ARYNews.tv | Urdu – Har Lamha Bakhabar

Tag: california

  • کیلی فورنیا میں مسجد نذر آتش، ایک شخص زخمی

    کیلی فورنیا میں مسجد نذر آتش، ایک شخص زخمی

    واشنگٹن : امریکی ریاست کیلی فورنیا میں سفید فام نسل پرست نے مسجد کو نذر آتش کردیا تاہم آتشزدگی کے واقعے میں کوئی جانی نقصان نہیں ہوا۔

    تفصیلات کے مطابق امریکی ریاست کیلی فورنیا کے جنوبی علاقے میں واقع دارالارقم مسجد پر نامعلوم نسل پرست دہشت گردوں نے حملہ کرکے نذر آتش کردیا تاہم مسجد میں موجود افراد نے اہنی مدد آپ کے تحت آگ پر قابو پایا جس کے باعث مسجد کو زیادہ نقصان نہیں پہنچا۔

    مقامی خبر رساں ادارے کا کہنا ہے کہ اتوار کی صبح مسجد کو نذر آتش کرنے والے دہشت گرد نے مسجد کی دیوار پر اسپرے سے نیوزی لینڈ میں مسجد پر حملے کا حوالہ بھی دیا جس میں 50 مسلمان بے گناہ شہید کیے گئے تھے۔

    میڈیا کو واقعے کی تفصیلات سے آگاہ کرتے ہوئے ایسکونڈیڈو کے پولیس ترجمان کا کہنا تھا کہ مقامی اور وفاقی حکومت واقعے کی تحقیقات نفرت آمیز اور نسل پرستی کی بنیادوں پر کررہے ہیں تاہم پولیس ترجمان نے یہ نہیں بتایا کہ حملہ آور سے اسپرے سے لکھا کیا ہے۔

    غیر ملکی خبر رساں ادارے کا کہنا ہے کہ مسجد میں صبح 3 بجے ہونے والی آتشزدگی کے دوران ایک شخص زخمی ہوا جبکہ دارالارقم مسجد کے بیرونی حصّے کو نقصان پہنچا۔

    میڈیا ذرائع کا کہنا ہے کہ کیلی فورنیا پولیس ابھی تک واقعے میں ملوث ملزمان کو شناخت اور گرفتار کرنے میں ناکام رہی ہے۔

    پولیس ترجمان نے میڈیا کو بتایا کہ مسجد پر آتشزدگی کے حملے کے فوراً بعد رات بھر میں مسجد میں عبادت کرنے والے افراد نے فوری طور پر آگ بجھائی جس کے باعث صرف مسجد کے بیرونی حصّے کو نقصان۔

    مزید پڑھیں : نیوزی لینڈ کی 2 مساجد میں فائرنگ‘ 49 افراد جاں بحق

    یاد رہے کہ رواں ماہ 15 تاریخ کو نیوزی لینڈ کے تیسرے بڑے شہر کرائسٹ چرچ میں سفید فام نسل پرست دہشت گرد نے دو مساجد پر نماز جمعہ کے دوران دو مساجد پر حملے کرکے پچاس نمازیوں کو شہید جبکہ درجنوں کو زخمی کردیا تھا۔

  • کیلی فورنیا میں طیارہ گرکر تباہ‘ 2 افراد ہلاک

    کیلی فورنیا میں طیارہ گرکر تباہ‘ 2 افراد ہلاک

    کیلی فورنیا: امریکی ریاست کیلی فورنیا میں چھوٹا طیارہ گرکر تباہ ہوگیا، حادثے میں دوافراد ہلاک اور دوزخمی ہوگئے۔

    تفصیلات کے مطابق امریکی ریاست کیلیفورنیا کے رہائشی علاقے میں طیارہ گرنے سے ایک گھر میں آگ لگی گئی جس کے نتیجے میں 2 افراد جان کی بازی ہار گئے۔

    افسوس ناک واقعے کی اطلاع ملتے ہی ریسکیو اہلکار جائے وقوعہ پر پہنچے اور گھر میں لگی آگ پر قاپو پایا، حادثے میں زخمی ہونے والے افراد کو طبی امداد کے لیے اسپتال منتقل کردیا گیا۔

