ARYNews.tv | Urdu – Har Lamha Bakhabar

Tag: british

  • برطانیہ میں چاقو زنی کی واردات ایک اور گلوکار ہلاک

    برطانیہ میں چاقو زنی کی واردات ایک اور گلوکار ہلاک

    لندن : برطانیہ میں موسکو17 میوزیکل گروپ کے ایک اور گلوکار کو تشدد کے بعد اسی مقام پر چاقو کے وار کرکے قتل کردیا گیا جہاں، اس کے دوست کو موت کے گھاٹ اتارا گیا تھا۔

    تفصیلات کے مطابق برطانیہ کے دارالحکومت لندن میں بدھ کے روز ایک اور گلوکار کو تشدد کے بعد وارہیم اسٹریٹ پر قتل کردیا گیا جہاں ایک ماہ قبل مقتول کے دوست کو قتل کیا گیا تھا۔

    برطانوی خبر رساں ادارے کا کہنا ہے کہ لندن کے مذکورہ علاقے میں گذشتہ روز تین افراد شدید زخمی حالت میں ملے تھے جن میں 23 سالہ ریپر جس کی شناخت صادیقی کے نام سے ہوئی تھی، جو کچھ دیر بعد زخموں کی تاب نہ لاتے ہوئے موقع پر ہی ہلاک ہوگیا۔

    غیر ملکی خبر رساں ادارے کا کہنا تھا کہ رواں برس مئی میں اسی مقام پر صادیقی کے دوست 17 سالہ ریحیم بارٹن کو بھی تشدد کے بعد چاقو کے وار کرکے قتل کیا گیا تھا۔

    میٹرو پولیٹن پولیس کا کہنا ہے کہ اہلکاروں نے قتل کے شبے میں دو مشتبہ افراد کو جائے حادثہ سے گرفتار کرکے تفتیش کے لیے نامعلوم مقام پر منتقل کردیا ہے۔

    برطانوی پولیس کے مطابق دونوں مقتولین کا تعلق موسکو 17 میوزک گروپ سے تھا۔

    پولیس کا کہنا ہے کہ پرتشدد واقعے میں زخمی ہونے والے دیگر دو زخمی اسپتال میں زیر علاج ہیں، جن کی حالت تاحال تشویش ناک ہے۔

    ایک رپورٹ کے مطابق برطانیہ کے دارالحکومت لندن نے جرائم کی شرح میں امریکی شہر نیویارک کو بھی پیچھے چھوڑ دیا ہے، برطانوی میڈیا کے مطابق نوجوان گینگ کلچر کا شکار ہورہے ہیں جس کے باعث لندن میں رواں سال چاقو زنی کی وارداتوں میں اب تک 50 سے زائد افراد قتل ہوچکے ہیں۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • تھریسامے بریگزٹ منصوبے پرحمایت حاصل کرنے آسٹریا پہنچ گئیں

    تھریسامے بریگزٹ منصوبے پرحمایت حاصل کرنے آسٹریا پہنچ گئیں

    لندن : برطانوی وزیر اعظم تھریسا مے بریگزٹ ڈیل سے متعلق معاملات طے کرنے کےلیے آسٹریا پہنچ گئیں جہاں آسٹرین چانسلر اور  وزیر اعظم چیک ریپبلک سے ملاقات بھی کریں گییں۔

    تفصیلات کے مطابق برطانیہ کی وزیر اعظم تھریسا مے اپنی سرکاری چھٹیوں پر جانے سے قبل آج یورپی یونین کے رکن ملک آسٹریا کے شہر سالسبرگ میں آسٹرین چانسلر سے ملاقات کریں گی جس میں بریگزٹ ڈیل سے متعلق گفتگو کی جائے گی۔

    برطانوی خبر رساں ادارے کا کہنا تھا کہ برطانوی وزیر اعظم تھریسا مے آسٹرین چانسلر کی مہمان کے طور پر سالسبرگ میں منعقد ہونے والے میوزیکل فیسٹول میں شرکت بھی کریں گی۔

