Tag: bus

  • برازیل میں بس اور ٹرک کے درمیان ہولناک تصادم، بس پل سے نیچے جا گری

    برازیل میں بس اور ٹرک کے درمیان ہولناک تصادم، بس پل سے نیچے جا گری

    برازیل میں ایک بس اور ٹرک کے درمیان ہولناک تصادم میں 16 افراد ہلاک ہوگئے، پل کے جنگلے سے ٹکرانے کے بعد بس 45 فٹ نیچے جا گری۔

    مقامی میڈیا رپورٹس کے مطابق ہولناک حادثہ جاؤ مونلواڈ شہر میں پیش آیا جہاں ایک پل پر ٹرک اور بس میں تصادم ہوا۔

    ٹرک سے ٹکرا کر بس لین سے نکل گئی اور پل کے کنکریٹ جنگلے سے ٹکرائی، بعد ازاں وہاں سے 45 فٹ نیچے ریلوے ٹریک پر جا گری۔

    نیچے گرنے سے قبل بس کا ڈرائیور بس سے نکل آیا تھا جبکہ صرف چند لمحے قبل مزید 4 مسافر بھی بس سے چھلانگ لگا کر باہر نکلے، اگلے ہی لمحے بس نیچے جا گری۔

    موقع پر جمع ہوجانے والے افراد نے 2 بچوں سمیت 3 مسافروں کو کسی طرح اوپر کھینچ لیا جنہیں فوری طور پر قریبی اسپتال روانہ کیا گیا۔

    ہولناک حادثے میں 16 افراد ہلاک جبکہ 27 زخمی ہوئے۔

    اسی نوعیت کا ایک حادثہ ساؤ پاؤلو میں گزشتہ ہفتے ہی پیش آیا تھا جس میں ایک ٹرک اور بس کا ہی تصادم ہوا تھا، مذکورہ حادثے میں 40 افراد موقع پر ہی ہلاک ہوگئے تھے جبکہ 2 مزید ہلاکتیں اسپتال میں ہوئی تھیں۔

  • حسن ابدال: براہمہ انٹر چینج کے قریب مسافر بس الٹ گئی، 11 افراد جاں بحق

    حسن ابدال: براہمہ انٹر چینج کے قریب مسافر بس الٹ گئی، 11 افراد جاں بحق

    حسن ابدال: براہمہ انٹر چینج کے قریب مسافر بس الٹ گئی جس کے نتیجے میں 11 افراد جاں بحق اور بیس سے زائد زخمی ہوگئے۔

    تفصیلات کے مطابق مسافر بس سوات سے لاہور جارہی تھی کہ پنجاب کے شہر حسن ابدال میں براہمہ انٹر چینج کے قریب حادثے کا شکار ہوگئی۔

    ریسکیو ذرایع کا کہنا ہے کہ حادثے میں 11افراد جاں بحق اور 20 سے زائد زخمی ہوگئے۔ زخمیوں کو حسن ابدال، ٹیکسلا واہ کینٹ منتقل کیا جارہا ہے۔

    پولیس حکام کے مطابق حادثے کی وجوہات جاننے کی کوشش کی جارہی ہے البتہ ابتدائی تحقیقات سے یہ پتالگا ہے کہ حادثہ سڑک پر پسلن کے باعث پیش آیا۔

    یاد رہے کہ 9 جون کو صوبہ بلوچستان میں پسنی کوسٹل ہائی وے پر تیز رفتاری کے باعث گاڑی الٹ گئی تھی جس کے نتیجے میں 3 افراد جاں بحق جبکہ 9 افراد زخمی ہوگئے تھے۔

    کوئٹہ قومی شاہراہ پر ہولناک ٹریفک حادثہ، 13 افراد جاں بحق

    واضح رہے کہ 3 جون کو بلوچستان کے شہر ژوب میں کوئٹہ قومی شاہراہ پر قلعہ سیف اللہ کے قریب ٹرک اور وین میں آپس میں ٹکرا گئی تھی جس کے باعث تیرہ افراد جاں بحق ہوئے تھے۔

