ARYNews.tv | Urdu – Har Lamha Bakhabar

Tag: Cape Town

  • کیپ ٹاؤن میں ٹیکسی ہڑتال کے دوران 5 افراد ہلاک، برطانوی شہری بھی شامل

    کیپ ٹاؤن میں ٹیکسی ہڑتال کے دوران 5 افراد ہلاک، برطانوی شہری بھی شامل

    کیپ ٹاؤن: کیپ ٹاؤن میں ٹیکسی ہڑتال کے دوران پُر تشدد واقعات میں 5 افراد ہلاک ہو گئے، جن میں ایک برطانوی شہری بھی شامل ہے۔

    برطانوی میڈیا کے مطابق جنوبی افریقی دارالحکومت کیپ ٹاؤن میں ٹیکسی ہڑتال سے متعلق پرتشدد مظاہروں میں پانچ افراد ہلاک ہو گئے ہیں، ہلاک شدگان میں ایک 40 سالہ برطانوی سیاح بھی شامل ہے۔

    کیپ ٹاؤن میں ٹیکسی ڈرائیورز کی ہڑتال پُرتشدد مظاہروں میں تبدیل ہو گئی ہے، مظاہرین اور پولیس کے درمیان شدید جھڑپیں ہوئیں، جس کے بعد پولیس نے 120 افراد کو گرفتار کر لیا ہے۔

    ایک ہفتہ طویل ہڑتال پر جانے والے ٹیکسی ڈرائیورز کا مؤقف تھا کہ قانون نافذ کرنے والے حکام بے جا سختی سے کام لے رہے ہیں، ان کا کہنا تھا کہ حکومت کی طرف سے معمولی جرائم پر ٹیکسیوں کو ضبط کرنے پر کاروبار متاثر ہوا ہے، اور ہزاروں افراد بے روزگار ہو گئے ہیں۔

    حکومت اور ٹیکسی ڈرائیورز کے درمیان مذاکرات بھی ہوئے جو ناکام ہو گئے جس پر شہر بھر میں ڈرائیورز نے ٹیکسی آپریشن بند کر دیا ہے، ہڑتال کے دوران کیپ ٹاؤن کے نواحی علاقوں میں لوٹ مار کے واقعات رونما ہوئے اور سڑکیں بند کر دی گئی ہیں۔

    ڈرائیوروں کے مطابق ان کی جانب سے کی جانے والی خلاف ورزیوں میں سیٹ بیلٹ نہ باندھنا اور ایمرجنسی لین میں غیر قانونی طور پر گاڑی چلانا شامل ہیں، انھوں نے یہ دعویٰ بھی کیا کہ دوسروں کو ان خلاف ورزیوں پر صرف جرمانے کا سامنا کرنا پڑتا ہے۔ کیپ ٹاؤن بھر کے منی بس ٹیکسی آپریٹرز نے بھی شکایت کی ہے کہ حکومت ان کی ٹیکسیوں کو یہ کہہ کر ضبط کر رہی ہے یہ سڑک پر چلنے کے قابل نہیں ہیں۔

  • کیپ ٹاؤن ٹیسٹ، پاکستانی ٹیم 177 رنز پر ڈھیر، جنوبی افریقہ نے 2 وکٹوں پر 123 رنز بنالیے

    کیپ ٹاؤن ٹیسٹ، پاکستانی ٹیم 177 رنز پر ڈھیر، جنوبی افریقہ نے 2 وکٹوں پر 123 رنز بنالیے

    کیپ ٹاؤن: پاکستان اور جنوبی افریقہ کے درمیان جاری دوسرے ٹیسٹ میچ کے پہلے روز پاکستانی ٹیم 177 رنز پر ڈھیر ہوگئی، دن کے اختتام پر جنوبی افریقہ نے 2 وکٹوں پر 123 رنز بنالیے۔

    تفصیلات کے مطابق کیپ ٹاؤن ٹیسٹ میچ کی پہلی اننگز میں پاکستانی ٹیم 177 رنز پر ڈھیر ہوگئی، جنوبی افریقہ نے 2 وکٹوں کے نقصان پر 123 رنز بنالیے، جنوبی افریقہ کو پاکستان کی برتری ختم کرنے کے لیے مزید 54 رنز درکار ہیں۔

    جنوبی افریقہ کی جانب سے مرکرام نے شاندار 78 رنز کی اننگز کھیلی انہیں شان مسعود نے بولڈ کیا، ڈین ایلگر 20 رنز بنا کر پویلین لوٹ گئے، ہاشم آملہ 24 رنز کے ساتھ وکٹ پر موجود ہیں۔

