کراچی: کراچی سے کوئٹہ جانے والی کوچ خضدار کے قریب حادثے کا شکار ہوگئی، جس کے نتیجے میں تین مسافر جاں بحق اور پندرہ زخمی ہوگئے۔
ریسکیو ذرائع کے مطابق بدقسمت مسافر کوچ کراچی سے کوئٹہ جارہی تھی، تیز رفتاری کے باعث کوچ خضدار کے قریب حادثے کا شکار ہو کر الٹ گئی، حادثے کے نتیجے میں تین مسافر جاں بحق ہوگئے ۔
زخمی ہونے والوں میں خواتین اور بچے بھی شامل ہیں ۔ امدادی ٹیموں نے لاشوں اور زخمیوں کو سول اسپتال خضدار منتقل کیا۔
ڈی آئی خان : ڈیرہ اسماعیل خان سے ڈیرہ غازی خان جانیوالی مسافر بس انڈس ہائی وے پر تونسہ کے قریب حادثے کا شکار ہوگئی ، حادثے کے نتیجے میں چودہ مسافر زخمی ہوگئے۔
ٓریسکیو ذرائع کیمطابق نجی کمپنی کی مسافر بس علی الصبح ڈیرہ اسماعیل خان سے ڈیرہ غازی خان جا رہی تھی کہ تونسہ شریف کے نزدیک کوٹ موڑ انڈس ہائی وے پر تیز رفتاری کے باعث بے قابو ہو الٹ گئی ، جسکے نتیجے میں بس میں سوار چودہ مسافر زخمی ہوگئے۔
حادثے کی اطلاع ملتے ہی ریسکیو 1122اور مقامی پولیس جائے حادثہ پر پہنچی اور زخمی ہونیوالے مسافروں کو جن بیشتر کا تعلق ڈی جی خان کے مختلف علاقوں سے بتایا گیا ہے تحصیل ہیڈکوارٹر ہسپتال تونسہ منتقل کر دیا گیا ۔
عینی شاہدین اور پولیس کی ابتدائی تفصیلات کے مطابق حادثے کی وجہ تیز رفتاری قرار دیا گیا ہے۔
پولیس کے مطابق لاہور کے علاقے غازی چوک پرایک کار اپنے راستے پر روانہ تھی کہ ایک سمت سے آنے والی تیز رفتار بس کار سے آ ٹکرائی جس کے نتیجے میں ہادیہ، سادیہ اور انکے ماموں عمران موقع پرجاں بحق جبکہ نوجوان احسان اوراسکی والدہ شدید زخمی ہو گئے جنہیں جناح اسپتال متقل کر دیا گیا۔
بس ڈرائیور موقع سے فرار ہو گیا جس کی تلاش جاری ہے پولیس نے بس قبضہ میں لے کر تفتیش شروع کر دی ہے۔
فیض پورانٹرچینج کےقریب سگیاں پل پر دو بسیں تیزرفتاری کے باعث آپس میں ٹکرا گئیں، تصادم کے بعد ایک بس الٹ گئی، المناک حادثے میں چارمسافر موقع پر ہی جاں کی بازی ہارگئے جبکہ بیس افراد زخمی ہوئے، جنہیں میؤ اسپتال منتقل کیا گیا ہے۔
ریسکیو ذرائع کےمطابق متعدد مسافروں کی حالت تشویشناک بتائی جارہی ہے، بد قسمت بس کے پی کے سے راؤنڈ اجتماع میں شرکت کیلئے آرہی تھی۔
پولیس کےمطابق بس کراچی سے رالپنڈی کےسفر پررواں دواں تھی کہ اوُچ شریف کے قریب پھلیکے والا پل کے مقام پر تیز رفتاری سے موڑ کاٹتے ہوئے الٹ کر پل سے نیچے جاگری،جس کےنتیجےمیں دو خواتین سمیت آٹھ افرادخالق حقیقی سے جا ملے جبکہ چالیس زخمی ہوئے،جنہیں پولیس اور ریسکیو اہلکاروں نے قریبی اسپتال منتقل کر دیا،زخمیوں کا کہنا ہے کہ عید الاضحی کی وجہ سے بس میں گنجائش سےزیادہ لوگ سوار تھے۔
پیرو: بس حادثے کے نتیجے میں بیس افراد ہلاک اورمتعدد زخمی ہوگئے۔
غیر ملکی خبررساں ادارے کے مطابق پیرو کےدارالحکومت لیما کے نواحی علاقے میں مسافروں سے بھری بس تیز رفتاری کے باعث ڈرائیور سے بے قابو ہو کر الٹ گئی، جس کے نتیجے میں بیس افراد لقمہ اجل بن گئے جبکہ پچیس زخمی ہوئے۔
.ریسکیو اہلکاروں نے حادثے میں زخمیوں اور لاشوں کو اسپتال منتقل کیا۔ پولیس حکام کا کہنا ہے کہ حادثہ ڈرائیور کی غفلت کے باعث پیش آیا
میر پورآزاد کشمیر: مسافر بس حا دثہ کا شکار ہوگئی ، جاں بحق افراد کی تعدادسولہ تک پہنچ گئیں۔
میر پور سے سماہنی جانے والی مسافر بس حادثے کا شکار ہوگئی، بس میں ساٹھ کے قریب مسافر سوار تھے، حادثے کے بعد امدادی ٹیمیں جائے وقوعہ پر پہنچ گئیں، دشوار گزار راستوں کے باعث رضاکاروں کومشکلات کا سامنا کرنا پڑا، امدادی کارروائیاں جاری ہیں۔
ہلاک ہونیوالوں اور زخمیوں کو میر پور آزادکشمیر اور بھمبر کے اسپتالوں میں منتقل کیا جاچکا ہے، پولیس نے جائے وقوعہ پر پہنچ کر حادثے کی تحقیقات شروع کردی ہیں۔
ادھر وزیر اعلی پنجاب شہباز شریف نے قیمتی انسانی جانو ں کے ضیاع پر گہرے دکھ کا اظہار کیا ہے، امیر جماعت اسلامی سراج الحق نے بھی متاثرہ خاندانوں سے دلی ہمدردی اور تعزیت کا اظہار کیا۔
