Tag: Bunyan ul Marsoos

اسلام آباد: نائب وزیر اعظم اور وزیر خارجہ اسحاق ڈار کا کہنا ہے کہ امریکی وزیر خارجہ مارکو روبیو نے یہ نہیں کہا کہ اگر بھارت دوبارہ حملہ کرتا ہے تو پاکستان جواب نہ دے۔

اے آر وائی نیوز سے خصوصی گفتگو میں اسحاق ڈار نے امریکی وزیر خارجہ مارکو روبیو سے ٹیلیفونک رابطے کی تفصیلات سے آگاہ کیا۔

اسحاق ڈار نے بتایا کہ امریکی وزیر خارجہ نے رابطہ کیا تو میں نے کہا کہ ہم نے جو کچھ کیا جواب میں کیا، مارکو روبیو نے کہا کہ یہ سب کچھ دنیا افورڈ نہیں کر سکتی، میں نے کہا کہ بال بھارت کی کورٹ میں ہے۔

پاک بھارت کشیدگی سے متعلق تمام خبریں

’میں نے کہا کہ ہم نے جواب دینا تھا دے دیا ہے، اگر بھارت اسٹاپ کرتا ہے تو ہم بھی کر دیں گے، اگر بھارت نے دوبارہ ردعمل دیا تو پھر ہم بھی جوابی کارروائی کریں گے۔‘

نائب وزیر اعظم نے کہا کہ مختلف ممالک نے ہم سے رابطہ کیا ہے، اللہ نے پاکستان کو فتح عطا کی ہے، بھارت کو جواب دے دیا ہے، بھارت نے دوبارہ کچھ کیا تو جواب دیا جائے گا۔

انہوں نے بتایا کہ میں نے امریکی وزیر خارجہ سے کہا کہ ہم نے بہت صبر کیا ہے، میں نے اپنا مؤقف مارکو روبیو کو کلیئر بتا دیا ہے، ہم نے اپنی معیشت کو ڈیفالٹ سے نکالا ہے معیشت ترقی کر رہی ہے، ہماری ترجیح قوم اور معیشت ہے جنگ ہماری ترجیح نہیں۔

ان کا کہنا تھا کہ دنیا کو پتا ہے پاکستان جوہری قوت ہے، پلوامہ اور پہلگام واقعہ بھارت نے خود کیا ہے، پاکستان ایئر فورس، آرمی اور نیوی الرٹ ہیں، بھارت نے بے پناہ غلط بیانی کی ہے۔

اسحاق ڈار کے مطابق امریکی وزیر خارجہ نے آرمی چیف جنرل عاصم منیر سے بھی بات کی، مارکو روبیو کی آخری بات مجھ سے ہوئی۔

اسلام آباد: وزیر دفاع خواجہ آصف کا کہنا ہے کہ گجرات سے پنجاب تک ایئر فیلڈ تباہ کر دی ہیں، بھارت کو پیغام ہے معاملہ یہاں سے لپیٹ لیں۔

اے آر وائی نیوز سے خصوصی گفتگو میں خواجہ آصف نے آپریشن بُنْيَانٌ مَّرْصُوْص کے تحت کارروائیوں کے بارے میں بتایا کہ تیاری کر رکھی تھی گزشتہ رات جواب دیا اور کامیابی ملی، بھارتی کارروائیوں کے بعد ہمارے پاس جواب نہ دینے کا کوئی جواز نہیں تھا۔

وزیر دفاع نے کہا کہ بھارت کو ایسا جواب دیا کہ 3 سے 4 دن کا قرض پورا ہوگیا، اب اگر کوئی قرضہ چڑھانے کی کوشش کی تو اس کا بھی جواب دیں گے، بھارت نے پچھلے 4 سے 5 دن سے تماشہ لگایا ہوا تھا جس کا جواب تو دینا تھا، بھارت سے دوبارہ کوئی جارحیت ہوئی تو منہ توڑ جواب دیں گے۔

