ARYNews.tv | Urdu – Har Lamha Bakhabar

Tag: brave mother

  • دو شہید بیٹوں کی باہمت ماں نے عزم و حوصلے کی مثال قائم کردی

    دو شہید بیٹوں کی باہمت ماں نے عزم و حوصلے کی مثال قائم کردی

    دو جوان بیٹے وطن پرقربان کرنے والی دلیر اور باہمت ماں کا حوصلہ بھی چٹان جیسا نکلا، بیٹوں کی تدفین پر گلدستہ لیے پاکستان زندہ باد کے نعرے لگائے۔

    اے آر وائی نیوز کی رپورٹ کے مطابق بلوچستان میں فتنہ ہندوستان کے ہاتھوں شہید دنیا پور کے دو بھائیوں جابر اور عثمان کی تدفین کے موقع پر رقت انگیز مناظر دیکھنے میں آئے۔

    شہیدوں کی باہمت والدہ نے بیٹوں کی موت پر دکھ اور غم منانے کے بجائے شکرانہ ادا کیا اور گلدستوں کے ساتھ قبرستان پہنچ گئی۔

    اس موقع پر اس عظیم ماں نے ملک کے لیے نظم پڑھی اور پاکستان زندہ باد کے پرشگاف نعرے لگائے۔ شہید بھائی جابر اور عثمان اپنے والد کے انتقال پر جنازے میں شرکت کے لیے گھر آرہے تھے۔

    مزید پڑھیں : بلوچستان میں فتنہ الہندوستان کے دہشت گردوں نے 9 مسافروں کو قتل کردیا

    یاد رہے کہ بلوچستان میں فتنہ الہندوستان کے دہشت گردوں نے گزشتہ روز کوئٹہ سے پنجاب جانے والی دو بسیں روک کر مسافروں کے شناختی کارڈ چیک کئے، پنجاب سے تعلق رکھنے والے مسافروں کو نیچے اتارا اور گولیاں ماردیں۔

    شہداء کا تعلق لاہور، گجرات، خانیوال، گوجرانوالہ، لودھراں اور ڈی جی خان سے ہے، ترجمان بلوچستان حکومت کے مطابق یہ افسوسناک واقعہ لورالائی اور موسیٰ خیل کے درمیان قومی شاہراہ پر سرڈھاکا کے مقام پر پیش آیا۔ واقعہ کا مقدمہ سی ٹی ڈی تھانہ ژوب میں نامعلوم دہشت گردوں کے خلاف درج کرلیا گیا ہے۔

  • ماں بیٹے پرمشتمل پاکستان کی منفرد بائیک رائیڈرٹیم

    ماں بیٹے پرمشتمل پاکستان کی منفرد بائیک رائیڈرٹیم

    ذرا نم ہو تو یہ مٹی بہت زرخیز ہے ساقی ہے، لاہور سے تعلق رکھنے والے ماں بیٹا موٹرسائیکل پرگھوم کر پاکستان کی خوبصورتی دنیا تک پہنچا رہے ہیں۔

    تفصیلات کے مطابق لاہور سے تعلق رکھنے والے قدیر گیلانی ایک پیشہ وربائیک رائیڈر ہیں اور جو بات انہیں دنیا بھر کے تمام رائیڈر ز سے منفر د بناتی ہے ، وہ یہ کہ اس سفر میں ان کی والدہ بھی شریک ہوتی ہیں۔

    قدیر گیلانی کی والدہ کی عمر بہتر سال ہے لیکن اس عمر میں بھی وہ دور دراز علاقوں کا سفر بخوشی کرتی ہیں اور اپنے بیٹے کی حوصلہ افزائی کرتی ہیں۔

    قدیر گیلانی اس لئے خوش قسمت نہیں کہ وہ پاکستان کے خوبصورت مقامات کی سیر کرتے ہیں، اس لئے بھی نہیں کہ وہ یہ سفر بائیک پر کرتے ہیں بلکہ اگر خوش قسمت ہیں تو اس لئے کہ اس سارے سفر میں ان کی بہادر اور با ہمت ’ماں ساتھ ہوتی ہیں۔