    غیر ملکی خبر رساں ادارے کا کہنا تھا کہ تھریسا مے آسٹریا میں چانسلر کرز اور چیک ری پبلک کے وزیر اعظم اینڈریج بابس سے بھی بریگزٹ ڈیل کے حوالے سے بات چیت کریں گی،

    غیر ملکی خبر رساں ادارے کا کہنا تھا کہ تھریسا مے کا خیال ہے کہ بریگزٹ کے بعد برطانیہ اور یورپی یونین کے درمیان مستقبل کے تعلقات کے حوالے سے بنائے گئے منصوبے پر آسٹریا اور چیک ریپبلک کی حمایت حاصل کرلیں گی۔

    برطانوی خبر رساں ادارے کے مطابق یورپی یونین کے چیف جین کلاؤڈ جنکر نے تھریسا مے کے بریگزٹ منصوبے کو مسترد کردیا ہے۔

    برطانوی حکام اور یورپی یونین نے اس بات پر اتفاق کیا ہے کہ رواں برس اکتوبر تک بریگزٹ سے متعلق حتمی معاہدہ طے کرلیا جائے، کیوں کہ مارچ 2019 میں برطانیہ یورپی یونین سے علیحدہ ہوجائے گا۔

    غیر ملکی خبر رساں ادارے کا کہنا تھا کہ بریگزٹ ڈیل کے حوالے یورپی یونین اور برطانوی حکام کی تیاری مذاکرات کے اختتام جاری رہے گی چاہیے معاہدہ نہ بھی ہوسکے۔

    خیال رہے کہ ایک روز قبل برطانیہ کی وزیر اعظم نے یورپی یونین سے علیحدگی کے حوالے مذاکرات خود کرنے کا اعلان کیا تھا، جبکہ وزیر برائے بریگزٹ کو بریگزٹ کے حوالے سے ملک کے داخلی معاملات پر توجہ دینے کی ذمہ دی تھی۔

    غیر ملکی خبر رساں ادارے کا کہنا تھا کہ برطانوی وزیر اعظم تھریسا مے نے بریگزٹ مذاکرات خود کرنے کا اعلان ایسے وقت میں کیا تھا، جب وفاقی کابینہ میں بیشتر وزراء استعفے دے رہے ہیں اور بریگزٹ ڈیل میں مسلسل تاخیر کے باعث عوام میں بھی بے چینی پائی جارہی ہے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • لندن: 3 سالہ بچے پر تیزاب ڈالنے کے الزام میں 3 نوجوان گرفتار

    لندن: 3 سالہ بچے پر تیزاب ڈالنے کے الزام میں 3 نوجوان گرفتار

    لندن : برطانوی پولیس نے کم سن بچے پر تیزاب پھیکنے کے الزام میں تین نوجوانوں کو گرفتار کرلیا ہے، تیزاب گردی کے نتیجے میں بچے کا چہرہ اور بازو بری طرح جھلس گیا تھا۔

    تفصیلات کے مطابق برطانیہ کے دارالحکومت لندن میں 3 مشتبہ افراد نے ایک روز قبل 3 سالہ کم سن بچے کو تیزاب گردی کا نشانہ بنایا تھا، پولیس نے واقعے کا نوٹس لیتے ہوئے تین نوجوانوں کو تیزاب گردی کرنے کے الزام میں گرفتار کیا ہے۔

    برطانوی پولیس کا کہنا تھا کہ گرفتار ملزمان کی عمر 22، 25 اور 26 برس ہے۔ جنہیں لندن کے علاقے والٹ ہیسٹو سے گرفتار کیا گیا تھا۔

    پولیس کا کہنا ہے کہ تیزاب گردی کے واقعے میں متاثرہ بچے کا چہرہ اور بازو بری طرح جھلس گیا تھا، جسے اسپتال میں طبی امداد دینے کے بعد ڈسچارج کردیا گیا ہے۔

    پولیس ترجمان نے میڈیا کو بتایا کہ مذکورہ حملے کی وجوہات کیا تھی اس بارے میں کچھ معلوم نہیں ہوسکا ہے، تاہم بچے کے چہرے اور بازو پر آنے والے زخموں کے اثرات کب تک باقی رہتے ہیں اس کے بارے میں کچھ نہیں کہا جاسکتا۔