    پولیس حکام کا کہنا ہے کہ طیارہ گرنے کی وجوہات فوری طور پرسامنے نہیں آسکی ہیں تاہم واقعے کی تفتیش شروع کردی ہے۔

    امریکا میں طیارہ گرنے سے 6 افراد ہلاک

    یاد رہے کہ گزشتہ سال 11 اپریل کو امریکی ریاست ایریزونا میں پی جی ٹور کے گالف کورس کے قریب چھوٹا طیارہ گرکر تباہ ہوگیا تھا جس کے نتیجے میں 6 افراد ہلاک ہوگئے تھے۔

    پولیس حکام کے مطابق طیارے کو حادثہ مقامی وقت کے مطابق رات 8 بجکر 45 منٹ پرپیش آیا تھا، طیارے میں 6 افراد سوار تھے۔

    امریکا کا جنگی طیارہ ایف 35 حادثے کا شکار، پائلٹ محفوظ

    واضح رہے کہ 29 ستمبر2018 کو امریکی ریاست کیرولینا کے جنوبی علاقے میں بیوفورٹ کاؤنٹی میں امریکی فورسز کا جدید ترین جنگی طیارہ ایف 35 مرین ایئراسٹیشن کے قریب حادثے کا شکار ہوگیا تھا، تاہم خوش قسمتی سے طیارے کا پائلٹ خوفناک حادثے میں محفوظ رہا تھا۔

  • کیلیفورنیا: ’باؤلنگ گیم‘ کی عمارت میں فائرنگ، 3 افراد ہلاک،4 زخمی

    کیلیفورنیا: ’باؤلنگ گیم‘ کی عمارت میں فائرنگ، 3 افراد ہلاک،4 زخمی

    واشنگٹن : امریکی ریاست کیلیفورنیا میں واقع تفریحی عمارت میں نامعلوم شخص کی اندھا دھند فائرنگ سے تین افراد ہلاک چار زخمی ہوگئے۔

    تفصیلات کے مطابق امریکی ریاست کیلیفورنیا کے شہر ٹورینس میں باؤلنگ گیم کی جگہ پر نامعلوم مسلح ملزم نے اچانک اندھا دھند فائرنگ کردی جس کے باعث تین افراد ہلاک متعدد زخمی ہوئے ہیں۔

    غیر ملکی خبر رساں ادارے کا کہنا تھا کہ افسوس ناک حادثہ ’گیبل ہاؤس باؤل‘ میں آیا جہاں شہری باؤلنگ گیم کھیلتے تھے۔

    ٹورینس پولیس نے سماجی رابطے کی ویب سایٹ فیس بک پر پیغام دیا کہ ’گیبل ہاوس باؤل‘ میں فائرنگ کی زد میں آنے والے افراد کو فوری طور پر اسپتال منتقل کردیا گیا ہے جہاں انہیں طبی امداد فراہم کی جارہی ہے۔

    مقامی خبر رساں ادارے کا کہنا ہے کہ حادثے میں زخمی ہونے والے دو افراد کی حالت تشویش ناک بتائی جارہی ہے۔

    امریکی خبر رساں ادارے کا کہنا ہے کہ پولیس نے گیبل ہاؤس باؤل میں فائرنگ والے علاقے سے لوگوں کو دور رہنے کی ہدایت کرتے ہوئے میڈیا کو بتایا کہ جائے وقوعہ کا گھیراؤ کرکے امدادی کاموں کا آغاز کردیا گیا ہے۔

    پولیس نے تاحال فائرنگ کرنے کی وجہ اور ملزم سے متعلق کوئی اطلاع فراہم نہیں کی ہے، پولیس کا کہنا ہے کہ تحقیقات جاری ہیں اور تفتیش مکمل ہونے پر حادثے کی وجوہات کی وجوہات سے میڈیا کو آگاہ کیا جائے گا۔

    خیال رہے کہ ٹورینس شہر لاس اینجلیس سے محض 32 کلومیٹر کے فاصلے پر واقع ہے۔

    مزید پڑھیں : امریکا: شاپنگ مال میں فائرنگ، 2 افراد زخمی، حملہ آور ہلاک

     یاد رہے کہ گزشتہ برس 21 نومبر کو امریکی ریاست الاباما کے شاپنگ مال میں فائرنگ کا واقعہ پیش آیا جس کے نتیجے میں 2 افراد زخمی ہوئے  تھے جبکہ پولیس اہلکار نے بروقت کارروائی کرتے ہوئے 18 سالہ حملہ آور کو ہلاک کردیا تھا۔

