ARYNews.tv | Urdu – Har Lamha Bakhabar

Tag: brock lesnar

  • بروک لیسنر کو کمنٹینر پر حملہ کرنا مہنگا پڑ گیا، ویڈیو دیکھیں

    بروک لیسنر کو کمنٹینر پر حملہ کرنا مہنگا پڑ گیا، ویڈیو دیکھیں

    واشنگٹن: ڈبلیو ڈبلیو ای را کے میچ میں چیمپئن ریسلر بروک لیسنر کو کمنٹینر کو دھلائی کرنا مہنگا پڑ گیا۔

    تفصیلات کے مطابق ڈبلیو ڈبلیو ای چیمئن بروک لیسنر کو کمنٹینر پر حملہ کرکے پھنس گئے حریف ریسلر ری میسٹریو نے ان کی دھلائی شروع کردی، ریفری نے آکر بروک لیسنر کی جان بچائی۔

    ویڈیو میں دیکھا جاسکتا ہے کہ بروک لیسنر اپنے منیجر پال ہی مین کے ہمراہ رنگ میں داخل ہوتے ہیں اور ری میسٹریو کو طیش میں لانے کے لیے ان پر شدید تنقید کرتے ہیں لیکن میسٹریو رنگ میں نہیں آتے۔

    بروک لیسنر اور پال ہی مین جاتے ہوئے کمنٹیٹر ٹیبل پر بیٹھے ہوئے سابق ریسلر کو تنقید کا نشانہ بناتے ہوئے ان پر حملہ کردیتے ہیں، لیسنر کے سپلیکس کے آگے سابق ریسلر ڈھیر ہوجاتا ہے۔

    بروک لیسنر اس کی دھنائی سے فارغ بھی نہیں ہوپائے تھے کہ اسی دوران ری میسٹریو نے ان پر اچانک حملہ کردیا، پال ہی مین تو سائیڈ ہوگئے لیکن میسٹریو نے لیسنر کی جم کر دھلائی کی اور لیسنر خود کو بچانے کی ناکام کوشش کرتے نظر آئے۔

    بعدازاں ریفری نے مداخلت کرکے ری میسٹریو کو پیچھے کیا لیکن جاتے ہوئے ری میسٹریو نے لیسنر کو تنبیہ کی کہ وہ سروائیو سیریز کے چیمپئن شپ میچ میں انہیں دیکھ لیں گے۔

    مزید پڑھیں: ریسل مینیا 35: سیتھ رولنز نے بروک لیسنر کو شکست دے دی

    یاد رہے کہ معروف ڈبلیو ڈبلیو ریسلر 619 ری میسٹریو پاکستان کا دورہ بھی کرچکے ہیں، میسٹریو کے ہمراہ دیگر نامور ریسلر بھی پاکستان پہنچے تھے اور پروک ریسلنگ چیمپئن شپ میں حصہ لیا تھا۔

    علاوہ ازیں سابق یونیورسل چیمپئن سیتھ رولنز کا مقابلہ حریف این ایکس ٹی ریسلر سے ہوگا، این ایکس ٹی سے دیگر ریسلرز کو بھی مقابلوں کے لیے مدعو کیا جارہا ہے۔

  • ریسلنگ کا بڑا دنگل، رومن رینز، راک سے مقابلے کے لیے تیار؟

    ریسلنگ کا بڑا دنگل، رومن رینز، راک سے مقابلے کے لیے تیار؟

    لاس اینجلس: ڈبلیو ڈبلیو ای سپر اسٹار رومن رینز اور دی راک کے ٹاکرے کی تیاریاں جاری ہیں، دونوں ریسلرز کا "ریسل مینیا 34” میں آمنا سامنا متوقع ہے۔

    تفصیلات کے مطابق ڈبلیو ڈبلیو ای کے اسٹار ریسلر رومن رینز نے کہا ہے کہ اگر دی راک سے ان کا سامنا ہوا تو یہ ایک مہنگا ترین مقابلہ ثابت ہوسکتا ہے اور رنگ میں راک نہیں بلکہ میں ہی موجود ہوں گا کیونکہ مجھے اپنے اوپر بھروسہ ہے۔

    ریسل مینیا کے اگلے مقابلے میں دی راک اور رومن رینز کے آمنے سامنے آنے کی اطلاعات ہیں تاہم دی راک کی فلمی مصروفیات انہیں رنگ میں آنے کی اجازت نہیں دے رہیں۔