    پولیس ترجمان کا کہنا تھا کہ متاثرہ بچہ ہفتے کے روز اپنے والدین کے ہمراہ گھر کے قریب واقع پارک میں موجود تھا کہ اچانک ملزمان نے بچے پر تیزاب پھینک دیا۔

    برطانیہ کے ایم پی رابن والکر کا نے واقعے کو المناک قرار دیتے ہوئے کہا تھا کہ ’مجھے بہت حیرت ہوئی کہ دنیا میں ایسے افراد بھی موجود ہیں ججو ایک چھوٹے بچے پر حملہ کریں‘۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • برطانوی سیاح کو جنسی زیادتی کا نشانہ بنانے کے جرم میں 2 برطانوی شہریوں کو سزا

    برطانوی سیاح کو جنسی زیادتی کا نشانہ بنانے کے جرم میں 2 برطانوی شہریوں کو سزا

    ٹیکساس : امریکی عدالت نے برطانوی سیاح کو نشہ آور ادویہ دینے اور جنسی زیادتی کرنے کے جرم میں دو برطانوی شہریوں کو سزا سناتے ہوئے جیل بھیج دیا جبکہ دیگر دو ملزمان کے پاسپورٹ ضبط کرکے ضمانت پر رہا کردیا۔

    تفصیلات کے مطابق امریکی ریاست ٹیکساس کے شہر سان اونٹونیو میں پولیس نے 4 برطانوی شہریوں کو ابیز آئس لینڈ سے برطانوی سیاح کو نشہ آور ادویات کِھلا کر مشترکہ طور پر جنسی زیادتی کرنے کے جرم میں گرفتار کرکے جیل منتقل کردیا ۔

    غیر ملکی خبر رساں ادارے کا کہنا تھا کہ سان اونٹونیو کی عدالت نے دو بھائیوں کو 29 سالہ برطانوی سیاح کے ساتھ جنسی زیادتی کا جرم ثابت ہونے پر سزا سناتے ہوئے جیل منتقل کرنے کا حکم سنا دیا ، جبکہ دیگر دو ملزمان کو ضمانت پر رہا کردیا۔

    غیر ملکی خبر رساں ادارے کا کہنا تھا کہ عدالت سے سزا پانے والے دونوں برطانوی بھائیوں کی ملاقات متاثرہ خاتون سے سان اونٹونیو کے ساحل پر واقع بار میں ہوئی تھی، جس کے بعد ملزمان نے خاتون کو ساحل سمندر پر آنے کی دعوت دی۔

    امریکی پولیس کا کہنا تھا کہ خاتون کی جانب سے طبیعت کی ناساز ہونے پر دوا کا تقاضا کیا گیا، جس پر ملزمان نے متاثرہ برطانوی سیاح کو نشہ آور ادویات کِھلائی اور ہوٹل کے کمرے میں کئی گھنٹوں کر مبینہ طور پر جنسی زیادتی کا نشانہ بنایا۔

    امریکی پولیس کے ترجمان کا کہنا تھا کہ پولیس اہلکاروں نے خاتون کی شکایت پر ملزمان کو گرفتار کرکے عدالت میں پیش کیا تھا، جنہیں عدالت نے جرم ثابت ہونے پر سزا سنائی۔

    غیر ملکی خبر رساں ادارے کے مطابق عدالت کی جانب سے ضمانت پر رہا کیے جانے والے ملزمان کے پاسپورٹ ضبط کرکے تحقیقات کا آغاز کردیا ہے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • ڈرائیونگ سیٹ کی جگہ بالٹی پر بیٹھ کر گاڑی چلانے والا شخص گرفتار

    ڈرائیونگ سیٹ کی جگہ بالٹی پر بیٹھ کر گاڑی چلانے والا شخص گرفتار

    لندن : برطانوی پولیس نے بغیر  اسٹیرنگ اور  ڈرائیونگ سیٹ کے تباہ حال گاڑی چلانے والے شخص کو متعدد دفعات کے تحت گرفتار کرلیا ہے۔

