Tag: Brazil

فیفا ورلڈ کپ کوارٹر فائنل: پانچ مرتبہ کی چیمپئن برازیل کا ٹاکرا آج کروشیا سے ہوگا

دوحہ: فیفا کوارٹر فائنل میچز کا سلسلہ آج سے شروع ہو رہا ہے جو اتوار 11 دسمبر تک جاری رہے گا۔

قطر میں جاری فیفا فٹ بال ورلڈ کے پہلے کوارٹر فائنل میں پانچ مرتبہ کی عالمی چیمپیئن برازیل کا ٹاکرا کروشیا سے ہوگا، یہ میچ قطر ایجوکیشن سٹی اسٹیڈیم میں کھیلا جائے گا۔

فیفا ورلڈ کپ کے دوسرے کوارٹر فائنل میں کل ارجنٹائن اور نیدرلینڈز کی ٹیمیں لوسیل اسٹیڈیم میں آمنے سامنے ہوں گی۔

کل دوسرا کوارٹر فائنل مراکش اور پرتگال کی ٹیموں کے درمیان الہتمامہ اسٹیڈیم میں کھیلا جائے گا۔

اتوار 11 دسمبر کو چوتھے کوارٹر فائنل میں انگلینڈ اور فرانس کی ٹیمیں البیت اسٹیڈیم میں مدمقابل ہوں گی۔

دسمبر 9, 2022
فیفا ورلڈ کپ میں برازیل نے نئی تاریخ رقم کردی

دوحہ: قطر میں جاری فیفا ورلڈکپ میں برازیل نے نئی تاریخ رقم کردی ہے۔

فٹبال ورلڈ کپ کی فیورٹ ٹیم برازیل 2002 سے 2022 تک گروپ مرحلے میں سب سے زیادہ میچز جیتنے والی ٹیم بن گئی ہے، گزشتہ روز برازیل نے سوئٹزرلینڈ کو 1-0 سے شکست دے کر پری کوارٹر فائنل میں پہنچ گئی ہے۔

View this post on Instagram

A post shared by FIFA World Cup (@fifaworldcup)

برازیل 20 سال سے گروپ اسٹیج کے 17 میچز میں ناقابل شکست ہے، گروپ جی میں پوائنٹس ٹیبل پر برازیل نے دونوں میچز جیت کر 6 پوائنٹس کے ساتھ پہلے نمبر پر موجود ہیں جبکہ سوئٹزرلینڈ نے ایک میچ میں کامیابی حاصل کی اور برازیل سے شکست کا سامنا کرنا پڑا۔

Who will join Brazil in the Round of 16 from Group G?#FIFAWorldCup | #Qatar2022

— FIFA World Cup (@FIFAWorldCup) November 28, 2022

کیمرون کی ٹیم ایک پوائنٹس کے ساتھ تیسرے اور سربیا بھی ایک پوائنٹس کے ساتھ چوتھے نمبر پر موجود ہے۔

واضح رہے کہ آج بھی چار میچز کھیلے جائیں گے پہلا میچ گروپ اے میں ایکواڈور اور سنیگال جبکہ دوسرا میچ میزبان قطر اور نیدرلینڈز کے مابین کھیلا جائےگا۔

مزید پڑھیں: گھانا نے جنوبی کوریا کو شکست دے دی

گروپ بی کے پہلے میچ میں ویلز اور انگلینڈ کی ٹیمیں آمنے سامنے ہوں گی، دوسرے میچ میں امریکا اور ایران کی ٹیمیں مدمقابل آئیں گی۔

گزشتہ روز کھیلے گئے میچ میں گھانا نے جنوبی کوریا کو 3-2 سے شکست دی تھی جبکہ گروپ ایچ میں گھانا کی ٹیم 6 پوائنٹس کے ساتھ پہلے نمبر پر آگئی جبکہ جنوبی کوریا کی ٹیم آخری نمبر پر موجود ہے۔

نومبر 29, 2022
برازیل کے سابق صدر نے میدان مار لیا

برازیلیا: برازیل کے سابق صدر اور بائیں بازو کے رہنما لوئز لولا ڈی سلوا تیسری بار برازیل کے صدر منتخب ہو گئے۔