    امریکی میڈیا کی رپورٹ کے مطابق حملہ آور الاباما کے علاقے ہوور میں واقع ریوچیس گیلیرا شاپنگ مال میں داخل ہوا تھا اور اُس نے اندھا دھند فائرنگ شروع کردی تھی۔

    رپورٹ کے مطابق شاپنگ سینٹر میں بلیک فرائیڈے کی وجہ سے خریداروں کا کافی زیادہ رش تھا اسی وجہ سے فائرنگ کے بعد بھگدڑ بھی مچی جس کے نتیجے میں متعدد لوگ زخمی ہوئے تھے جبکہ حملہ آور کی گولیاں لگنے سے 2 افراد زخمی ہوئے جنہیں اسپتال منتقل کردیا تھا۔

  • یمنی ماں بیٹے کا آخری دیدار کرنے امریکا پہنچ گئی

    یمنی ماں بیٹے کا آخری دیدار کرنے امریکا پہنچ گئی

    واشنگٹن : امریکی اسپتال میں دم توڑتے یمنی بچے کی والدہ ویزے کی جنگ جیتنے کے بعد بیٹے کا دیدار کرنے امریکا پہنچ گئی۔

    تفصیلات کے مطابق یمنی خاتون شائمہ صالح گذشتہ ایک برس سے امریکا جانے کےلیے ویزے کی درخواست دے رہی تھی لیکن ٹرمپ انتظامیہ کی جانب سے ’مسلم بین‘ چلائے جانے کے باعث ویزہ نہیں مل رہا تھا۔

    غیر ملکی خبر رساں ادارے کا کہنا تھا کہ امریکی حکام نے سوشل میڈیا پر شدید عوامی دباؤ کے باعث یمن سے تعلق رکھنے والی ماںکو بیٹے کے آخری دیدار کےلیے ویزا جاری کیا ہے جس کے بعد شائمہ صالح کیلی آج صبح کیلی فورنیا پہنچی ہیں۔

    یمنی خاتون کے 2 سالہ بیٹے عبداللہ کو امریکی اسپتال میں تشویش ناک حالت کے باعث مصنوعی سانس دی جارہی ہے اور زندگی کی تمام امیدیں ساتھ چھوڑ چکی ہیں تاہم ایسے حالات میں بھی امریکی حکام نے خاتون کو ویزہ جاری کرنے سے انکار کردیا تھا۔

    شائمہ صالح اور علی حسن کی شادی یمن میں ہوئی تھی اور سنہ 2015 میں یمن میں ہی ان کے گھر بیٹے کی پیدائش ہوئی تھی۔

    غیر ملکی خبر رساں ادارے کے مطابق جسے 6 ماہ بعد علاج کےلیے امریکا جانے کی ضرورت پڑی تو امریکی حکام نے ماں کو ویزہ جاری کرنے سے انکار کردیا جس کے بعد عبداللہ اپنے والد علی حسن کے ہمراہ امریکا چلا گیا لیکن عبداللہ کی حالت مزید خراب ہوتی گئی۔

    کمسن بچے کی حالت بگڑنے پر ماں نے دوسری مرتبہ ویزے کی درخواست دی جسے مسلم بین مہم کے باعث مسترد کردیا گیا جس پر وہ یمن سے مصر منتل ہوگئی۔

    غیر ملکی خبر رساں ادارے کا کہنا ہے کہ گذشتہ دو ہفتے سے یمنی بچے کو مکمل طور پر مصنوعی سانس دی جارہی ہے بچے کی حالت تشویش ناک ہونے کے باوجود امریکی حکام نے ویزہ دینے سے انکار کردیا۔

    شائمہ صالح کی فریاد سوشل میڈیا پر پہنچی کو کہرام مچ گیا، ہزاروں کی تعداد میں امریکی حکام کو کانگریس اراکین اور عوام کے ای میل اور ٹویٹ موصول ہوئے جس میں متاثرہ خاندان کی حمایت کی گئی تھی اور امریکی حکام کو مجبور ہوکر شائمہ صالح کو امریکا کا ویزہ جاری کرنا پڑا۔

