی ہے۔ بڑی بہن باکسنگ کرے تو چھوٹی کہاں پیچھے رہتی ہے۔ جس کے بعد آصفہ بھٹو نے بھی باکسنگ شروع کردی ہے۔

  • امریکی مسلمان باکسر کو حجاب کے ساتھ کھیلنے کی اجازت

    امریکی مسلمان باکسر کو حجاب کے ساتھ کھیلنے کی اجازت

    واشنگٹن: حجاب کے ساتھ باکسنگ میں حصہ لینے کی ممانعت کے خلاف امریکی نوعمر مسلمان باکسر عمایہ ظفر کی جدوجہد بالآخر رنگ لے آئی، اور امریکی باکسنگ ایسوسی ایشن نے اسے باحجاب ہو کر کھیل میں حصہ لینے کی اجازت دے دی۔

    امریکی ریاست منیسوٹا کی 16 سالہ عمایہ کے لیے یہ جدوجہد اتنی آسان نہیں تھی۔ وہ اپنے حریف کے ساتھ ساتھ ان قوانین سے بھی متصادم تھی، جو اسے حجاب کے ساتھ اس کھیل میں حصہ لینے سے روکتے ہیں۔

    عمایہ اپنی مذہبی اقدار اور اپنے جنون کو ساتھ لے کر چلنا چاہتی تھی۔

    لیکن اس کی راہ میں اس کے پسندیدہ کھیل باکسنگ کے وہ قوانین حائل تھے جن کی رو سے وہ مکمل ڈھکا ہوا لباس اور سر پر حجاب پہن کر اس کھیل میں حصہ نہیں لے سکتی تھی۔

    ہوش سنبھالنے کے بعد سے اس کھیل کی پریکٹس کرنے والی عمایہ گزشتہ برس ایک باکسنگ میچ میں حصہ لینے کے لیے فلوریڈا گئی۔

    لیکن وہاں اسے بتایا گیا کہ حجاب، مکمل بازوؤں والی جرسی اور لیگنگ کے ساتھ اسے مقابلہ میں حصہ لینے کی اجازت نہیں ہے۔

    عمایہ دل برداشتہ لوٹ آئی، لیکن اس نے حوصلہ نہیں ہارا۔ وہ کہتی تھی، ’میں اپنے شوق کے لیے مذہب، اور مذہب کے لیے شوق کو کیوں قربان کروں‘؟

    ایک نئے حوصلے سے عمایہ نے پھر سے باکسنگ کی پریکٹس شروع کردی۔ اس کے ساتھ ساتھ عمایہ اور اس کے خاندان نے کونسل آف امریکن اسلامک ریلیشنز سے رابطہ کیا اور اس سلسلے میں ان سے مدد کی درخواست کی۔

    کونسل نے امریکی باکسنگ ایسوسی ایشن سے کھیل کے قوانین میں مذہبی چھوٹ کے حوالے سے شق شامل کرنے کے معاملے پر گفت و شنید شروع کردی۔

    بالآخر کونسل کی کوششیں، اور عمایہ کی سچی لگن رنگ لے آئی اور چند روز قبل باکسنگ ایسوسی ایشن نے عمایہ کو اجازت دے دی کہ وہ اپنے اسلامی اقدار کے مطابق لباس پہن کر کھیل میں حصہ لے سکتی ہے۔

    فیصلے کے بعد ایسوسی ایشن کے ترجمان نے کہا کہ گو کہ ایک مسلمان کی وجہ سے انہیں اپنے قوانین میں ترامیم کرنی پڑی۔ لیکن انہیں خوشی ہے کہ ان ترامیم کی وجہ سے یہ کھیل مذہبی و ثقافتی ہم آہنگی کو فروغ دینے کا سبب بنے گا۔

    مزید پڑھیں: افغان خواتین فٹبال ٹیم کی کپتان ۔ خالدہ پوپل

    عمایہ کی وجہ سے اب نہ صرف مسلمان بلکہ دیگر مذاہب کی لڑکیاں بھی مکمل لباس کے ساتھ اس کھیل میں حصہ لے سکتی ہیں۔

