ARYNews.tv | Urdu – Har Lamha Bakhabar

Tag: cancer

  • معروف اداکارہ سجل علی کی والدہ خالقِ حقیقی سے جاملیں

    معروف اداکارہ سجل علی کی والدہ خالقِ حقیقی سے جاملیں

    پاکستان کی معروف ایکٹریس اور ماڈل سجل علی اور صبور علی کی والدہ انتقال کرگئیں‘ مرحومہ طویل عرصے سے علیل تھیں۔

    تفصیلات کے مطابق کینسر جیسے موذی مرض کے خلاف برسرِ پیکار سجل علی کی والدہ کی طبعیت گزشتہ رات انتہائی ناساز ہوئی اور وہ رضائے الہی سے خالقِ حقیقی سے جا ملیں۔

    اے آروائی نیوز کے مارننگ شو کے درمیان میزبان صنم بلوچ نے انتہائی رنج کا اظہار کرتے ہوئے اپنے ناظرین کو آگاہ کیا کہ سجل علی اورصبور علی کی والدہ راحت آپا انتقال کرگئیں ہیں‘ تاہم ان کی نمازِ جنازہ کے وقت کا اعلان فی الحال خاندان کی جانب سے نہیں کیا گیا۔

    لاہور سے تعلق رکھنے والی بہنیں سجل اورصبور علی دونوں کا شمار پاکستان کی مشہور ماڈلز اوراداکاراؤں میں ہوتا ہے اور ان کے معصومانہ خدو خال اور پیشہ ورانہ قابلیت کے سبب انہیں پسند کیا جاتا ہے۔

    معروف اداکار سجل علی کی اہل خانہ کے ہمراہ عمرے کی ادائیگی

    گزشتہ رات سجل علی نے اپنی والدہ کے ہمراہ عمرے کے دوران لی گئی تصاویر سماجی رابطے کی ویب سائٹ انسٹا گرام پر شیئر کی تھیں اور اپنی والدہ کی صحت کے لیے اپنے مداحوں سے اپیل بھی کی تھی۔

    Please pray for my ammi jaan. Need immense prayers

    A post shared by Sajal Ali (@sajalaly) on

    سجل علی اہلِ خانہ کے ہمراہ عمرہ ادا کرتے ہوئے

    یاد رہے کہ سجل علی رواں سال کے پہلے مہینے میں اپنے اہل خانہ کے ہمراہ عمرے کی سعادت حاصل کرنے مکہ مکرمہ گئی تھیں جہاں اپنی والدہ اور دیگر اہلِ خانہ کے ہمراہ لی گئی تصاویر کو سوشل میڈیا پر بے پناہ سراہا گیا تھا۔

    ALHUMDULILLAH❤️

    A post shared by Sajal Ali (@sajalaly) on

  • کیا آپ نے کبھی اپنے پھیپڑوں کی صفائی کی؟

    کیا آپ سگریٹ پیتے ہیں؟ کیا آپ گزشتہ کئی سال سے سگریٹ پی رہے ہیں ؟ کیا آپ کسی بڑے اور آلودہ شہر کے رہائشی ہیں؟ اگر ہاں تو اب وقت آگیا ہے کہ آپ اپنے نظامِ تنفس کے لیے کچھ کریں بصورت دیگر کئی بیماریاں آپ کو لاحق ہوسکتی ہیں اور ممکن ہیں کہ کچھ تو آپ کے بدن میں جگہ بنا چکے ہوں۔

    نظامِ تنفس یا سانس لینے کا نظام پورے جسم میں سب سے زیادہ اہمیت کا حامل ہیں اگر آپ ایک مضبوط اور صحت مند نظامِ تنفس کے مالک نہیں ہیں تو آپ کو بہت سے جسمانی صحت کے مسائل درپیش ہوسکتے ہیں جن میں سر فہرست سانس کی بیماریاں شامل ہیں جن میں استھما‘ پھیپڑوں کی سوجن اور مختلف اقسام کی کھانسی عام ہیں۔

    soup-2

    کیونکہ ہمیں ا ٓپ کی صحت کا خیال ہے لہذا ہم لائیں ہیں آپ کے لیے ایک ایسا نسخہ جو کہ آپ کے نظامِ تنفس کو بہتر بنائے گا ‘ دھویں سے آلودہ پھیپڑوں کی صفائی کرے گا اور کینسر جیسے موذی سمیت آپ کو متعدد بیماریوں سے محفوظ رکھے گا۔ اور نسخہ بنانے میں اتنا آسان ہے کہ آپ حیران رہ جائیں گے۔

