ARYNews.tv | Urdu – Har Lamha Bakhabar

Tag: Canada

  • کینیڈا میں سخت گرمی سے تاریں اور سڑکیں پگھلنے لگیں

    کینیڈا میں سخت گرمی سے تاریں اور سڑکیں پگھلنے لگیں

    اوٹاوہ: کینیڈا میں جہاں گرمی کا 84 سالہ ریکارڈ ٹوٹ چکا ہے، شدید گرمی سے تاریں اور سڑکیں پگھلنے لگیں۔ حکام نے ہفتے بھر کے لیے ہیٹ ویو الرٹ جاری کیا ہے۔

    کینیڈا میں پارہ پہلی بار49 ڈگری سینٹی گریڈ تک پہنچ گیا اور ہیٹ ویو سے 200 سے زائد افراد ہلاک ہوگئے جن میں زیادہ تر بڑی عمر کے افراد ہیں۔

    برٹش کولمبیا میں زیادہ سے زیادہ درجہ حرارت 45 ڈگری اور پورٹ لینڈ میں 46 ڈگری درجہ حرارت ریکارڈ کیا گیا، گرمی کے باعث اسکول، کووڈ ویکسی نیشن اور ٹیسٹنگ سینٹر بھی بند کردیے گئے۔

    پورٹ لینڈ میں ریل اور اسٹریٹ کار سروس بند کرنی پڑی کیونکہ ان کی پاور کیبلز گرمی سے پگھلنے لگی تھیں۔ گرمی کی شدت کے باعث ایورسن میں سڑک بھی پگھلنے لگی جسے فوری طور پر ٹریفک کے لیے بند کردیا گیا۔

    محکمہ موسمیات نے پورے ہفتے کے لیے ہیٹ ویو الرٹ جاری کیا ہے۔

  • کینیڈا میں اسلامو فوبیا کا ایک اور واقعہ ، مرد اور خاتون کی زبردستی مسجد میں داخل ہونے کی کوشش

    کینیڈا میں اسلامو فوبیا کا ایک اور واقعہ ، مرد اور خاتون کی زبردستی مسجد میں داخل ہونے کی کوشش

    ٹورنٹو : کینیڈا کے دارالحکومت ٹورنٹو میں  ایک مرداورخاتون نے زبردستی مسجد میں داخل ہونے کی کوشش کی اور دھمکیاں بھی دیں ، پولیس نے دونوں کو گرفتار کرلیا ہے۔

    تفصیلات کے مطابق کینیڈا کے دارالحکومت ٹورنٹو میں اسلامو فوبیا کا ایک اور واقعہ سامنے آیا ، جہاں ایک مرداورخاتون کی زبردستی مسجدمیں داخل ہونے کی کوشش کی۔


    عینی شاہدین نے بتایا کہ اسکار بورو ایریا میں خاتون اور مرد نے مسجد میں زبردستی گھسنے کی کوشش کی اور دھماکا خیز مواد لگانے کی بھی دھمکی دی جس پر فوری پولیس کو بلایا گیا۔

    کینیڈین پولیس نے مسجد میں گھسنے کی کوشش کرنے والے دونوں افراد کو گرفتار کرلیا اور کہا مسجدمیں گھسنےکی کوشش کرنےوالےنشےمیں تھے، واقعے کے بعد ہیٹ کرائم یونٹ کو بھی مطلع کردیا، واقعہ نفرت انگیز ی کا ہے یا نہیں ،تحقیقات جاری ہے۔

    میئرٹورنٹو نے اپنے بیان میں کہا ہے کہ اس طرح کے واقعات نا قابل قبول ہیں،مجرمانہ رویہ ہے، واقعےکی شدیدمذمت کرتے ہیں،مسلم برادری کیساتھ ہیں، اسلامو فوبیا سے نمٹنےکیلئے ہر ممکن اقدام کریں گے۔

    واضح رہے 6 جون کو کینیڈا کے شہر لندن انٹاریو میں دہشت گردی کے واقعے میں ایک خاندان کے چار افراد 46 سالہ فزیوتھراپسٹ سلمان افضل، ان کی اہلیہ اور پی ایچ ڈی کی طالبہ 44 سالہ مدیحہ سلمان، نویں جماعت کی طالبہ 15 سالہ یمنیٰ سلمان اور اُن کی 74 سالہ ضعیف دادی کو ٹرک کے نیچے روند ڈالا تھا۔

    کینیڈا کے وزیراعظم جسٹن ٹروڈو نے اس حملے کی مذمت کرتے ہوئے اسے دہشت گردی قرار دیا تھا۔ 20 سالہ ملزم یتھینیل ویلٹمین پر قتل کے چار اور اقدامِ قتل کا ایک الزام عائد کیا گیا تھا۔

  • مسلم خاندان کے قتل پر پاکستان کینیڈین حکام سے رابطےمیں ہے، ترجمان دفتر خارجہ

    مسلم خاندان کے قتل پر پاکستان کینیڈین حکام سے رابطےمیں ہے، ترجمان دفتر خارجہ

    اسلام آباد: دفتر خارجہ کے ترجمان نے کینیڈا میں پیش آنیوالے اسلاموفوبک واقعے کی شدیدمذمت کرتے ہوئے کہا پاکستانی ہائی کمیشن اور قونصل خانہ کینیڈین حکام سے رابطے میں ہے۔

    تفصیلات کے مطابق پاکستانی دفتر خارجہ کے ترجمان کی جانب سے بیان میں کہا گیا ہے کہ کینیڈامیں پیش آنیوالےاسلاموفوبک واقعےکی شدید مذمت کرتےہیں، واقعے میں 4 پاکستانی نژادافراجاں بحق ہوئے، ہماری ہمدردیاں،دعائیں متاثرین،اہلخانہ کے ساتھ ہیں۔

    ترجمان دفتر خارجہ کا کہنا تھا کہ پاکستانی ہائی کمیشن، قونصل خانہ کینیڈین حکام سےرابطےمیں ہیں، قونصل جنرل نےلواحقین سےتعزیت اور ہرممکن مددکی پیش کش کی۔

    ترجمان نے کہا کہ یہ المناک واقعہ اسلاموفوبیاکےمنظم عروج کاعکاس ہے، جسٹن ٹرودونےنےکہاکہ اسلاموفوبیا کی کینیڈامیں کوئی جگہ نہیں، دنیاکوبین المذاہب ہم آہنگی کیلئےملکرکام کرنےکی ضرورت ہے۔

    یاد رہے وزیراعظم عمران خان نے کینیڈا میں مسلمان خاندان پرحملےکی شدیدمذمت کرتے ہوئے کہا تھا کینیڈامیں پاکستانی نژادخاندان پر حملےکاسن کر افسوس ہوا ، دہشت گردی کاواقعہ مغربی ممالک میں بڑھتےاسلاموفوبیاکی عکاسی کرتا ہے، عالمی برادری کو اسلاموفوبیا سے نمٹنے کیلئے حکمت عملی بنانے کی ضرورت ہے۔

    واضح رہے کینیڈا کے صوبہ اونٹاریو کے شہر لندن میں ایک پک اپ ٹرک ڈرائیور نے ایک ہی خاندان کے چار افراد کو کچل کر ہلاک کرڈالا، ۔ پولیس نے ملزم کے اس قدام کو نفرت پر مبنی جرم قرار دیا ہے۔

  • کینیڈا : اسکول کے احاطے سے 215 بچوں کی باقیات برآمد

    کینیڈا : اسکول کے احاطے سے 215 بچوں کی باقیات برآمد

    اوٹاوا : کینیڈا کے ایک بند اسکول کے احاطہ سے 215 بچوں کی باقیات برآمد ہوئی ہیں جن میں کئی بچوں کی عمریں3سال کے قریب ہیں۔ باقیات ملنے کی دل ہلا دینے والی خبر کینیڈین وزیراعظم نے خود سوشل میڈیا پر شیئر کی۔

    کینیڈین وزیراعظم جسٹن ٹروڈو نے سماجی رابطے کی ویب سائٹ ٹوئٹر پر اپنے پیغام میں یہ دردناک انکشاف کیا کہ برٹش کولمبیا میں قائم اسکول کے احاطے سے معصوم بچوں کی لاشیں ملی ہیں جس میں کئی بچوں کی عمریں 3سال تک بھی ہیں۔

    غیر ملکی خبر رساں ایجنسی کے مطابق کینڈین وزیراعظم کا اپنے بیان میں کہنا تھا کہ مذکورہ بچوں کی باقیات ایک پرانے بورڈنگ اسکول سے  برآمد ہوئیں انہوں نے کہا کہ بچوں کی اموات کب ہوئیں اس سلسلے میں جلد تحقیقات کی جائیں گی۔

    انہوں نے کہا کہ یہ ہمارے لیے ملک کا سیاہ ترین اور شرمناک دن ہے۔ برٹش کولمبیا میں قائم اسکول1978 میں بند کردیا گیا تھا، ذرائع کے مطابق یہ بچے بھی اسی اسکول کے طالب علم تھے، مذکورہ لاشیں جدید ریڈار کی مدد سے ملیں۔

