ARYNews.tv | Urdu – Har Lamha Bakhabar

Tag: CAA employees

  • ائیرپورٹس آؤٹ سورسنگ : ملازمین سراپا احتجاج، اہم پیشرفت

    ائیرپورٹس آؤٹ سورسنگ : ملازمین سراپا احتجاج، اہم پیشرفت

    لاہور : سول ایوی ایشن اتھارٹی (سی اے اے) ملازمین کے ائیرپورٹس آؤٹ سورسنگ کے خلاف احتجاج کے معاملے میں اہم پیش رفت سامنے آئی ہے۔

    تفصیلات کے مطابق لاہور میں ہونے والے سول ایوی ایشن اتھارٹی کی آؤٹ سورسنگ کے حوالے وزیر ہوا بازی اور یونینز نمائندوں کے مابین اجلاس میں جزوی پیش رفت ہوئی ہے۔

    مذکورہ اجلاس میں فیصلہ کیا گیا کہ اسحاق ڈار کی سربراہی میں آؤٹ سورسنگ کے لئے قائم کابینہ کمیٹی سے نمائندوں کی یکم اگست کو ملاقات طے کی جائے گی۔

    اس حوالے سے ذرائع کا کہنا ہے کہ میٹنگ کے باوجود یونینز نمائندوں کی جانب سے ایئرپورٹس کی آؤٹ سورسنگ کے معاملے پر تحفظات اور خدشات برقرار ہیں۔

    اجلاس میں وزیر ہوا بازی خواجہ سعد رفیق، سیکرٹری ایوی ایشن ڈویژن اور ڈی جی سی اے اے شریک تھے۔

    وزیر ہوا بازی نے کراچی ایئرپورٹ پر ملازمین کی احتجاجی ریلی کے بعد آج کے لئے یونینز نمائندوں کو لاہور میں ملاقات کی دعوت دی تھی۔

    یونینز نمائندوں میں سیکرٹری جنرل اکائی سمیع اللہ و دیگر شریک تھے وزیر خزانہ اسحاق ڈار نے منگل کو کابینہ کمیٹی کا اہم اجلاس طلب کرلیا۔

    کابینہ اجلاس سے پہلے وزیر ہوا بازی خواجہ سعد رفیق نے سول ایوی ایشن ملازمین سے لاہور میں ملاقات کی اور ان کے مسائل پر تبادلہ خیال کیا۔

    میو گارڈن لاہور میں ہونے والی ملاقات میں خواجہ سعد رفیق کے ساتھ ڈی جی سول ایوی ایشن اتھارٹی خاقان مرتضی بھی شریک تھے

    سی اے اے کی اکاٸی اور جیکا یونینز کے وفد نے ملاقات میں ایک بار پھر ائیرپورٹس کی آوٹ سورسنگ کو مسترد کردیا۔

    ملاقات میں وزیر ہوابازی اور ڈی جی سول ایوی ایشن اتھارٹی نے یونینز کو بریفنگ دی۔ خواجہ سعد رفیق نے یونینز کو اپنے تحفظات تحریری طور پر آوٹ سورسنگ کی کابینہ کمیٹی میں پیش کرنے کی ہدایت کردی۔

    اسلام آباد میں آوٹ سورسنگ کی کابینہ کمیٹی وزیر خزانہ اسحاق ڈار کی سربراہی میں یونینز کے تحفظات سنے گی۔

    مزید پڑھیں : ایئرپورٹس کی آؤٹ سورسنگ، سی اے اے ملازمین میدان میں 

    کابینہ کمیٹی میں وفاقی وزیر نوید قمر، وزیر ہوا بازی خواجہ سعد رفیق کے علاوہ تین وفاقی وزراء اور ورلڈ بنک کے ادارے انٹرنیشنل فنانس کارپوریشن (آئی ایف سی) کمپنی کے نماٸندے شامل ہوں گے۔

