Tag: Budget 2025-26

اسلام آباد : نئے مالی سال میں دفاعی بجٹ 20 فیصد اضافے سے 2550 ارب روپے تک پہنچنے کا امکان ہے۔

تفصیلات کے مطابق نئے مالی سال میں دفاع کیلئے 2550ارب روپے مختص کیے جانے کا امکان ہے۔

ذرائع نے بتایا کہ نئے مالی سال کیلئے دفاعی بجٹ میں اضافے کا تخمینہ 20 فیصد تک ہوسکتا ہے، بجٹ سے تینوں مسلح افواج اور انٹرسروسز اداروں کیلئے متناسب حصہ رکھا جائے گا۔

رواں مالی سال کیلئے دفاعی بجٹ کی مد میں 2122ارب روپے مختص کیے گئے تھے اور بجٹ مجموعی طور پر جی ڈی پی کا 1.71 فیصد ہے۔

رواں مالی سال کیلئے دفاعی بجٹ میں گزشتہ سال کے مقابلے میں 17 فیصد اضافہ کیا گیا تھا جبکہ گزشتہ مالی سال کیلئے دفاعی بجٹ کی مد میں 1854ارب روپے خرچ کئے گئے تھے۔

مزید پڑھیں : وفاقی کابینہ آج بجٹ تجاویز کی منظوری دے گی

دریں اثنا، وفاقی حکومت نے بجٹ 2025-26 میں سرکاری ملازمین کی تنخواہوں میں 10 فیصد اضافے کی تجویز دی ہے، جبکہ پنشن میں 7.5 فیصد سے 10 فیصد کے درمیان اضافے کا امکان ہے۔

تاہم، تنخواہ دار افراد کے لیے اہم ٹیکس ریلیف کے امکانات معدوم نظر آتے ہیں، کیونکہ بین الاقوامی مالیاتی فنڈ نے مبینہ طور پر 1.2 ملین روپے کی موجودہ سالانہ ٹیکس فری آمدنی کی حد کو برقرار رکھنے پر اعتراض کیا ہے۔

اسلام آباد : بجٹ 26-2025 کے لئے آئی ایم ایف کی کڑی شرائط سامنے آگئیں، جس میں کہا تمام وزارتوں کے لیے گاڑیاں خریدنے پر پابندی ہوگی۔

تفصیلات کے مطابق آئی ایم ایف کی بجٹ 26-2025 میں کفایت شعاری کی ہدایت اور کڑی شرائط سامنے رکھ دی۔

تمام وزارتوں کے لیے گاڑیاں خریدنے پرپابندی

آئندہ سال کا بجٹ موجودہ سے 900 ارب روپے کم ہوگا، تمام وزارتوں کے لیے گاڑیاں خریدنے پرپابندی ہوگی اور تمام شعبوں کے بجلی اور گیس بل محدود رکھیں جائیں گے۔

ضمنی گرانٹ جاری کرنے کا سلسلہ ختم

ذرائع نے بتایا کہ ضمنی گرانٹ جاری کرنے کا سلسلہ بھی ختم کردیا گیا ہے ، اس کے ساتھ ہی کاربن ٹیکس لگے گا اور بجلی و گیس کے نرخ مزید بڑھائے جائیں گے۔

کیش پر خریداری اور لین دین کی حوصلہ شکنی

ذرائع کا کہنا تھا کہ کیش پر خریداری اور لین دین کی حوصلہ شکنی کیلئے انقلابی اقدامات تجویز کیے گئے ہیں۔

دوسری جانب ٹیکس چور اور نان فائلرکے خلاف شکنجہ مزید کسنے کی تیاری کرلی گئی ہے۔

پوائنٹ آف سیل ٹیکس چوری پر جرمانہ

ذرائع کے مطابق بجٹ میں پوائنٹ آف سیل ٹیکس چوری پر جرمانہ 10گنابڑھےگا اور پوائنٹ سیل مشین سے ٹیکس چوری پر جرمانہ 50لاکھ روپے تک کیے جانے کا امکان ہے جبکہ پوائنٹ آف سیل کا خفیہ الگ ریٹ رکھنے والا بھی پکڑا جائے گا۔

نان فائلر پر پابندیاں

انکم ٹیکس آرڈیننس میں نان فائلر کے خلاف مزید سخت اقدامات کئے گیے ہیں، نان فائلرگاڑی اور جائیداد نہیں خرید سکے گا،ٹرانزیکشن پر پابندی کی تجویز کی ہے۔

اس کے علاوہ نان فائلر پر شیئرز خریدنے، میوچل فنڈ سرمایہ کاری ، زیارت کے سوا بیرون ملک سفرپرپابندی اور بینک سے 50ہزار نکلوانے پر600 روپے کٹوتی کی تجویز ہے۔

اسلام آباد : وزیراعظم شہباز شریف کی زیرصدارت آج وفاقی کابینہ اجلاس میں بجٹ تجاویز کی منظوری دی جائے گی۔

تفصیلات کے مطابق وزیراعظم شہباز شریف کی زیرصدارت وفاقی کابینہ کا خصوصی اجلاس آج چار بجے پارلیمنٹ ہاوس میں ہوگا۔

اجلاس میں بجٹ تجاویز کی منظوری دی جائے گی، کابینہ سے فنانس بل کی منظوری لے کر قومی اسمبلی میں پیش کیا جائے گا۔

سرکاری ملازمین کی تنخواہوں اور پنشن

اجلاس میں سرکاری ملازمین کی تنخواہوں اور پنشن میں اضافے سے متعلق تجاویز کی حتمی منظوری دی جائے گی۔

ذرائع کا کہنا ہے کہ پنشن میں بھی ساڑھے سات سے دس فیصد تک اضافہ ہوسکتا ہے۔

مزید پڑھیں : آئندہ مالی سال 26-2025 کا وفاقی بجٹ آج پیش کیا جائے گا

بجٹ کا حجم سترہ ہزار آٹھ سو ارب روپے ہوگا جبکہ بجٹ خسارہ چھ ہزار ارب سے زیادہ کا ہوگا۔

کیش پر خریداری اور لین دین کی حوصلہ شکنی کیلئے انقلابی اقدامات تجویز کیے گئے ہیں تاہم حتمی منظوری وفاقی کابینہ دے گی۔

نئی گاڑیاں خریدنے پر پابندی

اس کے علاوہ وفاقی وزارتوں اور محکموں پر نئی گاڑیاں خریدنے پر پابندی کی تجویز ہے ، سرکاری شعبوں کےبجلی،گیس بل محدودہوں گے۔

آئی ایم ایف نے اضافی ضمنی گرانٹس پر پابندی کا مطالبہ کیا ہے، صرف قدرتی آفت پر سپلیمنٹری فنڈز جاری ہوں گے۔

قرض، سود ادائیگی

مقامی قرض، سود ادائیگی پر 7503 ارب روپے مختص اور بیرونی قرضوں اور سود ادائیگی پر 1119 ارب روپے رکھنے کا تخمینہ لگایا گیا ہے۔

سہ ماہی وظیفہ

آئندہ مالی سال سہ ماہی وظیفہ 13 ہزار 500 روپے سے زیادہ رکھنے کی تجویز ہے ، جنوری 2026 سے سہ ماہی وظیفہ 14 ہزار 500 روپے ہوگا۔