    اس کے والد محمد ظفر بھی بیٹی کی کامیابی پر بے حد خوش ہیں۔ وہ پرامید ہیں کہ مستقبل میں عمایہ ایک مسلمان کی حیثیت سے امریکا کے لیے روشن مثال ثابت ہوگی۔

    عمایہ کو اپنے پہلے میچ میں تو شکست کا سامنا کرنا پڑا، تاہم اس نے اپنے حقوق کے لیے جو جنگ لڑی، اس میں وہ فاتح ٹہری۔

    عمایہ اب 2020 کے ٹوکیو اولمپکس میں حصہ لینے کی تیاریاں کر رہی ہے۔ اس کا عزم پہاڑوں سے بھی بلند ہے اور اسے یقین ہے کہ وہ خود کو امریکا کی بہترین پہچان بنانے میں کامیاب رہے گی۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • لیلیٰ علی نے بھی اپنے والد کی طرح باکسنگ رنگ میں خوب رنگ جمایا

    لیلیٰ علی نے بھی اپنے والد کی طرح باکسنگ رنگ میں خوب رنگ جمایا

    واشنگٹن : لیجنڈری باکسر محمد علی کی صاحبزادی لیلیٰ علی نے بھی اپنے والد کی طرح باکسنگ رنگ میں خوب رنگ جمایا۔ لیلیٰ علی حریف پر لیفٹ اینڈرائٹ کا کمبینیشن چلاتیں تو ماہرین کو ان میں والد محمد علی کی جھلک نظر آتی۔

    باکسرمحمد علی نے رنگ سے رخصت لی تو ان کی صاحبزادی لیلی نے باکسنگ گلووز پہن لئے۔ لیجنڈ باکسر کی بیٹی نے باکسنگ رنگ میں خوب رنگ جمایا۔

    شہرت کی دیوی نے ہردم لیلیٰ کے قدم چومے، اپنے والد کےکھیل سے متاثرلیلیٰ علی باکسنگ رنگ میں اتریں اور دنیا کی نمبر ون خاتون باکسر بن گئیں۔

    لیلیٰ علی نے اپنے پہلے مقابلے میں ہی حریف کو چند ہی سینکڈز میں چت کردیا، لیلیٰ علی حریف پرلیفٹ اینڈرائٹ کا کمبینیشن چلاتیں تو ماہرین کوان میں والد کی جھلک دکھتی۔

    یہاں یہ بات قابل ذکر ہے کہ لیلیٰ علی کو کسی بھی فائٹ میں شکست کاسامنا نہیں کرنا پڑا۔ لیلیٰ علی نے چوبیس مقابلوں میں سے اکیس میں حریفوں کاناک آؤٹ کیا۔

    مزید پڑھیں: معروف باکسر محمد علی کی بیٹی لیلیٰ علی نے فلمی دنیا میں قدم رکھ دیا

    اس کے علاوہ لیلیٰ علی نے باکسنگ رنگ میں کامیابی کے بعد گزشتہ سال فلمی دنیا میں بھی قدم رکھا شہرت کی دیوی جس نے ہر قدم پرلیلی کے قدم چومے۔

    پہلے باکسنگ کے رنگ میں کامیابیوں کے جھنڈے گاڑے اور والد کے نقش قدم پر چلتے ہوئے باکسنگ میں اپنی صلاحیتوں کا لوہا منوانے کے بعد ماڈلنگ میں نام کمایا ۔

    لیلی علی ہالی ووڈ کی فلم فیلکن رائزنگ میں جلوہ گر ہوئیں ، فلم کی کہانی ڈرگ مافیا کے کرداروں کے گرد گھومتی ہے، ایکشن اور تھرل سے بھر پور فلم پانچ ستمبر کو ریلیز کی گئی۔

     