    خواجہ سعد رفیق سے ملاقات میں یونینز نے تحفظات تحریری طور پر دور نہ ہونے تک احتجاجی تحریک جاری رکھنے کا اعلان کردیا۔

    خواجہ سعد رفیق نے ملازمین کے دیگر اہم مساٸل کے حل کے لٸے سیکرٹری ایوی ایشن کی سربراہی میں کمیٹی بھی بنادی۔

  • کار پارکنگ کا شیڈ اچانک گر پڑا، سی اے اے ملازمین بال بال بچ گئے

    کار پارکنگ کا شیڈ اچانک گر پڑا، سی اے اے ملازمین بال بال بچ گئے

    کراچی : سول ایوی ایشن اتھارٹی کے ہیڈ کوارٹر میں گاڑیوں کی پارکنگ کے ایک حصہ کا پارکنگ شیڈ اچانک گرگیا۔

    اس حوالے سے انتظامیہ کا کہنا ہے کہ بھاری بھرکم پارکنگ شیڈ گرنے سے سی اے اے ملازمین بھی بال بال بچ گئے، پارکنگ شیڈ جب گرا تو نیچے کوئی گاڑی کھڑی نہیں تھی۔

    سی اے اے ذرائع کے مطابق پارکنگ شیڈ ضروری مرمت اور دیکھ بھال نہ ہونے کے باعث زنگ لگنے خستہ ہوگیا تھا۔

    سی اے اے ہیڈ کوارٹرز میں گاڑیوں کی پارکنگ شیڈ کا بقیہ حصہ بھی خستہ حال ہے کسی بھی وقت گرسکتا ہے، پارکنگ شیڈ میں سی اے اے ملازمین کی گاڑیاں پارک کی جاتی ہیں۔

  • ایئر پورٹ پر مسافروں کو پروٹوکول دینے والے ملازمین اب بچ نہیں پائیں گے

    ایئر پورٹ پر مسافروں کو پروٹوکول دینے والے ملازمین اب بچ نہیں پائیں گے

    لاہور : علامہ اقبال انٹرنیشنل ائیرپورٹ پر مسافروں کوپروٹوکول دینے کی پابندی کے باوجود کچھ اہلکار مسافروں کو پروٹوکول دے رہے ہیں جن کیخلاف سی اے اے نے ایکشن لے لیا ہے۔

    تفصیلات کے مطابق علامہ اقبال انٹرنیشنل ائیرپورٹ لاہور میں سول ایوی ایشن اتھارٹی نے مسافروں کو پروٹوکول دینے والے ملازمین کیخلاف کارروائی کا فیصلہ کیا ہے۔

    اس حوالے سے ذرائع کا کہنا ہے کہ چیف آپریٹنگ آفیسر لاہور ائیرپورٹ نے مذکورہ ملازمین کے لئے وارننگ  جاری کردی ہے۔ سی او او لاہور ائیرپورٹ اختر مرزا کا کہنا ہے کہ ائیرپورٹ پر وفاقی حکومت کی پابندی کے باوجود کچھ اہلکار مسافروں کو پروٹوکول دے رہے ہیں جو کہ خلاف قانون ہے۔

    لاہور ائیرپورٹ مینجر نے بتایا کہ بعض سی اے اے اہلکار چھٹی والے دن بھی ائیرپورٹ آکر کچھ مسافروں کو خصوصی پروٹوکول دیتے ہیں، اس عمل کا نوٹس لیتے ہوئے سی اے اے اہلکاروں پر چھٹی والے دن ائیرپورٹ انٹری پاس کے استعمال پر پابندی لگائی جارہی ہے۔

    چیف آپریٹنگ آفیسر کا کہنا تھا کہ ائیرپورٹ ٹرمینل مینجر کی اجازت کے بغیر کوئی سی اے اے اہلکار کسی مسافر کو پروٹوکول دیتا ہوا پکڑا گیا تو سخت کارروائی کی جائے گی۔