تفصیلات کے مطابق برازیل کے سابق صدر اور بائیں بازو کے رہنما لوئز لولا ڈی سلوا نے تیسری بار صدارتی الیکشن جیت لیا، ترقی پسند ڈی سلوا نے سخت مقابلے کے بعد انتخاب کے دوسرے مرحلے میں موجودہ قدامت پسند صدر بولسونارو کو رن آف میں شکست دی۔

لولا ڈی سلوا کو صدر بولسونارو کے دورحکومت میں کرپشن کے الزامات کا سامنا رہا تھا، لولا ڈی سلوا کو کرپشن کے الزامات پر گرفتار کر کے نااہل بھی کر دیا گیا تھا۔

بعد ازاں، برازیل کی عدالت نے لولا ڈی سلوا کی قید اور نااہلی کا فیصلہ ختم کر دیا تھا، لوئز لولا ڈی سلوا کی کامیابی پر شان دار آتش بازی کا مظاہرہ کیا گیا۔

اکتوبر 31, 2022
برازیل میں گاڑیوں کے گزرتے وقت پل اچانک ٹوٹ گیا

امیزوناس: برازیل میں گاڑیوں کے گزرتے وقت ایک اچانک پل منہدم ہو گیا، جس سے 3 ہلاک، جب کہ درجن سے زائد لا پتا ہو گئے۔

تفصیلات کے مطابق برازیل کے ایمیزون میں گاڑیوں کے گزرتے وقت پل گر گیا، کم از کم تین ہلاک اور زیادہ سے زیادہ 15 لاپتا ہو گئے ہیں، پل کے بارے میں کہا جا رہا ہے کہ اس میں پہلے سے شگاف پڑ گیا تھا۔

فائر فائٹرز اور مقامی میڈیا نے بتایا کہ شمالی برازیل کی ریاست ایمیزوناس میں ایک پل گرنے کے واقعے کی تصدیق ہو گئی ہے، ایمیزوناس فائر ڈپارٹمنٹ نے بدھ کے روز کہا کہ صوبائی دارالحکومت ماناؤس سے تقریباً 100 کلومیٹر جنوب میں واقع قصبے کیریرو میں ایک کنکریٹ کا پل گر گیا ہے، اور ایک درجن سے زیادہ لوگوں کو تلاش کیا جا رہا ہے۔

حکام کے مطابق جس وقت پُل گرا اس وقت کچھ گاڑیاں پل کو عبور کر رہی تھیں، جس سے 14 افراد زخمی ہوئے ہیں۔

تصاویر میں دکھایا گیا ہے کہ پل کا مرکزی حصہ گہرے بھورے پانی میں پڑا ہے جس میں کچھ گاڑیاں، بشمول ایک سفید ٹرک، دریا میں ڈوبی ہوئی ہیں۔

ستمبر 29, 2022
برازیل کا امریکی ٹیکنالوجی کمپنی کو بڑا دھچکا

ریوڈی جینرو: یورپی یونین کی چارجنگ پورٹ سے متعلق قانون سازی پر برازیل نے بڑا قدم اٹھالیا۔

ٹیکنالوجی ویب سائٹ گیجٹس تھری سکٹی کے مطابق برازیل کی قومی مواصلاتی کمپنی نے ملک بھر میں فروخت ہونے والے اسمارٹ فون کے لیے ایک ہی چارجنگ کیبل رکھنے کی تجویز پیش کردی ہے۔

اس سلسلے میں نیشنل ٹیلی کمیونیکیشن ایجنسی ( اناٹیل) نے عوامی رائے بھی طلب کرلی ہے، اس ضمن میں اناٹیل نے رواں ہفتے ہی عوامی رائے شماری کا آغاز کیا ہے تاکہ برازیل میں اسمارٹ فون چارجرز کے لیے یکساں معیار رکھنے کی حکم کی تکیمل کی جاسکے۔

برازیل کی جانب سے یہ اقدام اس تناظر میں اٹھایا گیا جب یورپی یونین نے جون کے ابتدا میں ہی موبائل فونز، ٹیبلیٹس، ہیڈ فونز اورکیمروں کے لیے یکساں چارجنگ پورٹ رکھنے کے قانون کو حتمی شکل دی۔

