Tag: Brazil

  • برازیل : ایمازون کے جنگلات کو لوگوں نے آگ لگا دی

    برازیل : ایمازون کے جنگلات کو لوگوں نے آگ لگا دی

    برازیل کے معروف ایمیزون جنگلات میں درختوں کی کٹائی کے بعد فیس پر غیر قانونی پلاٹوں کی خریدو فروخت کا انکشاف ہوا ہے۔

    برطانوی نشریاتی ادارے بی بی سی کے مطابق آگ لگانے والوں کی جانب سے ایمیزون کی جنگلات میں مختلف مقامات پر درختوں کو پہلے آگ لگائی جاتی ہے اور پھر زمینوں کو ہموار کر کے پلاٹننگ کی جاتی ہے اور پھر ان پلاٹوں کو فیس پر مہنگے دام فروخت کیا جاتا ہے۔

    رپورٹ کے مطابق ایمیزون کے محفوظ علاقوں میں مقامی جنگلات اور مقامی لوگوں کے لیے مختص اراضی پر اگے درختوں کی کٹائی اور ان کی فیس بک خریدو فروخت کا سلسلہ جاری ہے۔

    اس حوالے سے فیس بک کا کہنا ہے کہ وہ اس غیرقانونی سرگرمی کے سد باب کے لیے مقامی حکام کے ساتھ کام کرنے کے لیے تیار ہے تاہم وہ یکطرفہ طور پر غیرقانونی پلاٹس بیچنے والوں کے خلاف کوئی ایکشن نہیں لے سکتا ہے کیونکہ آن لائن پلاٹوں کی خریدو فروخت سے متعلق اس کی پالیسی واضع ہے۔

    مقامی افراد نے فیس بک پر زور دیا ہے کہ وہ اس سرگرمی کو روکنے کے لیے ٹھوس اقدامات اٹھائے۔ ایک مقامی رہنما نے الزام لگایا ہے کہ برازیل کی حکومت اس غیرقانونی سرگرمی کو روکنے کے لیے کچھ نہیں کررہی ہے۔

    مقامی قبائلی رہنما اور ماحولیات پر کام کرنے والی مقامی تنظیم کیننڈے کے سربراہ آئیوند بانڈیرا کا کہنا ہے کہ علاقے کے قدرتی وسائل کو ہتھیانے کے لیے باغی کسانوں اور درختوں کی کٹائی کرنے والوں کی جانب سے درختوں کو آگ لگائی جاتی ہے۔

    بی بی سی سے بات چیت کرتے ہوئے آگ لگانے والوں نے اعتراف کیا ہے کہ ان کے پاس زمین یا پلاٹوں کے قانونی کاغذات نہیں ہیں۔

    ایمیزون کی جنگلات میں درختوں کی کٹائی پچھلے دس سال میں سب سے زیادہ ہے اور فیس بک مارکیٹ پلیس حاصل شدہ پلاٹوں کی خریدو فروخت کا بہترین ذریعہ ہے۔

    ایک مقامی شخص نے نام ظاہر نہ کرنے کی شرط پر بتایا کہ سرکاری حکام کی جانب سے باقاعدگی سے ان جنگلات کی انسپکشن نہیں ہوتی ہے اور لوگ بےدھڑک درختوں کو آگ لگا دیتے ہیں۔

    ایمیزون جنگلات میں ایک چھوٹے پلاٹ کی قیمت 35 ہزار امریکی ڈالر ہے اور ان غیرقانونی پلاٹوں میں تیزی سے سرمایہ کاری ہورہی ہے۔

  • حاملہ ماں چار سالہ بیٹے کو بچانے کیلئے جان پر کھیل گئی، ویڈیو وائرل

    حاملہ ماں چار سالہ بیٹے کو بچانے کیلئے جان پر کھیل گئی، ویڈیو وائرل

    برازیلا : باہمت ماں نے اپنے بیٹے کو بچانے کیلئے جان کی پرواہ نہ کرتے ہوئے اسے اپنی آغوش میں چھپا لیا، اندھادھند فائرنگ کے دوران ماں بچے کو لے کر فرش پر لیٹ گئی۔

