ممبئی: بھارت میں آندھرا پردیش کے ایک سرکاری ہسپتال کے ڈاکٹروں نے دماغ کی ایک پیچیدہ سرجری کی اس دوران مریض حیرت انگیز طور پر فلم دیکھنے میں مصروف رہا۔
غیر ملکی ذرائع ابلاغ کے مطابق Awake Craniotomy ایک ایسا عمل ہے، جس میں مریض آپریشن کے دوران ہوش میں رہتا ہے۔
55 سالہ اے اننت لکشمی کی سرکاری جنرل اسپتال (جی جی ایچ) میں برین ٹیومر کی سرجری ہوئی۔ ان کو جسم میں بے چینی اور مسلسل سر درد جیسی علامات تھیں اور بعد میں ان کے دماغ میں ٹیومر کی تشخیص ہوئی۔
نجی اسپتالوں میں علاج کے زیادہ اخراجات کی وجہ سے انہوں نے آپریشن کے لیے سرکاری اسپتال کا انتخاب کیا۔ سرکاری اسپتال میں سرجری کے دوران انہیں پرسکون اور توجہ مرکوز رکھنے کے لیے، ڈاکٹروں نے انہیں ان کے پسندیدہ اداکار سنجے دت کی فلم منا بھائی ایم بی بی ایس کے مناظر دکھائے۔
ڈاکٹروں نے ڈھائی گھنٹے تک جاری رہنے والے آپریشن کے ذریعے رسولی کو کامیابی سے نکال دیا۔ ڈاکٹروں نے امید ظاہر کی ہے کہ مریض کو پانچ دن میں ڈسچارج کر دیا جائے گا۔
بی جے پی کی خاتون رکن اسمبلی ٹرین کی پٹری پر گر گئیں، ویڈیو وائرل
واضح رہے کہ Awake Craniotomy جسے جاگتے دماغ کی سرجری بھی کہا جاتا ہے، ابتدائی طور پر مرگی کے جراحی علاج کے لیے استعمال کیا جاتا تھا اور اب اسے ٹیومر کے آپریشن کے لئے عام طور پر استعمال کیا جاتا ہے۔
