برسبین : آسٹریلیا کیخلاف برسبین ٹیسٹ میں پاکستانی بلے بازوں نے شاندار کم بیک کرتے آٹھ وکٹوں پر تین سو بیاسی رنز بنالئے ۔جیت کیلئے قومی ٹیم کو اب بھی ایک سو آٹھ رنزدرکار ہیں۔
تفصیلات کے مطابق آسٹریلیا کو برسبین میں پہلا ڈے نائٹ ٹیسٹ جیتنے کے لیے پاکستان کی صرف دو وکٹیں درکار ہیں۔ چوتھے دن کھیل ختم ہونے پر پاکستان نے زبردست مزاحمت کرتے ہوئے اپنی دوسری اننگز میں اسد شفیق کی شاندار سینچری کی بدولت 382 رنز بنائے ہیں اور اس کے آٹھ کھلاڑی آؤٹ ہوئے۔
محاروہ ہے کہ ’’مقابلہ تو دل ناتواں نے خوب کیا‘‘ کے مصداق مثبت بیٹنگ سے پاکستان نے برسبین ٹیسٹ مصالحے دار بنا دیا، شاہینوں کو جیت کیلئے ایک سو آٹھ رنز درکارہیں جبکہ آسٹریلیا اپنی فتح سے صرف دو وکٹ کی دوری پر ہے۔
چوتھے روز پاکستان نے ستر رنز دو کھلاڑی آؤٹ سے دوسری اننگز دوبارہ شروع کی تو اظہرعلی اور یونس خان نے اکیانوے رنز اسکور میں جوڑے۔ اکہتر رنز کی اننگز اظہر علی نے کھیلی۔ یونس خان پینسٹھ رنز بناکر جلد بازی کربیٹھے۔
مصباح الحق اس بار بھی ناکام رہے، محمد عامر اور وباب ریاض نے بھی کینگروز کا ڈٹ کرمقابلہ کیا۔ مشکل حالات میں شاندار سنچری اسکور کرتے ہوئے اسد شفیق نے حریف کھلاڑیوں کے رنگ اڑا دیئے۔
پاکستان نے آٹھ وکٹ پر تین سو بیاسی رنز بنالیے۔ آخری روز اسد شفیق کے ساتھ یاسر شاہ آسٹریلوی بولرز کا سامنا کرینگے۔