    پاکستان کی جانب سے محمد عامر اور شان مسعود نے ایک، ایک وکٹ حاصل کی، محمد عباس 9 اوورز میں 45 رنز دے کر کوئی وکٹ حاصل نہیں کرسکے۔

    قبل ازیں جنوبی افریقہ نے ٹاس جیت کر پاکستان کو پہلے بیٹنگ کی دعوت دی تو پاکستان کے اوپنرز دوسرے ٹیسٹ میچ میں بھی ناکام ثابت ہوئے، امام الحق 8 اور فخر زمان 1 رن بنا کر پویلین لوٹ گئے۔

    اظہر علی 2 رنز بنا اولیویئر کی گیند پر آملہ کو کیچ دے بیٹھے، بابر اعظم صرف 2 رنز بناسکے، اسد شفیق 20 رنز بنا کر اولیویئر کی گیند پر ایلگر کے ہاتھوں کیچ آؤٹ ہوئے۔

    پاکستان کی جانب سے کپتان سرفراز احمد نے نصف سنچری اسکور کی، کپتان نے 56 رنز کی ذمہ دارانہ اننگز کھیلی، شان مسعود 44 رنز بنا کر آؤٹ ہوئے، محمد عامر 22 رنز بنا کر ناٹ آؤٹ رہے۔

    جنوبی افریقہ کے فاسٹ بولر اولیویئر نے 4 کھلاڑیوں کو پویلین کی راہ دکھائی، ڈیل اسٹین نے تین، ربادا نے 2 اور فلینڈر نے ایک وکٹ حاصل کی۔

    نیولینڈز کیپٹ ٹاؤن میں پاکستان کا ریکارڈ اچھا نہیں ہے اس گراؤنڈ پر دونوں ٹیموں کے درمیان تین ٹیسٹ میچ کھیلے گئے اور تینوں میں جنوبی افریقہ نے پاکستان کو شکست دی۔

    پاکستان کو اس گراؤنڈ میں 2003 میں اننگز اور 142 رنز، 2007 میں پانچ وکٹوں اور 2013 میں 4 وکٹوں سے شکست کا سامنا کرنا پڑا۔

    قومی کرکٹ ٹیم کے کپتان سرفراز احمد کا گزشتہ روز کیپ ٹاؤن میں میڈیا سے گفتگو کرتے ہوئے کہنا تھا کہ ہماری بیٹنگ اگر زیادہ رنز بنا دیتی ہے تو ہمارے باؤلرز ہدف کا دفاع کرسکتے ہیں۔

    سرفراز احمد کا کہنا تھا کہ کیپ ٹاؤن کی وکٹ کو دیکھ کر لگ رہا ہے اس میں یاسر شاہ کو مدد ملے گی اور ہم ایک اسپنرکے علاوہ تین فاسٹ باؤلرز کو بھی شامل کریں گے

    سرفراز احمد نے کہا کہ کیپ ٹاؤن کی وکٹ کو دیکھ کر لگ رہا ہے اس میں یاسرشاہ کو مدد ملےگی اور ہم ایک اسپنر کے علاوہ 3 فاسٹ باؤلرز کو بھی شامل کریں گے۔

    یاد رہے کہ جنوبی افریقہ نے پہلے ٹیسٹ میچ میں 6 وکٹوں سے کامیابی حاصل کی تھی اور ان کی اس جیت میں 11 وکٹیں لے کر مرکزی کردار ڈوئن اولیوئیر نے ادا کیا تھا۔

  • جنوبی افریقہ میں 10 لاکھ شہد کی مکھیاں ہلاک

    جنوبی افریقہ میں 10 لاکھ شہد کی مکھیاں ہلاک

    کیپ ٹاؤن: جنوبی افریقہ کے دارالحکومت کیپ ٹاؤن میں فصلوں پر زہریلی دوا کے چھڑکاؤ کے باعث شہد کی مکھیوں کی ہلاکت کا خدشہ ظاہر کیا جارہا ہے جن کی تعداد 10 لاکھ تک ہوسکتی ہے۔

    جنوبی افریقہ میں شراب کے کسانوں کی جانب سے استعمال کی جانے والی دوا فپرونل نے ممکنہ طور پر بے شمار شہد کی مکھیوں کو ہلاک کردیا۔

    کیپ ٹاؤن کے آس پاس موجود ایسے مقامات جہاں ان مکھیوں کی افزائش کی جاتی ہے، بھی اس سے متاثر ہوئے ہیں، تاہم ابھی حتمی طور پر کہا نہیں جاسکتا کہ اس دوا سے کتنی مکھیاں ہلاک ہوئی ہیں۔