    برازیل کے شہر ریکانٹو داس میں قائم ایک برگر شاپ پر اس وقت افراتفری مچ گئی جب چند مسلح افراد لوٹ مار کی غرض سے وہاں داخل ہوئے اور موجود لوگوں کو یرغمال بنانے کی کوشش کی۔

    غیر ملکی خبر رساں ادارے کے مطابق چیخ وپکار مچنے پر ڈاکوؤں نے گھبرا کر اندھا دھند فائرنگ کردی جس پر وہاں موجود لوگ جان بچانے کیلئے ادھر ادھر بھاگنے لگے۔

    اس دوران6ماہ کی ایک حاملہ خاتون رافیلہ ڈانٹاس جو اپنے چار سالہ بیٹے کے ساتھ آئی ہوئی تھی اس نے اپنی جان کی پرواہ نہ کرتے ہوئے اپنے بیٹے کو گود میں چھپایا اور زمین پر لیٹ گئی۔ عین اسی وقت ایک ڈاکو اس کی میز کے پاس آیا اور وہاں موجود دو موبائل فون اٹھا کر فرار ہوگیا۔

    سی سی ٹی وی فوٹیج میں دیکھا جاسکتا ہے کہ کس طرح اس باہمت خاتون نے حاملہ ہونے کے باوجود  گولیوں کی بوچھاڑ  میں  پھرتی کے ساتھ یہ کام انجام دے کر اپنی اور بچے کی جان بچائی۔

    ملزمان واردات کے بعد باآسانی فرار ہوگئے تاہم فائرنگ کے نتیجے میں خوش قسمتی سے کسی قسم کے جانی نقصان یا زخمی ہونے کی اطلاع نہیں ملی ہے۔

  • سفاک ماں کا بیٹی پر اندوہناک ظلم۔ ۔۔۔ کمزور دل افراد نہ پڑھیں!

    سفاک ماں کا بیٹی پر اندوہناک ظلم۔ ۔۔۔ کمزور دل افراد نہ پڑھیں!

    برازیل میں ایک ماں نے قینچی سے اپنی 5 سالہ بچی کی آنکھیں نکال لیں جبکہ اس کی زبان بھی کاٹ دی، معصوم بچی سخت اذیت سہنے کے بعد ہلاک ہوگئی، پولیس نے ماں کو گرفتار کرلیا۔

    مقامی میڈیا رپورٹ کے مطابق یہ واقعہ شمال مشرقی برازیل کے ایک گاؤں میں پیش آیا جہاں پولیس 5 سالہ بچی کے قتل کی تحقیقات کر رہی ہے، بچی کی آنکھیں اس کی اپنی ہی ماں نے نہایت سفاکی سے نکال لیں اور اس کی زبان بھی کاٹ دی جس کے بعد بچی سخت تکلیف میں ہلاک ہوگئی۔

    پولیس کے مطابق ماں نے بچی کی زبان کاٹ کر اسے چبایا۔

    پولیس کا کہنا ہے کہ انہیں شام 4 بجے ایک معمر خاتون کی کال موصول ہوئی جس نے بتایا کہ ان کی 30 سالہ بیٹی جیسمئیر گومز اپنی 5 سالہ بچی کو لے کر گزشتہ آدھے گھنٹے سے باتھ روم میں بند ہے اور اس نے دروازہ کھولنے سے انکار کردیا ہے۔

    تاہم پولیس کے وہاں پہنچنے سے قبل ہی گھر والوں نے بیرونی نالیوں سے خون بہتا دیکھا تو باتھ روم کا دروازہ توڑ دیا جہاں بچی خون میں لت پت مردہ حالت میں موجود تھی جبکہ اس کے قریب ہی ایک خون آلود قینچی بھی موجود تھی۔

    پولیس کے مطابق جب وہ وہاں پہنچی تو ماں نے ایک مالا اپنے ہاتھ میں پکڑ رکھی تھی اور وہ اس پر کچھ پڑھ رہی تھی، مقتول بچی کی نانی نے بتایا کہ اس کی بیٹی (قاتل ماں) اکثر یہ کہتے پائی گئی تھی کہ اس کی 5 سالہ بچی پر شیطانوں نے قبضہ کرلیا ہے۔