    یکم مئی سے ترااپنی ماں کے ساتھ 4،872 کلومیٹر کے طویل سفر پر روانہ ہورہے ہیں ۔ اس سفر میں قدیر گلگت، کشمیر، سکردو اور چلاس کے علاوہ وزیرستان بھی شامل ہےیہ ایک منفرد اور حیرت انگیز بائیکرز ٹیم ہےجس کی حوصلہ افزائی کی جانی چاہیے ، بلکہ وہ جن علاقوں میں جائیں وہاں کے مقامی لوگ انہیں اسی طرح خوش آمدید کہا جائے جیسا کہ حال ہی میں ایوا زوبیک یا ڈریو بینسکی کو کہا گیا ہے۔

    یاد رہے کہ یہ ماں بیٹے پوری دنیا میں پاکستان کے سیاحتی علاقوں کی ایک ایسی تصویر پیش کررہے ہیں جس کا تصور بھی ممکن نہیں ہے۔

  • 58 عراقی فوجیوں کی زندگی بچانے والی بہادر خاتون

    58 عراقی فوجیوں کی زندگی بچانے والی بہادر خاتون

    دبئی: عراق میں دہشت گردی کے خلاف جنگ میں ایک بہادر خاتون ام اقصیٰ نے شدت پسند گروپ داعش کے جنگجوؤں کے حملوں سے 58 عراقی فوجیوں کی زندگیاں بچانے میں اہم کردار ادا کیا۔

    تفصیلات کے مطابق حال ہی میں امریکی حکومت نے دنیا بھر میں بہادری کی لازوال داستانیں رقم کرنے والی خواتین کے لیے ایک تقریب کا انعقاد کیا گیا، ان میں عراقی بہادر خاتون ام اقصیٰ کو بھی اعزاز سے نوازا گیا۔

    داعش کے جنگجوؤں نے جون 2014ء میں یکے بعد دیگرے عراقی فوجیوں کو قتل کرنا شروع کیا اور 1700 فوجیوں کو قتل کردیا، داعش نے جب علاقے پر حملہ کیا تو فوجی اپنی جانیں بچانے کے لیے دریا میں کود گئے۔

    ام اقصیٰ نے جب دیکھا کہ عراقی فوجیوں کی جانوں کو شدید خطرات لاحق ہیں تو انہوں نے اپنا اور کئی عزیز و اقارب کے گھر فوجیوں کی مدد کے لیے کھول دئیے اور انہیں چھوٹے چھوٹے گروپس کی شکل میں مختلف جگہوں پر چھپا دیا گیا۔

    62 سالہ ام اقصیٰ نے مشرقی تکریت میں اپنے گھر میں 25 عراقی فوجیوں کو چھپایا اور دیگر کو دوسرے گھروں میں رکھا گیا، بعدازاں ان کو بہ حفاظت ان کے گھروں پر پہنچانے کے لیے اہم کردار ادا کیا۔

    جب ام اقصیٰ کی خبر سامنے آئی تو اسے تکریت کی بہادر ماں کا خطاب دیا گیا، امریکی وزارت خارجہ نے بھی انہیں دنیا کی 10 بہادر خواتین میں شامل کیا اور انہیں امریکا میں منعقد خصوصی تقریب میں مدعو کیا، ام اقصیٰ کے علاوہ دیگر ملکوں کی 9 خواتین کو بھی دعوت دی گئی تھی۔

    ام اقصیٰ کا عراقی شہریوں کے لیے اپنے پیغام میں کہنا تھا کہ امریکا میں ملنے والا بہادر خاتون کا لقب پوری عراقی قوم کے لیے ہے، امریکا میں ملنے والے اعزاز کو پوری قوم کے لیے ہدیہ کرتی ہوں۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں