Tag: C – 130 plane

اسلام آباد: پاکستان سے مزید دو سی ون تھرٹی طیارے امدادی سامان لیکر نیپال پہنچ گئے۔ گذشتہ ہفتے کے زلزلے سے ہلاکتوں کی تعداد چھ ہزارچھ سو اکیس ہوگئی جبکہ چودہ ہزار سے زائد افراد زخمی ہیں۔

پاکستان کے دوسی ون تھرٹی طیارے امدادی سامان لے کر نیپال پہنچ گئے ہیں۔ امدادی سامان میں خیمے، دوائیں اور دیگر سامان شامل ہے، آٹھ پاکستانی ڈاکٹر بھی نیپال کے زلزلہ متاثرین کو طبی سہولتیں فراہم کرنے میں مصروف ہیں۔

وزیراعظم نوازشریف نے بیس ہزارخیمے نیپال بھجوانے کی ہدایت کی تھی، خیموں سے ایک لاکھ اسی ہزار متاثرین زلزلہ کی فوری رہائش کا بندوبست ہوسکے گا، کھنڈر زدہ کٹھمنڈو اور دیگر متاثرہ علاقوں میں امدادی کارروائیاں جاری ہیں۔

متاثرین نے امدادی کاموں کی سست رفتار پر غصے کا اظہار کیا ہے، کٹھمنڈو کے عارضی کیمپوں میں بیس ہزار سے زائد لوگ موجود ہیں، جہاں وبائی امراض پھوٹنے کا خدشہ ہے۔