  • برطانیہ میں ہم جنس پرست خواتین پر تشدد

    برطانیہ میں ہم جنس پرست خواتین پر تشدد

    لندن : برطانوی دارالحکومت میں نازیبا فعل انجام نہ دینے پر نوجوانوں کے ایک گروہ نے ہم جنس پرست خواتین کو لہولہان کردیا۔

    تفصیلات کے مطابق برطانیہ کے دارالحکومت لندن کے علاقے کیمدن ٹاؤن میں ہم جنس پرست خواتین پر تشدد کا واقعہ سامنے آیا جہاں رات گئے بس میں سفر کرنے والی دو ہم جنس پرست خواتین کو بوسہ نہ دینے پر تشدد کا نشانہ بنایا گیا۔

    متاثرہ خاتون میلانیا گیمونٹ اور کرس نے بتایا کہ ان پر متعدد مردوں نے رات گئے حملہ کرکے لہولہان کیا جب انہوں نے بوسہ دینے سے انکار کیا۔

    برطانوی خبر رساں ادارے کا کہنا تھا کہ دونوں متاثرہ خواتین کو اسپتال میں طبی امداد فراہم کی جارہی ہے، حادثے کے دوران دونوں خواتین کے چہروں پر گہرے زخم آئے تھے۔

    مقامی خبر رساں ادارے کا کہنا تھا کہ واقعے میں ملوث چار نوجوانوں کی عمر 15 سے 18 برس کے درمیان ہے جنہوں نے 28 سالہ میلانیا گیمونٹ اور 29 سالہ کرس کو تشدد نشانہ بنایا۔

    مقامی خبر رساں ادارے کے مطابق گیمونٹ نے بتایا کہ بوسہ دینے سے انکار پر نوجوانوں کے گروہ نے انہیں اور ان کی دوست کو سرعام تشدد کا نشانہ بنایا جس کے باعث ان کا چہرہ خون سے بھرگیا۔

    متاثرہ خواتین کا کہنا تھا کہ ماضی میں ہمیں ہم جنس پرست ہونے کے باعث زبانی حملوں کا سامنا رہا ہے لیکن پہلی مرتبہ سرعام مارپیٹ کا سامنا کرنا پڑا۔

    برطانوی میڈیا کا کہنا تھا کہ پولیس نے واقعے کی سی سی ٹی وی فویج حاصل کرنے کے بعد ملزمان کی تلاش کا کام شروع کردیا ہے لیکن ابھی تک کسی بھی ملزم کو گرفتار کرنے میں ناکام رہی ہے۔

    میڈیا ذرائع کا کہنا تھا کہ متاثرہ خواتین پر تشدد کا واقعہ 30 مئی کی رات پیش آیا تھا۔

    برطانوی پولیس کا کہنا تھا کہ 2014 سے 2018 تک ہم جنس پرستوں پر تشدد کے واقعات میں اضافہ ہوا ہے، پانچ سالوں کے دوران صرف دارالحکومت لندن میں ہم جنس پرستوں پر تشدد کے 1488 واقعات رپورٹ ہوئے تھے جبکہ پورے برطانیہ میں 2308 واقعات رپورٹ ہوئے تھے۔

  • نصیحت کیوں کی؟ امریکی لڑکی نے بوڑھے شخص بس سے دھکادے کر قتل کردیا

    نصیحت کیوں کی؟ امریکی لڑکی نے بوڑھے شخص بس سے دھکادے کر قتل کردیا

    واشنگٹن : امریکی عدالت نے 25 سالہ لڑکی کیڈیشا بشپ کو عمر رسیدہ شخص کے قتل کے الزام میں قصور  وار قرار دے دیا۔

    تفصیلات کے مطابق امریکا کے شہر لاس ویگاس میں ایک 25 سالہ لڑکی کیڈیشا بشپ کو ایک عمر رسیدہ شخص کے قتل کے الزام میں قصور وار ٹھہرادیا، کیڈیشا نے 74 سالہ شخص سیرگ فورنے کو ایک بس کے اندر سے دھکا دے دیا تھا کیوں کہ اس نے کیڈیشا سے گزارش کی تھی کہ وہ مہذب انداز سے بات کرے۔