    پولیس کا کہنا ہے کہ اگلے روز جب ملزمہ کو بیان دینے کے لیے لایا گیا تو وہ مبہم زبان میں بات کرنے لگی جو مختلف زبانوں کا مجموعہ تھی۔ خاندان والوں کے مطابق ملزمہ ذہنی امراض کا بھی شکار رہی ہے اور کچھ عرصہ قبل اس کی ذہنی حالت خاصی بگڑ گئی تھی۔

  • بہن کو بچانے کیلئے بھائی نے اپنی جان خطرے میں ڈال دی، حیرت انگیز ویڈیو وائرل

    بہن کو بچانے کیلئے بھائی نے اپنی جان خطرے میں ڈال دی، حیرت انگیز ویڈیو وائرل

    برازیل میں ایک پندرہ سالہ لڑکے نے جان خطرے میں ڈال کراپنی چھوٹی بہن کو تیز رفتار گاڑی کے سامنے سے ہٹا لیا، ویڈیو دیکھ کر دیکھنے والے دنگ رہ گئے۔

    فلموں میں ایسے مناظر تو ہم اکثر دیکھتے ہی رہتے ہیں جس میں اسٹنٹ مین سڑکوں پر کیمروں کے سامنے اپنی صلاحیتیوں کے جوہر دکھاتے ہیں۔

    برازیل میں ایک ایسا ہی واقعہ حقیقت میں پیش آیا جس کی ڈرامائی سی سی ٹی وی فوٹیج   دیکھ کر ناظرین کی آنکھیں اور منہ حیرت سے کھلے رہ گئے اور وہ داد دیئے بغیر نہ رہ سکے۔

    غیر ملکی خبر رساں ادارے کے مطابق برازیل کے علاقے رونڈونو سے تعلق رکھنے والے 15 سالہ لڑکے کی تین سالہ بہن اپنے فلیٹ سے اتر کر دوڑتے ہوئے سڑک پار کرکے ایک دکان پر چلی گئی۔

    اس کے پیچھے اس کا بھائی اور ایک خاتون بھی سڑک پر آئے لیکن وہ ٹریفک کے باعث سڑک پار نہ کرسکے اسی دوران وہ بچی واپس آنے کیلئے جیسے ہی سڑک کے قریب پہنچی تو اس کے بھائی نے ایک تیز رفتار گاڑی کو آتے ہوئے دیکھا۔

    یہ منظر دیکھ کر اس نوعمر لڑکے نے بجلی کی تیزی سے سڑک پار کرتے ہوئے گاڑی کے سامنے آنے والی اپنی بہن کو اٹھا کر اسے بچا لیا۔

  • برازیل کے تمام شہریوں کو مفت کرونا وائرس ویکسین فراہم کرنے کا اعلان

    برازیل کے تمام شہریوں کو مفت کرونا وائرس ویکسین فراہم کرنے کا اعلان

    برازیلیا: برازیل کے صدر جیر بولسنارو کا کہنا ہے کہ حکومت ملک کے تمام شہریوں کو مفت کرونا وائرس ویکسین فراہم کرے گی، سنہ 2021 کے آغاز میں برازیل میں کرونا وائرس ویکسین کی 15 ملین خوراکوں کی پہلی کھیپ پہنچ جائیں گی۔

    مقامی میڈیا کے مطابق برازیل کے صدر نے اعلان کیا ہے کہ برازیل میں لوگ کرونا وائرس سے بچاؤ کی ویکسین کے مفت ٹیکے لگا سکیں گے۔

    ایک روز قبل صدر نے سماجی رابطے کی ویب سائٹ ٹویٹر پر لکھا کہ سائنسی ہدایات اور قانونی اصولوں پر عمل آوری کے ساتھ اگر قومی سینیٹری نگرانی ایجنسی اس کی اجازت دے تو برازیل کی حکومت پوری آبادی کو مفت میں کرونا وائرس ویکسین فراہم کرے گی۔

    رواں ماہ کے شروع میں برازیل کے محکمہ صحت نے اعلان کیا تھا کہ سنہ 2021 کے ابتدائی 2 مہینوں میں برازیل کو آکسفورڈ یونیورسٹی اور ایسٹرا زینیکا کرونا وائرس ویکسین کی 15 ملین خوراکوں کی پہلی کھیپ ملنے جارہی ہے۔

    حکام کے مطابق توقع ہے کہ اگلے برس کی پہلی ششماہی میں برازیل میں کل 100 ملین خوراکیں پہنچ جائیں گی۔

    برازیل کے وزیر صحت ایڈورڈو پازیلو کے مطابق سنہ 2021 کے دوسرے نصف میں ویکسین کی مزید 160 ملین خوراکیں برازیل میں تیار کی جائیں گی۔

    خیال رہے کہ برازیل اس وقت کرونا وائرس کیسز اور اموات کے حوالے سے دنیا بھر میں تیسرے نمبر پر ہے،

    برازیل میں رپورٹ ہونے والے کرونا وائرس کیسز کی مجموعی تعداد 66 لاکھ 75 ہزار سے زائد اور فعال کیسز کی تعداد 6 لاکھ 43 ہزار 22 ہوچکی ہے۔

    ملک میں ہلاکتوں کی تعداد 1 لاکھ 78 ہزار 184 جبکہ صحت یاب مریضوں کی تعداد 58 لاکھ 54 ہزار 709 ہوچکی ہے۔

  • برازیل میں بس اور ٹرک کے درمیان ہولناک تصادم، بس پل سے نیچے جا گری

    برازیل میں بس اور ٹرک کے درمیان ہولناک تصادم، بس پل سے نیچے جا گری

    برازیل میں ایک بس اور ٹرک کے درمیان ہولناک تصادم میں 16 افراد ہلاک ہوگئے، پل کے جنگلے سے ٹکرانے کے بعد بس 45 فٹ نیچے جا گری۔

    مقامی میڈیا رپورٹس کے مطابق ہولناک حادثہ جاؤ مونلواڈ شہر میں پیش آیا جہاں ایک پل پر ٹرک اور بس میں تصادم ہوا۔

    ٹرک سے ٹکرا کر بس لین سے نکل گئی اور پل کے کنکریٹ جنگلے سے ٹکرائی، بعد ازاں وہاں سے 45 فٹ نیچے ریلوے ٹریک پر جا گری۔

    نیچے گرنے سے قبل بس کا ڈرائیور بس سے نکل آیا تھا جبکہ صرف چند لمحے قبل مزید 4 مسافر بھی بس سے چھلانگ لگا کر باہر نکلے، اگلے ہی لمحے بس نیچے جا گری۔

    موقع پر جمع ہوجانے والے افراد نے 2 بچوں سمیت 3 مسافروں کو کسی طرح اوپر کھینچ لیا جنہیں فوری طور پر قریبی اسپتال روانہ کیا گیا۔

    ہولناک حادثے میں 16 افراد ہلاک جبکہ 27 زخمی ہوئے۔

    اسی نوعیت کا ایک حادثہ ساؤ پاؤلو میں گزشتہ ہفتے ہی پیش آیا تھا جس میں ایک ٹرک اور بس کا ہی تصادم ہوا تھا، مذکورہ حادثے میں 40 افراد موقع پر ہی ہلاک ہوگئے تھے جبکہ 2 مزید ہلاکتیں اسپتال میں ہوئی تھیں۔

  • کرونا ویکسین کے استعمال سے متعلق برازیل کا بڑا فیصلہ

    کرونا ویکسین کے استعمال سے متعلق برازیل کا بڑا فیصلہ

    ریوڈی جینرو: کرونا سے نبردآزما برازیل کے لئے اچھی خبر ہے کہ کووڈ نائینٹین کی ویکسین اسے نئے سال کے آغاز پر مہیا کردی جائے گی۔

    بین الاقوامی میڈیا رپورٹ کے مطابق اس بات کا اعلان برازیل کے وزیر صحت نے نیشنل کانگریس سے خطاب کے دوران کیا، وزیر صحت نے بتایا کہ پہلے مرحلے میں آکسفورڈ اور فیوکروز (ریو ڈی جنیریو اوسوالڈو کروز فاؤنڈیشن)کے اشتراک سے کرونا ویکسین کے 1.5 کرور ڈوز کی پہلی کھیپ آئندہ جنوری ، فروری میں مہیا کردی جائے گی۔

    وزیر صحت پیجیلو کی جانب سے بتایا کہ ایک کروڑ ڈوز پہلے مرحلے میں تقسیم کی جائےگی، پروڈکشن ٹیکنالوجی کی منتقلی کے ساتھ فیوکروز اگلے سال کی دوسری سہ ماہی میں 1.60 کروڑ ڈوز تیار کرے گا، اس قسم کی ویکسین کی کُل 2.60 کروڑ ڈوز سے ملک کے شہریوں کو دو بار ٹیکہ لگایا جاسکے گا۔یاد رہے کہ برازیل نے شروع ہی سے کرونا وائرس سے بچاؤ کی ویکسین کے لیے سرگرمی دکھائی ہے، گزشتہ ہفتے بھی برازیل کے ہیلتھ کیئر عہدے داروں نے ویکسین تیار کرنے والی کمپنیوں کے نمائندگان کے ساتھ ویکسین کی تیاری، محفوظ اور مؤثر ہونے کے معاملات کے ساتھ ساتھ اس کی فراہمی سے متعلق لاجسٹک پہلوؤں پر بھی تبادلہ خیال کیا تھا۔

    روسی ذرائع ابلاغ کے مطابق برازیل کی وزارتِ صحت روسی کرونا ویکسین اسپونٹک فائیو کی ممکنہ خریداری کے سلسلے میں  (رشین ڈائریکٹ انویسٹمنٹ فنڈ) کے ساتھ ایک معاہدے پر دستخط کے لیے تیار ہے۔

    یہ بھی پڑھیں: عالمگیر وبا: امریکا، بھارت اور برازیل سب سے زیادہ متاثر

    برازیلی وزارتِ صحت کے مطابق ایسے ہی معاہدے بڑی امریکی فارماسیوٹیکل کمپنی فائزر، جانسن سیلگ، انڈین بائیوٹیک، اور موڈرنا کے ساتھ بھی کیے جائیں گے۔

    برازیل امریکا کے بعد دوسرا ملک ہے،جہاں کرونا سے بڑی پیمانے پر ہلاکتیں ہوئی ہیں۔

  • روسی کرونا ویکسین کے حصول کے لیے برازیل کا اہم فیصلہ

    روسی کرونا ویکسین کے حصول کے لیے برازیل کا اہم فیصلہ

    برازیلیا: کئی دیگر ممالک کے بعد اب برازیل بھی روسی کرونا ویکسین کے حصول کے لیے تیار ہو گیا ہے، اس سلسلے میں برازیلی وزارت صحت روس کے ساتھ اسپوتنک V کی خریداری سے متعلق ایک معاہدے پر دستخط کرنے جا رہی ہے۔

    روسی ذرایع ابلاغ کے مطابق برازیل کی وزارتِ صحت روسی کرونا ویکسین Sputnik V کی ممکنہ خریداری کے سلسلے میں RDIF (رشین ڈائریکٹ انویسٹمنٹ فنڈ) کے ساتھ ایک معاہدے پر دستخط کے لیے تیار ہے۔

    برازیلی وزارتِ صحت کے مطابق ایسے ہی معاہدے بڑی امریکی فارماسیوٹیکل کمپنی فائزر، جانسن سیلگ، انڈین بائیوٹیک، اور موڈرنا کے ساتھ بھی کیے جائیں گے۔

    یاد رہے کہ برازیل نے شروع ہی سے کرونا وائرس سے بچاؤ کی ویکسین کے لیے سرگرمی دکھائی ہے، گزشتہ ہفتے بھی برازیل کے ہیلتھ کیئر عہدے داروں نے ویکسین تیار کرنے والی کمپنیوں کے نمائندگان کے ساتھ ویکسین کی تیاری، محفوظ اور مؤثر ہونے کے معاملات کے ساتھ ساتھ اس کی فراہمی سے متعلق لاجسٹک پہلوؤں پر بھی تبادلہ خیال کیا تھا۔

    روسی ویکسین حاصل کرنے والا یورپی یونین کا پہلا ملک

    یاد رہے کہ چین میں تیار کی جانے والی کرونا ویکسین سینوویک کے ٹرائلز برازیل میں بھی کیے گئے ہیں، ٹرائلز کے دوران ایک رضاکار کی موت بھی واقع ہو گئی تھی جس کے بعد ٹرائلز روک دیے گئے تھے تاہم بعد میں یہ دوبارہ شروع کیے گئے۔

    مزید بر آں برازیل کے بٹانٹن انسٹی ٹیوٹ بائیو میڈیکل سینٹر کو رواں ہفتے کو وِڈ 19 کے خلاف چین کے سینوویک ویکسین کی پہلی خوراک موصول ہوگی۔

  • سیاہ فام کی ہلاکت پر برازیل میں ہنگامے، دل دہلانے والی ویڈیو بھی سامنے آگئی

    سیاہ فام کی ہلاکت پر برازیل میں ہنگامے، دل دہلانے والی ویڈیو بھی سامنے آگئی

    ریوڈی جینرو: برازیل میں نسلی پرستی کے واقعے نے ایک سیاہ فام شخص کی جان لے لی ہے، جس کے نتیجے میں ملک بھر میں ہنگامے پھوٹ پڑے ہیں۔

    بین الاقوامی میڈیا رپورٹ کے مطابق یہ دل خراش واقعہ گذشتہ روز برازیل کے شہر پورٹو الیگری میں پیش آیا تھا، جہاں سیکیورٹی گارڈز کی غیر انسانی سلوک کے باعث ایک سیاہ فام کی موت واقع ہوئی تھی ، اندوہناک واقعے کی ویڈیو سوشل میڈیا پر وائرل ہوئی ، جو ملک میں پر تشدد واقعات کا محرک بنی۔

    https://twitter.com/i/status/1329741463966650375

    وائرل ویڈیو میں دیکھا جاسکتا ہے کہ سیاہ فام شخص البرٹو سلویرا فرائٹاس کو سپر اسٹور کے باہر ایک سیکیورٹی اہلکار نے دبوچ رکھا ہے جبکہ دوسرا گارڈ مسلسل اس کے چہرے پر تشدد کررہا ہے، سیاہ فام شخص کے چہرے پر بدترین تشدد کے بعد بھی سیکورٹی گارڈ کا غصہ ٹھنڈا نہیں ہوا تو اس نے اپنا گھٹنا فرائٹاس کے چہرے پر رکھ دیا۔

    بین الاقوامی میڈیا رپورٹ کے مطابق سکیورٹی گارڈز بین الاقوامی سُپر مارکیٹ کارفور میں اپنے ڈیوٹی انجام دیتے ہیں، بدترین واقعے پر کار فور انتظامیہ نے شدید افسوس کا اظہار کرتے ہوئے بتایا کہ سیاہ فام شہری کی ہلاکت میں ملوث سکیورٹی گارڈ کو فارغ کرنے کی اطلاع سکیورٹی کمپنی کو دے دی گئی ہے۔

    واقعے سے متعلق سپر اسٹور کی انتظامیہ کا کہنا تھا کہ جس سکیورٹی فرم نے ہمیں یہ سکیورٹی گارڈ فراہم کیے تھے اس واقعہ کے بعد ہم نے ان کے ساتھ اپنا کنٹریکٹ ختم کر دیا ہے۔میڈیا رپورٹ کے مطابق واقعے کے بعد پورٹو الیگری کے ساتھ ساتھ کئی دوسرے شہروں میں ہنگاموں اور مظاہروں کا سلسلہ شروع ہو گیا، ملک بھر میں سیاہ فام بڑی تعداد میں سڑکوں پر نکل آئے اور توڑ پھوڑ شروع کردی، مظاہرین نے سپر اسٹور کے باہر نعرہ بازی کرتے ہوئے بلیک لائیوز میٹ اور کار فور کِلر کے نعرے بھی لگائے ۔

    احتجاجی مظاہروں کے دوران ایک بینر پر کارفور کے ہاتھ سیاہ فام انسان کے خون سے رنگے ہیں بھی لکھا ہوا تھا۔ واقعے کے بعد کئی اسٹورز کو آگ لگادی گئی ہے، نسلی تعصب کا شکار ہونے والے البرٹو سلویرا فرائٹاس کو مظاہرین نے برازیلی جارج فلوئیڈ قرار دے دیا ہے۔