یہ بھی پڑھیں: اینڈرائیڈ پر ٹائپ کیے بغیر واٹس ایپ میسجز کیسے بھیجیں؟

خاص بات یہ ہے کہ اناٹیل کی یہ نئی تجویز صرف اسمارٹ فونز کے لیے دی گئی ہے، اس قانون سازی سےامریکی ٹیکنالوجی جائنٹ ایپل کا آئی فون متاثر ہوگا کیوں کہ ایپل ابھی تک یو ایس بی ٹائپ سی کے بجائے پرائیریٹی پورٹ استعمال کررہی ہے۔

مگر برازیل کے آئی ٹی ماہرین کا کہنا ہے کہ اس اقدام کا مقصد ملک بھر میں کیبل چارجنگ انٹرفیس کویو ایس بی ٹائپ سی کے معیار سے ہم آہنگ کرنا ہے۔

یہ بات ذہن نشین رہے کہ آئی فون کے تمام ماڈلز لائٹننگ کیبل سے جب کہ اینڈرائیڈ ڈیوائسز چارجنگ کے لیے یو ایس بی ٹائپ سی کنیکٹرز استعمال کرتی ہیں۔

جولائی 1, 2022
برازیل: ہلاکتیں 91 سے تجاوز کر گئیں

برازیلیا: برازیل میں طوفانی بارشوں اور سیلاب کی وجہ سے ہونے والی ہلاکتیں 91 سے بڑھ گئی ہیں۔

تفصیلات کے مطابق شمال مشرقی برازیل میں سیلاب سے مرنے والوں کی تعداد سو سے زیادہ ہو سکتی ہے، کیوں کہ ریاست پرنامبوکو میں حکام نے 91 ہلاکتوں کی تصدیق کر دی ہے اور بہت سے لوگ لا پتا ہیں۔

رپورٹس کے مطابق موسلا دھار طوفانی بارشوں نے برازیل میں تباہی مچا دی ہے، زیادہ تر ہلاکتیں نامبوکو ریاست میں لینڈ سلائیڈنگ اور مکانات گرنے کے باعث ہوئیں، درجنوں افراد لا پتا ہو چکے ہیں۔

حکام نے بتایا کہ سینکڑوں ریاستی اور وفاقی امدادی کارکن منگل کو 26 لا پتا افراد کی تلاش کا کام دوبارہ شروع کریں گے۔

برازیل میں بارشوں اور سیلاب سے تباہی، 57 ہلاکتیں

شمال مشرقی علاقے میں 4 ہزار افراد گھروں سے محروم ہو چکے ہیں، کو رسیفی میں 150 اور کماراجیبی میں 129 ملی میٹر بارش ریکارڈ کی گئی، سڑکیں پانی میں ڈوب گئیں، مکانات گر گئے، سیلابی پانی ہر شے کو بہا لے گیا۔

بارہ سو سے زائد اہل کار کشتیوں اور ہیلی کاپٹرز کی مدد سے لوگوں کو ریسکیو کر رہے ہیں، گزشتہ روز ہونے والی بارش پچھلے 5 ماہ میں ہونے والا چوتھا واقعہ ہے، جس سے سیلابی صورت حال پیدا ہوئی۔

مئی 31, 2022
برازیل میں طوفانی بارشیں : مٹی کے تودے نے37 افراد کی جان لے لی

ریو ڈی جنیرو: برازیل میں موسلادھار بارش اور سیلاب کے بعد مٹی کے تودے گرنے سے 37 افراد ہلاک جبکہ پانچ ہزار افراد بے گھر ہوگئے، امدادی کام تیزی سے جاری ہے۔

تفصیلات کے مطابق برازیل کے شمال مشرقی علاقے میں شدید بارشوں اور مٹی کے تودے گرنے سے کم از کم 37افراد ہلاک اور تقریباً 5000 بے گھر ہو گئے ہیں۔

مقامی شہری دفاع نے میڈیا کو بتایا کہ شمال مشرقی صوبہ پرنامبوکو کا دارالحکومت ریکیفی شہر بارشوں سے سب سے زیادہ متاثر ہوا ہے، جس میں 35 افراد ہلاک اور ایک ہزار کے قریب لوگ اپنا گھر بار چھوڑنے پر مجبور ہوگئے ہیں۔

محکمہ شہری دفاع کے مطابق اسی دوران الگوس صوبے میں بارش سے دو افراد ہلاک ہوئے جبکہ چار ہزار سے زائد افراد کو محفوظ مقامات پر منتقل کیا گیا۔