    غیر ملکی خبر رساں ادارے کا کہنا تھا کہ دھکا دیے جانے کے نتیجے میں فورنے کی موت واقع ہو گئی۔برطانوی اخبار کے مطابق بس میں سیکورٹی کیمرے کے کلپ سے واقعے کی تصدیق ہو گئی۔

    پولیس نے واقعے کے عینی شاہد بس میں سوار دیگر مسافروں سے بھی مطالبہ کیا کہ وہ اپنے پاس موجود معلومات فراہم کریں۔

    عینی شاہدین کے مطابق کیڈیشا بس میں سوار دیگر مسافروں پر چلا رہی تھی اور انہیں بے ہودہ الفاظ سے نواز رہی تھی۔ اس پر سیرگ فورنے نے مداخلت کرتے ہوئے کیڈیشا سے گزارش کی کہ وہ گفتگو میں زیادہ تمیز و تہذیب کا مظاہرہ کرے۔

    امریکی خبر رساں ادارے کا کہنا تھا کہ اس پر کیڈیشا کا پارہ چڑھ گیا اور اس نے بس سے اترنے والے بوڑھے فورنے کو پیچھے سے زور دار دھکا دے دیا، اس پر فورنے بس سے نیچے فٹ پاتھ پر جا گرا، کیڈیشا نے بوڑھے امریکی کی مدد کرنے کی کوئی کوشش نہیں کی۔

  • اسکاٹ لینڈ کی بس میں سانپ نکل آیا، شہری خوفزدہ

    اسکاٹ لینڈ کی بس میں سانپ نکل آیا، شہری خوفزدہ

    لندن : مسافر بس میں آپ نے انسانوں کو سفر کرتے تو بہت دیکھا ہوگا لیکن برطانوی ریاست اسکاٹ لینڈ کی ایک بس میں سانپ کو سفر کرتے دیکھا گیا۔

    برطانوی ریاست اسکاٹ لینڈ کے علاقے پیسلے میں یہ انوکھا واقعہ پیش آیا جہاں ایک مسافر بس سے اچانک سانپ نکل آیا، جس کے بعد مسافروں میں خوف و ہراس پھیل گیا۔

    اسکاٹ لینڈ کی ایک مسافر بس سے کئی فٹ لمبا نارنجی رنگ کا سانپ برآمد ہوا جس کے باعث بس میں سفر کرنے والے شہری بس میں سانپ دیکھ کر خوفزدہ ہوگئے۔

    واقعے کے بعد فوری بس انسپکٹر میک آرتھر سے شکایت کی جو عموماً دیر رات تک سفر کرنے والے مسافروں، ٹریفک مسائل اور دیگر ہنگامی صورتحال سے نمٹنے کا کام کرتے ہیں کو بلایا گیا جس پر انہوں نے کئی منٹوں کی جدوجہد کے بعد سانپ کو پکڑ کر باہر نکالا۔

    غیر ملکی خبر رساں ادارے کا کہنا تھا کہ ایسا معلوم ہوتا ہے کہ سانپ اپنے مالک کے بیگ سے نکل گیا تھا۔

    غیر ملکی خبر رساں ادارے کا کہنا تھا کہ جیسے ہی سانپ کھڑکیکے قریب پہنچا مسافروں نے آلارم بجا دیاجس کے بعد بس ڈرائیور نے گاڑی روک دی اور کنٹرول روم کو آگاہ کردیا اور میک آرتھر نے سامنپ کو باآسانی پکڑ لیا۔

    بس سروس میک گل کے مینجنگ ڈائریکٹر رالف رابرٹس نے بی بی سی کو بتایا ’ مک نے ایک نظر سانپ کو دیکھا اور کہا کہ ان کے خیال میں یہ کارن (مکئی کی رنگت) سانپ ہے۔‘

    غیر ملکی خبر رساں ادارے کا کہنا تھا کہ سانپ کو اس کے مالک کے پاس پہنچانے سے پہلے سکاٹ لینڈ کے جانوروں کے فلاحی ادارے ایس پی سی اے کے حوالے کیا گیا تھا۔

    یہ واقعہ بس کمپنی کے فیس بک گروپ پر شیئر کیا گیا جہاں بڑی تعداد میں لوگ اس پر کمنٹ کر رہے ہیں۔

  • نقاب اتار دو، مسلم خاتون سے برطانوی بس ڈرائیور کا مطالبہ

    نقاب اتار دو، مسلم خاتون سے برطانوی بس ڈرائیور کا مطالبہ

    لندن : برطانیہ میں متعاصب بس ڈرائیور نے مسافر  مسلم خاتون کو دہشت قرار دیتے ہوئے نقاب اتارنے کا مطالبہ کردیا، انتظامیہ نے مسلم خاتون سے بدتمیزی کرنے پر ڈرائیور کے خلاف کارروائی کا آغاز کردیا۔

    تفصیلات کے مطابق برطانیہ کے شہر بریسٹول میں ایک بس ڈرائیور نے بس میں سفر کرنے والی 20 سالہ مسلم خاتون کے ساتھ ناروا سلوک اختیار کرتے ہوئے دہشت گرد قرار دیا اور نقاب اتارنے کا مطالبہ کیا۔

    غیر ملکی خبر رساں ادارے کا کہنا تھا کہ متاثرہ خاتون اپنے دو ماہ کے کمسن بچے کے ہمراہ بس میں سوار ہوئی تو بس کے ڈرائیور نے تعاصب کی بنا پر خاتون سے بے نقاب ہونے کا مطالبہ کرتے ہوئے کہا کہ ’یہ بس میں دھماکا کرسکتی ہے‘۔

    غیر ملکی خبر رساں ادارے کا کہنا تھا کہ برطانوی بس ڈرائیور کے ناروا سلوک کی ویڈیو سوشل میڈیا پر وائرل ہوگئی جو خاتون نے خود بنائی تھی۔

    برطانوی میڈیا کا کہنا تھا کہ متاثرہ خاتون نے بس ڈرائیور کے برے رویے کی ویڈیو ریکارڈ کی تو ڈرائیور نے سوال کیا کہ ویڈیو کیوں بنا رہی ہو جس پر خاتون نے جواب دیا تھا کہ حکام سے تمہاری شکایت کرنے کےلیے ویڈیو بنارہی ہوں۔

    میڈیا کا کہنا تھا کہ ڈرائیور کے رویے پر بس میں موجود ایک اور خاتون نے کہا کہ ’خاتون کی مرضی وہ جو لباس چاہے پہنے، تمہیں کیا مسئلہ ہے‘ جس پر ڈرائیور نے جواب دیا کہ ’دنیا خطرناک ہے اس لیے مجھے بس میں سوار ہونے والے ہر مسافر کا چہرہ دیکھنا ہے‘۔

    متاثرہ مسلمان خاتون کا کہنا تھا کہ بس کا متعاصب ڈرائیور کافی دیر تک میری توہین کرتا رہا اور بس میں موجود دیگر مسافروں پر بھی زور دیتا رہا کہ تمام مسافر میرا چہرہ دیکھیں، کہیں میں بم بس میں خودکش دھماکا نہ کردوں۔

    غیر ملکی خبر رساں ادارے کا کہنا تھا کہ بس ڈرائیور کی جانب سے کی جانے والی توہین ناروا سلوک کے باعث نوجوان خاتون بہت زیادہ خوفزدہ ہوگئی ہیں۔

    برطانوی خبر رساں ادارے کا کہنا تھا کہ ڈرائیور کی جانب سے مسافر کے ساتھ بد تمیزی کرنے پر بس کمپنی کی جانب سے معذرت کرتے ہوئے حکام کے ساتھ تعاون کی یقین دہانی کروائی گئی ہے۔

    بس سروس کے ترجمان کا کہنا تھا کہ ڈرائیور کی جانب سے مسافر خاتون کے ساتھ متعاصبہ رویہ اختیار کرنے پر افسوس ہوا، کمپنی کا کام تمام رنگ، نسل اور مذہب کے افراد کو سروس فراہم کرنا ہے۔