  • کینیڈا نے بھارت اور پاکستان پر سفری پابندیوں میں توسیع کردی

    کینیڈا نے بھارت اور پاکستان پر سفری پابندیوں میں توسیع کردی

    اوٹاوا: کینیڈا نے کورونا کے پھیلاؤ کو روکنے کیلئے پاکستان اور بھارت پر سفری پابندیوں میں مزید 30 دن کی توسیع کر دی ہے، پابندی کا اطلاق 21 جون تک ہوگا۔

    تفصیلات کے مطابق کینیڈا نے بھارت اور پاکستان پرسفری پابندیوں میں توسیع کردی، کینیڈین وزیر ٹرانسپورٹ نے کہا کہ سفری پابندی میں توسیع30 دن کیلئے کی گئی ہے، پابندی کا اطلاق 21جون تک ہوگا، فیصلہ ملک میں کورونا کا پھیلاؤ روکنے کیلئے کیا گیا۔

    ایک نوٹس میں کہا گیا ہے کہ یہ پابندی دونوں ممالک سے آنے والی براہ راست پروازوں پر ہے تاہم مسافر اب بھی پاکستان اور بھارت سے کینیڈا کا سفر کر سکتے ہیں، لیکن اس کے لیے انہیں کسی تیسرے ملک سے آنا ہوگا۔

    کینیڈا میں داخل ہونے سے پہلے مسافر جہاں سے پرواز بھر رہا ہوں ، وہاں سے کورونا منفی ٹیسٹ لانا ہوگا۔

    یاد رہے 22 اپریل کو کینیڈا نے پاکستان اور بھارت سے پروازوں کی آمد پر 30 روز کی پابندی عائد کی تھی ، اس سلسلے میں کینیڈا کی وزارت صحت کی جانب سے بیان میں کہا گیا تھا کہ یہ پابندی تمام کمرشل اور نجی پروازوں پر عائد ہوگی۔

    وزارت کا کہنا تھا کہ گزشتہ ایک ہفتے میں بھارت سے 35 پروازیں کینیڈا پہنچیں، اس دوران کثیر تعداد میں کرونا مثبت افراد کینیڈا پہنچے ہیں، تاہم وزارت صحت نے وضاحت کی ہے کہ کینیڈا میں کرونا پھیلنے کا ذمہ دار چین یا بھارت نہیں۔

    بعد ازاں پاکستان انٹرنیشنل ایئر لائن نے کینیڈا جانے والے تمام پروازیں منسوخ کر دی تھیں۔

  • پی آئی اے کا فضائی میزبان کینیڈا میں پراسرار طور پر لاپتہ

    پی آئی اے کا فضائی میزبان کینیڈا میں پراسرار طور پر لاپتہ

    کراچی : پی آئی اے کا فضائی میزبان رمضان گل کینیڈا میں پراسرار طور پر لاپتہ ہوگیا، پی آئی اے ترجمان نے ملازم کے غائب ہونے کی تصدیق کردی۔

    تفصیلات کے مطابق پی آئی اے کا ملازم کینڈا جاکر پراسرار طور پر لاپتہ ہوگیا، اس حوالے سے ذرائع کا کہنا ہے کہ مذکورہ فضائی میزبان خود غائب ہوا ہے۔

    قومی ایئر لائن پی آئی اے کا فضائی میزبان رمضان گل اسلام آباد سے پی آئی اے کی پرواز پی کے798 سے ٹورنٹو پہنچا تھا۔

    کینیڈا کے اسٹیشن منیجر نے ایئر پورٹ اتھارٹی کو فضائی میزبان کے لاپتہ ہونے کی اطلاع دے دی، جس پر پی آئی اے انتظامیہ نے فضائی میزبان کی کینیڈا میں گمشدگی کا نوٹس لے لیا۔

    پی آئی اے کے مطابق فضائی میزبان کے خلاف ضابطے کی کارروائی عمل میں لائی جائے گی، پی آئی اے انتظامیہ نے کینیڈین امیگریشن اتھارٹی کو بھی فضائی میزبان کی گمشدگی سے متعلق آگاہ کر دیا ہے۔

    اس حوالے سے ترجمان پی آئی اے کا کہنا ہے کہ فضائی میزبان جنرل ڈکلئیریشن پر کینیڈا جاتے ہیں اور واپسی پر ایک فرد کی کمی پر کینیڈین امیگریشن کو اطلاع کرنا لازمی ہوتا ہے۔

  • جڑواں درخت یا جڑواں عمارتیں، حیرت انگیز شاہکار

    جڑواں درخت یا جڑواں عمارتیں، حیرت انگیز شاہکار

    وینکوور: کینیڈا میں ایسی جڑواں بلند و بالا عمارتوں کا خاکہ تیار کیا گیا ہے جسے دیکھ کر لوگ دنگ رہ گئے ہیں، یہ عمارتیں درختوں سے متاثر ہو کر تعمیر کی جا رہی ہیں۔

    تفصیلات کے مطابق کینیڈا کے شہر وینکوور میں جڑواں درختوں کی شکل سے متاثرہ ٹوئن ٹاورز کا خاکہ تیار کیا گیا ہے، تعمیر کے بعد یہ عمارتیں ایسا منظر پیش کریں گی جسے دیکھ کر لوگ حیران رہ جائیں گے۔

    یہ عالی شان عمارت 384 فٹ بلند ہوگی اور اس میں 400 سے زائد فلیٹس ہوں گے، اس عمارت کا ڈیزائن برطانیہ کی معروف آرکیٹک کمپنی ہیدر وِک اسٹوڈیو نے بنایا ہے۔

    ڈیزائن سے متعلق ہیدر وِک کا کہنا ہے کہ ہم ایسی عمودی عمارت بنانا چاہتے ہیں جو گراؤنڈ فلور پر موجود لوگوں کو عمارت کی سب سے اونچی منزل سے جوڑ دے۔

    جڑواں عمارتوں میں سے مغربی عمارت میں 34 منزلیں بنائی جائیں گی جب کہ مشرقی عمارت کی 30 منزلیں ہوں گی۔

    مذکورہ کمپنی کئی ممالک میں مشہور عمارتیں بنا چکی ہے، ہیدر وِک نے اس سے قبل ٹورنٹو کے لیے بھی ٹاورز کو ڈیزائن کیا تھا، تاہم وینکوور میں یہ اس کا پہلا پروجیکٹ ہے۔

    متعدد مشہور و معروف عمارات کے پیچھے ہیدر وک اسٹوڈیو کا نام چھپا ہوا ہے، جن میں لندن 2012 اولمپک کالڈرن بھی شامل ہے، سنگاپور میں ایڈن کمپلیکس کا ڈیزائن بھی اسی نے بنایا، اور غالباً سب سے زیادہ مشہور اور متنازعہ عمارت نیویارک سٹی کی ویزل بھی اسی نے ڈیزائن کی۔

  • کینیڈا میں مسجد کے نگراں قاتلانہ حملے میں شہید

    کینیڈا میں مسجد کے نگراں قاتلانہ حملے میں شہید

    ٹورنٹو: کینیڈا کے دارالحکومت ٹورنٹو کی ایک مسجد کے نگراں کو چھری کے وار کرکے شہید کردیا گیا۔

    غیرملکی خبررساں ادارے کی رپورٹ کے مطابق مسجد کے 60 سالہ نگراں پر اس وقت حملہ کیا گیا جب وہ نماز کی ادائیگی کے بعد مسجد سے باہر نکل رہے تھے، حملہ آور واردات کے بعد فرار ہوگیا۔

    انٹرنیشنل مسلم آرگنائزیشن نے مسجد کے باہر قاتلانہ حملے کی شدید مذمت کی ہے۔

    پولیس حکام کا کہنا ہے کہ انٹرنیشنل مسلم آرگنائزیشن آف ٹورنٹو کے اطراف سے شواہد اکٹھےکر رہے ہیں، تفتیش کر رہے ہیں کہ یہ منافرت پر مبنی جرم ہے یا واردات کی کوئی اور وجہ ہے؟

    پولیس حکام کا کہنا ہے کہ مشتبہ حملہ آور درمیانی جسامت کا تھا اور اس نے کالے رنگ کی ہوڈی اور ڈارک رنگ کی پینٹ پہن رکھی تھی۔

    دوسری جانب انٹرنیشنل مسلم آرگنائزیشن نے مسجد کے باہر ہونے والے قاتلانہ حملے پر شدید تشویش کا اظہار کرتے ہوئے کہا ہے کہ مسلم کمیونٹی کے افراد حملے کے حوالے سے کسی قسم کی قیاس آرائی سے گریز کریں کیونکہ معاملے کی تحقیقات ابھی جاری ہے۔

    پولیس کا کہنا ہے کہ مذکورہ واقعے کے بارے میں کسی کو علم ہو تو وہ فوری پولیس سے رابطہ کرے۔