    خیال رہے کہ عبداللہ صالح پیدائشی طور پر دماغ کے موذی مرض میں مبتلا تھا جس کے باعث ڈاکٹر نے والدین کو بچے کے مستقبل سے پہلے ہی آگاہ کردیا تھا۔

  • کیلی فورنیا کے جنگلات میں لگی آگ پر17 روز بعد قابو پالیا گیا

    کیلی فورنیا کے جنگلات میں لگی آگ پر17 روز بعد قابو پالیا گیا

    کیلی فورنیا : امریکی ریاست کیلی فورنیا میں لگنے والی آگ سے 87 افراد ہلاک ہوگئے، حکام نے بارش کے بعد بدترین آگ پرقابو پالیا۔

    تفصیلات کے مطابق امریکی ریاست کیلی فورنیا کے جنگلات میں لگنے والی آگ پر 17 روز بعد قابو پا لیا گیا، آتشزدگی سے 87 افراد جان کی بازی ہار گئے۔

    آتشزدگی سے 14 ہزار سے زائد مکانات جل کرراکھ کا ڈھیر بن گئے جن میں ہالی ووڈ ستاروں کے عالیشان گھر بھی شامل ہیں، آگ کے شعلوں کی لپیٹ میں آکرایک لاکھ 53 ہزارایکڑرقبہ متاثر ہوا۔

    جنگلات میں لگنے والی آگ پر قابو پانے کے لیے ایک ہزار سے زائد فائر فائٹرز2 ہفتے تک مصروف رہے، ہیلی کاپٹرز نے بھی آپریشن میں حصہ لیا۔

    امریکی میڈیا کے مطابق آتشزدگی سے 87 افراد ہلاک ہوئے جبکہ 474 افراد لاپتہ ہیں جن میں سے بیشتر کے زندہ بچنے کے امکانات کم ہیں۔

    کیلی فورنیا کے شمالی اور جنوبی علاقوں کے جنگلات میں 8 نومبر کو آگ لگی تھی جسے کیلی فورنیا کی تاریخ کی سب سے بڑی آگ قرار دیا گیا ہے۔

    یاد رہے کہ گزشتہ ہفتے 17 نومبرکو امریکی صدر ڈونلڈ ٹرمپ نے ریاست کیلی فورنیا کا دورہ کیا تھا اور آگ کی تباہ کاریوں کا بھی جائزہ لیا تھا۔

    واضح رہے کہ 2012 سے کیلی فورنیا کے جنگلات میں آگ لگنے کا مسئلہ درپیش ہے، موسم گرما اور خشک سالی کی وجہ سے جنگلات میں آگ لگنے کے واقعات میں اضافہ ہوا ہے۔

  • کیلی فورنیا میں ہولناک آتشزدگی جاری، 84 افراد ہلاک، لاکھوں بے گھر

    کیلی فورنیا میں ہولناک آتشزدگی جاری، 84 افراد ہلاک، لاکھوں بے گھر

    واشنگٹن: امریکی ریاست کیلی فورنیا کے جنگلات میں لگی آگ دو ہفتے گزرنے کے بعد بھی بُجھ نہ سکی، ہولناک آگ کی زد میں آکر اب تک 84 افراد ہلاک ہوچکے ہیں۔

    تفصیلات کے مطابق امریکی ریاست کیلی فورنیا کے جنگلات میں لگی آگ کو بجھانے کے لیے تین ہزار سے زیادہ فائر فائٹرز مصروف ہیں، تاہم اب تک آگ پر قابو نہیں پایا جاسکا ہے اور خوفناک آتشزدگی کی لپیٹ میں آکر ریاست کا 400 اسکوائر میل کا رقبہ جل کر تباہ ہوگیا ہے۔

    امریکی خبر رساں اداروں کا کہنا ہے کہ کیلی فورنیا کے جنگلات میں لگنے والی کیلی فورنیا کی تاریخ میں سب زیادہ خطرناک اور جان لیوا آتشزدگی ہے۔