  • بنگلا دیش میں طالب علم کی ہلاکت پرشدید مظاہروں میں 317 بسیں نذر آتش

    بنگلا دیش میں طالب علم کی ہلاکت پرشدید مظاہروں میں 317 بسیں نذر آتش

    ڈھاکا : بنگلا دیش  میں تیز رفتار بس کی ٹکر سے نوجوانوں کی ہلاکت پر طالب علموں کی جانب سے کیے جانے والے شدید احتجاج کے دوران 317 بسیں نذر آتش جبکہ 51 افراد زخمی ہوگئے۔

    تفصیلات کے مطابق بنگلا دیش کے دارالحکومت ڈھاکا کی گنجان آباد سڑک پر ڈورتی ہوئی تیز رفتار بس نے  موٹر سائیکل سواروں کو کچل دیا تھا، نوجوانوں کی ہلاکت کے بعد کالج کے طلبہ کی جانب سے شدید مظاہرے کیے جارہے ہیں۔

    غیر ملکی خبر رساں ادارے کا کہنا تھا کہ آئندہ انتخابات سے قبل سے شہر میں پر تشدد مظاہروں کا ہونا موجودہ حکومت کو کمزور اور انتخابات پر اثر انداز ہوسکتا ہے۔

    بنگلادیشی پولیس کا کہنا تھا کہ نوجوانوں کو کچلنے والی بس کے ڈرائیور کو گرفتار کرکے واقعے کی تحقیقات کا آغاز کردیا گیا ہے۔

    بنگلادیشی خبر رساں اداروں کے مطابق کالج کے طلبہ نے نوجوانوں کی ہلاکت پر شہر کا ٹریفک سسٹم مفلوج احتجاجاً کردیا تھا، جس کے بعد مظاہرے پرتشدد ہوگئے اور مظاہرین کی جانب سے 317 بسوں کو آگ لگادی گی، جبکہ 51 افراد مظاہروں کے دوران زخمی ہوگئے۔

    غیر ملکی خبر رساں ادارے کا کہنا تھا کہ اس قبل بھی ایک تیز رفتار بس نے طالب کو روند دیا تھا جس کے بعد طلبہ نے لاپرواہ بس ڈرائیور کی گرفتاری اور سزا کے لیے مظاہرے کیے تھے۔

    بنگلا دیش کے وزیر داخلہ کا کہنا تھا کہ ’حکومت کی جانب سے طلبہ کو بارہا یقین دہانی کروائی گئی ہے کہ واقعے میں ملوث شخص کو سخت سزا دی جائے اور ان کے تمام مطالبات بھی تسلیم کیے جائیں گے۔

    وزیر داخلہ اسد زمان نے کہا کہ آئندہ پارلیمانی اجلاس میں بس حادثوں سے متعلق قانون کے لیے مسودہ بھی پیش کیا جائے گا، ساتھ ساتھ اسد زمان کا نے اپوزیشن جماعت پر الزام لگاتے ہوئے کہا کہ مظاہروں میں بنگلا دیشن نیشنل پارٹی نے اپنے طلبہ کارکنان کو مظاہرین میں شامل کیا ہے۔

    بنگلا دیشی وزیر داخلہ کا کہنا تھا کہ سیکیورٹی اداروں کے پاس اپوزیشن جماعت بی این پی کے طلبہ ونگ کے ممبران کا مظاہروں میں ملوث ہونے کے واضح ثبوت موجود ہیں۔

    ان کا کہنا تھا کہ والدین اپن بچوں کو ان مظاہروں سے دور رکھیں، طلبہ کو پر تشدد احتجاج پر اکسانے والوں کے خلاف سخت کارروائی کی جائے گی۔

    دوسری جانب سے بنگلادیش کی اپوزیشن جماعت کے جنرل سیکریٹری نے حکومت کی جانب سے عائد کیے جانے والے تمام الزامات کی تردید کرتے ہوئے کہا ہے کہ موجودہ حکومت ملکی بحران اور سڑکوں پر ہونے والے ہولناک حادثات کو روکنے میں مکمل طور پر ناکام ہوچکی ہے۔

