Tag: by election

  • این اے 246: ڈاکٹر فاروق ستار نے الیکشن کیلئےآزاد مبصرین کا مطالبہ کردیا

    این اے 246: ڈاکٹر فاروق ستار نے الیکشن کیلئےآزاد مبصرین کا مطالبہ کردیا

    کراچی : متحدہ قومی مومنٹ نےاین اے دوسوچھیالیس میں الیکشن کےلئےآزادمبصرین کامطالبہ کردیا۔ اس سسلے میں ایم کیو ایم کے رہنماء فاروق ستارکا کہنا ہے کہ عوام کےمینڈیٹ پرڈاکہ ڈالنے کی کوشش ہوئی توالیکشن کمیشن ذمہ دارہوگا۔

    تفصیلات کے مطابق انتخابی معرکےکےمیدان میں اترنے سے چند گھنٹے پہلےایم کیوایم کےامیدوارکنورنوید  اپنےدوسینئرساتھیوں کےساتھ پریس کانفرنس کےمیدان میں اترے۔

    ڈاکٹرفاروق ستارنےکہا کہ دوسری جماعتوں کی فرمائشیں پوری کی گئیں،ایم کیوایم کاایک جائزہ مطالبہ بھی نہیں مانا جارہا ہے۔

    انہوں نے مطالبہ کیا کہ الیکشن کاعمل دیکھنےکےلئےآزاد مبصرین کومدعوکیا جائے،عوامی مینڈیٹ پرڈاکا ڈالا گیا توالیکشن کمیشن ذمہ دارہوگا۔

    فاروق ستارنےکہا کہ ایم کیوایم پرگھوسٹ پولنگ اسٹیشن بنانےاورزبردستی شناختی کارڈرکھوانےکاالزام لگایا جارہا ہے۔ الزام سچےہیں توایف آئی آرکٹوائی جائے ورنہ الیکشن ہارنے کے بعد کیا کوئی نیاعدالتی کمیشن بنوایاجائےگا۔

    وسیم اخترنےاصلی شناخت کارڈ ہروقت ساتھ رکھنےکی ہدایت پربھی اعتراض کیا، ایم کیوایم رہنماؤں کا کہنا تھا کہ بےبنیاداورگمراہ کن الزامات بھی ضابطہ اخلاق کی خلا ف ورزی ہے۔ الیکشن کمیشن کونوٹس لینا چاہئیےتھا۔

  • این اے 246: کنور نوید اور عمران اسماعیل ووٹ نہیں ڈال سکتے

    این اے 246: کنور نوید اور عمران اسماعیل ووٹ نہیں ڈال سکتے

    کراچی : ایم کیو ایم کے کنور نوید اور پی ٹی آئی کے عمران اسماعیل اپنا ووٹ نہیں ڈال سکیں گے۔

    تفصیلات کے مطابق قومی اسمبلی کے حلقہ این اے 246 کے ضمنی انتخاب کیلئے نامزد متحدہ قومی مومنٹ اور پاکستان تحریک انصاف کےامیدواران کنور نوید جمیل اور عمران اسماعیل میں ایک بات مشترک ہے کہ مذکورہ دونوں حضرات 23 اپریل ضمنی الیکشن کے روز اپنا ووٹ کاسٹ نہیں کر سکتے۔

    کیونکہ کنور نوید جمیل کا ووٹ این اے 219 حیدرآباد اور عمران اسماعیل کا ووٹ این اے 250 ڈیفینس میں رجسٹرڈ ہے۔

    واضح رہے کہ 23 اپریل کو ہونے والے ضمنی انتخاب میں متحدہ قومی موومنٹ کے کنور نوید جمیل، پی ٹی آئی کے عمران اسماعیل ، اور جماعت اسلامی کے راشد نسیم سمیت دیگر گیارہ امیدوار مدمقابل ہوں گے۔

    پریزائیڈنگ افسران کو انتخابی مٹیریل کی ترسیل کا آغاز ہوگیا ہے ، آج رات بارہ بجے انتخابی مہم ختم ہوتے ہی الیکشن کمیشن کے حکام پولیس اور رینجر ز ، تمام پولنگ اسٹیشنز پر کنٹرول سنبھال لیں گے ۔

    انتخابی مٹیریل کی ترسیل کیلئے متعلقہ پریزائیڈنگ افسران کو انتہائی سخت نگرانی اور سیکیورٹی میں انتخابی مٹیریل فراہم کیا جارہا ہے ۔

    جبکہ بیلٹ بکس اور بیلٹ پیپر 23 اپریل کی صبح رینجرز اور الیکشن کمیشن حکام کی نگرانی میں متعلقہ پولنگ اسٹیشنز کو فراہم کیے جائیں گے۔

  • ضمنی الیکشن پولیس اور رینجرز کی نگرانی میں ہوگا،  قائم علی شاہ

    ضمنی الیکشن پولیس اور رینجرز کی نگرانی میں ہوگا، قائم علی شاہ

    کراچی : ضمنی الیکشن کے موقع پر ایم کیو ایم اور تحریک انصاف سیاسی تدبر کا مظاہرہ کرے، ان خیالات کا اظہار وزیراعلیٰ سندھ سید قائم علی شاہ نے اپنے ایک بیان میں کیا۔

    تفصیلات کے مطابق وزیراعلیٰ سندھ سید قائم علی شاہ نے کہا ہے کہ کراچی کے حلقہ این اے 246 میں ضمنی الیکشن پولیس اور رینجرز کی نگرانی میں  منعقد ہوں گے۔

    ایم کیو ایم اور تحریک انصاف سیاسی تدبر کا مظاہرہ کرے۔اپنے ایک بیان میں وزیراعلیٰ سندھ سید قائم علی شاہ کا کہنا تھا کہ کراچی کے حلقہ این اے 246 کے دوران پولیس اور رینجرز اہلکار تعینات کئے جائیں گے۔

    انہوں نے رینجرز اور پولیس کو شفاف، آزادانہ اور منصفافانہ انتخابات کو یقینی بنانے کی ہدایت بھی کی ہے۔

    وزیراعلیٰ سندھ کا کہنا تھا کہ رینجرز اور پولیس نے کراچی میں امن قائم کیا ہے۔ ایم کیو ایم اور پی ٹی آئی سیاست میں برداشت کا مظاہرہ کریں۔

  • میرپورایل اے3ضمنی الیکشن،غیر حتمی نتائج کے مطابق پی ٹی آئی کامیاب

    میرپورایل اے3ضمنی الیکشن،غیر حتمی نتائج کے مطابق پی ٹی آئی کامیاب

    میرپور: آزاد کشمیر میں ضمنی انتخابات میں پیپلز پارٹی اور تحریک انصاف کے درمیان کانٹے کا مقابلہ ہوا، جس میں پاکستان تحریک انصاف کے امیدوار بیرسٹر سلطان محمود چوہدری نے میدان مارلیا، عمران خان نے بیرسٹر سلطان محمود چوہدری کو کامیابی پرمبارکباد دی ہے۔

    پی ٹی آئی کے امیدوار بیرسٹر سلطان محمود نے مدمقابل پیپلز پارٹی کے امیدوار چوہدری محمد اشرف سے کانٹے کے مقابلے کے بعد کامیابی حاصل کرلی، بیرسٹر سلطان محمود نے غیرحتمی اور غیر سرکاری نتائج کے مطابق پندرہ ہزار چھ سو اکیانوے ووٹ حاصل کئے، چوہدری محمد اشرف بارہ ہزار آٹھ سو ووٹ لےکر دوسرے نمبر پر رہے۔

    پی ٹی آئی کے امیدوار کی کامیابی پر کارکنان نے جشن منایا، بھنگڑے ڈالے اور ہوائی فائرنگ کی۔

     تحریک انصاف کے چیئرمین عمران خان نے بیرسٹر سلطان محمود کو جیت کی مبارکباد دیتے ہوئے کہا کہ پیپلز پارٹی اور ن لیگ کو شکست دے کر ایک بال پر دو وکٹیں گرادی ہیں۔ان کاکہنا تھاکہ تحریک انصاف نائن زیرو سے بھی جیت کر دکھائے گی۔

    واضح رہے کہ میرپور آزاد کشمیر میں پولنگ وقت کے مطابق شروع ہوئی اور مقررہ وقت پر اختتام پذیر ہوئی، پولنگ صبح آٹھ بجے شروع ہوئی جو شام پانچ بجے تک جاری رہی ،اکیاسی پولنگ اسٹیشنز کو انتہائی حساس قرار دیا گیا ہے، جبکہ بارش بھی کارکنوں کے جوش کو کم نہ کرسکی۔

  • آزاد کشمیر کے حلقہ ایل اے 3 میں ضمنی انتخاب، ووٹنگ جاری

    آزاد کشمیر کے حلقہ ایل اے 3 میں ضمنی انتخاب، ووٹنگ جاری

    میرپور آزاد کشمیر: حلقہ ایل اے 3 میرپور آزاد کشمیر میں آج ضمنی انتخاب ہورہا ہے۔ ووٹنگ کے دوران سیکیورٹی کیلئے انتظامات کو حتمی شکل دے دی گئی ۔ووٹرز اپنا حق رائے دہی استعمال کررہے ہیں۔

    تفصیلات کے مطابق میرپور آزاد کشمیر کے حلقہ ایل اے تھری میں آج ضمنی انتخاب کی پولنگ جاری ہے۔ ووٹنگ کے دوران سیکیورٹی کیلئے انتظامات کیے گئے ہیں۔

    آزاد کشمیر قانون ساز اسمبلی کے حلقہ ایل اے تھری میرپور میں ضمنی انتخاب کے دوران پولنگ کا عمل جاری ہے۔ تحریک انصاف کے بیرسٹر سلطان محمود اور پیپلز پارٹی کے چودھری اشرف کے درمیان سخت مقابلہ متوقع ہے۔

    ایل اے تھری میر پور کی نشست بیرسٹر سلطان محمود کے استعفے کے باعث خالی ہوئی تھی۔ حلقے میں بیرسٹر سلطان محمود پی ٹی آئی چودھری محمد اشرف پیپلز پارٹی ، انجنئیر نعمان اکرم جماعت اسلامی کے امیدوار ہیں۔ آزاد امیدوار اعجاز احمد رضا بھی میدان میں ہیں ۔

    پولنگ صبح آٹھ بجے شروع ہوئی جو شام پانچ بجے تک جاری رہے گی ۔ اکیاسی پولنگ اسٹیشنز کو انتہائی حساس قرار دیا گیا ہے۔

    ایس ایس پی ضلع میرپور راجہ عرفان سلیم کا کہنا ہے کہ ضمنی انتخاب کے لیے سیکیورٹی کے فول پروف انتظامات کئے گئے ہیں۔

    شہرکے داخلی ا ور خارجی راستے مکمل طور پر سیل ہیں ۔قانون شکنی کرنیوالوں کے خلاف بھرپور کارروائی ہوگی۔

  • ضمنی الیکشن این اے246:ایم کیو ایم پی ٹی آئی آمنے سامنے

    ضمنی الیکشن این اے246:ایم کیو ایم پی ٹی آئی آمنے سامنے

    کراچی: تحریک انصاف نے کراچی کے این اے دوسو چھیالیس سے ضمنی انتخاب لڑنے کا فیصلہ کرلیا ہے۔

    تفصیلات کے مطابق ایم کیو ایم کے مرکز نائن زیرو پر رینجرز کے چھاپے کے بعد پی ٹی آئی نے متحدہ کے گڑھ سے ضمنی الیکشن میں حصہ لینے کافیصلہ کرلیا۔

    پی ٹی آئی ذرائع کا کہنا ہے کہ این اے دوسو چھیالیس پر ہونے والے ضمنی الیکشن میں حصہ لینے کے لئے تحریک انصاف کے رہنماؤں عمران اسماعیل ،نازیہ ربانی اور فردوس نقوی اور دیگر کے کاغذات نامزدگی وصول کرلئے ہیں۔

    لیکن حتمی امیدوار کا فیصلہ نہیں کیا گیا ہے۔ ذرائع کا کہنا ہے کہ منگل کو امیدواروں کے ناموں کا اعلان متوقع ہے۔این اے دوسو چھیالیس کی نشست سابق ایم کیوایم کے رہنما نبیل گبول کے مستعفی ہونے کے بعد خالی ہوئی تھی۔

  • سندھ ، پنجاب کوبلدیاتی انتخابات کیلئے سپریم کورٹ کی ڈیڈلائن

    سندھ ، پنجاب کوبلدیاتی انتخابات کیلئے سپریم کورٹ کی ڈیڈلائن

    اسلام آباد: سپریم کورٹ نے الیکشن کمیشن کو بارہ فروری تک بلدیاتی انتخابات کی حتمی تاریخ جاری کرنے کا حکم دیدیا ہے۔

    سپریم کورٹ میں چیف جسٹس ناصرالملک کی سربراہی میں بلدیاتی انتتخابات سے متعلق مقدمے کی سماعت ہوئی، عدالت نےالیکشن کمیشن کواگلی سماعت پر انتخابات کا حتمی شیڈول دینےکا حکم دیدیا جبکہ کنٹونمنٹ ایریاز میں میں انتخابات کےلئے سات روز میں قانون سازی کی ہدایت کی۔

    چیف جسٹس نے ریمارکس دیئےکہ حکومت سندھ اور پنجاب انتخابات کروانا ہی نہیں چاہتیں۔

    عدالت نے کہا کہ کمیشن آئندہ سماعت پر سندھ اور پنجاب میں بلدیاتی انتخابات کیلئے حلقہ بندیوں سے متعلق انتظامات مکمل کرے ، بینچ نے سماعت بارہ فروری تک ملتوی کرتے ہوئے واضح ہدایت کی یہ آخری موقع ہے، آئندہ سماعت پر کوئی عذر قبول نہیں ہوگا۔

    گزشتہ سماعت میں سپریم کورٹ نے سندھ اور پنجاب کی حکومتوں کو بلدیاتی انتخابات کے حوالے سے تیاریوں کے لئے ایک ماہ کی مہلت دی تھی، سماعت میں الیکشن کمیشن نے سندھ اور پنجاب میں بلدیاتی انتخابات سے متعلق رپورٹ جمع کرائی۔

    جس میں عدالت کو یقین دلایا گیا کہ دونوں صوبائی حکومتیں بلدیاتی انتخابات کے لئے جلد حلقہ بندیوں کے لئے اقدامات کریں گی

    عدالت نے سندھ اور پنجاب میں بلدیاتی انتخابات کی تیاریوں کے لئے ایک ماہ کی مہلت دیتے ہوئے کیس کی سماعت 8 جنوری تک کے لئے ملتوی کردی تھی۔

  • بھکر:ضمنی الیکشن میں انعام اللہ خان نیازی کامیاب

    بھکر:ضمنی الیکشن میں انعام اللہ خان نیازی کامیاب

    بھکر: ضمنی انتخابات میں آزاد امیدوارانعام اللہ نیازی کامیاب رہے،پی پی اڑتالیس میں غیر حتمی اور غیر سرکاری نتائج کے مطابق انعام اللہ نیازی سے معمولی فرق سے سبقت لے گئے۔

