قاہرہ: مصر میں گرد و غبار کے طوفان سے 2 افراد جاں بحق ہوگئے، طوفان سے بل بورڈ سڑکوں پر گر گئے جبکہ ٹریفک بھی متاثر ہوا۔
اردو نیوز کے مطابق مصر کے دارالحکومت قاہرہ میں جمعے کو گرد و غبار کے طوفان سے معمولات زندگی درہم برہم ہوگئے، طوفان کے دوران 2 افراد کے جاں بحق ہونے کی اطلاع ہے۔
مصر کی وزیر ماحولیات یاسمین فواد کا کہنا تھا کہ گرد و غبار کے طوفان سے ہوا دس گنا زیادہ آلودہ ہوگئی اور سڑکوں پر بل بورڈز گر گئے۔
قاہرہ کے مرکزی علاقے میں پل سے گزرنے والی گاڑی اور موٹر سائیکل بل بورڈ آ گرا، ایک شہری ہلاک اور پانچ زخمی ہوگئے۔
Of course my first day in Egypt the weather has to be dramatic. It was very windy and it even rained! Never seen it rain here during the summer time. #Sandstorm #DustStorm #Haboob
Fun fact, haboob is the meteorological term for sandstorm pic.twitter.com/IeT8bTpWVK
— Yasser A. Kishk (@yakishk) June 1, 2023
مشرقی مصر کے شہر العاشر من رمضان میں سائن بورڈ گرنے سے ایک خاتون انجینیئر کے ہلاک ہونے کی اطلاع ہے۔
قاہرہ کے علاوہ مصر کی مختلف کمشنریاں بھی گرد و غبار کے طوفان سے متاثر ہوئی ہیں، سوشل میڈیا پر ویڈیوز وائرل ہیں۔
دھند اور بارش کے ساتھ گرد و غبار کے باعث حد نگاہ کم ہوگئی، شہر کا آسمان گرد و غبار سے ڈھکا رہا اور خراب موسم کے باعث ٹریفک کی روانی میں بھی خلل پڑا ہے۔
مصری پارلیمنٹ میں المصری پارٹی کے پارلیمانی بورڈ کے سربراہ ایہاب منصور نے بل بورڈز سے ہونے والے نقصانات پر بحث کا مطالبہ کیا ہے، گرد و غبار کے طوفان سے عظیم قاہرہ، الوجہ البحری، شمال مغربی ساحل اور السعید کا شمالی علاقہ متاثر ہوا ہے۔