    مقامی خبر رساں اداروں کا کہنا کہ بدھ کے روز ہونے والی بارش نے آگ بجھانے میں کافی حد تک مددگار ہوئی تھی لیکن پھر بھی آتشزدگی جاری ہے جس کے نتیجے میں رہائشی علاقے میں موجود 18 ہزار 600 سے زائد گھر اور گاڑیاں جل کر راکھ ہوگئی ہیں۔

    امریکی میڈیا کا کہنا ہے کہ آتشزدگی کی لپیٹ میں آکر ہلاک ہونے والے 84 افراد میں 54 افراد کی شناخت کرلی گئی ہے جبکہ 1 ہزار سے زائد افراد تاحال لاپتہ ہیں۔

    امریکی خبر رساں ادارے کا کہنا ہے کہ کیلیوفورنیا میں لگنے خوفناک آگ پر قابو پانے والے فائرفایٹر میں 2 بھی افراد شدید زخمی ہیں جنہیں اسپتال میں طبی امداد دی جارہی ہے۔

    امریکی خبر رساں ادارے کا کہنا ہے کہ ہنگامی خدمات انجام دینے والی ٹیمیں 2 لاکھ سے زائد افراد کو محفوظ مقامات پر منتقل کرچکی ہیں۔

    خیال رہے کہ پانچ روز قبل امریکی صدر ڈونلڈ ٹرمپ نے آتشزدگی سے متاثرہ علاقے کا دورہ کرکے امدادی کاررروائیاں تیز کرنے کی ہدایت جاری کیں۔

    مقامی میڈیا کا کہنا ہے کہ کیلی فورنیا کے وسیع ع عریض جنگلات میں 16 مقامات پر آگ لگی ہوئی ہے، جبکہ حکام کی جانب سے شمالی کیلی فورنیا کے زیادہ تر حصے کو ریڈ فلیگ وارننگ کے تحت رکھا ہوا ہے۔

  • امریکا: جنگلات میں لگی آگ دس روز بعد بھی بُجھ نہ سکی، صدر ٹرمپ کا متاثرہ علاقوں کا دورہ

    امریکا: جنگلات میں لگی آگ دس روز بعد بھی بُجھ نہ سکی، صدر ٹرمپ کا متاثرہ علاقوں کا دورہ

    واشنگٹن: امریکی ریاست کیلی فورنیا کے جنگلات میں لگی آگ دس روز بعد بھی بُجھ نہ سکی، صدر ڈونلڈ ٹرمپ نے متاثرہ علاقوں کا دورہ کیا۔

    تفصیلات کے مطابق کیلی فورنیا کے جنگلات میں لگی آگ کو بجھانے کے لیے تین ہزار سے زیادہ فائر فائٹرز مصروف ہیں، تاہم اب تک آگ نہ بجھ سکی۔

    امریکی صدر ڈونلڈ ٹرمپ کیلی فورنیا پہنچے اور آگ سے متاثرہ علاقوں کا دورہ کیا، انہوں نے اس موقع پر امدادی کارروائیاں تیز کرنے کی ہدایت کی۔

    کیلی فورنیا کے جنگلات میں لگی آگ نے ستر سے زائد افراد کی جان لے لی، جبکہ ایک ہزار افراد لاپتہ ہیں، انتظامہ کے مطابق آگ پر قابو پانے کے لیے ہرممکن اقدامات کیے جارہے ہیں۔

    واضح رہے کہ آگ نے ایک لاکھ 75 ہزار ایکڑ رقبے کو اپنی لپیٹ میں لے رکھا ہے، آگ بجھانے میں مزید 3 سے 4 ہفتے لگ سکتے ہیں۔

    کیلی فورنیا حکام کے مطابق دو لاکھ افراد کو محفوظ مقامات پر منتقل کر دیا گیا ہے، تیز ہواؤں کے باعث آگ بجھانے میں شدید مشکلات کا سامنا ہے۔

    کیلی فورنیا کے جنگلات میں 16 مقامات پر آگ لگی ہوئی ہے، حکام نے شمالی کیلی فورنیا کے زیادہ تر حصے کو ریڈ فلیگ وارننگ کے تحت رکھا ہے۔