    مظاہرین کا کہنا تھا کہ اس تاریخ کو برازیل میں ہر سال بلیک کانشس ڈے کے طور پر منایا جاتا ہے، برازیل میں سیاہ فام کمیونٹی کی اہمیت اور ملکی خدمات کے اعتراف میں بلیک کانشس ڈے کے موقع پر خصوصی تقریبات منعقد کی جاتی ہیں، لیکن اسی دن ایک سیاہ فام کو سفید فام سکیورٹی گارڈز نے مار مار کر ہلاک کر دیا۔دوسری جانب سیکیورٹی فورسز نے البرٹو سلویرا فرائٹاس کی ہلاکت میں ملوث دونوں سیکیورٹی گارڈز کو حراست میں لے کر تفتیش شروع کر دی ہے، حکام کے مطابق ان میں سے ایک سیکیورٹی گارڈ آف ڈیوٹی ملٹری پولیس آفیسر تھا جو اس تشدد میں شامل تھا۔Image

    یاد رہے کہ چند ماہ قبل امریکہ میں سیاہ فام جارج فلوئیڈ کے بہیمانہ قتل کے بعد مجھے سانس نہیں آرہا کے سلوگن کے ساتھ دنیا بھر کے ممالک میں سیاہ فام نے شدید احتجاج کیا تھا، فلوئیڈ کو ایک امریکی پولیس اہلکار نے گردن پر گھٹنا رکھ کر ہلاک کر دیا تھا اور پھر ساری دنیا میں بلیک لائیوز میٹر کی تحریک شروع ہو گئی تھی۔

    یہ بھی پڑھیں:  امریکا میں سیاہ فام کی دردناک موت پولیس افسران کو لے ڈوبی

    اس تحریک کے حق میں ساری دنیا کے مختلف شہروں میں احتجاجی جلوس اور ریلیاں نکالی گئیں، اس تحریک کی بازگشت اب بھی سنائی دے رہی ہے۔

  • نیمار کی ہیٹ ٹرک، رونالڈو کو پیچھے چھوڑ کر ریکارڈ بنا ڈالا

    نیمار کی ہیٹ ٹرک، رونالڈو کو پیچھے چھوڑ کر ریکارڈ بنا ڈالا

    برازیل کے اسٹار فٹبالر نیمار نے 2022 فیفا ورلڈ کپ کوالیفائر میں پیرو کے خلاف ہیٹ ٹرک بنا کر ناصرف ٹیم کو جیت دلوائی بلکہ نیا ریکارڈ بھی قائم کردیا۔

    تفصیلات کے مطابق برازیلین فٹبالر نیمار نے کوالیفائر میچ میں پیرو کے خلاف ناصرف اپنی ٹیم کو کامیابی سے ہمکنار کیا بلکہ  ہم وطن رونالڈو کو پیچھے چھوڑتے ہوئے نیا ریکارڈ بھی بنا ڈالا۔

    نیمار نے گزشتہ روز پیرو کے خلاف میچ میں ہیٹ ٹرک کی اور اپنی ٹیم کو 4-2 سے کامیابی دلوائی، اس ہیٹ ٹرک کے ساتھ ہی بین الاقوامی مقابلوں میں ان کے گول کی تعداد 64 ہوگئی۔

    اس سے قبل رونالڈو نے برازیل کے لیے نو میچوں میں 62 گول کیے تھے، نیمار اب ان سے آگے نکل گئے، اس فہرست میں لیجنڈ فٹبالر پیلے سب سے آگے ہیں، پیلے نے برازیل کے لیے 77 گول کیے ہیں۔

    انٹرنیشنل سطح پر سب سے زیادہ گول کرنے کا ریکارڈ ایران کے علی ڈائر کے نام ہیں جنہوں نے 109 گول کئے ہیں، وہیں اس کے بعد دوسرے مقام پر پرتگال کے اسٹار فٹ بالر کرسٹیانو رونالڈو جنہوں نے 101 گول کئے ہیں.

    نیمار نے برازیل کیلئے بین الاقوامی سطح پر اب تک 102 میچز کھیلے ہیں، جس میں انہوں نے چوسٹھ 64 گول اسکور کیے ہیں۔