    اجزاء

    ادرک کا ایک چھوٹا ٹکڑا
    چار سو گرام کٹا ہوا لہسن
    دو چائے کی چمچی ہلدی
    ایک لیٹر پانی
    چار سو گرام چینی

    soup-1

    طریقہ کار

    ایک برتن میں پانی لے کر اس میں چینی ملائیں اور ابلنے کے لیے رکھ دیں‘ جب پانی ابلنے لگے تو اس میں لہسن ‘ ادرک اور ہلدی شامل کریں اور پھر تیز آنچ پر پکائیں اور ٹھنڈا ہونے پر فریج میں محفوظ کرلیں۔

    soup

    استعمال کیسے کیا جائے؟

    بہترین نتائج کے لیے دو کھانے کے چمچے صبح نہا ر منہ اور دو چمچے رات سوتے وقت استعمال کرنے سے آپ کا سانس لینے کا نظام متعدد بیماریوں سے بچا رہے گا۔

  • موٹاپے کے منفی اثرات

    موٹاپے کے منفی اثرات

    ہم میں سے بہت سے لوگ سمجھتے ہیں کہ موٹاپا صرف دل کی بیماریوں اور ذیابیطس کا سبب بنتا ہے لیکن ہم یہ نہیں جانتے کہ موٹاپا کینسر سمیت اور بھی کئی جان لیوا بیماریوں کا سبب بن سکتا ہے۔ ایک نئی تحقیق کے مطابق مثانے، گردے، جگر کی بیماریوں اور کینسر کی کئی اقسام کی افزائش میں موٹاپا 10 فیصد حصہ ادا کرتا ہے۔

    صرف یہی نہیں بلکہ موٹاپا زندگی کے ہر مرحلے میں اپنے منفی اثرات مرتب کرتا ہے۔ آئیے جانتے ہیں کہ موٹاپے کے اور کیا کیا منفی اثرات ہیں۔

    :کینسر

    cancer
    امریکہ کے نیشنل کینسر انسٹیٹیوٹ کے مطابق ہر سال موٹاپے کی وجہ سے کینسر کے 34 ہزار اضافی کیسز سامنے آئے۔

    :میگرین

    o2

    ماہرین کی تحقیق کے مطابق ایک عام آدمی کو سر کا درد ہوسکتا ہے لیکن موٹاپے کا شکار افراد شدید قسم کے میگرین کا شکار ہوسکتے ہیں۔ ماہرین کے مطابق موٹاپے کا شکار 81 فیصد افراد میگرین کا شکار پائے گئے۔

    :نیند کی کمی

    sleep
    ماہرین کے مطابق موٹاپے اور نیند کی کمی کا گہرا تعلق ہے۔ موٹاپا آپ کی نیند پر اثر انداز ہوتا ہے۔ آپ کم خوابی کا شکار ہو سکتے ہیں یا آپ کو گہری نیند نہیں آئے گی۔ یاد رہے کہ جسم کی ضرورت سے کم نیند ہارٹ اٹیک سمیت دیگر کئی بیماریوں کا سبب بن سکتی ہے۔

    :حمل سے متعلق مسائل

    o4
    موٹاپے کا شکار خواتین حمل کے حوالے سے مختلف پیچیدگیوں کا شکار ہوسکتی ہیں۔ موٹی خواتین کے یہاں پیدائش قبل از وقت بھی ہوسکتی ہے جو ماں اور بچے دونوں کے لیے نقصان دہ ہوسکتا ہے۔

    :کم تنخواہ

    o5
    موٹاپے کا شکار افراد مالی مسائل کا بھی شکار ہوسکتے ہیں۔ موٹے افراد کم کام کرتے ہیں یا جلدی تھکن کا شکار ہوجاتے ہیں چنانچہ وہ بہتر کارکردگی نہیں دکھا پاتے یوں ان کی آمدنی اس سے متاثر ہوتی ہے۔