دریں اثنا، بارش سے متعلقہ آفات کی وجہ سے لوگوں کا جانی نقصان بھی ہوا ہے۔ ہفتے کے روز رسیفی میں مٹی کے تودے گرنے سے 20 افراد ہلاک ہو گئے تھے۔

اس کے علاوہ قریبی قصبے کماراجیبی میں مٹی کے تودے گرنے سے چھ افراد ہلاک ہو گئے تھے۔ پرنامبوکو واٹراینڈ کلائمیٹ ایجنسی کے مطابق ہفتہ کو رسیفی میں150ملی میٹر اور کماراجیبی میں 129 ملی میٹر بارش ریکارڈ کی گئی۔

مئی 29, 2022
قدرت کا کرشمہ، پیدائشی مردہ بچہ زندہ ہو گیا

برازیل میں قبل از وقت پیدا ہونے والے بچے کو ڈاکٹرز نے مردہ قرار دیا لیکن تدفین کے موقع پر بچے نے سانس لے کر لوگوں کو ورطہ حیرت میں ڈال دیا

دنیا میں ایسے لوگوں کی کمی نہیں جو خدائے واحد کے وجود کے منکر ہیں لیکن پروردگار عالم بھی مختلف اوقات میں اپنی قدرت کے کرشمے دکھا کر لوگوں کو اپنے وجود کا احساس دلاتا رہتا ہے۔

ایسا ہی ایک واقعہ برازیل کے شہر رونڈونیا میں پیش آیا جس نے لوگوں کو حیران کردیا۔

ایک غیر ملکی ویب سائٹ کے مطابق رونڈونیا میں رہائش پذیر اٹھارہ سالہ لڑکی خود کے حاملہ ہونے سے لاعلم تھی جب اسے شدید درد محسوس ہوا تو وہ دو بار اسپتال گئی لیکن دونوں بار ڈاکٹر نے اسے واپس بھیج دیا، دوسری بار گھر پہنچتے ہی اس کی تکلیف ناقابل برداشت ہوگئی اور اس نے گھر میں ہی اپنے بچے کو جنم دیا۔

پیدا ہونے والا بچہ حمل کے پانچویں ماہ میں قبل از وقت پیدا ہوا تھا اور پیدائش کے وقت اس کا وزن صرف ایک کلو تھا، زچگی کے بعد ماں اور بچے کو اسپتال لے جایا گیا جہاں ڈاکٹر نے بچے کو مردہ قرار دے دیا۔

اسپتال فیونرل ڈائریکٹر کو بلایا گیا اور اسے بچے کی تدفین کی ذمے داری سونپی گئی تاہم چند گھنٹوں بعد جب تدفین کی تمام تیاریاں مکمل ہوچکی تھیں تو بچے کے دل نے دھڑکنا شروع کردیا ڈائریکٹر نے بچے کو اپنی بانہوں میں لے کر اس کے دل کی دھڑکن محسوس کی۔

فیونرل ڈائریکٹر بچے کو لے کر فوری طور پر اسپتال پہنچا اور اسے آئی سی یو میں داخل کرایا، بچے کے زندہ ہونے کی خبر پر ماں اور اہلخانہ میں خوشی کی لہر دوڑ گئی۔

واقعے کے بعد اہل خانہ اور فیونرل ہوم نے اسپتال انتظامیہ کے خلاف پولیس میں شکایت درج کرادی ہے۔

جنوری 4, 2022
برازیل میں شدید طوفان، سات افراد ہلاک، ہزاروں متاثر

برازیلیا : لاطینی امریکہ کے ملک برازیل کی ریاست باہیا میں شدید بارشوں سے آنے والے سیلاب اور مٹی کے تودے گرنے سے کم از کم سات افراد ہلاک ہوگئے۔

برازیل کے صدر جیر بولسونارو اور باہیا کے گورنر روئی فالکاؤ نے اتوار کو متاثرہ علاقے کا دورہ کیا اور لوگوں سے تعمیر نومیں امداد کا وعدہ کیا۔

کئی دہائیوں بعد ہونے والی اس شدید بارش سے بڑے پیمانے پر تباہی ہوئی ہے جس کے بعد گورنر نے ریاست میں ہنگامی حالت کا نفاذ کر دیا ہے اور لوگوں کی ہدایت کی ہے کہ وہ زیادہ خطرے والے علاقوں سے منتقل ہوجائیں۔