    تفصیلات کے مطابق برطانیہ کے شہر نورفولک میں ایک شخص نے بغیر اسٹیرنگ اور ڈرائیونگ سیٹ کے گاڑی چلاکر سب کو ورطہ حیرت میں ڈال دیا ہے۔ برطانوی پولیس نے مذکورہ شخص کو  تباہ حال گاڑی چلانے کے جرم گرفتار کرلیا ہے۔

    غیر ملکی خبر رساں ادارے کا کہنا تھا کہ حراست میں لیا جانے والا شخص گاڑی کو ڈرائیونگ سیٹ کی جگہ لوہے کی بالٹی پر بیٹھ کر چلا رہا تھا۔

    برطانوی خبر رساں ادارے کے مطابق حیران کن بات یہ ہے کہ مذکورہ شخص گاڑی کو  بغیر اسٹیرنگ کے محض ایک پلایئر سے ڈرائیو کر رہا تھا، برطانیہ کی پیٹرولنگ پولیس کے اہلکار گاڑی کی حالت دیکھ کر  دنگ رہ گئے۔

    برطانوی پولیس کے ایک آفیسر  نے بتایا کہ مذکورہ گاڑی میں نہ ہیڈلائٹس تھیں، نہ بمپر  اور گاڑی کے ٹائر  بھی بلکل فلیٹ تھے، جب گاڑی کے اندر  دیکھا تو ڈیش بورڈ اور اسپیڈو میٹر بھی موجود نہیں تھا۔

    غیر ملکی خبر رساں ادارے کا کہنا ہے کہ پولیس اہلکاروں نے تباہ حال گاڑی کی تصاویر  لے کر  سماجی رابطوں کی ویب سایٹ پر  پوسٹ کی تو تصاویر فوراً وائرل ہوگی۔ پولیس اہلکار نے پوسٹ میں لکھا کہ ڈرائیور کو متعدد دفعات کے تحت گرفتار کیا گیا ہے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • لندن : برطانوی شہری نے اڑنے والا جیٹ سوٹ تیار کرلیا

    لندن : برطانوی شہری نے اڑنے والا جیٹ سوٹ تیار کرلیا

    لندن : ہالی ووڈ فلم آئرن مین سے متاثر برطانوی شہری نے حقیقی زندگی میں اڑنے والا لباس تیار کرلیا ہے، جسے پہن کر 32 میل فی گھنٹہ کی رفتار کی اڑا جاسکتا ہے۔

    تفصیلات کے مطابق رچرڈ براؤنی نامی برطانوی شہری نے ہالی ووڈ کی مشہور زمانہ فلم آئرن مین سے متاثر ہوکر حقیقی زندگی میں ایسا انوکھا لباس تیار کرلیا ہے، جسے پہن کر آئرن مین کی طرح ہوا میں اڑا جاسکتا ہے۔

    غیر ملکی خبر رساں ادارے کا کہنا تھا کہ برطانوی انوکھے لباس کے موجد رچرڈ براؤنی نے اپنا تیار کردہ جیٹ سوٹ پہن کر جھیل کے اوپر فضا میں 10 فٹ تک اڑن بھرکے نیا ورلڈ ریکارڈ قائم کرلیا ہے، جس کے بعد اس کا نام گنیز بک آف ورلڈ ریکارڈ میں شامل کرلیا گیا ہے۔

    برطانوی خبر رساں اداروں کا کہنا تھا کہ آئرن مین کے جیٹ سوٹ میں دونوں بازوں پر 4 گیس ٹربائنز لگائی ہیں اور ہر ٹربائنز آٹھ سو ہارس پاور قوت کی حامل ہے۔

    غیر ملکی خبر رساں ادارے کے مطابق مذکووہ جیٹ سوٹ کا وزن 59 پاؤنڈ (26 کلو) ہے اور جس میں برقی اور تھری ڈی اشیاء بھی نصب کی گئی ہیں، جیٹ سوٹ پیٹرول اور ڈیزل کے ذریعے 32 میل فی گھنٹہ کی رفتار سے اڑان بھر سکتے ہیں، جس کا عملی مظاہرہ بھی رچرڈ پیش کرچکے ہیں۔