    ڈبلیو ڈبلیو ای انتظامیہ کا کہنا ہے کہ اگر رومن رینز کا مقابلہ راک سے منعقد نہ ہوسکا تو ان کی جگہ یہ لڑائی بروک لیسنر لڑیں گے۔

    رومن رینز اور دی راک کے مقابلے سے قبل "ریسل مینیا 34” میں دونوں ریسلرز کا پرومو تیار کیا گیا ہے جس میں راک اور رومن اپنے حریفوں پر حملہ آور ہوتے دکھائی دے رہے ہیں۔

    ویڈیو دیکھیں

    ریسلنگ کے مداح بھی دی راک اور رومن رینز کے مقابلے کا بے صبری سے انتظار کررہے ہیں، مداحوں کا کہنا ہے کہ یہ میچ ریسلنگ کی تاریخ کا ایک اہم ترین مقابلہ ثابت ہوسکتا ہے۔

    یاد رہے کہ رومن رینز نے ریسل مینیا کے اہم مقابلے میں انڈر ٹیکر کو شکست دی تھی جس کے بعد معروف ریسلر نے اپنی ریٹائرمنٹ کا اعلان کردیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • رومن رینز نے جان سینا کو شکست دے دی

    رومن رینز نے جان سینا کو شکست دے دی

    کیلی فورنیا: ڈبلیو ڈبلیو ای نو مرسی میں رومن رینز نے جان سینا کو شکست دے دی، بروک لیسنر یونیورسل ٹائٹل اپنے پاس رکھنے میں کامیاب رہے۔

    تفصیلات کے مطابق ڈبلیو ڈبلیو ای کی جانب سے نو مرسی کے نام سے شاندار ایونٹ کا انعقاد کیا گیا جس میں دو بڑے مقابلوں کا مداحوں کو بے صبری سے انتظار تھا۔

    جان سینا کو رومن رینز کا چیلنج درپیش تھا جبکہ بروک لیسنر اور برون اسٹرومین مدمقابل آئے۔

    رومن رینز اور جان سینا کے درمیان مقابلے سے قبل لفظی جنگ جاری تھی دونوں ریسلرز کی فائٹ کے لیے کنٹریکٹ بھی سائن ہوا تھا تاہم رومن رینز نے جان سینا کے سارے خواب چکنا چور کرکے انہیں شکست سے دوچار کردیا۔

    دوسرے میچ میں یونیورسل چیمپئن کو بچانے کے لیے بروک لیسنر کو برون اسٹرومین کا چیلنج پیش آیا، بروک لیسنر نے برون اسٹرومین کے درمیان کانٹے دار مقابلہ ہوا دونوں ہی ریسلر ایک دوسرے پر بازی لے جانے کے لیے مصروف تھے تاہم بروک لیسنر نے اپنا آخری داؤ فیٹل فائیو لگا کر برون اسٹرومین کو شکست دے دی۔

    ٹیگ ٹیم چیمپئن شپ ڈین ایمبروز اور سیتھ رولنز نے شیمس اور سیزارو کو ہرا کر ٹائٹل اپنے پاس ہی رکھا، دی مز اور کرٹ اینگل کے بیٹے جیسن جارڈن کے درمیان انٹر کانٹی نینٹل چیمپئن شپ کا مقابلہ ہوا جو دی مز نے جیت لیا۔

    فن بیلر اور برے وائٹ کے درمیان ہونے والا میچ فن بیلر نے حیران کن طور پر جیت لیا، کروشل ویٹ چیمپئن شپ کا مقابلہ اینزو امور نے اپنے نام کیا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • ڈبلیو ڈبلیو ای سمر سلیم، بروک لیسنر ٹائٹل کے دفاع میں کامیاب

    ڈبلیو ڈبلیو ای سمر سلیم، بروک لیسنر ٹائٹل کے دفاع میں کامیاب

    نیویارک: ڈبلیو ڈبلیو ای سمر سلیم کے فیٹل فور وے میچ میں بروک لیسنر کامیابی حاصل کرکے یونیورسل ٹائٹل اپنے پاس رکھنے میں کامیاب ہوگئے۔