    :تضحیک کا شکار ہونا

    fat
    موٹے افراد اپنے موٹاپے کے باعث اکثر اپنے ساتھیوں کے مذاق کا نشانہ بنتے ہیں۔ زیادہ حساس افراد اس مذاق سے شدید متاثر ہوتے ہیں اور ان میں احساس کمتری سمیت کئی قسم کے منفی احساسات پیدا ہوسکتے ہیں۔

  • پیپلز پارٹی کے رہنما مخدوم امین فہیم کی حالت تشویشناک

    پیپلز پارٹی کے رہنما مخدوم امین فہیم کی حالت تشویشناک

    لندن: پیپلز پارٹی کے سینئر رہنماء اور سابق وفاقی وزیر مخدوم امین فہیم لندن میں زیرعلاج ہیں جہاں وہ کینسر کے مرض کے خلاف زندگی اورموت کی جنگ لڑرہے ہیں، ان کی حالت تشویشناک ہے۔

    تفصیلات کے مطابق امین فہیم کو کینسرکے مزیدبہترعلاج کے لئے لندن سے بوسٹن منتقل ہوناتھالیکن حالت تشویشناک ہونے کی وجہ سے ایساممکن نہ ہوسکا۔

    خیال رہے کہ کینسرکی وجہ سے امین فہیم کی صحت بہت خراب ہوچکی ہے اوربال بھی تیزی سے جھڑگئے ہیں۔ تازہ ترین تصویرمیں یہ دیکھاجاسکتاہے کہ پیپلزپارٹی کے سینئررہنما خرابی صحت کی وجہ سے پہچانے بھی نہیں جارہے۔

    مخدوم امین فہیم سروری جماعت نامی مذہبی تنظیم کے روحانی پیشوا بھی ہیں جس کے سندھ 1 لاکھ کے لگ بھگ مرید ہیں، امین فہیم 1970 سے پاکستانکے انتخابات میں حصہ لے رہے ہیں اور 1973 کے آئین پر دستخط کرنے والے ارکانِ اسمبلی میں سے ایک ہیں۔

    یادرہے کہ گزشتہ دنوں کراچی میں اینٹی کرپشن عدالت نے ٹریڈ ڈویلپمنٹ اتھارٹی میں ایک ارب روپے کی مبینہ کرپشن کے مقدمے میں سابق وزیراعظم یوسف رضا گیلانی کے ساتھ مخدوم امین فہیم کے بھی وارنٹ گرفتاری جاری کئے ہیں۔

    پیپلز پارٹی کے سینئر رہنماءرحمان ملک نے بھی ان کی طبعیت کی ناسازی کے حوالے سے ٹویٹر پیغام شیئر کیا ہے۔

     

  • گرین ٹی – صحت و توانائی اور پرجوش زندگی کا پوشیدہ خزانہ

    گرین ٹی – صحت و توانائی اور پرجوش زندگی کا پوشیدہ خزانہ

    سبز چائے کے طاقتور فوائد کے بارے میں آگاہی میں اضافے کے سبب اب زیادہ تر لوگ اس کو اپنی خوراک میں شامل کرنے کی منصوبہ بندی کر رہے ہیں۔ سبز چائے کی خصوصیات کو کئی ممالک نے تسلیم کیا ہے جیسے چائنا صدیوں سے اسے استعمال کرتا چلا آیا ہے۔ وہاں دواؤں کے ماہرین اسے استعمال کرنے کی ترغیب دیتے ہیں۔ کچھ صحت مند مشروبات کے طورپرزندگی کو پرُجوش بنانے کیلئے سبز چائے پینے کا مشورہ دیتے ہیں۔

    green tea

    دماغ کی صلاحیتوں میں اضافہ

    سبز چائے قدرتی طور پر منفی اثرات توڑ ہے جس کو آپ تلاش کر رہے ہونگے، کیونکہ سب چائے توانائی کی سطح مستحکم کرنے کیلے لئے ایک قابل اعتماد علاج ہے۔ کافی کے برعکس سبزچائے آپ کی ذہنی توانائی کی سطح کو بڑھاتا ہے۔