    جیٹ سوٹ کے موجد رچرڈ براؤنی نے مذکورہ لباس پہن کر 6 سے 10 فٹ اونچائی پر 30 میل فی گھنٹہ کی رفتار سے پرواز کرکے کامیاب ٹیسٹ کیا۔

    غیر ملکی خبر رساں ادارے کا کہنا تھا کہ مذکورہ جیٹ سوٹ کی قیمت 3 لاکھ 40 ہزار پاؤنڈ معین کی گئی ہے، جو بہت جلد مارکیٹ میں میسر ہوگی۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • سابق روسی جاسوس پر حملے میں روسی شہری ملوث تھے، برطانوی پولیس

    سابق روسی جاسوس پر حملے میں روسی شہری ملوث تھے، برطانوی پولیس

    لندن : برطانوی پولیس نے سابق روسی جاسوس اور اس کی بیٹی یولیا پر اعصاب متاثر کرنے والے زہر کے حملے میں ملوث روسی شہریوں کا سراغ لگا لیا ہے۔

    تفصیلات کے مطابق برطانوی پولیس نے چند ماہ قبل برطانیہ کے دارالحکومت لندن میں سابق روسی جاسوس سرگئی اسکریپال اور اس کی بیٹی یولیا اسکریپال پر اعصاب شکن زہر کے حملے میں ملوث ملزمان کا سراغ لگا لیا ہے.

    برطانوی پولیس کے ترجمان کا کہنا ہے کہ حملے میں ملوث افراد کی شناخت کے لیے جائے وقوعہ پر نصب سی سی ٹی وی کیمروں اور دیگر شواہد کا استعمال کیا گیا ہے.

    برطانیہ کے پولیس ترجمان کا کہنا تھا کہ سابق روسی جاسوس سرگئی اسکریپال اور یولیا اسکریپال پر زیریلے کیمیکل کے حملے میں‌ روسی شہری ملوث تھے، تاہم روس کی حکومت مسلسل روسی جاسوس پر حملے الزامات کی تردید کررہی ہے.

    خیال رہے کہ رواں برس مارچ کے اوائل میں 63 سالہ سابق روسی ملٹری انٹیلیجنس آفیسر سرگئی اسکریپال اور ان کی 33 سالہ بیٹی یولیا اسکریپال کو برطانیہ کے شہر سالسبری کے سٹی سینٹر میں ایک بینچ پر تشویش ناک حالت میں پایا گیا تھا۔

    واضح رہے کہ برطانوی پولیس کی جانب سے جاری بیان میں کہا گیا تھا کہ گیس کی زیادہ مقدار اسکریپل کے گھر کے دروازے پر پھینکی گئی تھی جس کے نتیجے میں سابق روسی جاسوس زیادہ متاثر ہوئے تھے۔

    اعصابی گیس حملے کے تنازع کے بعد سے دونوں ملکوں کی جانب سے سفارتکاروں کو بھی ملک بدر کردیا گیا تھا، امریکا نے بھی روسی سفارتکاروں کو ملک سے نکل جانے کا حکم دیا تھا۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پرشیئر کریں۔

  • اسپین: ایک اور برطانوی سیاح اپارٹمنٹ سے مردہ حالت میں برآمد

    اسپین: ایک اور برطانوی سیاح اپارٹمنٹ سے مردہ حالت میں برآمد

    میڈرڈ : اسپین میں چھٹیاں منانے کے لیے جانے والا برطانوی سیاح ریزوٹ اپارٹمنٹ میں مردہ حالت میں پایا گیا، تاہم تھامسن کینان کی موت کی وجوہات ابتک سامنے نہ آسکیں۔

    تفصیلات کے مطابق یورپی ملک اسپین میں چھٹیاں منانے کی غرض سے جانے والے ایک برطانوی سیاح ریزوت ٹاؤن میں واقع ایڈن روک اپارٹمنٹ میں 70 فٹ کی بلندی پر مبینہ طور پر مردہ حالت میں پایا گیا ہے۔