    تفصیلات کے مطابق ڈبلیو ڈبلیو ای سمر سلیم کے اہم میچ فیٹل فور وے میں چار ریسلرز مد مقابل آئے جن میں رومن رینز، براؤن اسٹرومین، سموا جوئی اور بروک لیسنر شامل تھے۔

    اہم میچ میں بروک لیسنر ٹائٹل کا دفاع کررہے تھے، براؤن اسٹرومین، لیسنر، رومن رینز اور سموا جوئی کو بآسانی پچھاڑ رہے تھے، ایک موقع پر براؤن اسٹرومین نے بروک لیسنر کو اتنا مارا کے انہیں اسٹریچر پر باہر لے جایا گیا۔

    بروک لیسنر کے جانے کے بعد سموا جوئی، رومن رینز اور بروک لیسنر تینوں آپس میں ٹائٹل کے حصول کے لیے تگ و دو میں مصروف تھے کہ بروک لیسنر کی اچانک دوبارہ آمد ہوئی اور انہوں نے تینوں ریسلرز پر اپنے داؤ پیج استعمال کیے۔

    آخر میں سموا جوئی اور براؤن اسٹرومین رومن رینز کے سپر مین پنچ کے باعث رنگ سے باہر تھے کہ رومن رینز کے تین سپر مین پنچ کھانے کے بعد بھی بروک لیسنر نے رومن رینز کو اپنا آخری داؤ لگا کر ٹائٹل کا کامیاب دفاع کرلیا۔

    ڈبلیو ڈبلیو ای سمر سلیم کے دیگر میچز میں جان سینا نے بیرن کوربن کو شکست دے دوچار کیا۔

    ڈبلیو ڈبلیو ای چیمپئن شپ کے لیے جندر مہل اور نکامورا کے درمیان مقابلہ ہوا جسے جندر مہل نے سنگھ برادرز کی بار بار مداخلت کے باعث جیت لیا۔

    بک شو اور بگ کاس کے درمیان ہونے والا میچ بگ کاس نے جیت لیا، رینڈی اورٹن اور روسو کے درمیان ہونے والے میچ میں رینڈی اورٹن نے روسو کو بآسانی شکست دے دی۔

    ٹیگ ٹیم چیمپئن شپ میچ میں سیزارو شیمس، ڈین ایمبروز اور سیتھ رولنز کے درمیان میچ ہوا جس میں ڈین ایمبروز اور سیتھ رولنز نے کامیابی حاصل کی۔

    یونائیٹڈ اسٹیٹس چیمپئن شپ کے لیے اے جے استائلز اور کیون اوننز کے درمیان مقابلہ ہوا، جس میں شین میک موہن ریفری کے فرائض انجام دے رہے تھے، یونائیٹڈ اسٹیٹس چیمپئن شپ کا ٹائٹل اے جے اسٹائلز کے نام رہا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • ڈبلیو ڈبلیو ای ایمبولینس میچ: رومن رینز کو براؤن اسٹرومین کے ہاتھوں شکست

    ڈبلیو ڈبلیو ای ایمبولینس میچ: رومن رینز کو براؤن اسٹرومین کے ہاتھوں شکست

    ڈیلاس: ڈبلیو ڈبلیو ای گریٹ بالز آف فائر ایمبولینس میچ میں رومن رینز کو براؤن اسٹرومین نے شکست دے دی، یونیورسل ٹائٹل کے میچ میں بروک لیسنر نے سموا جوئی کو ہرا کر ٹائٹل کا کامیاب دفاع کرلیا۔

    تفصیلات کے مطابق ڈبلیو ڈبلیو کی جانب سے گریٹ بالز آف فائر کے نام سے شاندار ایونٹ کا انعقاد کیا گیا ایونٹ کے اہم میچ میں رومن رینز اور براؤن اسٹرومین آمنے سامنے آئے تاہم بگ ڈاگ کے نام اسے مشہور رومن رینز براؤن اسٹرومین سے ہار گئے۔

    براؤن اسٹرومین نے رومن رینز کو ایمبولینس میں بند کرکے کامیابی حاصل کی تاہم اچانک ہی رومن رینز ایمبولینس سے باہر آئے اور اسٹرومین کو ایمبولینس میں بند کرکے پارکنگ لاٹ میں لے گئے اور ایمبولینس کو ٹرک سے ٹکرادیا۔ براؤن اسٹرومین انجری سے بچ گئے اور ایمبولینس سے باہر آکر خود ہی چلتے ہوئے گئے۔