سول انتظامیہ کی جانب سے بتایا گیا ہے کہ ہفتہ کو ہونے والی موسلادھار بارش کے باعث کچھ حصے زیر آب آگئے اور املاک کو نقصان پہنچا۔

شہری دفاع کی انتظامیہ کے مطابق بارش سے 30 کے قریب میونسپلٹی متاثر ہوئی ہیں، جس میں اب تک سات افراد ہلاک، 175 زخمی اور ہزاروں بے گھر ہو چکے ہیں۔

تیز آندھی اور موسلا دھار بارش کی وجہ سے کئی قصبے اور دیہی علاقے مکمل طور پر الگ تھلگ ہو گئے ہیں۔ریلیف اور ریسکیو ٹیموں کو متاثرین تک پہنچنے میں مشکلات کا سامنا کرنا پڑا۔

حکام کا کہنا ہے کہ ہلاکتوں کی تعداد میں اضافہ ہو سکتا ہے کیونکہ اس وقت بڑی تعداد میں لوگ لاپتہ ہیں۔ امدادی ٹیمیں لوگوں کو ریسکیو کرنے کا کام کررہی ہیں تاہم اتوار کو200 سے زائد فائر فائٹرز نے دو ہیلی کاپٹروں کی مدد سے متاثرین افراد کو محفوظ مقام تک پہنچایا۔

دسمبر 14, 2021
ایناکونڈا اور مگرمچھ میں دہشت ناک جنگ

برازیل کے ایک دریا کی ایسی قابل ذکر تصاویر سامنے آئی ہیں، جن میں ایک بڑے مگرمچھ اور ایک ایناکونڈا کے درمیان زبردست جنگ دکھائی دیتی ہے۔

سانپ نے خود کو مگرمچھ کے گرد اس طرح لپیٹا کہ اس کے لیے ہلنا بھی مشکل ہو گیا، یہ جنگ دریائے کویابا کے کنارے بقا کے لیے لڑی گئی 40 منٹ کی ڈرامائی لڑائی ثابت ہوئی۔

لڑائی اس وقت شروع ہوئی جب ایناکونڈا اور گھڑیال اپنے اپنے شکار ڈھونڈنے کے چکر میں ایک دوسرے کے آمنے سامنے آگئے، خوف ناک جانوروں کے اس مقابلے کے یہ نایاب مناظر امریکی ریاست انڈیانا سے تعلق رکھنے والی ایک وائلد لائف فوٹوگرافر کِم سولیوِن نے اپنے کیمرے میں محفوظ کیے۔

خونخوار جانوروں کی اپنی بقا کے لیے یہ جنگ 40 منٹ تک جاری رہی، مگرمچھ نے ایناکونڈا کو پکڑا تو اس نے بھی پانی میں لے جانے سے پہلے مگرمچھ پر اپنی گرفت مضبوط کر لی، اور خود کو اس کے گرد لپیٹ لیا۔

جہاں مگرمچھ اپنے آپ کو ایناکونڈا کی گرفت سے بچانے کی کوشش کرتا رہا، وہیں خطرناک سانپ کا پانی میں رہنا مشکل ہو گیا، جب مگرمچھ اسے پانی کے اندر لے گیا تو وہ سانس لینے کے لیے اپنا سر اوپر نکالتا رہا۔

خاتون کا کہنا تھا کہ سانپ کو اپنے قاتل دانتوں میں دبوچنے کی کوشش کرنے والا مگرمچھ اسے آخر کار پانی میں لے گیا، کچھ ہی دیر بعد دونوں پانی میں کافی دیر کے لیے غائب ہوگئے۔

کم سولیون نے بتایا کہ اچانک مگرمچھ پانی سے باہر نکلا لیکن اس بار وہ اکیلا تھا، لگ رہا تھا کہ وہ یہ جنگ جیت چکا ہے، اور سانپ کو آخر کار اپنی غذا بنا لیا ہے۔

تاہم کچھ ہی دیر بعد ایناکونڈا بھی پانی کی سطح پر نمودار ہوا اور ایک طرف تیرتا ہوا چلا گیا۔

اکتوبر 13, 2021