    چربی جلانا

    ماہرین تجویز دیتے ہیں کہ سبز چائے موٹاپا کم کرنے کے عمل میں جسم کے میٹابولزم کو تحریئک دیتی ہے۔ ہر انسان کے موٹاپے کی نوعیت مختلف ہوتی ہے لیکن سبز چائے ہرانسانی جسم کو چربی پگھلانے کی سہولت فراہم کرتی ہے سبز چائے میں موجود کیفین اورعلاوہ فیٹی ایسڈ کے استعمال سے جسم کی کارگردگی بڑھاتی ہے۔

    green tea

    کینسرکے بڑھنے کے خطرات کو کم کرنا

    طاقتورانتخاب اینٹی آکسائیڈ سبزچائے میں موجود ہے جو جسم کو قدرتی طور پرمضبوط بنانے اوردفاعی نظام کو بہتربنانے کیلئےمدد کرتی ہے۔ محققین کے مطابق روزانہ سبزچائے پینا کینسرکے بڑھتے ہوئے خطرات کو روکتا ہے جو پروسٹیٹ کینسر، اور بڑی آنت کے سرطان سے منسلک ہے۔

    ذیابطیس یا دل کے امراض کا خطرہ کم کرتا ہے

    سبز چائے انجائنا اور ذیابطیس کی قسم ٹو کو کنٹرول کرنے میں آپکی مدد کرسکتی ہے۔ خون میں شوگر کے اضافے کو بھی آپ سبز چائے سے کنٹرول کرسکتے ہیں اگر پابندی سے سبز چائے پیتے رہیں تو۔امراض قلب کے روک تھام کے سلسلے میں سبز چائے کے فوائد خون کے وریدوں میں کولیسٹرول میں اضافے کے خلاف ایک مستحکم اور مضبوط دفاعی نظام فراہم کرتے ہیں۔ ہائی کولیسٹرول فالج اور دل کے دورے کے اہم وجوہات میں شامل ہے۔

    grean tea benefits

    سبزچائے روزانہ ایک کپ

    سبز چائے کا ذائقہ آپ کو تھوڑا سا کڑوا لگ سکتا ہے اپنی چائے میں لیموں یا شہد شامل کرلیں تو انتہائی کامیابی کے ساتھ آپ تمام حیرت انگیز نتائج حاصل کرسکتے ہیں جو سبز چائے میں شامل ہیں۔ سبزچائے کو اپنے روزانہ کے معمولات میں شامل کریں جلد ہی آپ اپنی صحت میں بہتری پائیں گے۔

  • ثابت اناج کا استعمال کینسر اور دیگر بیماریوں سے بچاؤ میں مفید

    ثابت اناج کا استعمال کینسر اور دیگر بیماریوں سے بچاؤ میں مفید

    کراچی: (ویب ڈیسک)ناشتے میں گندم اور جو کے دلیے کا استعمال کینسر اور دیگر بیماریوں سے بچاؤ میں مفید ہے۔

    ہارورڈ پبلک سکول آف ہیلتھ میں کی گئی ایک تحقیق کے مطابق ثابت اناج میں فائبر، چھلکا اور اینڈو سپور سمیت متعد ایسے اجزا موجود ہوتے ہیں جو کہ پسے ہوئے آٹے یا دیگر خوراک میں نہیں پائے جاتے۔

     صبح کا آغاز ثابت گندم یا جو کے دلیے سے کرنے والے افراد میں کینسر کی شرح پندرہ فیصد کم ہوتی ہے جبکہ ذیا بیطس کی شرح اڑتالیس فیصد تک کم پائی جاتی ہے۔

    انسان صحت مند اور طویل زندگی کے لئے کیا کچھ نہیں کرتا مگر سائنسدانوں کا کہنا ہے کہ اس کے لئے بہت کچھ کرنے کی بجائے صرف ثابت گندم کا دلیہ کھانا بھی کافی ہے۔

    سائنسدانوں نے چودہ سال تک ایک تحقیق کے بعد دریافت کیا ہے کہ صبح کا آغاز ثابت گندم یا جو کے دلیے سے کرنے والے افراد میں کینسر کی شرح 15 فیصد کم، سانس کی بیماریوں کی شرح 11فیصد کم، ذیا بیطس کی شرح 48فیصد کم پائی جاتی ہے، جبکہ دیگر درجنوں بیماریوں کی شرح بھی انتہائی کم پائی گئی۔

    تحقیق میں بتایا گیا ہے کہ روزانہ تقریباً 34 گرام ثابت اناج کا استعمال انسان کو صحت اور طویل زندگی جیسی نعمت عطا کرسکتا ہے، اور خصوصاً عمر بڑھنے کے ساتھ بیماریوں سے تحفظ بھی ملتا ہے۔