    دوسرے اہم میچ میں بروک لیسنر نے سموا جوئی کو ہرا کر ٹائٹل کا دفاع کرلیا۔ سموا جوئی نے آتے ہی بروک لیسنر پر پے در پے وار کیے اور اپنے داؤ سے لیسنر کو بآسانی قابو کرلیا تھا تاہم بروک لیسنر نے داؤ سے جان چھڑا کر سموا جوئی کو شکست سے دوچار کردیا۔

    ٹیگ ٹیم چیمپئن شپ کے میچ میں سیزارو اور شیمس نے ہارڈی بوائز کو ہرا کر ٹائٹل کا کامیاب دفاع کرلیا۔

    یاد رہے کہ اس سے قبل بھی شیمس اور سیزارو ہارڈی بوائز کو ہرا چکے ہیں۔

    انٹرکانٹینینٹل چیمپئن شپ کے میچ میں دی میز نے ڈین ایمبروز کو شکست دی، دیگر میچز میں برے وائٹ نے سیٹھ رولنز، بگ کاس نے انزو امور اور کروزر ویٹ چیمپئن نیویلے نے اپنے حریف کو شکست دی۔

  • ڈبلیو ڈبلیو ای گریٹ بالز فائر ایونٹ 9 جولائی کو ہوگا

    ڈبلیو ڈبلیو ای گریٹ بالز فائر ایونٹ 9 جولائی کو ہوگا

    ڈبلیو ڈبلیو ای کی جانب سے گریٹ بالز فائر ایونٹ کا انعقاد 9 جولائی کو ہونے جارہا ہے۔ ایونٹ کے تمام ٹکٹس پہلے ہی فروخت ہوچکے ہیں۔ ایونٹ کا تھیم سانگ جیری لی لوئس نے گایا ہے۔

    گریٹ بالز فائر ایونٹ میں ہونے والے میچز میں معروف ریسلر بروک لیسنر کو سمواجوئی کا چیلنج درپیش ہوگا۔ دونوں کے درمیان مقابلے سے قبل ہی لڑنے کے لیے بے تاب نظر آتے ہیں جس کا اندازہ گزشتہ روز را کے ہونے والے ایونٹ سے لگایا جاسکتا ہے جس میں سموا جوئی نے بروک لیسنر پر اس وقت حملہ کردیا جب وہ مداحوں سے گفتگو کرنے کے لیے آرہے تھے۔ لیسنر اور سمواجوئی یونیورسل چیمپئن شپ کے ٹائٹل کے لیے رنگ میں اتریں گے۔

    دوسرا اہم میچ بگ ڈوگ یعنی رومن رینز اور ان کے حریف براؤن اسٹرومین کے درمیان ہوگا اس میچ کو ایمبولینس میچ کا نام دیا گیا ہے۔ گزشتہ روز اسٹرومین نے رومن رینز کو مار مار کر ایمبولینس میں ڈال دیا۔ یہی نہیں اس سے قبل ہونے والے میچ میں جب رینز سموا جوئی سے میچ میں مصروف تھے تب اسٹرومین کی اچانک امد رینز کی شکست کی وجہ بن گئی۔

    گریٹ بالز آف فائر کے دیگر مقابلوں میں سیتھ رولنز اور برے وائٹ، ٹیگ ٹیم چیمپئن شپ کے لیے شیمس سیزارو، ہارڈی بوائز سے ٹائٹل کا دفاع کرتے نظر آئیں گے۔

    گولڈ ڈسٹ اور آر تروت کک آف شو میں لڑتے نظر آئیں گے جبکہ بگ کاز اور ااینزو امور بھی رنگ میں اپنے جوہر دکھاتے نظر آئیں گے۔

    انٹرکانٹی نینٹل چیمپئن شپ میں ڈین ایمبروز، دا مز سے ٹائٹل کے لیے لڑیں گے واضح رہے کہ دونوں حریفوں کے درمیان ایکسٹریم رولز سے ہی ایک دوسرے سے آگے نکلنے کی تگ دو میں مصروف ہیں۔