  • اولمپکس میں پاکستان کی نمائندگی کا خواہش مند ہوں، باکسر عامر خان

    اولمپکس میں پاکستان کی نمائندگی کا خواہش مند ہوں، باکسر عامر خان

    کراچی: پاکستانی نژاد برطانوی باکسرعامر خان نے کہا ہے کہ اگر موقع ملا تو وہ اولمپکس میں پاکستان کی نمائندگی کرنے کے لیے تیار ہیں۔ غیر ملکیوں کے درمیان باکسنگ باوٹس سے ہونے والی آمدنی تھر کے مکینوں کو صاف پانی کی فراہمی کے لیے مددگار ثابت ہوگی۔

    ان خیالات کا اظہار انہوں نے کراچی میں میڈیا سے گفتگو کرتے ہوئے کیا۔ عامر خان نے کہا کہ اولمپکس میں پاکستان کی نمائندگی کا خواہش مند ہوں۔ اولمپکس میں پاکستان کی نمائندگی کرنے کا موقع ملا تو میرے لیے اعزاز کی بات ہوگی۔

    انہوں نے کہا کہ میں رہتا انگلینڈ میں ہوں لیکن میرا دل پاکستانیوں کے لیے دھڑکتا ہے، یہی وجہ ہے کہ پاکستان اور اہل پاکستان کی خدمت کا خواہش مند ہوں۔ مجھے ہمیشہ یہاں بہت پیار اور محبت ملی جس کے لیے میں بے انتہا شکر گزار ہوں۔

    انہوں نے کہا کہ اسلام آباد میں میرے نام سے منسوب باکسنگ اکیڈمی کا قیام خواب کی تعبیر ہے۔ میری خواہش ہے کہ مستقبل میں پاکستان سے بھی عالمی چیمپیئن سامنے آئیں۔

    عامر خان نے کہا کہ پاکستان میں پروفیشنل باکسنگ بحال ہورہی ہے جو نہایت خوش آئند ہے۔

  • باکسرمحمدوسیم نے دوسری پروفیشنل فائٹ جیت لی

    باکسرمحمدوسیم نے دوسری پروفیشنل فائٹ جیت لی

    بنکاک : پاکستانی باکسر محمدوسیم نے دوسری پروفیشنل فائٹ جیت لی۔ سپرفلائی ویٹ کیٹگری میں محمد وسیم نے انڈونیشین حریف کو ناک آؤٹ کیا۔

    تفصیلات کے مطابق تھائی لینڈکا باکسنگ رنگ پاکستانی باکسر محمد وسیم کےنام رہا۔تھائی بادشاہ کی سالگرہ کے موقع پرکنگز کپ میچ میں کاانعقاد کرایاگیا۔

    دوسری پروفیشنل فائٹ کے لئے رنگ میں اترنے والے محمدوسیم کا مقابلہ انڈونیشین حریف سےتھا، پہلے راؤنڈ سے محمدوسیم کے تابڑتوڑ حملوں نے حریف باکسرکے چھکے چھڑادئیے۔

    انڈونیشین باکسرابتدائی دو راؤنڈ میں محمدوسیم حملوں کوبرداشت کرتے رہے، لیکن تیسرے راؤنڈ میں حریف باکسر کی ہمت جواب دے گئی، محمدوسیم نے ناک آؤٹ پر دوسری پروفیشنل فائٹ اورسپرفلائی ویٹ کاٹائٹل اپنے نام کیا۔

  • عامرخان کو انتہاپسندی نے ملک چھوڑنے کیلئے سوچنے پر مجبور کردیا

    عامرخان کو انتہاپسندی نے ملک چھوڑنے کیلئے سوچنے پر مجبور کردیا

    ممبئی: بالی وود کے شہرہ آفاق اداکار عامرخان بھی خود کو بھارت میں غیرمحفوظ سمجھنے لگے،انتہاپسندی نے ملک چھوڑنے کیلئے سوچنے پر مجبور کردیا۔