  • سبزچائے کا استعمال منہ کے کینسرسے بچاؤمیں مفید ہے

    سبزچائے کا استعمال منہ کے کینسرسے بچاؤمیں مفید ہے

     

    کراچی (ویب ڈیسک) سبزچائے یوں تو ویسے ہی بے پناہ فوائد کی حامل ہے لیکن جدید تحقیق سے اس کا ایک ایسا فائدہ سامنے آیا ہے جس نے سبز چائے کی افادیت کئی گنا بڑھادی ہے۔

    طبی ماہرین کی ایک تحقیق کے مطابق سبز چائے میں ایک ایسا جز موجود ہوتا ہے جو منہ کے کینسر کا سبب بننے والے خلیات کا خاتمہ کرتا ہے۔

    تحقیق میں بتایا گیا ہے کہ سبز چائے میں ای جی سی جی نامی ایک جزپایا جاتا ہے جو عام خلیات کو نقصان نہیں پہنچاتا تاہم کینسر کا سبب بننے والے خلیات کو منہ سے ختم کردیتاہے۔

    سبزچائے کینسر کے علاوہ وزن گھٹانے، کولیسٹرول کم کرنے ، فشارِ خون کو قابو میں رکھنے کے علاوہ جسم میں بننے والے خطرناک کیمیائی مادوں کا سدِباب کرتے ہیں۔

  • چلغوزہ، کینسر اور دل کے امراض کےلئے نہایت مفید

    چلغوزہ، کینسر اور دل کے امراض کےلئے نہایت مفید

    کراچی: (ویب ڈیسک) ماہرین کہتے ہیں کہ چلغوزے میں موجود اجزا کینسر اور دل کے امراض سے بچاتے ہیں۔

    طبی تحقیق کے مطابق چلغوزے میں موجود کیلیشم فاسفورس اور آئرن انسان کو نہ صرف دل کے امراض کے ساتھ کینسر جیسے موذی مرض سے تحفظ دیتے ہیں بلکہ ان کو کھانا بصارت کے لئے مفید ہے۔ سائنسدانوں کے مطابق چلغوزے کے کھانے سے قوت مدافعت بڑھتی ہے جبکہ تھکان اور دباو کو دور کرنے کے لئےبھی چلغوزہ نہایت کار آمدہے۔

  • تمباکو نوش افراد کو کینسر کے خطرے سے آگاہ کرنے کا طریقہ دریافت

    تمباکو نوش افراد کو کینسر کے خطرے سے آگاہ کرنے کا طریقہ دریافت

    تمباکو نوشی کرنے والے افراد کو کینسرکے خطرے سے قبل ازوقت آگاہی کا طریقہ دریافت کرلیا گیا۔

    برطانیہ میں یونیورسٹی کالج آف لندن کے سائنسدانوں نے پہلی دفعہ ایک ایسا ٹیسٹ ایجاد کر لیا ہے جس کے ذریعے سگریٹ نوشوں کے خلیات کا معائنہ کرکے یہ بتایا جاسکتا ہے کہ انہیں پھیپھڑے کے کینسر کا خدشہ ہے یا نہیں۔

    اس ٹیسٹ کیلئے منہ اور ناک سے خلیات لےکر ان میں سے انفرا ریڈ روشنی گزاری جاتی ہے،انفراریڈ روشنی گزارنے پر ان خلیوں سے انعکاس یا انعطاف مختلف طرح سے ہوتا ہے جس کے باعث کینسر کا پتا چلانا ممکن ہو جاتا ہے۔

  • ڈرائی فروٹ کا استعمال کینسرسے بچاتا ہے

    ڈرائی فروٹ کا استعمال کینسرسے بچاتا ہے

    ڈرائی فروٹ کے استعمال سے کینسر کے جان لیوا مرض کا خطرہ کم ہوجاتاہے۔

    امریکا کے ہاورڈ اسکول آف پبلک ہیلتھ کی تحقیق کےمطابق بادام،اخروٹ اور مونگ پھلی وغیرہ کےاستعمال سے لبلبے کے جان لیوا کینسر کا خطرہ کم ہوجاتاہے،ہفتےمیں دوبار مناسب مقدار میں نٹس کا استعمال کینسر میں مبتلا ہونے کے خطرے کوایک تہائی حد تک کم کردیتا ہے۔