  • ریسل مینیا، گولڈ برگ اور لیسنر میں لفظی جنگ جاری

    ریسل مینیا، گولڈ برگ اور لیسنر میں لفظی جنگ جاری

    فلوریڈا: ریسل مانیا 33 میں 2 اپریل کو دو بڑے مقابلے ہوں گے، انڈر ٹیکر رنگ میں رومن رینز سے مقابلے کے لیے تیار ہیں جبکہ گولڈ برگ ایک بار پھر بروک لیسنر کو پچھاڑنے کے لیے بے تاب نظر آرہے ہیں۔

    تفصیلات کے مطابق ریسل مانیا کو 1991ء میں انڈر ٹیکر کی جیت کے بعد ریسل مانیا کا نام دیا گیا، ریسل مانیا کے مقابلوں میں انڈر ٹیکر کو صرف ایک بار 2014ء میں بروک لینسر کے ہاتھوں شکست ہوئی ہے جبکہ 22 میں وہ فاتح قرار پائے۔

    گولڈ برگ اور لیسنر کے درمیان سوشل میڈیا پر لفظی جنگ جاری ہوچکی ہے، گولڈ برگ نے لیسنر کو پھر کہہ ڈالا کے تم میرے سامنے رنگ میں زیادہ دیر ٹک نہیں پاؤں گے دوسری جانب بروک بھی کسی سے پیچھے نہیں انہوں نے بھی برگ کو سخت مقابلے کا کہہ دیا۔

    ریسل مانیا جس کا مداحوں کو بے صبری سے انتظار رہتا ہے اب کچھ دن کی دوری پر ہے انڈر ٹیکر اور رومن رینز، کرس جیریکو، کیون اونز، رینڈی اورٹن، رومن رینز اور انڈر ٹیکر دو دو ہاتھ کرنے کے لیے رنگ میں اتریں گے۔

    wwe-post-4

    ٹرپل ایچ اور سیٹھ رولنز میں بھی ان بن نظر آنے لگی ہے امید ہے کہ جلد ہی ٹرپل ایچ کی بھی رنگ میں رولنز کی فائٹ کے ساتھ واپسی ہوجائے گی۔

    واضح رہے کہ ڈیڈ مین نے شان مائیکل کو ریسل مانیا میں ہی شکست دے کر ان کے کیریئر کا اختتام کردیا تھا، یہی نہیں ٹرپل ایچ، اسٹنگ، ہٹ مین ہاٹ بھی انڈر ٹیکر کے سامنے ٹک نہ پائے۔

    گزشتہ روز جب رومن رینز ڈبلیو ڈبلیو را میں جب رومن رینز روایتی حریف اسٹرومین کو پچھاڑنے میں مصروف تھے تب اچانک انڈر ٹیکر رنگ میں نمودار ہوئے اور رومن رینز کی طرف دیکھتے ہوئے اسٹرومین پر حملہ کرکے ان کو رنگ سے باہر پھینک دیا، پھر رومن رینز کی طرف دیکھا ہی تھا کہ سپر مین پنچ کے نام سے مشہور رینز نے ڈیڈ مین کو رنگ میں گرا دیا۔

    رومن رینز نے ڈیڈ مین سے فائٹ سے قبل ہی ورک آؤٹ شروع کردیا، کچھ عرصہ قبل مائیکل اور انڈر ٹیکر کی فائٹ میں شان مائیکل نے ڈیڈ مین کو ٹف ٹائم دیا تھا، مذکورہ مقابلہ تقریبا آدھا گھنٹہ جاری رہا تھا، دیکھنا یہ ہے کہ رومن رینز انڈر ٹیکر کے ساتھ رنگ میں کتنی دیر ٹک پائیں گے۔

    یاد رہے کہ شان مائیکل رومن رینز کی انڈر ٹیکر سے مقابلے کی خبر سنتے ہی رنگ میں آئے اور رومن رینز کو سمجھانے کی کوشش کی مگر رینز نے شان مائیکل کی بات کوسنی ان سنی کرتے ہوئے انہیں ڈیڈ مین سے ہارنے اور کیریئر کے اختتام کا طعنہ دے ڈالا۔

     

    دیکھنا یہ ہے کہ کیا انڈر ٹیکر کو رومن رینز شکست دے کر ان کے کیریئر کا اختتام کر پائیں گے؟ یا انڈر ٹیکر ہی 24-2 کی وکٹری کے ساتھ سرخ رو ہوجائیں گے۔