    عدم برداشت کے عنوان سے ایک مباحثے میں شرکت کے دوران بالی ووڈ سپر اسٹار عامر خان نے کہا بھارت میں بڑھتی انتہا پسندی کے بعد اُن کی بیوی کرن راؤ نے انہیں مُلک چھوڑ دینے کا مشورہ دے دیا۔

    عامر خان کا کہنا تھا کہ وہ پچھلے چھ سے آٹھ ماہ کے واقعات کے بعد خود کو بھارت میں بہت غیر محفوظ سمجھ رہے ہیں، اُن کا کہنا تھا جنہیں بھارتی عوام نے منتخب کیا وہ قانون ہاتھ میں لینے والوں کو نہیں روکیں گے تو ہر کوئی اپنے آپ کو غیر محفوظ سمجھے گا۔

    بالی ووڈ اسٹار نے ایوارڈ واپس کرنے والے ادیبوں اور فلمسازوں کی حمایت کرتے ہوئے کہا کہ تمام افراد کو قانون میں رہتے ہوئے انفرادی طور احتجاج کا حق حاصل ہے۔

  • کراچی : پاکستانی نژاد باکسرعامرخان نے لیاری کا دورہ کیا

    کراچی : پاکستانی نژاد باکسرعامرخان نے لیاری کا دورہ کیا

    کراچی : پاکستانی نژاد باکسرعامر خان لیاری باکسنگ رنگ پہنچ گئے۔لوگوں نے ان کا پرتپاک استقبال کیا اور پھولوں کی پتیاں بھی نچھاور کیں۔

    تفصیلات کے مطابق پاکستانی نژاد باکسرعامر خان لیاری کے باکسنگ رنگ پہنچ گئے، اس موقع پر سخت سیکورٹی کا سخت انتظام کیا گیاتھا۔

    لیاری پہنچنے پر ان کے مداحوں نے روایتی بلوچی رقص اور پھولوں کی پتیاں نچھاور کرکے چیمپیئن باکسر کا پرتپاک استقبال کیا۔

    لیاری کا دورہ کرنے پرعامرخان کوروایتی اجرک اورسندھی ٹوپی کا تحفہ پیش کیاگیا۔ باکسنگ کے شوقین لیاری نے عامرخان کیلئے باکسنگ میچ کے مقابلے کا انعقادکرایا۔

    عالمی ویلٹر ویٹ چیمپیئن عامرخان نے نوجوان باکسر کے میچ کا لطف اٹھایا،اس موقع پر انہوں نے کامیاب باکسرز میں انعامات بھی تقسیم کئے۔عامرکا کہنا تھا کہ اگر باکسنگ اکیڈمیاں کامیاب ہو گئیں تو پاکستان باکسنگ کی دنیا میں اپنا نام روشن کرے گا۔

    علاوہ ازیں اس سے قبل عامر خان نے کراچی میں پاکستان کرکٹ ٹیم کے سابق کپتان وسیم اکرم، سعید انور اور جنید جمشید سے ملاقات کی جس کے بعد میڈیا سے گفتگو کرتے ہوئے عامر خان نے کہا کہ پاکستان میں ٹیلنٹ کی کمی نہیں۔

    کھلاڑیوں کی حوصلہ افزائی کی ضرورت ہے۔ باکسرز کو بہترین سہولیات فراہم کرنے کیلئے یہاں بھی اکیڈمی بناؤں گا۔
    پاکستان میں اکیڈمی بنے گی تو چیمپئن بھی ضرور سامنے آئیں گے۔

    اس موقع پر وسیم اکرم اور سعید انور نے ملک میں باکسنگ کی بہتری کے لئے اقدامات پر عامر خان کی تعریف کی۔ تقریب کے اختتام پر لوگوں نے عامر خان اور لیجنڈ کرکٹرز کے ساتھ سیلفیاں بھی بنوائیں۔

    دریں اثناء لیجنڈ باکسر عامر خان نےمقامی اسپتال میں ایدھی فاؤنڈیشن ٹرسٹ کے سربراہ عبدالستار ایدھی کی عیادت کی، اور اپنی نیک خواہشات کا اظہار کیا۔