ARYNews.tv | Urdu – Har Lamha Bakhabar

Tag: brawl

  • جارجیا: پارلیمنٹ اراکین کی ایک دوسرے پر تھپڑوں کی بارش، ویڈیو دیکھیں

    جارجیا: پارلیمنٹ اراکین کی ایک دوسرے پر تھپڑوں کی بارش، ویڈیو دیکھیں

    تبلیسی: ایشیا اور یورپ کے سنگم پر واقع ملک جارجیا کی پارلیمنٹ اس وقت میدانِ جنگ بن گئی جب ارکان دست و گریباں ہو گئے اور ایک دوسرے پر تھپڑوں کی بارش کر دی۔

    غیر ملکی میڈیا رپورٹس اور سوشل میڈیا پر وائرل ویڈیو کے مطابق جارجیا کی پارلیمنٹ میں پیر کو حکومت اور حزب اختلاف کے اراکین کے درمیان شدید جھگڑا ہوا۔

    ویڈیو میں دیکھا جا سکتا ہے کہ فریقین نے ایک دوسرے کو تھپڑ جڑ دیے، دراصل غیر ملکی فنڈنگ سے متعلق قانون سازی پر بحث کے دوران لفظی کشیدگی بڑھتے بڑھتے ہاتھا پائی کی نوبت تک پہنچ گئی تھی۔

    واضح رہے کہ بیرونی فنڈنگ پر تنظیموں کو غیر ملکی ایجنٹ قرار دینے پر اپوزیشن ارکان نے احتجاج ریکارڈ کروایا۔

    دارالحکومت تبلیسی میں پارلیمنٹ کی عمارت کے اندر بنائی گئی اس ویڈیو میں قانون سازوں کے درمیان ایک مختصر لیکن پرتشدد جھگڑا دکھایا گیا ہے، قانونی امور کی کمیٹی کے چیئرمین نے اپوزیشن پارٹی یونائیٹڈ نیشنل موومنٹ کے رہنما پر حملہ کیا، جنھوں نے بل کی مخالفت کی۔

  • باراتیوں کے پاپڑ مانگنے پر شادی کی تقریب میدان جنگ بن گئی، ویڈیو وائرل

    باراتیوں کے پاپڑ مانگنے پر شادی کی تقریب میدان جنگ بن گئی، ویڈیو وائرل

    کیرالہ : بھارت میں ہونے والی اکثر شادیوں میں عجیب و غریب قسم کے واقعات سننے اور دیکھنے کو ملتے ہیں، سوشل میڈیا پر لگی پوسٹس اس کا منہ بولتا ثبوت ہیں۔

    بھارتی ریاست کیرالہ کے ایک علاقے میں شادی کے دوران ایک ایسا منظر دیکھنے میں آیا جسے دیکھ کر لوگ حیرت زدہ رہ گئے سارا منظر کیمرے کی آنکھ میں محفوظ ہوگیا۔

    ہوا کچھ یوں کہ شادی میں باراتیوں کے کھانا کھانے کے دوران دولہے کے خاندان کے کچھ افراد نے اضافی پاپڑ دینے کی درخواست کی لیکن ذمہ داران کی جانب سے انہیں انکار کر دیا گیا، جس کی وجہ سے تلخ کلامی ہوگئی۔

    اس دوران بات بڑھتے بڑھتے ہاتھا پائی تک جا پہنچی ایک دوسرے پر لاتوں گھونسوں اور برتنوں سے حملہ کیا گیا جس کے نتیجے میں چھ افراد شدید زخمی ہوگئے۔

    وائرل ویڈیو میں دیکھا جاسکتا ہے کہ تصادم کتنی تیزی سے بڑھا کیونکہ لوگ ایک دوسرے کو جوتے اور چپل سے مارتے ہوئے نظر آرہے ہیں، بعد میں لوگوں نے ایک دوسرے پر حملہ کرنے کے لیے کرسیوں اور میزوں کا بھی استعمال کیا۔

    بعد ازاں پولیس نے جائے وقوعہ پر پہنچ کر جھگڑے میں ملوث دس افراد کو گرفتار کرکے مقدمہ درج کرلیا، سی سی ٹی وی کیمرے کی فوٹیج سے دیگر ملزمان کی شناخت بھی کی جا رہی ہے۔

  • آئی ڈی پی کیمپ میں مہاجرین اورفوجیوں میں جھڑپ، دوجاں بحق

    آئی ڈی پی کیمپ میں مہاجرین اورفوجیوں میں جھڑپ، دوجاں بحق

    پشاور: طالبان کے خلاف آپریشن کے نتیجے دربدرہونے والے افراد کے کیمپ میں ایک افسوس ناک سانحہ پیش آیا جس میں فوجیوں نے آئی ڈی پیزپرفائرنگ کردی جس کے نتیجے میں ایک دوشہری جاں بحق جبکہ 10زخمی ہوگئے ہیں۔

    یہ واقعہ شمالی وزیرستان میں پیش آیا جہاں فوج کی جانب سے دہشت گردوں کے خلاف آپریشن کامیابی سے جاری ہے۔

    ایک سینئرسیکیورٹی اہلکارنے نام نا ظاہر کرنے کی شرط پر فرانسیسی خبر رساں ایجنسی کو بتایا کہ بنوں کے کیمپ میں ایک لڑکے کو رجسٹریشن کرانے کے لئے کہا گیا، رجسٹریشن کے عمل کے دوران اس کے والد نے آکر سیکورٹی اہلکاروں سے تلخ کلامی اور جھگڑا کیا۔

    جھگڑے کے بعد وہ شخص کیمپ کے اندر گیا اوروہاں سے کئی افراد کو ساتھ لے آیاجنہوں نے پہلے احتجاج کیا اور اس کے بعد سپاہیوں پر پھتراؤ بھی شروع کردیا۔

    سیکورٹی اہلکار نےاس بات کی تصدیق کی کہ 2 مہاجرین اس جھگڑے میں اپنی جان سے گئے اور 10 زخمی ہیں جبکہ چار فوجی اہلکار بھی اس واقعے میں زخمی ہوئے ہیں۔ جاں بحق افراد کی تعداد کی تصدیق تین سویلین اہلکاروں نے بھی کی ہے۔ اے ایف پی