    جنرل سیکریٹری مرزا فخر الااسلام کا کہنا ہے کہ جو حکومت طلبہ کے مسائل اور ٹریفک حادثات پر کنٹرول نہ حاصل کرسکے اسے فوری طور پر مستعفی ہوجانا چاہیے۔

    خیال رہے کہ بنگلا دیش میں ہر برس 4 ہزار افراد ٹریفک حادثات میں موت کا شکار ہوجاتے ہیں، جو دنیا بھر میں ٹریفک حادثات کی بلند ترین سطح ہے۔

  • بھارت: یونیورسٹی ملازمین کی بس کھائی جاگری، 33 افراد ہلاک

    بھارت: یونیورسٹی ملازمین کی بس کھائی جاگری، 33 افراد ہلاک

    نئی دہلی : بھارتی ریاست مہارشترا کی یونیورسٹی آف ایگریکلچر کے ملازمین کو لانے والی بس 500 فٹ گہری کھائی میں جاگری، حادثے کے نتیجے میں 33 افراد ہلاک ہوگئے۔

    تفصیلات کے مطابق بھارتی ریاست مہارشترا کے ضلع رائیگاڈ میں مسافر  بس گہری کھائی میں جاگری، حادثے کے نتیجے میں مہارشترا کی یونیورسٹی آف داپولی ایگریکلچر کے 33 ملازمین ہلاک ہوگئے۔

    بھارتی خبر رساں اداروں کا کہنا ہے کہ حادثے کا شکار بس ممبئی سے گوا جانے والے ہائی وے پر سفر کررہی کے اچانک 500 فٹ گہری کھائی میں جاگری، متاثرہ بس میں 34 افراد سوار تھے جو پکنک سے واپس آرہے تھے۔

    بھارتی میڈیا کے مطابق حادثے کی وجہ بارش کو بتایا جارہا ہے، بھارت میں گذشتہ کچھ دنوں شدید بارشیں جاری ہیں جس کے باعث گاڑی کھائی میں جاگری۔

    بھارتی پولیس کا کہنا ہے کہ بس حادثے میں زندہ بچ جانے والے ایک شخص کی شناخت پرکاش ساونٹ کے نام سے ہوئی ہے، جو کھائی سے زخمی حالت میں اوپر آیا اور مقامی پولیس کو حادثے کی اطلاع دی۔

    بھارتی میڈیا کہنا ہے کہ حادثے کی اطلاع ملتے ہی پولیس اور امدادی سرگرمیاں انجام دینے والے رضاکار جائے حادثہ پر پہنچ گئے ہیں تاہم شدید بارش کے باعث حادثے کا شکار بس کو ریسکیو کرنے میں شدید مشکلات پیش آرہی ہیں۔

    بھارت کی کانگریس پارٹی کے سربراہ راہول گاندھی نے سماجی رابطے کی ویب سائٹ ٹویٹر پر اپنے پارٹی کارکنان کو پیغام دیا ہے کہ ’حادثے کا شکار افراد کو اور واقعے میں ہلاک ہونے والے افراد کو ہر ممکن مدد فراہم کی جائے‘۔

    راہول گاندھی نے ٹویٹر پر ٹویٹ کیا کہ ’مجھے بس حادثے کا سن کر بہت افسوس ہوا، جس میں درجنوں افراد ہلاک اور کئی زخمی ہوگئے‘۔

    ان کا کہنا تھا کہ ’میں کانگریس کے کارکنوں سے گزارش کرتا ہوں جائے وقوعہ پر پہنچ کر زخمیوں اور ہلاک ہونے والے افراد کے اہل خانہ کو ہر ممکن امداد فراہم کریں‘۔


    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • بھارتی ریاست بہارمیں بس کھائی میں گرگئی‘ 27 افراد ہلاک

