ARYNews.tv | Urdu – Har Lamha Bakhabar

Tag: Britain’s Queen Elizabeth

  • ملکہ برطانیہ کی ’’پلاٹینم جوبلی‘‘ تقریبات کا آغاز کل سے ہوگا

    ملکہ برطانیہ کی ’’پلاٹینم جوبلی‘‘ تقریبات کا آغاز کل سے ہوگا

    برمنگھم : ملکہ برطانیہ کی پلاٹینم جوبلی تقریبات کا آغاز کل دو جون سے ہوگا، برطانوی شہری رواں ہفتے ملکہ الزبتھ دوئم کے اقتدار کے 70 برس پورے ہونے کا جشن منانے کیلئے پُرجوش ہیں۔

    غیر ملکی خبر رساں ادارے کی رپورٹ کے مطابق ملکہ برطانیہ کی پلاٹینم جوبلی کے جشن کی تقریبات میں دس سے زائد ممالک کے نمائندے بھی شامل ہوں گے، جن ممالک کے اپنے 70 سالہ دورہ اقتدار میں ملکہ برطانیہ نے سرکاری دورے کیے۔

    رپورٹ میں بتایا گیا ہے کہ اس جشن میں اداکار، فنکار، 500 گھوڑے اور ایک ہزار سے زائد مزید افراد شامل ہوں گے جو کہ رقص، موسیقی اور دیگر تقریبات میں حصّہ لیں گے۔

    پلاٹینم جوبلی کا جشن 90 منٹ کی فوجی پریڈ، موسیقی اور گھوڑوں سے محبت کرنے والی ملکہ برطانیہ کے سامنے گھڑ سواری کے شاندار براہ راست نشریاتی شو کے ساتھ اختتام پذیر ہوگا۔

    خیال رہے کہ ملکہ الزبیتھ دوئم کا 70 سالہ دورِ تاج برطانیہ کی تاریخ کا سب سے طویل ترین اقتدار کا دور ہے جس کا آغاز 6 فروری 1952ء کو ملکہ کے والد برطانوی بادشاہ جارج ششم کی وفات کے بعد ہوا تھا۔

    برطانوی اخبار سن کے رواں ہفتے لیے گئے ایک جائزے کے مطابق ملکہ برطانیہ کی اپروول ریٹنگ91.7 ہے۔ البتہ شہزادہ چارلس کے لیے یہ 67.5 فیصد جب کہ ان کے بیٹے شہزادہ ولیم کے لیے 87.4 فیصد ہے۔

    ملکہ برطانیہ اپنے اقتدار کے دوران متعدد خاندانی مسائل سے نبردآزما رہیں، ان کے صاحبزادے شہزادہ چارلس کی شہزادی ڈیانا سے علیحدگی اور گزشتہ برس شوہر شہزادہ فلپ کا 99 برس کی عمر میں انتقال ان مسائل میں نمایاں رہے۔ اسی دوران بادشاہت میں متعدد جدتیں متعارف کرائی گئیں۔

    شاہی خاندان کے افراد میں سے وہی ان تقریبات میں شریک ہوں گے جو اس وقت فیملی کا حصہ ہیں۔ خودساختہ جلاوطنی اختیار کیے ہوئے شہزادہ ہیری اور ان کی امریکی اہلیہ میگھن سمیت ملکہ کے دوسرے بیٹے شہزادہ اینڈیو تقریبات میں موجود نہیں ہوں گے۔

  • ہم سب نے مل کر کورونا وائرس کا مقابلہ کرنا ہے، ملکہ برطانیہ

    ہم سب نے مل کر کورونا وائرس کا مقابلہ کرنا ہے، ملکہ برطانیہ

    لندن : ملکہ برطانیہ کا کہنا ہے کہ ہم سب نے مل کر کورونا وائرس کا مقابلہ کرنا ہے،آپ سب کو یقین دلاتی ہوں کہ اگر ہم متحد اور ثابت قدم رہے تو اس پر قابو پا لیں گے۔

    تفصیلات کے مطابق ملکہ برطانیہ  الزبتھ نے کاونڈزرکاسل سے خطاب میں کہا کہ ہم مل کرکوروناوائرس کامقابلہ کر رہے ہیں، میڈیکل اسٹاف کی شکرگزارہوں۔

    خطاب میں ملکہ الزبتھ کی جانب سے حکومتی احکامات پر عمل کر کے گھر پر رہنے والوں اور ان حالات میں دوسروں کی مدد کرنے والوں کا شکریہ ادا کیا۔

    ملکہ برطانیہ کا کہنا تھا کہ آج کی تقریر مجھے 1940میں میراپہلاخطاب یادکرا رہی ہے، آج ہم ایک بارپھربہت سارے لوگ اپنے پیاروں کا غم منارہےہیں،لیکن برطانیہ کورونا وائرس کے خلاف جنگ میں ضرور کامیاب ہوگا۔

    ونڈزر کاسل سے خطاب کرتے ہوئے انھوں نے کہا کہ برطانیہ کو پہلے بھی مشکلات کا سامنا کرنا پڑا لیکن یہ صورت حال مختلف نوعیت کی ہے، اس بار ہم دنیا بھر کے تمام ممالک کے ساتھ مل کر سائنس اور انسانی ہمدردی کے ذریعے دنیا کو صحتیاب کرنے کی کوشش کریں گےاور یہ کامیابی ہم سب کی ہوگی۔

    ملکہ الزبتھ کا کہنا تھا کہ قوم مشکل حالات سے گذررہی ہے اور ابھی کچھ اور مشکل دن گزارنے پڑیں گے لیکن ہمیں اس بات کا یقین ہونا چاہیئے کہ بہتر دن لوٹ آئیں گے اور ہم اپنے دوستوں اور عزیزوں سے ایک بار پھر ملیں گے۔

    انھوں نے مزید کہا ’ہم سب  اس وبا سے نبرد آزما ہو رہے ہیں اور میں آپ سب کو یقین دلاتی ہوں کہ اگر ہم متحد اور ثابت قدم  رہے تو اس پر قابو پا لیں گے۔‘

    ملکہ برطانیہ کا کہنا تھا کہ امید کرتی ہیں کہ مستقبل میں ملک کورونا وائرس کی وبا کے نے نمٹنے کے لیے کئے جانے والے اقدامات پر فخر کر سکے گا۔