    انڈر ٹیکر ریسل مانیا میں 22 مقابلے کے فاتح ہیں

    خیال رہے کہ انڈر ٹیکر ریسل مانیا میں 22 مقابلے جیت چکے ہیں جبکہ انہیں صرف ایک بار بروک لیسنر کے ہاتھوں شکست کا سامنا ہوا تھا ان کے مقابلے میں اب تک بروک لیسنر، شان مائیکل، ہٹ مین ہاٹ، اسٹنگ، اسٹون کولڈ اسٹیون آسٹن، کرٹ ایننگل، کرس جیریکو وغیرہ آچکے ہیں۔

    wwe-post-2

  • ڈبلیو ڈبلیو ای کا بڑا مقابلہ، گولڈ برگ اور بروک لیسنر پھر آمنے سامنے

    ڈبلیو ڈبلیو ای کا بڑا مقابلہ، گولڈ برگ اور بروک لیسنر پھر آمنے سامنے

    کینیڈا: ڈبلیو ڈبلیو ای سروائیور سیریز میں ماضی کے معروف ریسلر گولڈ برگ کی واپسی ہوگئی، گولڈ برگ اور براگ لیسنر ایک بار پھر رنگ میں آمنے سامنے ہوں گے، دونوں کھلاڑی فتح حاصل کرنے کے لیے 20 نومبر کو رنگ میں مدمقابل ہوں گے۔

    تفصیلات کے مطابق ٹورنٹو کے ایئر کینیڈا سینٹر میں اس بار ڈبلیو ڈبلیو کے دو سپر اسٹارز گولڈ برگ اور براک لیسنر ایک بار پھر رنگ میں اتریں گے۔ ڈبلیو ڈبلیو سروائیور سیریز ویسے تو اپنا ایک الگ ہی مقام رکھتی ہے مگر اس بار گولڈ برگ کی واپسی پر مداح اس مقابلے کا بے چینی سے انتظار کررہے ہیں جس میں گولڈ برگ ایک بار مرتبہ پھر اپنے حریف براک لیسنر کے مدمقابل نظر آئیں گے۔

    واضح رہے کہ 7 اپریل 2013ء کو گولڈ برگ نے ریسلنگ مینیا کے مقابلے میں براک لیسنر کو پچھاڑ دیا تھا، اب ایک بار پھر دونوں حریف اتوار 20 نومبر کو مقابلے کے لیے تیار نظر آتے ہیں۔ مقابلے سے قبل ہی دونوں ریسلرز کے درمیان لفظی جنگ کا آغاز ہوگیا ہے دیکھنا یہ ہے کہ اس بار فاتح کون ہوتا ہے۔

    gold-berg-post-1

    میچ سے قبل مختلف حلقوں نے فاتح ریسلرکی پیش گوئیاں کی ہیں جس کے مطابق گولڈ برگ کو فاتح قرار دیا جارہا ہے۔

    واضح رہے کہ گولڈ برگ ماضی میں بڑے بڑے ریسلرز دی راک، اسٹیو اسٹین، ٹرپل ایچ، بگ شو اور دیگر کو پچھاڑ چکے ہیں جبکہ ان کے حریف براک لیسنر بھی انڈر ٹیکر، دی راک، ٹرپل ایچ، شان مائیکل اور دیگر کو پچھاڑ کر اپنا لوہا منوا چکے ہیں۔

    اب دیکھنا یہ ہے کہ اتوار کو ہونے والے مقابلے میں کون فاتح رہتا ہے براک لیسنر یا گولڈ برگ۔

    lesner-post-1

    واضح رہے کہ ابھی ڈبلیو ڈبلیو ای چیمپئن کا تاج اے جے اسٹائل کے نام ہے جبکہ انہوں نے بیک لیش کے اہم ایونٹ میں ڈین ایمبروز کو 11ستمبر 2016 کو شکست دے کر یہ ٹائٹل اپنے نام کیا تھا۔

    دوسری جانب ڈبلیو ڈبلیو ای یونیورسل چیمپئن شپ کا تاج کیون اوونز کے نام ہے۔ یونائیٹڈ اسٹیٹس چیمپئن کے حق دار اس وقت عوام میں ’سپر مین پنچ‘ کے نام سے مشہور ریسلر رومن رینز ہیں۔