    غیر ملکی خبر رساں ادارے کا کہنا تھا کہ اپارٹمنٹ سے مردہ حالت میں ملنے والے 18 سالہ برطانوی سیاح کی شناخت ٹھامسن کینان کے نام سے ہوئی ہے، جو اسپین کے پارٹی ریزوٹ میں ’اے لیول‘ کی پڑھائی مکمل ہونے کا جشن منا رہا تھا۔

    غیر ملکی خبر رساں ادارے کے مطابق برطانوی دفتر خارجہ کی جانب سے نوجوان کی ہلاکت پر ہفتے کے روز جاری بیان میں کہا گیا ہے کہ ’برطانوی حکومت اسپین میں نامعلوم وجوہات کی بنا پر ہلاک ہونے والے نوجوان کے اہل خانہ کے غم میں برابر کے شریک ہیں‘۔

    برطانوی خبر رساں ادارے کا کہنا تھا کہ وزارتِ خارجہ کی جانب سے جاری ہونے والے بیان میں کہا گیا ہے کہ دفتر خارجہ نوجوان کی ہلاکت کی تحقیقات اور جسد خاکی کی برطانیہ منتقلی کے حوالے سے ہسپانوی حکام سے مسلسل رابطے میں ہیں۔

    برطانوی خبر رساں ادارے کے مطابق ہسپانوی پولیس کا خیال ہے کہ یونیورسل ہوٹل میں قیام پذیر برطانوی سیاح کی اپنے دوست کو کھونے کے بعد شدید ذہنی دباؤ کے باعث موت واقع ہوئی ہے تاہم موت کے اصل محرکات تاحال معلوم نہیں ہوسکے ہیں، ہلاک ہونے والے سیاح کی لاش مالی نے برآمد نے تھی۔

    خیال رہے کہ رواں برس جون میں مذکورہ علاقے میں ہی 65 فٹ کی بلندی سے 20 سالہ ٹام ہاگیز نامی برطانوی سیاح کی لاش برآمد ہوئی تھی، جبکہ اپریل میں اسکاٹ لینڈ سے تعلق رکھنے والی دو شہزہ نتالی چورمک بھی اپارٹمنٹ کی ساتویں منزل پر مردہ حالت میں پائی گئی تھی۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • بریگزٹ کے بعد امریکا یورپی یونین کے ساتھ تجارتی ڈیل کرے گا، ٹرمپ

    بریگزٹ کے بعد امریکا یورپی یونین کے ساتھ تجارتی ڈیل کرے گا، ٹرمپ

    لندن : ڈونلڈ ٹرمپ لندن کے دورے کے موقع پر برطانوی حکومت پر تنقید کرتے ہوئے کہا ہے کہ بریگزٹ ڈیل برطانیہ کے لیے نقصان دہ ثابت ہوگی، بریگزٹ کے بعد امریکا یورپی یونین کے ساتھ تجارت کرے گا۔

    تفصیلات کے مطابق امریکی صدر ڈونلڈ ٹرمپ نے اپنے پہلے دورہ برطانیہ کے دوران بریگزٹ ڈیل کے حوالے سے برطانوی حکومت کو شدید تنقید کا نشانہ بناتے ہوئے کہا ہے کہ بریگزٹ ڈیل پر عمل درآمد کے بعد برطانیہ اور امریکا کے درمیان تجارت مشکل میں پڑ جائے گی۔

    امریکی صدر ڈونلڈ ٹرمپ نے برطانوی خبر رساں اداروں سے گفتگو کرتے ہوئے کہا ہے کہ ’بریگزٹ ڈیل کے حوالے سے برطانوی وزیر اعظم تھریسا مے کو بہت سمجھایا تھا مگر انہوں نے میرے مشورے پر عمل نہیں کیا‘۔

    امریکی صدر کا برطانوی خبر رساں ادارے کو دیئے گئے انٹریو میں کہنا تھا کہ بریگزٹ ڈیل پر عمل درآمد ہونے کا مطلب مستقبل میں امریکا سے تجارتی تعلقات کو ختم کرنا، بریگزٹ کے بعد امریکا یورپی یونین کے ساتھ تجارت کرے گا۔