  • کینیڈا پاکستان ریلوے میں سرمایہ کاری کا خواہشمند

    کینیڈا پاکستان ریلوے میں سرمایہ کاری کا خواہشمند

    لاہور : کینیڈین ہائی کمشنر نے کورونا وائرس کے حوالے سے پاکستانی اقدامات کی تعریف کرتے ہوئے پاکستان ریلوے میں سرمایہ کاری کرنے پر دلچسپی کا اظہار کیا۔

    تفصیلات کے مطابق وفاقی وزیرریلوےشیخ رشید سے کینیڈین ہائی کمشنر مس وینڈی گلیمور کی ملاقات ہوئی ، ملاقات کے دوران دو طرفہ ملکی معاملات کے امور پر گفتگو کی گئی۔

    وزیرریلوےشیخ رشید نے کہا کہ مستقبل میں کینیڈا،پاکستان کےدیرینہ تعلقات مزیدمستحکم ہوں گے ، خطے میں خوشحالی،ترقی کے حوالے سےملکرکام کرنے کیلئے پُرعزم ہیں۔

    کینیڈین ہائی کمشنر نے کورونا وائرس کے حوالے سے پاکستانی اقدامات کی تعریف کرتےہوئے کینیڈا کی طرف سے پاکستان ریلوے میں سرمایہ کاری کرنے پر دلچسپی کا اظہار کیا۔

    یاد رہے رواں سال فروری میں وزیر توانائی عمرایوب سے ملاقات میں کینیڈین ہائی کمشنر نے انٹگریٹڈ جنریشن ایکسپنشن پروگرام کو زبردست قرار دیتے ہوئے کہا تھا کینیڈا کےسرمایہ کار پاکستان میں سرمایہ کاری پرغور کررہے ہیں۔

  • کینیڈا، موٹروے پر گاڑیوں‌ کی موجودگی میں‌ طیارے کی ایمرجنسی لینڈنگ

    کینیڈا، موٹروے پر گاڑیوں‌ کی موجودگی میں‌ طیارے کی ایمرجنسی لینڈنگ

    اوٹٓاوا: کینیڈا میں پائلٹ نے طیارے میں فنی خرابی پیدا ہونے کے سبب مصروف موٹروے پر ایمرجنسی لینڈنگ کرادی جس کی ویڈیو وائرل ہوگئی۔

    غیرملکی خبررساں ادارے کی رپورٹ کے مطابق کینیڈا میں کیوبیک سٹی کے قریب موٹروے پر پائلٹ نے طیارے میں فنی خرابی ہونے کے نتیجے میں ہنگامی لینڈنگ کرادی، مسافروں نے پائلٹ کو جیمز بونڈ کا لقب دے دیا۔

    حیرت انگیز طور پر پائپر چیرو کی پائلٹ سمیت کوئی مسافر زخمی نہیں ہوا، مقامی فائر فائٹرز نے جائے وقوعہ پر پہنچ کر پائلٹ اور مسافروں کو ریسکیو کیا۔

    دوسری جانب ہائی وے پر آنے والی دوسری گاڑیوں کے مسافر یہ سارا منظر دیکھ کر حیران رہ گئے، ایک گاڑی کے مسافر میتھیو للرک نے سارے واقعے کو اپنے کیمرے میں محفوظ کرلیا۔

    ویڈیو میں دیکھا جاسکتا ہے کہ طیارہ ٹریفک کے اوپر اڑتا ہوا نظر آرہا ہے بعدازاں‌ گاڑیوں‌ کی موجودگی میں‌ پائلٹ نے کامیاب لینڈنگ کی۔

    صوبائی پولیس کے ترجمان ہیلین نیپٹن نے بتایا کہ طیارہ بغیر کسی خرابی کے اترا ہے۔خیال کیا جارہا ہے کہ طیارہ جین لیسیج ایئرپورٹ کی طرف جارہا تھا کیونکہ وہ اس جگہ کے جنوب میں پہنچا تھا۔

    سیرگ نیپٹن نے کہا کہ ہمیں کالز موصول ہوئیں جس کا تذکرہ کیا گیا کہ ہوائی جہاز مغربی سرحد ہائی وے 40 پر اتررہا ہے، خوش قسمتی سے طیارہ بغیر کسی تصادم کے اترا اور تمام لوگ محفوظ رہے۔

    ہائی وے پر موجود زیادہ تر لوگوں نے اس کی کامیاب لینڈنگ کی تعریف کی اور ایک عینی شاہد کا کہان تھا کہ یہ لمحہ جیمز بانڈ جیسا تھا جبکہ حکام کی جانب سے واقعے کی تحقیقات کا آغاز کردیا گیا ہے۔