Tag: burma voilence

برما: ایک بار پھر بدھ مت حکومت نے مسلمانوں کو تشدد کا نشانہ بنانا شروع کردیا۔

برما میں ظلم و جبر کا شکار روہنگیا مسلمان جان بچانے کیلئے بھوکے پیاسے سمندر کی موجوں سے لڑتے اور زندگی کی تلاش میں در درکی ٹھوکریں کھا رہے ہیں۔

برمی حکام کا مسلمانوں پر ظلم ناقابل بیان ہیں، حکام نے گزشتہ چار ماہ  سے جان بچا کر سمندر میں زندگی گزارنے والے مسلمانوں کی کشتی پکڑ لی، کشتی میں 608 مرد ، 74 خواتین ، اور 45 بچے شامل تھے۔ ان لوگوں انسانی اسمگلروں نے برمی حکام کے تشدد سے نجات کا لالچ دیکر تین کشتیوں میں سوار کیا۔

بعد ازاں سب کو ایک ہی کشتی میں بھر کر کھولے سمندر میں چھوڑ دیا، جس میں سے 50 سے زائد افراد ہلاک ہوچکے ہیں، اور باقی برما حکام کی قید میں ہے۔

بدقسمت روہنگیا مسلمان میانمار میں رہتے ضرور ہیں لیکن شہری کہلوانے کا اختیار نہیں، ظلم وستم سے بچنے کیلئے ہجرت کی تو قسمت نے یہاں بھی ساتھ نہ دیا۔ کوئی انسانی اسمگلروں کے ہاتھ لگا تو کوئی بدھ مت کے نام نہاد پیروکاروں کے ہتھے چڑھا۔

جودوسرے ممالک پہنچے ان کا بھی پرسان حال نہیں ہیں۔

تھائی لینڈ کے کیمپوں میں بسنے والے بھوک سے نڈھال ہیں اور خواتین کی عزتیں بھی محفوظ نہیں۔

ترکی واحد ملک ہے جس نے روہنگیا مسلمانوں کی مدد کی لیکن اس کے علاوہ عالمی سطح پر زبانی جمع خرچ کے سوا کچھ نہیں ہورہا، روہنگیا کے مظلوم مسلمان اقوام متحدہ کی مدد کے منتظر ہیں۔