نئی دہلی : بھارت میں ہونے والی مون سون بارشوں کے باعث انسانوں کے ساتھ جانوروں کی زندگیاں بھی شدید خطرے سے دوچار ہیں، ریسکیو اہلکاروں نے سیلابی پانی میں پھنسے قیمتی ترین بیل کو ڈوبنے سے بچا لیا۔
دہلی کے کئی علاقے اس وقت شدید بارشوں اور بیراج سے پانی چھوڑنے کی وجہ سے شدید سیلاب جیسی صورتحال سے دوچار ہیں۔ ریسکیو ٹیمیں دریائے جمنا کی سطح بلند ہونے کی وجہ سے پانی میں پھنسے ہوئے لوگوں اور جانوروں کو بچانے کے لیے دن رات کام کر رہی ہیں۔
#आपदासेवासदैवसर्वत्र
Team @8NdrfGhaziabad has rescued 3 cattles including India's No.1 Bull "PRITAM" costing 1 Cr. from Noida. NDRF teams are working hard to save lives in flood affected areas.#animalrescue @ndmaindia @NDRFHQ @noida_authority @HMOIndia @PIBHomeAffairs pic.twitter.com/MdMRikYFVz— 8th BN NDRF (@8NdrfGhaziabad) July 15, 2023
ایسی ہی ایک صورتحال میں ایک قیمتی بیل جو سیلابی میں بری طرح گھر چکا تھا نیشنل ڈیزاسٹر رسپانس فورس (این ڈی آر ایف) کے اہلکاروں نے اس کی جان بچالی جس کی ویڈیو وشل میڈیا پر وائرل ہورہی ہے۔
غازی آباد میں کام کرنے والی این ڈی آر ایف کی ٹیم نے ایک ویڈیو شیئر کی ہے جس میں ان کا کہنا ہے کہ ریسکیو ٹیم نے نوئیڈا میں 3 مویشیوں کو بچایا ہے، جن میں ہندوستان کا نمبر ون بیل ‘پریتم’ بھی شامل ہے جس کی قیمت 1 کروڑ روپے ہے۔
بھارتی میڈیا کے مطابق 2 بھینسوں، کئی بکرے، خرگوش اور بطخوں سمیت 6 ہزار مختلف مویشیوں اور جانوروں کو بھی سیلابی پانی سے ریسکیو کیا گیا ہے۔
#आपदासेवासदैवसर्वत्र#animalrescue @8NdrfGhaziabad
एनडीआरएफ की तात्कालिक तकनीकों के प्रयोग से लाइफ बॉय बनी बेजुबानों की मददगार..@ANI @ndmaindia @NDRFHQ @PIBHomeAffairs @PMOIndia pic.twitter.com/msSkqDEKr0— 8th BN NDRF (@8NdrfGhaziabad) July 15, 2023
بھارتی میڈیا کے مطابق سیلابی پانی کی وجہ سے نوئیڈا شہر کے 5 ہزار افراد کو نقل مکانی کرنا پڑی جب کہ اس سے 8 دیہات متاثر ہوئے ہیں
دوسری جانب دریائے جمنا میں پانی کی سطح میں کمی جاری ہے تاہم پھر بھی دارالحکومت نئی دہلی میں سیلابی صورتحال برقرار ہے۔