    ان کامدمقابل امیدوار احمد نوازخان سے کانٹے کامقابلہ رہا۔ جبکہ طاہرالقادری کے امیدوار نظرعباس زیادہ اچھی کارکردگی نہ دکھاسکے۔ ووٹوں کی گنتی کے دوران امیدواروں کے حامیوں میں سخت کشیدگی رہی۔

    کم فرق کی وجہ سے الیکشن کمیشن سے دوبارہ گنتی کرائی گئی لیکن نتیجہ پھر بھی وہی رہا، جیتنے والے امیدوار کےحامیوں نے خوشی میں بھنگڑے ڈالے اور آتش بازی کی ۔

  • بکھرضمنی الیکشن: بد نظمی کے سائے میں ووٹنگ جاری

    بکھرضمنی الیکشن: بد نظمی کے سائے میں ووٹنگ جاری

    بھکر: ضمنی انتخاب کے دوران قانون کی دھجیاں اڑا دی گئیں اوربدنظمی بھی عروج پرہے۔ تفصیلات کے مطابق بھکرکے حلقہ پی پی اڑتالیس میں ووٹنگ صبح نوبجے سے جاری ہے۔

    کسی پولنگ اسٹیشن سے بدنظمی کی شکایات  مل رہی ہیں توکہیں بوگس ووٹ کاسٹ ہورہے ہیں ، اس کے علاوہ دھاندلی کے الزامات بھی منظرِعام پرآرہے ہیں۔

    الیکشن کےلئے انتخابی عملے کوکوئی تربیت ہی نہیں دی گئی۔ عملے کی تعیناتی کا عمل بھی صرف دوروز پہلے سرانجام دیا گیا۔پولنگ اسٹیشنزپرآنے والی خواتین ووٹرزکا کہنا ہے کہ ایک ووٹردودوبارووٹ کاسٹ کررہا ہے جبکہ بوتھ ہونے کے باوجودخلافِ قانون کھلےعام ووٹ ڈالے جارہے ہیں۔

    یہ نشست مسلم لیگ ن کےایم پی اےنجیب اللہ خان کی وفات کےبعد خالی ہوئی تھی۔

  • مسلم لیگ ن فوج کو سہولت کار اور تحریک انصاف ضمانتی بنانا چاہتی تھی، جاوید ہاشمی

    مسلم لیگ ن فوج کو سہولت کار اور تحریک انصاف ضمانتی بنانا چاہتی تھی، جاوید ہاشمی

    ملتان: جاوید ہاشمی کہتے ہیں کہ فوج کو سیاست میں لانے کی خواہش عمران کی تھی، دھرنے کی سیاست ناکام ہوچکی، سیاسی سفر جاری رکھوں گا،یوسف رضا گیلانی کا کہنا ہے کہ ہم تشدد کی سیاست کے حامی نہیں۔

    سابق وزریراعظم یوسف رضاگیلانی نے ملتان میں جاویدہاشمی سے ملاقات کی۔ اس موقع پر میڈیا سے گفتگومیں یوسف رضا گیلانی نے کہا کہ نومبر کے بعد تحریک انصاف کے احتجاج میں تشدد آیا تو قبول نہیں کریں گے، ملٹری آپریشن انتہا پسندی کا مستقل حل نہیں ہے۔ یوسف رضا گیلانی کاکہناتھا کہ انتخابی اصلاحات کے بغیر آئندہ انتخابات نہ کرائے جائیں۔

    اس موقع پر جاوید ہاشمی کا کہنا تھا کہ آرمی چیف کا نام سیاسی معاملات میں نہیں آنا چاہیے تھا، حکومت سے ہونے والے مذاکرات میں شامل تھا جمہوری جدوجہد کے حق میں ہوں، عدالتوں کو اپنے فیصلوں میں جمہوریت کی معاونت کرنا چاہیے۔ موجودہ صورتحال میں عمران خان کے ساتھ تعاون کیا جائے، عمران خان کو ملکی سیاست سے آوٹ نہیں کیا جا سکتا۔