بھارت میں شادی کے دوران مزاحیہ واقعات پیش آتے ہیں جس کی ویڈیو سوشل میڈیا پر وائرل ہوجاتی ہیں۔
شادی کی تقریبات میں مختلف گھرانوں میں رسم کے طور پر رخصتی کے وقت دلہا، دلہن کو اٹھا کر گاڑی تک لے کر جاتا ہے جس پر تقریب میں شریک قریبی عزیزو اقارب کی جانب سے خوب ہلہ گلہ کیا جاتا ہے۔
لیکن بھارت میں اسی لمحے کے دوران پیش آئے حادثے کی ویڈیو وائرل ہورہی ہے جس میں دلہا دلہن کو لے کر اسٹیج سے لے کر نیچے اترتے ہوئے گر گیا۔
وائرل ویڈیو میں دیکھا جاسکتا ہے کہ دلہا دلہن کو اٹھائے اتر ہی رہا ہوتا ہے کہ اچانک توازن بگڑنے پر وہ نیچے گر جاتا ہے تاہم نوبیاہتا جوڑے کو خوش قسمتی سے کوئی زخم نہ آئے۔
سوشل میڈیا صارفین کی جانب سے ویڈیو کو پسند کیا جارہا ہے اور دلہا دلہن کے لیے نیک خواہشات کا اظہار کیا جارہا ہے۔
ایک صارف نے لکھا کہ ’گرنے پر بھی اس نے طریقے سے معاملے کو سنبھال ۔‘
دوسرے صارف نے لکھا کہ ’بہت اچھا بھائی، آپ نے صورتحال کو بہت اچھی طرح سنبھال لیا ورنہ یہ حادثہ اس سے بھی بڑا ہوسکتا تھا اہلیہ کو آپ پر فخر ہونا چاہیے۔‘