  • کیلی فورنیا کے جنگلات میں آگ لگنے سے ہلاکتوں کی تعداد 71 ہوگئی

    کیلی فورنیا کے جنگلات میں آگ لگنے سے ہلاکتوں کی تعداد 71 ہوگئی

    کیلی فورنیا : امریکی ریاست کیلی فورنیا کے جنگلات میں لگنے والی آگ تاحال بے قابو ہے، ہلاکتوں کی تعداد 71 تک پہنچ گئی۔

    تفصیلات کے مطابق کیلی فورنیا کے جنگلات میں لگنے والی آگ کے باعث اموات کی تعداد 71 ہوگئی ہے جبکہ 7 ہزار سے زائد مکانات جل کر راکھ کا ڈھیر بن چکے ہیں۔

    فائر بریگیڈ حکام کا کہنا ہے کہ آگ نے ایک لاکھ 75 ہزار ایکڑ رقبے کو اپنی لپیٹ میں لے رکھا ہے، آگ بجھانے میں مزید 3 سے 4 ہفتے لگ سکتے ہیں۔

    کیلی فورنیا حکام کے مطابق دو لاکھ افراد کو محفوظ مقامات پر منتقل کر دیا گیا ہے، تیز ہواؤں کے باعث آگ بجھانے میں شدید مشکلات کا سامنا ہے۔

    کیلی فورنیا کے جنگلات میں 16 مقامات پر آگ لگی ہوئی ہے، حکام نے شمالی کیلی فورنیا کے زیادہ تر حصے کو ریڈ فلیگ وارننگ کے تحت رکھا ہے۔

    کیلی فورنیا کے جنگلات میں لگنے والی آگ سے 5 افراد ہلاک

    یاد رہے کہ رواں سال 29 جولائی کو امریکی ریاست کیلی فورنیا کے جنگلات میں لگنے والی آگ سے دو فائر فائٹرز سمیت 5 افراد ہلاک ہوگئے تھے۔

    جنگلات میں لگنے والی آگ پر قابو پانے کے لیے تین ہزار چار سو فائر فائٹرز اور 17 ہیلی کاپٹر نے آپریشن میں حصہ لیا تھا۔

    واضح رہے کہ 2012 سے کیلی فورنیا کے جنگلات میں آگ لگنے کا مسئلہ درپیش ہے، موسم گرما اور خشک سالی کی وجہ سے جنگلات میں آگ لگنے کے واقعات میں اضافہ ہوا ہے۔

  • کیلی فورنیا: جنگلات میں لگنے والی آگ سے ہلاکتوں کی تعداد 63 ہوگئی

    کیلی فورنیا: جنگلات میں لگنے والی آگ سے ہلاکتوں کی تعداد 63 ہوگئی

    کیلی فورنیا : امریکی ریاست کیلی فورنیا کے جنگلات میں لگنے والی آگ پر کئی دن بعد بھی قابو نہ پایا جاسکا ، ہلاکتوں کی تعداد 63 تک پہنچ گئی۔

    تفصیلات کے مطابق امریکی ریاست کیلی فورنیا کے شمالی علاقوں میں لگنے والی آگ بے قابو ہوگئی جس کے نتیجے میں ہلاکتوں کی تعداد 63 ہوگئی۔

    آتشزدگی سے 7 ہزار سے زائد مکانات جل کر راکھ کا ڈھیر بن چکے ہیں جن میں ہالی ووڈ ستاروں کے عالیشان گھر بھی شامل ہیں جبکہ 15 ہزار سے زائد تعمیرات کو خطرہ لاحق ہے۔

    کیلی فورنیا حکام کے مطابق دو لاکھ افراد کو محفوظ مقامات پر منتقل کر دیا گیا ہے، تیز ہواؤں کے باعث آگ بجھانے میں شدید مشکلات کا سامنا ہے۔

    فائر بریگیڈ حکام کا کہنا ہے کہ آگ نے ایک لاکھ 75 ہزار ایکڑ رقبے کو اپنی لپیٹ میں لے رکھا ہے، آگ بجھانے میں مزید 3 سے 4 ہفتے لگ سکتے ہیں۔

    کیلی فورنیا کے جنگلات میں 16 مقامات پر آگ لگی ہوئی ہے، حکام نے شمالی کیلی فورنیا کے زیادہ تر حصے کو ریڈ فلیگ وارننگ کے تحت رکھا ہے۔

    کیلی فورنیا کے جنگلات میں لگنے والی آگ سے 5 افراد ہلاک

    یاد رہے کہ رواں سال 29 جولائی کو امریکی ریاست کیلی فورنیا کے جنگلات میں لگنے والی آگ سے دو فائر فائٹرز سمیت 5 افراد ہلاک ہوگئے تھے۔

    جنگلات میں لگنے والی آگ پر قابو پانے کے لیے تین ہزار چار سو فائر فائٹرز اور 17 ہیلی کاپٹر نے آپریشن میں حصہ لیا تھا۔

    واضح رہے کہ 2012 سے کیلی فورنیا کے جنگلات میں آگ لگنے کا مسئلہ درپیش ہے، موسم گرما اور خشک سالی کی وجہ سے جنگلات میں آگ لگنے کے واقعات میں اضافہ ہوا ہے۔

  • کیلی فورنیا میں خوف ناک آتش زدگی: ہالی ووڈ اداکاروں کے گھر بھی جل گئے

    کیلی فورنیا میں خوف ناک آتش زدگی: ہالی ووڈ اداکاروں کے گھر بھی جل گئے

    کیلی فورنیا: امریکی ریاست کیلی فورنیا کے جنگلات میں جمعرات کو لگنے والی آگ نے ہالی ووڈ کے معروف اداکاروں کے گھر بھی جلا کر راکھ کر دیے ہیں۔

    تفصیلات کے مطابق متعدد ہالی ووڈ اداکاروں نے سماجی رابطوں کی ویب سائٹ ٹویٹر پر کہا ہے کہ ان کے گھر بھی خوف ناک آتش زدگی کی زد میں آئے ہیں۔ کئی اداکاروں کے مکانات تباہ ہو گئے جب کہ متعدد کو اپنے گھر چھوڑنے پڑے۔

    [bs-quote quote=”آگ نے اس مقام کو بھی اپنے لپیٹ میں لیا جہاں کئی فلموں اور ٹی وی شو ویسٹ ورلڈ کا سیٹ لگایا جا چکا ہے۔” style=”style-7″ align=”left” color=”#dd3333″][/bs-quote]

    ہالی ووڈ کے جن سیلی بریٹیز کے گھر آتش زدگی سے متاثر ہوئے ان میں اداکار جیرارڈ بٹلر، گلوکارہ اور اداکارہ مائلی سائرس، اداکارہ کم کارڈیشین، گلوکارہ لیڈی گاگا، رابن تھک، اورلینڈو بلوم، کیٹلین جینر اور دیگر شامل ہیں۔

    کیلی فورنیا کے جنگلات میں لگنے والی آگ نے اس مقام کو بھی اپنے لپیٹ میں لیا جہاں کئی فلموں اور ٹی وی شو ویسٹ ورلڈ کا سیٹ لگایا جا چکا ہے۔ پیراماؤنٹ ویسٹرن ٹاؤن سن پچاس کی دہائی میں ٹی وی شوز کے لیے تعمیر کیا گیا تھا۔

    اداکارہ مائلی سائرس نے ٹویٹ کے ذریعے کہا کہ وہ اور ان کے منگیتر آگ سے بچ کر نکل آئے ہیں تاہم ان کا مکان جل کر راکھ ہو گیا ہے۔ مائلی سائرس نے لوگوں سے امدادی کاموں میں شریک ہونے کی درخواست بھی کی۔

    اسکاٹ لینڈ کے اداکار جیرارڈ بٹلر نے آگ سے تباہ ہونے والے اپنے مالیبو کے مکان کی تصویر انسٹا گرام پر پوسٹ کی اور آگ بجھانے والے عملے کا شکریہ ادا کیا۔ رابن تھک اور ان کی ساتھی اپریل لّو گیری اور موسیقار نیل ینگ کا مکان بھی آتش زدگی سے تباہ ہوا۔

    کیلی فورنیا کے جنگلات میں آگ لگنے سے ہلاکتوں کی تعداد 44 ہوگئی

    اپنے گھر چھوڑنے والے ہالی ووڈ سیلی بریٹیز میں کم کارڈیشین، لیڈی گاگا، پائریٹس آف دی کیریبین کے اورلینڈو بلوم اور کیٹلین جینر شامل ہیں۔