امریکی صدر جو بائیڈن نے دعویٰ کیا ہے کہ دوسری جنگِ عظیم کے دوران اُن کے چچا امریکی فوج میں اپنی ذمہ داریاں نبھا رہے تھے، اُن کا طیارہ مار گرایا گیا تھا جس کے نتیجے میں وہ آدم خوروں کی غذا بن گئے تھے۔
غیر ملکی ذرائع ابلاغ کے مطابق امریکی صدر نے دعویٰ کیا ہے کہ اُن کے چچا، ایمبروز فنینگن کی باقیات کبھی نہیں ملیں اور آج تک ان کی لاش کی حوالے سے کوئی معلومات سامنے نہیں آئیں۔
امریکی صدر نے کہا کہ ان کے چچا کا طیارہ نیو گنی کے مقام پر گرا دیا گیا تھا، جہاں بڑی تعداد میں آدم خور پائے جاتے تھے۔
امریکی صدر جوبائیڈن نے اِن خیالات کا اظہار اپنے آبائی شہر سکرینٹن، پنسلوانیا میں گزشتہ روز جنگی یادگاروں کے دورے کے موقع پر کیا۔
امریکی میڈیا ’نیویارک پوسٹ‘ کی رپورٹ میں بتایا گیا ہے کہ بائیڈن نے اپنے چچا کے کنندہ نام پر ہاتھ رکھا اور اُنہیں خراج تحسین پیش کیا۔
امریکی میڈیا کے مطابق امریکی صدر بائیڈن کے چچا ایمبروز فنینگن کی لاش ان کے طیارے کے گرنے کے بعد کبھی برآمد نہیں ہوسکی۔
عالمی دباؤ مسترد، اسرائیلی وزیر اعظم کا واضح پیغام؟
نامہ نگاروں کو جوبائیڈن نے بتایا کہ دوسری جنگِ عظیم میں اُن کے چچا نے رضاکارانہ طور پر حصہ لیا تھا، اُن کی لاش تو نہیں ملی مگر اُن کے سنگل انجن والے طیارے کے کچھ حصے ملے تھے۔
