اوٹاوا: کینیڈا کے صوبے سسکیچوان نے ملازمتوں کے نئے مواقع فراہم کر نے کا اعلان کرتے ہوئے متعدد نئے شعبے اسکل ورکر پروگرام میں شامل کردیے ‘ جبکہ آٹھ شعبہ جات میں کمی کی ہے۔

تفصیلات کے مطابق سسکیچوان امیگرینٹ پروگرام کے تحت اعلان کیا گیا ہے کہ اسکل امگریشن کے لیے گزشتہ سال 43 کیے جانے والے شعبہ جات کی تعداد 35 کردی گئی ہے‘ کچھ شعبہ جات حذف کردیے گئے ہیں اور کچھ نئے شامل کیے گئے ہیں‘ یہ فہرست گزشتہ برس 17 سے بڑھا کر 43 کی گئی تھی۔

سی ایم ای سی کی جاری کردہ فہرست  میں جو پیشے شامل ہیں‘ ان میں  سول انجینئرنگ، مکینیکل انجینئرز، الیکٹرکل انجینئرز، انڈسٹریل انجینئرز، کمپیوٹر انجینئرز، آرکیٹکٹ، لینڈ سرویور،  سافٹ ویئر انجینئرز ، ویب ڈیزائنر، سائیکولوجسٹ، سوشل ورکرز، ارلی چائلڈ ایجوکیشن اسسٹنٹ، میڈیکل لیبارٹری، ٹیکنولوجسٹ، میڈیکل سونوگرافر، مینیجر ان سوشل کمیونٹی، جیو لاجیکل اینڈ منرل ٹیکنیشن، بائیولوجسٹ، زراعت سے متعلقہ افراد، لینڈ اسکیپ اسیشلسٹ، الیکٹرونک سروس ٹیکنیشن، انڈسٹریل میکینکس، میٹا کیوٹرز، مشینسٹ، کیبنٹ میکرز، انڈسٹریل مکینکس، ہیوی ڈیوٹی ایکیوپمنٹ مکینکس، آٹو موٹرزسروس ٹیکنیشن، ٹرک اینڈ بس میکینکس، موٹر وہیکل ریپئرنگ کرنے والے ، ویلڈر، مینیجر ان نیوٹرل ، مینیجر ان اگریکلچر، یوٹیلٹی مینیجر شامل ہیں۔

سی ایم ای سی کی  جانب سے جاری کردہ  فہرست  میں سے جن شعبہ جات کوخارج کیا گیا ہےان میں ایڈورٹائزنگ مارکیٹنگ اینڈ پیلک ریلشن مینجر، فنانشل اییڈ انوسٹمنٹ انیلیسز، کیمیکل ٹیکنولوجسٹ، سول انجینئر، الیکٹریکل انجینئر، ڈرافٹنگ ٹیکنولوجسٹ، اور فیسیلٹی آپریشن شامل ہیں۔

سسکیچوان امیگریشن حکام نے امیگریشن  کے خواہش مند افراد کے لیے درخواست فارم 10 جنوری کو جاری کیا جسے 11 جنوری کو روک لیا گیا، جس میں تقریبا 400 افراد کی درخواستیں موصول ہوئیں۔

امیگریشن ترجمان کے مطابق سال 2018 کے لیے 2600 افراد کو سسکچوان میں ملازمت  کے مواقع فراہم کیے جائیں گے جن کے دوخواست فارم وقفے وقفے سے جاری کیے جائیں گے۔  درخواست فارم کی فیس 300 ڈالر ہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