    دوسری جانب برطانوی وزیر اعظم کا کہنا ہے کہ ’بریگزٹ ڈیل کے بعد برطانیہ اور امریکا کو اپنے تعلقات مزید آگے بڑھانے کا موقع ملا گا۔

    بریگزٹ کے بعد برطانیہ کی نئی پالیسی پر مشتمل دستاویز جاری

    امریکی صدر کا کہنا تھا کہ برطانیہ کے سابق وزیر خارجہ بورس جانسن ’ملک کے اچھے وزیر اعظم ثابت ہوسکتے ہیں، مجھے امید ہے ایک وہ حکومت میں واپس آئیں گے‘ جبکہ لندن کے میئر صادق خان کو تنقید کا نشانہ بناتے ہوئے کہا کہ ’صادق خان کی کارکردگی بہت خراب ہے‘۔

    غیر ملکی خبر رساں ادارے کے مطابق امریکی صدر کا کہنا تھا کہ صادق خان نے تارکین وطن کو واپسی کی اجازت دی اور دارالحکومت میں دہشت گردی کے واقعات پر قابو پانے میں بھی ناکام رہے۔

    غیر ملکی خبر رساں ادارے کا کہنا تھا کہ برطانوی حکومت پر تنقید کے جواب میں دؤننگ اسٹریٹ کی جانب سے کوئی رد عمل نہیں دیکھایا گیا۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • برطانیہ کا مزید فوجی افغانستان بھیجنے کا اعلان

    برطانیہ کا مزید فوجی افغانستان بھیجنے کا اعلان

    لندن/برسلز: برطانوی وزیر اعظم نے 440 نان کمبیٹ فوجیوں کو افغانستان بھیجنے کا اعلان کرتے ہوئے کہا ہے کہ افغانستان میں فوج کی تعیناتی کا مقصد افغان شہریوں کی سلامتی اور ملکی استحکام ہے۔

    تفصیلات کے مطابق یورپی یونین کے رکن ملک بیلجیم میں دو روزہ نیٹو سمٹ کے اجلاس کا آغاز سے ہوگیا ہے، جس میں وزیر اعظم تھریسا مے نے برطانوی افواج کے 440 نان کمبیٹ فوجی اہلکاروں کو افغانستان بھیجنے کا اعلان کیا ہے۔

    غیر ملکی خبر رساں ادارے کا کہنا تھا کہ برطانیہ کی جانب سے 440 فوجی بھیجنے کے بعد افغانستان میں نیٹو مشن کے لیے برطانوی فوجیوں کل تعداد 1 ہزار 30 فوجی ہوجائے گی۔

    برطانوی نشریاتی ادارے کا کہنا تھا کہ تھریسا مے کی جانب سے برطانوی افواج کی فوٹ رجمنت کے ولیش گارڈز کے آدھے اہلکاروں کو رواں برس اگست میں افغانستان بھیجا جائے گا جبکہ باقی اہلکاروں کو فروری 2019 میں روانہ کیا جائے گا۔

    برطانوی نشریاتی ادارے کے مطابق وزیر اعظم تھریسا مے کا کہنا ہے کہ ’افغانستان میں فوج تعینات کرنے کا مقصد افغان شہریوں کی سیکیورٹی و ملکی سلامتی اور استحکام میں مدد کرنا ہے‘۔

    غیر ملکی خبر رساں ادارے کا کہنا تھا کہ افغان کے عروج کے وقت نیٹو کے 50 رکن ممالک کے 1 لاکھ 30 ہزار فوجی افغانستان میں تعینات تھے، جن میں ساڑھے 3 ہزار فوجی اہلکار اور صوبہ ہلمند میں 137 فوجی چھاونیاں صرف برطانیہ کے پاس تھیں۔

    غیر ملکی میڈیا کا کہنا تھا کہ گذشتہ ماہ تک نیٹو کے 39 رکن ممالک کے 16 ہزار فوجی افغانستان کے دارالحکومت کابل میں موجود ہیں، جو افغان فورسز کی جنگی تربیت پر کام کررہے ہیں۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں