Tag: by election

  • ضمنی انتخابات: الیکشن کمیشن نے سمندر پار پاکستانیوں کو ووٹ کی سہولت مہیا کردی

    ضمنی انتخابات: الیکشن کمیشن نے سمندر پار پاکستانیوں کو ووٹ کی سہولت مہیا کردی

    اسلام آباد: الیکشن کمیشن کی جانب سے ضمنی انتخابات میں  سمندرپارپاکستانیوں کو ووٹ کی سہولت مہیا کردی۔

    تفصیلات کے مطابق  اب بیرون ملک مقیم پاکستانی الیکشن میں حق رائے دہی استعمال کر سکیں گے۔ الیکشن کمیشن کی جانب سے سمندرپار پاکستانیوں کو ووٹ کی سہولت مہیا کر دی گئی۔

    بیرون ملک مقیم پاکستانی انٹرنیٹ کےذریعےحق رائے دہی استعمال کریں گے۔ ووٹرزکی رجسٹریشن یکم سے15ستمبر تک کی جائےگی.

    الیکشن کمیشن نےاقدامات سےمتعلق سیکریٹری خارجہ کوخط لکھ دیا ہے۔

    مزید پڑھیں: ملک بھرمیں ضمنی انتخابات کےلیےکاغذات نامزدگی کی وصولی آج سےشروع

    یاد رہے کہ ضمنی انتخابات 14اکتوبرکوہوں گے، جس میں کانٹے دار مقابلے کی توقع کی جارہی ہے۔

    واضح رہے کہ قومی اسمبلی کے 11 اور صوبائی اسمبلیوں کے 26 حلقوں میں 14 اکتوبر کو ضمنی انتخابات ہوں گے۔

    انتخابات میں حصہ لینے والے امیدواروں کے کاغذات نامزدگی کی جانچ پڑتال 4 ستمبرتک کی جائے گی۔

    مزید پڑھیں: ضمنی انتخابات 2018: امید واروں کے لیے ضابطہ اخلاق جاری

    یاد رہے کہ  قومی اسمبلی کے 2 اور صوبائی اسمبلی کے 7 حلقوں میں الیکشن ملتوی ہوا تھا جبکہ عام انتخابات میں زیادہ نشستوں پرجیتنے والوں نے 28 نشستیں چھوڑی ہیں۔

  • ضمنی الیکشن: فیصل سبزواری، سعد رفیق اور عابد شیر علی نے کاغذاتِ نامزدگی جمع کرا دیے

    ضمنی الیکشن: فیصل سبزواری، سعد رفیق اور عابد شیر علی نے کاغذاتِ نامزدگی جمع کرا دیے

    اسلام آباد: آج ضمنی انتخابات کے لیے کاغذاتِ نامزدگی جمع کرانے کا آخری دن ہے، سیاسی جماعتوں نے اپنے اپنے امیدوار میدان میں اتار دیے۔

    تفصیلات کے مطابق ضمنی انتخابات میں بہ طور امیدوار شریک ہونے کے لیے امیدواروں کی طرف سے کاغذاتِ نامزدگی جمع کرانے کا آج آخری دن ہے۔

    مسلم لیگ (ن) نے عام انتخابات میں ہارنے والے امیدواروں کو ایک بار پھر میدان میں اتار دیا ہے، این اے 131 پر خواجہ سعد رفیق اور غزالہ رفیق الیکشن لڑیں گے۔

    [bs-quote quote=”چکوال سے چوہدری شجاعت ق لیگ اور پی ٹی آئی کے مشترکہ امیدوار ہیں” style=”style-7″ align=”left” color=”#dd3333″][/bs-quote]

    پاکستان تحریکِ انصاف کی طرف سے کرن علیم خان نے این اے 131 پر کاغذاتِ نامزدگی جمع کرا دیے، ن لیگ کے عابد شیرعلی نے حمزہ شہباز کی خالی کردہ نشست پر کاغذات جمع کرا دیے۔

    چکوال سے چوہدری شجاعت ق لیگ اور پی ٹی آئی کے مشترکہ امیدوار ہیں، کراچی سے فیصل سبزواری نے بھی کاغذاتِ نامزدگی جمع کرا دیے۔

    فیصل سبزواری کپتان کی نشست پر


    کراچی سے کپتان کی نشست پر فیصل سبزواری الیکشن لڑیں گے، این اے 243 کراچی سے فیصل سبزواری نے کاغذاتِ نامزدگی بھی جمع کرا دیے۔

    ذرائع کے مطابق متحدہ قومی موومنٹ پاکستان نے فیصل سبزواری کو الیکشن لڑانے کا فیصلہ کیا ہے، این اے 243 گلشن اقبال سے الیکشن میں حصہ لیا جائے گا۔

    ایم کیو ایم نے فیصلہ کیا ہے کہ عمران خان کی خالی کردہ نشست پر الیکشن لڑے گی، ایم کیوایم کے عامر ولی چشتی نے بھی کاغذاتِ نامزدگی جمع کرادیے۔

  • ضمنی انتخابات میں بیرون ملک مقیم پاکستانیوں کو ووٹ کا حق دینے کا فیصلہ

    ضمنی انتخابات میں بیرون ملک مقیم پاکستانیوں کو ووٹ کا حق دینے کا فیصلہ

    اسلام آباد: الیکشن کمیشن نے 14 اکتوبر کو ہونے والے ضمنی انتخابات میں بیرون ملک مقیم پاکستانیوں کو ووٹ کا حق دینے کا فیصلہ کرلیا ہے۔

    تفصیلات کے مطابق الیکش کمیشن کا کہنا ہے کہ آئندہ ضمنی انتخابات میں سمندر پار پاکستانی ووٹ ڈال سکیں گے۔

    چیف الیکشن کمشنر کی زیر صدارت الیکشن کمیشن کے اجلاس میں فیصلہ کیا گیا کہ یکم تا 15 ستمبر سمندر پار پاکستانیوں کی رجسٹریشن کی جائے گی۔ نائیکوپ یا ایم آر پی رکھنے والے پاکستانیوں کو بطور ووٹر رجسٹر کیا جائے گا۔

    الیکشن کمیشن کا کہنا ہے کہ وزارت خارجہ، نادرا اور سفارت خانوں کی مدد سے آگاہی مہم شروع کی جائے گی۔

    اجلاس میں فیصلہ کیا گیا کہ زیادہ سے زیادہ ووٹرز رجسٹرڈ کروائے جائیں گے۔

    اجلاس میں سپریم کورٹ کے حکم پر عمل درآمد یقینی بنانے کا فیصلہ کیا گیا ہے۔

    خیال رہے کہ سپریم کورٹ لاہور رجسٹری میں اوور سیز پاکستانیوں کو ووٹ کا حق دینے سے متعلق درخواست دائر کی تھی۔

    کئی سماعتوں کے بعد سپریم کورٹ نے ضمنی انتخابات میں اوور سیز پاکستانیوں کو ووٹ ڈالنے کی اجازت دے دی۔

    چیف جسٹس میاں ثاقب نثار نے ریمارکس دیے تھے کہ تجرباتی نفاذ کا مقصد یہ نہیں کہ اس کے نتائج کو نظر انداز کر دیا جائے، ضمنی انتخابات میں اوور سیز پاکستانیوں کے نتائج کو پارلیمنٹ میں بھی پیش کیا جائے۔

    دوسری جانب الیکشن کمیشن نے ملک بھر میں ضمنی انتخابات کے لیے پولنگ کی 14 اکتوبر تاریخ مقرر کردی ہے۔

    ضمنی انتخاب کے لیے قومی اور صوبائی اسمبلیوں کے 37 حلقوں میں پولنگ ہوگی۔ قومی کے 11 اور صوبائی اسمبلیوں کے 26 حلقوں میں انتخابات ہوں گے۔

  • ملک بھر میں ضمنی انتخابات 14 اکتوبر کو ہوں گے

    ملک بھر میں ضمنی انتخابات 14 اکتوبر کو ہوں گے

    اسلام آباد: الیکشن کمیشن نے عام انتخابات میں رہ جانے والے حلقوں پر ضمنی انتخابات کا شیڈول جاری کردیا۔ ضمنی انتخابات کے لیے پولنگ 14 اکتوبر کو ہوگی۔

    تفصیلات کے مطابق الیکشن کمیشن نے ضمنی انتخابات کا شیڈول جاری کردیا جس کے مطابق ملک بھر میں ضمنی انتخابات کے لیے پولنگ 14 اکتوبر کو ہوگی۔

    الیکشن کمیشن کا کہنا ہے کہ آر اوز 27 اگست کو پبلک نوٹس جاری کریں گے۔ امیدوار 28 سے 30 اگست تک کاغذات نامزدگی جمع کرواسکیں گے۔ امیدواروں کے ناموں کی فہرست 31 اگست کو جاری کی جائے گی۔

    الیکشن کمیشن کے مطابق امیدواروں کے کاغذات کی جانچ پڑتال 4 ستمبر تک ہوگی۔ آر اوز کے فیصلوں پر اپیل 8 ستمبر تک دائر کی جاسکیں گی۔ اپیلٹ ٹربیونل 13 ستمبر تک اپیلوں پر فیصلے کریں گے۔

    الیکشن کمیشن کا مزید کہنا ہے کہ امیدواروں کی نظر ثانی شدہ لسٹ 14 ستمبر کو جاری ہوگی۔ امیدوار اپنے کاغذات 15 ستمبر تک واپس لے سکیں گے۔ امیدواروں کو انتخابی نشانات 16 ستمبر کو جاری کیے جائیں گے۔

    ضمنی انتخاب کے لیے قومی اور صوبائی اسمبلیوں کے 37 حلقوں میں پولنگ ہوگی۔ قومی کے 11 اور صوبائی اسمبلیوں کے 26 حلقوں میں انتخابات ہوں گے۔

    جن حلقوں میں ضمنی انتخابات ہوں گے ان میں قومی اسمبلی کے حلقے این اے 35، این اے 53، این اے 56، این اے 60، این اے 63، این اے 65، این اے 69، این اے 103، این اے 124، این اے 131 اور این اے 243 شامل ہیں۔

    صوبائی اسمبلیوں میں سے پنجاب اسمبلی کے 13، خیبر پختونخواہ کے 9 اور سندھ اور بلوچستان اسمبلی کے 2، 2 حلقوں میں ضمنی انتخاب ہوگا۔

    ضمنی انتخاب پی پی 3، پی پی 27، پی پی 87، پی پی 103، پی پی 118، پی پی 164، پی پی 165، پی پی 201، پی پی 222، پی پی 261، پی پی 272، پی پی 292 اور پی پی 296 میں بھی ہوگا۔

    پختونخواہ کے پی کے 3، پی کے7، پی کے 44، پی کے 53، پی کے 61، پی کے 64، پی کے 78، پی کے97 اور پی کے 99 میں پولنگ ہوگی۔

    سندھ کے پی ایس 87 اور پی ایس 30 جبکہ بلوچستان کے پی بی 35 اور پی بی 40 میں ضمنی انتخابات ہوں گے۔

  • سپریم کورٹ کا این اے 60 میں قانون کے مطابق ضمنی انتخاب کا حکم

    سپریم کورٹ کا این اے 60 میں قانون کے مطابق ضمنی انتخاب کا حکم

    اسلام آباد : سپریم کورٹ نے این اے 60 میں قانون کے مطابق ضمنی انتخاب کا حکم دے دیا، جس کے بعد شیخ رشید نے اپنی درخواست واپس لے لی۔

    تفصیلات کے مطابق چیف جسٹس پاکستان جسٹس میاں ثاقب نثار کی سربراہی میں تین رکنی بنچ نے عوامی مسلم لیگ کے سربراہ شیخ رشید کی این اے 60 پر الیکشن ملتوی ہونے کے خلاف درخواست پر سماعت کی۔

    چیف جسٹس نے قومی اسمبلی کے حلقہ این اے 60 میں انتخابات ملتوی کیے جانے کے الیکشن کمیشن کے فیصلے کو کالعدم قرار دیتے ہوئے قانون کے مطابق ضمنی انتخاب کا حکم دے دیا۔

    جس کے بعد درخواست گزار شیخ رشید نے اپنی درخواست واپس لے لی۔

    اس موقع پر شیخ رشید نے کہا کہ ساری قوم کی طرف سے آپ کی عظمت کو سلام پیش کرتاہوں، آپ عظیم انسان ہیں، اللہ کے بعد ملک میں الیکشن آپ نے کرائے۔

    چیف جسٹس نے ریمارکس دیئے کہ کہہ دیاتھا الیکشن ہرصورت ہوں گے ورنہ چیف جسٹس نہیں رہوں گا۔

    خیال رہے کہ این اے 60 میں عوامی مسلم لیگ کے سربراہ شیخ رشید مسلم لیگ ن کے امیدوار حنیف عباسی کے مدمقابل تھے۔


    مزید پڑھیں :  شیخ رشید کی این اے 60 کا الیکشن ملتوی کرنے پرسپریم کورٹ میں درخواست


    یاد رہے انسداد منشیات کی عدالت کی جانب سے ایفیڈرین کیس میں مسلم لیگ ن کے امیدوار حنیف عباسی کو قید کی سزا سنائے جانے کے بعد الیکشن کمیشن نے اس حلقے میں انتخاب ملتوی کردئے تھے، جس کے خلاف شیخ رشید نے سپریم کورٹ سے رجوع کیا تھا۔

    درخواست گزار نے موقف اختیار کیا گیا تھا کہ الیکشن امیدوارکی وفات کی صورت میں ملتوی کیے جا سکتے ہیں، الیکشن کمیشن کا فیصلہ الیکشن ایکٹ،آئینی آرٹیکلزکی خلاف ورزی ہے۔


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • پی ایس7ضمنی انتخاب: پیپلزپارٹی کا امیدوارکامیاب، فنکشنل لیگ دوسرے نمبرپر

    پی ایس7ضمنی انتخاب: پیپلزپارٹی کا امیدوارکامیاب، فنکشنل لیگ دوسرے نمبرپر

    گھوٹکی : صوبائی اسمبلی کے حلقہ پی ایس 7 گھوٹکی کے ضمنی الیکشن میں پیپلزپارٹی کے امیدوارعبدالباری پتافی فاتح قرار پائے ہیں، انہوں نے فنکشنل لیگ کے امیدوار عبدالمالک کو شکست دی، پی پی چیئرمین بلاول بھٹو نے قوم کو مبارکباد دی ہے۔

    تفصیلات کے مطابق گھوٹکی کے حلقہ پی ایس 7 میں ضمنی الیکشن کے لیے ووٹنگ کے بعد تمام 164پولنگ اسٹیشنز پر گنتی کا عمل مکمل ہوگیا ہے۔

    غیر حتمی اورغیرسرکاری نتائج کے مطابق پیپلزپارٹی کے امیدوارعبدالباری پتافی 4 ہزار 114 ووٹ لے کرپہلے نمبر پر جبکہ فنکشنل لیگ کے امیدوار عبدالمالک 36 ہزار 987 ووٹ لے کردوسرے نمبر پر رہے، ضمنی الیکشن کے لیے پولنگ صبح 8 بجے سے شروع ہوئی جو بغیر کسی وقفے کے شام 5 بجے تک جاری رہی۔

    نہ میر جو نہ پیر جو ووٹ بینظیر جو‘‘ بلاول بھٹو زرداری’’

    پیپلزپارٹی کے امیدوار کی کامیابی پر چیئرمین بلاول بھٹو زرداری نے عبدالباری پتافی اور عوام کو مبارکبا دیتے ہوئے کہا ہے کہ ایک بار پھر ثابت ہوگیا کہ’’نہ میر جو نہ پیر جو ووٹ بینظیر جو‘‘ سیاسی یتیموں کے ٹولے کو عبرتناک شکست عوام کی فتح ہے۔

    بلاول بھٹو کا اپنے بیان میں کہنا تھا کہ گھوٹکی ضمنی انتخاب 2018 کے انتخابات کا ٹریلر ہے، سندھ کے عوام نے عام انتخابات کا بھی فیصلہ دے دیا، فتوحات کا یہ سلسلہ اب ملک بھر میں جاری ہوگا۔

    انہوں نے کہا کہ پیپلز پارٹی کے تمام مخالفین کو اپنے وزن کا پتا چل گیا، سیاسی بونے اب توبہ کریں اور خواب دیکھنا چھوڑ دیں کیونکہ اب ملک میں صرف تیر چلےگا۔

    واضح رہے کہ گھوٹکی کے حلقہ پی ایس 7 میرپور ماتھیلو اور ڈہرکی کے علاقوں پرمشتمل ہے، حلقہ میں رجسٹرڈ ووٹرز کی کل تعداد ایک لاکھ 79 ہزار 843  ہے، جن کے لیے 164 پولنگ اسٹیشن بنائے گئے تھے۔

    پیپلز پارٹی اور فنکشنل لیگ سمیت 7 آزاد امیدواروں نے مقابلہ میں حصہ لیا، اس موقع پر سکیورٹی کے سخت انتظامات کیے گئے تھے، پولیس اہلکاروں سمیت رینجرز اور پاک فوج کے جوانوں کو تعینات کیا گیا تھا۔

    خیال رہے کہ رواں سال جنوری میں گھوٹکی سے منتخب ہونے والے رکن سندھ اسمبلی اور پیپلزپارٹی کے رہنما سردار احمد علی خان پتافی کے انتقال کے بعد یہ نشست خالی ہوئی تھی۔

  • ضمنی الیکشن لودھراں، مسلم لیگ (ن) فاتح، علی ترین ہار گئے

    ضمنی الیکشن لودھراں، مسلم لیگ (ن) فاتح، علی ترین ہار گئے

    لودھراں : جہانگیرترین کی نا اہلی کے بعد خالی ہونے والی قومی اسمبلی کی نشست 154 لودھراں میں ہونے والے ضمنی انتخاب میں شیر نے بَلے کو پچھاڑ دیا جب کہ تیر فضا میں اُڑان بھرنے سے پہلے ہی زمین بوس ہو گیا۔

    تفصیلات کے مطابق غیر حتمی اور غیر سرکاری نتائج کے تحت مسلم لیگ (ن) کے امیدوار پیراقبال شاہ ایک لاکھ 16 ہزار 590 ووٹ لے کر تحریک انصاف کی جیت لے اُڑے ہیں جب کہ تحریک انصاف کے علی ترین 91 ہزار 230 ووٹ ہی لے سکے.

    خیال رہے یہ نشست پی ٹی آئی کے سابق رکن قومی اسمبلی جہانگیر ترین کی نااہلی کے بعد خالی ہوئی تھی جس کے لیے پاکستان تحریک انصاف کے علی ترین، مسلم لیگ ن کے پیرسید اقبال شاہ، پیپلزپارٹی کے مرزا محمد علی بیگ اور ملک اظہر سندیلہ سمیت 10 امیدوار مدمقابل تھے۔

    ضمنی الیکشن میں پی ٹی آئی کے نوعمر علی خان ترین جو کہ جہانگیر ترین کے صاحبزادے بھی ہیں نے مسلم لیگ ن کے  سنیئر اور منجھے ہوئے امیدوار پیرسید اقبال شاہ کا ڈٹ کر مقابلہ کیا  اور حکومتی مشینری کو شکست دینے کے لیے کارکنان کو متحرک کیا اور سیاست میں نو وارد نوجوان علی ترین تجربہ کار سیاست دانوں کے مقابلے میں 91 ہزار سے زائد ووٹ لینے میں کامیاب رہے۔

    غیر سرکاری اور غیر حتمی نتائج کے بعد مسلم لیگ (ن) کے کارکنان کی بڑی تعداد مرکزی دفتر پر جمع ہو گئی اور ڈھول کی تھاپ و پارٹی ترانوں پر رقص کرکے اپنے خوشی کا اظہار کیا، اس موقع پر مٹھائی بھی تقسیم کی گئی جب کہ کچھ کارکنان نے قانون کو ہاتھ میں لیتے ہوئے ہوائی فائرنگ بھی کی۔

    ضمنی الیکشن کے لیے این اے 154 میں 4 لاکھ 31 ہزار ووٹرز رجسٹرڈ تھے جن کے لیے 338 پولنگ اسٹیشنز بنائے گئے ہیں جن میں سے 6 پولنگ اسٹیشنز کو حساس قرار دیا گیا تھا، ضمنی الیکشن میں پولنگ کا عمل شفاف رکھنے کے لیے پولیس کے 2 ہزار اور پاک فوج کے جوانوں نے سیکیورٹی کے فرائض انجام دیں۔


    جہانگیر ترین نا اہل قرار


    خیال رہے کہ سپریم کورٹ نے گزشتہ سال 15 دسمبر کو مسلم لیگ ن کے رہنما حنیف عباسی کی درخواست پر جہانگیر ترین کو آف شور کمپنی اور اس کے اثاثے چھپانے پر نااہل قرار دیا تھا۔


     خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہچانے کےلیے سوشل میڈیا پرشیئر کریں

  • عوام ووٹ کے ذریعے بتادیں کہ نوازشریف کی نااہلی منظورنہیں، مریم نواز

    عوام ووٹ کے ذریعے بتادیں کہ نوازشریف کی نااہلی منظورنہیں، مریم نواز

    لاہور : پاکستان مسلم لیگ(ن) کی رہنما اور سابق وزیر اعظم نواز شریف کی صاحبزادی مریم نواز نے کہا ہے کہ عوام کو اگر نوازشریف کی نااہلی کا فیصلہ منظور نہیں تو17ستمبر کو باہر نکلیں اور شیر پر مہر لگائیں۔

    ان خیالات کا اظہار انہوں نے لاہور کے حلقہ این اے 120 کی انتخابی مہم کے دوران میاں مرغوب احمد کی رہائش گاہ پر خواتین کنونشن سے خطاب کرتے ہوئے کیا۔

    مریم نواز نے کہا کہ ماضی میں ن لیگ کیخلاف سازش ہوئی، کبھی دھاندلی کا الزام لگا تو کبھی پانامہ اور پھر انجام اقامہ کے مذاق پر ہوا۔

    عوام کو اگر نااہلی کا فیصلہ منظور نہیں ہے تو وہ ضمنی انتخاب کے دن17ستمبر کو گھرسے باہر نکلیں اورشیرپرمہر لگائیں، وعدہ کریں کہ آپ گھروں سے نکلیں گے اور شیر پر مہر لگائیں گے۔

    مریم نواز کا مزید کہنا تھا کہ عوام نے مجھے محبت اور شفقت سے نوازا، حلقے کی عوام نے جس طرح مجھے سپورٹ کیا وہ میرے لئے سرمایہ حیات ہے اور میں اسے ساری زندگی نہیں بھلا سکتی، میری والدہ کی جیت کیلئے ووٹ ڈالیں اور ان کی مکمل صحت یابی کیلئے دعا کریں۔


    مزید پڑھیں: عمران خان چلے ہوئے کارتوس ہیں، مریم نواز


    انہوں نے کہا کہ ن لیگی خواتین میرے کیلئے سرمایہ حیات ہیں، کارکنان مخالفین کو بتا دیں کہ جس کے ساتھ بہن بیٹیاں کھڑی ہوں ان کو کوئی نہیں ہرا سکتا۔

    مریم نواز نے کہا کہ نواز شریف نے سی پیک سے ملک کو ترقی کی راہ پر گامزن کیا اور لوڈ شیڈنگ کاخاتمہ کیا، نواز شریف ہی وہ واحد لیڈر ہیں جو ملک کی تقدیر پلٹ سکتے ہیں۔

  • لاہوروالے کھلاڑیوں اورمداریوں کو بھگا دیں گے، مریم نواز

    لاہوروالے کھلاڑیوں اورمداریوں کو بھگا دیں گے، مریم نواز

    لاہور : سابق اور نااہل وزیراعظم نواز شریف کی صاحبزادی مریم نواز نے کہا ہے کہ سترہ ستمبر کو لاہور والے اپنے ووٹ کی طاقت سے کھلاڑیوں اور مداریوں کو بھگا دیں گے، اب مہروں کی سیاست نہیں چلے گی۔

    ان خیالات کا اظہار انہوں نے حلقہ این اے120میں انتخابی مہم کے دوران موہنی روڈ پر شہریوں سے خطاب کرتے ہوئے کیا، اس موقع پرلاہور کی سڑکوں پر لیگی رنگ چھا گیا۔

    مریم نواز این اے ایک سو بیس موہنی روڈ آئیں تو کارکنوں کا جوش قابل دید تھا، اپنے خطاب میں مریم نواز نے پی ٹی آئی پر کھل کر تنقید کی ان کا کہنا تھا کہ جب شیر دھاڑے گا تو کھلاڑی اور مداری میدان چھوڑ کر بھاگ جائیں گے، عوام اپنے ووٹ سے ثابت کردیں گے کہ نواز شریف ان کے دلوں میں بستے ہیں۔

    مریم نواز نے کہا کہ نواز شریف نے ملک کو ترقی کی راہ پر گامزن کیا، ملک کو ایٹمی طاقت بنایا اور سی پیک جیسے شاندار منصوبے کا کریڈٹ بھی نواز شریف کو جاتا ہے۔ انہوں نے کہا کہ چارسال سے آپ کے ووٹ کو کمزور کیاجارہاہے ،اب مخالفین کا کڑا احتساب ہو گا۔

  • جوبھی کرپشن کودفناناچاہتا ہےوہ این اے120 کےالیکشن میں حصہ لے‘ شاہ محمود قریشی

    جوبھی کرپشن کودفناناچاہتا ہےوہ این اے120 کےالیکشن میں حصہ لے‘ شاہ محمود قریشی

    ملتان: تحریک انصاف کے رہنما شاہ محمود قریشی کا کہنا ہے کہ این اے120 کے ضمنی الیکشن میں عوام کےذریعے پی ٹی آئی کا ایک ایک کارکن مقابلہ کرے گا۔

    تفصیلات کےمطابق پاکستان تحریک انصاف کے رہنما شاہ محمود قریشی کا کہنا ہے کہ این اے120 کا الیکشن نظریےکا الیکشن ہے جوبھی کرپشن کودفنانا چاہتا ہےوہ اس الیکشن میں حصہ لے۔

    شاہ محمود قریشی کا کہنا ہے کہ این اے 120 کے ضمنی الیکشن میں سرکاری وسائل کا بے دریغ استعمال کرکے الیکشن کمیشن کے ضابطہ اخلاق کی خلاف ورزی کی جارہی ہے۔

    تحریک انصاف کے رہنما کا کہنا تھا کہ پی ٹی آئی کی مرکزی قیادت کا این اے120 میں داخلہ بند کردیا گیا ہے۔

    شاہ محمود قریشی کا کہنا ہے کہ امریکہ بھارت کے ساتھ مل کر پاکستان کو سفارتی سطح پر تنہا کرنا چاہتا ہے لیکن ہم امریکہ اور بھارت کو اس کا بھرپور جواب دیں گے۔


    این اے 120: جس نے ن لیگ کو ووٹ دیا وہ پاکستان کے ساتھ نہیں،عمران خان


    یاد رہے کہ گزشتہ روز چیئرمین پاکستان تحریک انصاف عمران خان نے کہا تھا کہ این اے 120 کے ووٹرز پر ملکی تقدیر بدلنے کی بھاری ذمہ داری ہے یہ تاریخ ساز الیکشن ہیں۔

    واضح رہے کہ تحریک انصاف کے سربراہ کا کہنا تھا کہ عدالتی فیصلے کے بعد مسلم لیگ (ن) کے امیدوار کو ووٹ دینے کا مطلب آپ پاکستان کے ساتھ نہیں کھڑے ہیں اور عوام کو فیصلہ کرنا ہے آپ کو کس طرح کا پاکستان چاہیے۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