بلاوایو: فخر زمان کی سنچری اور عثمان شنواری کی شاندار بولنگ کی بدولت پاکستان نے زمبابوے کو دوسرے ون ڈے میچ میں 9 وکٹوں سے شکست دے دی، فخر زمان کو میچ کا بہترین کھلاڑی قرار دیا گیا۔
تفصیلات کے مطابق زمبابوے کے کپتان نے ٹاس جیت کر پہلے بیٹنگ کا فیصلہ کیا اور قومی ٹیم کو جیت کے لیے 195 رنز کا ہدف دیا، قومی ٹیم نے میزبان ٹیم کو باآسانی 9 وکٹوں سے شکست دے دی۔
پاکستان کی جانب سے فخر زمان 117 رنز کے ساتھ ناقابل شکست رہے، امام الحق 44 اور بابر اعظم نے 29 رنز بنائے، عثمان شنواری نے 4 اور حسن علی نے تین کھلاڑیوں کو پویلین کی راہ دکھائی۔
Pakistan won the second #ZIMvPAK ODI by 9 wickets.
Scorecard ▶️ https://t.co/LNZgqcrIHf pic.twitter.com/g0Rf6Rlbzx— PCB Official (@TheRealPCB) July 16, 2018
قبل ازیں نے زمبابوے نے بیٹنگ کا آغاز کیا تو دونوں اوپنرز 18 رنز پر پویلین لوٹ گئے، اوپنرز کے آؤٹ ہونے کے بعد مساکانڈا اور مساکاڈزا نے اسکور آگے بڑھایا، مساکاڈزا 59 رنز بنا کر آؤٹ ہوئے جبکہ مسکانڈا نے 24 رنز کی اننگز کھیلی۔
مڈل آرڈر بلے باز کے آؤٹ ہونے کے بعد پیٹر مورے نے شاندار نصف سنچری اسکور کی تاہم ان کے علاوہ زمبابوے کا کوئی بھی کھلاڑی زیادہ دیر وکٹ پر نہ ٹھہر سکا اور پوری ٹیم 194 رنز بنا کر آل آؤٹ ہوگئی۔
میچ میں زمبابوے کا کوئی بھی بولر وکٹ حاصل نہ کرسکا، قومی ٹیم کے اوپنر بلے باز امام الحق 44 رنز پر رن آؤٹ ہوئے۔ فخر زمان کو ناقابل شکست سنچری اسکور کرنے پر میچ کا بہترین کھلاڑی قرار دیا گیا۔
The centurion @FakharZamanLive is the Man of the Match.#ZIMvPAK pic.twitter.com/jAxQjMxzpT
— PCB Official (@TheRealPCB) July 16, 2018
واضح رہے کہ پاکستان نے پہلے ون ڈے میچ میں زمبابوے کو 201 رنز کے بڑے مارجن سے شکست دی تھی۔
دونوں ٹیموں کے درمیان پانچ میچوں کی سیریز کا تیسرا ون ڈے میچ 18 جولائی کو کھیلا جائے گا، گرین شرٹس کو سیریز میں 2-0 کی برتری حاصل ہے۔