    بھارتی ریاست بہارمیں بس کھائی میں گرگئی‘ 27 افراد ہلاک

    بہار: بھارتی ریاست بہار میں بس کھائی میں گرنے سے 27 افراد ہلاک ہوگئے جبکہ تباہ شدہ بس سے4 افراد کو بچایا لیا گیا۔

    تفصیلات کے مطابق بھارتی ریاست بہار میں مظفرپور سے نئی دہلی جانے والی بس کے کھائی میں گرنے کے بعد آگ لگنے سے27 افراد جان کی بازی ہار گئے۔

    پولیس آفیسر وجے سنہا کے مطابق حادثے کے بعد بس سے صرف 4 افراد کو زندہ بچایا جا سکا، حادثے میں بچ جانے والے افراد جھلس کرزخمی ہوئے ہیں جنہیں طبی امداد کے لیے اسپتال منتقل کردیا گیا۔

    انہوں نے مزید بتایا کہ گاڑی کوبجاتے ہوئے بس کھائی میں جا گری اور اس سے قبل کوگ اس میں پھنسے افراد کو نکالنتے بس میں آگ لگ گئی۔

    پولیس آفیسر وجے سنہا کا کہنا تھا کہ بس میں 32 مسافرسوار تھے جن میں سے بیشترکا تعلق مظرپور سے تھا۔


    اسکول بس کو حادثہ ‘ 27 بچے ہلاک

    خیال رہے کہ گزشتہ ماہ 9 اپریل کو بھارتی ریاست ہماچل پردیش میں تیزرفتاری کے باعث 200 فٹ گہری کھائی میں بس گرنے سے 27 بچوں سمیت 30 افراد ہلاک ہوگئے تھے۔

    یاد رہے کہ گزشتہ سال 19 اپریل کو شملا سے 115 کلومیٹر دور مسافربس کھائی میں گرنے کے نتیجے میں 44 افراد جان کی بازی ہار گئے تھے۔


    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • تھائی لینڈ میں بس میں آگ لگنے سے 21 افراد ہلاک

    تھائی لینڈ میں بس میں آگ لگنے سے 21 افراد ہلاک

    بنکاک: تھائی لینڈ میں ڈبل ڈیکر بس میں آگ لگنے سے21 افراد ہلاک جبکہ 27 زخمی ہوگئے، آگ میانمار کے تارکین وطن کی بس میں لگی۔

    تفصیلات کے مطابق تھائی لینڈ کے صوبے تاک میں بس میں آگ لگنے سے 21 افراد جان کی بازی ہار گئے جبکہ 27 افراد جھلس کر زخمی ہوگئے۔

    تھائی حکام کا کہنا ہے کہ آگ میانمار کے تارکین وطن کی بس میں لگی تاہم آگ لگنے کی وجہ معلوم نہیں ہوسکی۔

    تھائی لینڈ : سڑک حادثے میں گیارہ افراد ہلاک

    خیال رہے کہ گزشتہ سال 11 جون 2016 کو تھائی لینڈ کے دارالحکومت بنکاک میں تیزرفتاری کے باعث الٹنے والی بس میں آگ لگنے سے اس میں سوار 11 اساتذہ جان کی بازی ہار گئے تھے۔

    حادثے میں بچ جانے والے 4 افراد کا کہنا تھا کہ ٹائرپھٹ جانے کے باعث بس ڈرائیور کے کنٹرول سے باہر ہوکر الٹ گئی تھی اوراس میں آگ بھڑک اٹھی تھی۔

    یاد رہے کہ 23 مئی 2016 کو تھائی لینڈ کے شمالی صوبے چیانگ رے میں اسکول میں آگ لگنے سے 17 بچیاں ہلاک ہوگئیں تھیں۔

    بنکاک: مسافربس حادثے کا شکار، 29افراد ہلاک

    واضح رہے کہ 27 دسمبر2013 کو تھائی لینڈ کے صوبے پیچ بن سے دوسرے شہر چینگ رائے جانے والی مسافر بس ڈرائیور کی کوتاہی کے باعث دریا میں جاگری تھی، حادثے میں 29 مسافر ہلاک جبکہ چار شدید زخمی ہوگئے تھے۔


    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