پاک بھارت کشیدگی سے متعلق تمام خبریں

خواجہ آصف نے کہا کہ پہلگام واقعے کی تحقیقات سے مودی انکاری ہے ہم نہیں، ہم نے امریکا کو کہا کہ بھارت سے کہیں وہ آپ سے ہی تحقیقات کروا لیں، مودی اگر تحقیقات سے بھی انکار کرتا ہے تو پھر دال میں کچھ کالا ہے، تحقیقات کی بات ہوتی ہے تو مودی پر خاموشی تاری ہو جاتی ہے۔

انہوں نے مزید کہا کہ بھارت معاملے کو طول دے گا تو دونوں کا نقصان ہوگا، ہمارے صبر کا پیمانہ لبریز ہوا تو بھارت کو ٹھوک کر جواب دیا۔

خصوصی گفتگو میں خواجہ آصف نے تصدیق کی کہ پاک افواج کے تمام اثاثے محفوظ ہیں، بھارتی جارحیت سے نمٹنے کیلیے پاک نیوی کی بھی مکمل تیاری ہے، بھارتی جارحیت کے بعد ہم پر عوام کا دباؤ بڑھتا جا رہا تھا، بھارت کو جو چوٹیں لگی ہیں ان کی ٹکور شکور کر رہے ہوں گے۔

’پاکستان نے چینی ٹیکنالوجی کا لوہا منوایا ہے۔ بھارتی میڈیا نے غیر ذمہ دارانہ رپورٹنگ سے اپنے ملک کو نقصان پہنچایا۔ بھارتی میڈیا نے مودی کو سیڑھی پر چڑھایا، بھارتی جارحیت پر پاکستان کے جواب کا پوری دنیا کو پتا لگا ہے۔ بھارت کو پچھلے 6 گھنٹے میں بتا دیا ہم کیا کر سکتے ہیں، افواج پاکستان ملک کے چپے چپے کی حفاظت کریں گی۔‘

لاہور: وزیر اعلیٰ پنجاب مریم نواز نے بھارت کی بزدلانہ جارحیت کے خلاف جوابی کارروائی پر پاک فوج کو خراج تحسین پیش کیا ہے۔

پاکستانی کی منہ توڑ جوابی کارروائی کے بعد مریم نواز نے کہا کہ پاکستان کا بھارت کی بزدلانہ جارحیت کا دن کی روشنی میں دیا گیا جواب تاریخ میں لکھا جائے گا، پاک سرزمین کے سپاہیو! تمہارے جذبے، غیرت اور تمہیں سلام۔

مریم نواز نے کہا کہ سلام ہے ان محافظوں کو جنہوں نے صرف گولی سے نہیں بلکہ غیرت، حکمت اور شجاعت سے جواب دیا، آپریشن بنیان مرصوص تاریخی اعلان ہے کہ ہم کمزور نہیں صرف امن کیلیے خاموش تھے۔

یہ بھی پڑھیں: امریکی میڈیا نے پاکستانی فوج کو دنیا کی بہترین فوج قرار دے دیا

وزیر اعلیٰ پنجاب نے مزید کہا کہ دشمن نے حد پار کی تو پاکستان نے صبر کو حکمت میں بدلا اور کڑی ضرب دی، پاکستان کا ایک ایک سپاہی مادر وطن کے تحفظ کی قسم کھا کر زندہ ہے۔

ان کا کہنا تھا کہ امن کے خواہاں ضرور ہیں مگر جارحیت کا جواب خاموشی نہیں ضرب ہوتا ہے، پاکستان کی سرحدیں صرف خاردار تاروں سے ہی نہیں شہیدوں کے لہو سے محفوظ ہیں۔

آپریشن بُنْيَانٌ مَّرْصُوْص کے تحت گریٹ پاکستان کا بھارت کومنہ توڑ جواب جاری ہے۔ افواجِ پاکستان مکمل تیار ہیں اور دشمن کے ناپاک عزائم خاک میں ملا رہے ہیں۔

بھارت میں چھائے سناٹے دیکھے جا سکتے ہیں، جذبہ شہادت سے سرشار پاک فوج کے جوان تیار باش اور منہ توڑ جواب دینے میں مصروف ہیں۔