    انہوں نے کہا کہ قانون کی خلاف ورزی کرنے والے سی اے اے اہلکار کا ائیرپورٹ انٹری کارڈ ضبط کرلیا جائے گا۔ واضح رہے کہ وفاقی حکومت نے کورونا وبا کے دوران ائیرپورٹس پر ہر طرح کے پروٹوکول پر پابندی عائد کر رکھی ہے۔

  • وزیراعظم کا ریلیف پیکج : سی اے اے ملازمین کو بڑی خوشخبری مل گئی

    وزیراعظم کا ریلیف پیکج : سی اے اے ملازمین کو بڑی خوشخبری مل گئی

    کراچی : وزیر اعظم عمران خان نے سول ایوی ایشن کے ملازمین کو بڑی خوشخبری سنادی، ان ملازمین کے کنٹریکٹ میں توسیع کا اعلان کردیا گیا ہے۔

    تفصیلات کے مطابق وزیراعظم پاکستان عمران خان کے پیکیج کے تحت سول ایوی ایشن ملازمین کے کنٹریکٹ میں ایک سال کی توسیع کردی گئی ہے۔

    اس حوالے سے ذرائع کا کہنا ہے کہ جن ملازمین کے کنٹریکٹ میں توسیع کی گئی ہے ان میں سی اے اے ٹریننگ سینٹر کٹائی حیدرآباد، جناح ٹرمینل اور لاہور ائر پورٹ کے ملازمین شامل ہیں۔

    اس کے علاوہ سی اے اے ملازمین میں جونیئر اسٹاف، اسسٹنٹ ایڈمن، اکاؤنٹ اسسٹنٹ اور اسسٹنٹ ائرٹریفک کنٹرولرز شامل ہیں۔ واضح رہے کہ سی اے اے ملازمین کے کانٹریکٹ رواں سال اور اگلے سال ختم ہورہے تھے۔

  • سی اے اے ملازمین کی ایمانداری، مسافر کا قیمتی سامان اس کے حوالے کردیا

    سی اے اے ملازمین کی ایمانداری، مسافر کا قیمتی سامان اس کے حوالے کردیا

    کراچی : سول ایوی ایشن کے ملازمین نے ایمانداری کی شاندار مثال قائم کرتے ہوئے مسافر کا قیمتی گمشدہ بیگ اس تک پہنچا دیا، پشاور ائیرپورٹ انتظامیہ نے ملازمین کیلئے تعریفی اسناد دینے کا اعلان کیا ہے۔

    تفصیلات کے مطابق پشاور ایئرپورٹ پر سی اے اے کے ویجلنس اسسٹنٹس شہزاد اور حنیف نے ایمانداری کا مظاہرہ کرتے ہوئے مسافر کا گمشدہ بیگ اس تک پہنچا دیا۔

    مذکورہ بیگ میں مسافر محمد یعقوب کی بیٹی کے جہیز کا سامان بھی تھا، سامان میں سات تولہ سونا،3600عرب امارات کی کرنسی، ایک عدد آئی فون اور دیگر قیمتی اشیاء شامل تھیں۔

    گمشدہ بیگ کو پشاور ایئرپورٹ کی سول ایوی ایشن اتھارٹی انتظامیہ کی موجودگی میں مالک کے حوالے کیا گیا، مسافر غیر ملکی ائیر لائن کی پرواز سے راس الخیمہ سے پشاور پہنچا تھا۔

    سی اے اے کے عملے ائیر لائن سے معلومات حاصل کرنے کے بعد اسے تلاش کیا۔ مسافر محمد یعقوب سوات کا رہنے والا تھا، مسافر نے قیمتی سامان ملنے اور عملے کی ایمانداری پر سی اے اے انتظامیہ کا شکریہ بھی ادا کیا، پشاور ائیرپورٹ انتظامیہ نے ویجیلنس کے عملے کو ایمانداری اور فرض شناسی پر تعریفی اسناد بھی دینے کا اعلان کیا ہے۔