Tag: business class

کراچی : مشیرہوابازی سردارمہتاب عباسی اور صاحبزادی نے پیرس روانگی پر اکانومی کلاس کے ٹکٹ پر بزنس کلاس میں سفر کیا، دباؤ ڈال کرٹکٹ اپ گریڈ کرایا گیا اور اضافی چارجزبھی ادا نہیں کئے۔

تفصیلات کے مطابق پی آئی اے کو نواز شریف کے ساتھی نے ٹیکہ لگادیا، مشیرہوابازی سردارمہتاب عباسی اور صاحبزادی پندرہ اکتوبر کو پی آئی اے کی پرواز769سے پیرس روانہ ہوئے تھے، دونوں کاٹکٹ اکانومی کلاس کا لیکن سفر بزنس کلا س میں کیا۔

سردار صاحب نے دباؤ ڈال کرٹکٹ اپ گریڈ کرایا،جس کے اضافی چارجز بھی نہیں لیے گئے جبکہ مشیرہوابازی کی اپ گریڈڈٹکٹوں کی کاپی اے آروائی نیوزنےحاصل کرلی ہے۔

ذرائع کا کہنا ہے کہ سردارمہتاب عباسی پیرس میں بورڈ آف انویسٹمنٹ کے اجلاس میں غیرقانونی طریقے سے شرکت کررہے ہیں، اجلاس میں کوئی بھی وفاقی وزیر یا مشیرشرکت نہیں کرسکتا۔

مزید پڑھیں : قومی ایئرلائن کو 40 ارب کا نقصان

یاد رہے کہ قومی ایئر لائن پی آئی اے کا مالیاتی خسارہ ایک بار پھر خطرے کی حد تک پہنچ چکا ہے، رواں سال ایئر لائن کو چالیس ارب سے زائد کا نقصان ہوا۔

دوسری جانب وزیر اعظم شاہد خاقان عباسی نے بھی پی آئی اے کا بزنس پلان مسترد کردیا ہے۔ انہوں نے پی آئی اے کے چیئرمین کو ہدایت کی ہے کہ قومی ایئر لان کا بزنس پلان اٹھارہ سال پرانا ہے ‘دورِ جدید کے مطابق بزنس پلان تیار کیا جائے۔

نا تجربہ کار افسران کو پی آئی اے میں اہم عہدے پر تعینات کیا جارہا ہے، جس کے سبب سینئر افسران میں بے چینی کی لہر دوڑ گئی ہے۔

اس سے قبل مالی بحران  کے باعث ایئر لائن کو فضائی آپریشن چلانے میں بھی دشواریوں کا سامنا تھا ،  پی آئی اے نے فضائی روٹس گروی رکھوا کر15ارب روپے قرض لیا، قرضہ غیر ملکی بینک سے حاصل کیا تھا۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