    یہ دوا اس سے قبل یورپ میں بھی بے شمار مکھیوں کی ہلاکت کی وجہ بن چکی ہے۔ ماہرین کے مطابق فپرونل ان مکھیوں کے لیے بے حد خطرناک ہے اور سنہ 2013 میں یورپ میں اس پر پابندی بھی عائد کی جاچکی ہے۔

    مزید پڑھیں: شہد کی مکھیاں خطرے میں

    شہد کے کاروبار سے وابستہ کیپ ٹاؤن کے قریب رہنے والے ایک شخص نے بتایا کہ اس کے پاس موجود 35 سے 40 فیصد چھتوں کی مکھیاں اس سے متاثر ہوئی ہیں۔

    انہوں نے بتایا کہ وہ ہر روز اپنے چھتوں کے آگے بے شمار مکھیاں مردہ حالت میں پاتے ہیں۔

    ایک اور شخص کے مطابق اس واقعے سے شہد کی پیداوار پر بھی اثر پڑے گا اور رواں برس کرسمس کے موقع پر شہد کی قلت پیدا ہوسکتی ہے۔

    یاد رہے کہ خطرناک ڈنک مارنے والی شہد کی مکھیاں اس دنیا میں ہمارے وجود کی ضمانت ہیں اور اگر یہ نہ رہیں تو ہم بھی نہیں رہیں گے۔

    ہم جو کچھ بھی کھاتے ہیں اس کا ایک بڑا حصہ ہمیں ان مکھیوں کی بدولت حاصل ہوتا ہے۔ شہد کی مکھیاں پودوں کے پولی نیٹس (ننھے ذرات جو پودوں کی افزائش نسل کے لیے ضروری ہوتے ہیں) کو پودے کے نر اور مادہ حصوں میں منتقل کرتے ہیں۔ اس عمل کے باعث ہی پودوں کی افزائش ہوتی ہے اور وہ بڑھ کر پھول اور پھر پھل یا سبزی بنتے ہیں۔

    ماہرین کے مطابق ہماری غذائی اشیا کا ایک تہائی حصہ ان مکھیوں کا مرہون منت ہے۔ امریکی ماہرین معیشت کے مطابق امریکا میں شہد کی مکھیاں ہر برس اندازاً 19 بلین ڈالر مالیت کی افزائش زراعت کا باعث بنتی ہیں۔

    مزید پڑھیں: شہد کی مکھیاں فٹبال کھیل سکتی ہیں

    شہد کی مکھیاں یہ کام صرف چھوٹے پودوں میں ہی نہیں بلکہ درختوں میں بھی سر انجام دیتی ہیں۔ درختوں میں لگنے والے پھل، پھول بننے سے قبل ان مکھیوں پر منحصر ہوتے ہیں کہ وہ آئیں اور ان کی پولی نیشن کا عمل انجام دیں۔

    واضح رہے کہ یہ عمل اس وقت انجام پاتا ہے جب شہد کی مکھیاں پھولوں کا رس چوسنے کے لیے پھولوں پر آتی ہیں۔

    دوسری جانب ان مکھیوں سے ہمیں شہد بھی حاصل ہوتا ہے جو غذائی اشیا کے ساتھ کئی دواؤں میں بھی استعمال کیا جاتا ہے۔

  • کراچی میکسیکواورکیپ ٹاؤن سے بھی زیادہ محفوظ شہرقرار

    کراچی میکسیکواورکیپ ٹاؤن سے بھی زیادہ محفوظ شہرقرار

    کرا چی : شہر قائد میکسیکو اور کیپ ٹاؤن سے بھی زیادہ محفوظ شہرقرار دے دیا گیا، خطرناک شہروں کی فہرست میں کراچی چھٹے سے پچاسویں نمبر پر آگیا، چار سال کے دوران چوالیس درجے بہتری آئی۔

    تفصیلات کے مطابق روشنیوں کے شہر میں دہشت گردوں کے خلاف تابڑ توڑ کارروائیوں، سیکڑوں بھتہ خوروں اور ٹارگٹ کلرز کی گرفتاریوں کا پھل مل گیا۔

    کراچی آپریشن میں سیکیورٹی فورسز کی محنت رنگ لے آئی، بین الاقوامی کرائم انڈیکس میں خطرناک شہروں میں کراچی چھٹے سے پچاسویں نمبر پر چلا گیا۔

    تین سال کے اندر کراچی کے امن میں چوالیس درجے بہتری آئی ہے، نمبیو انٹرنیشنل کرائم انڈیکس نامی تنظیم کے دوہزار اٹھارہ کے سروے کے مطابق شہر کراچی کیپ ٹاؤن اور میکسیکو سٹی سے بھی محفوظ شہر ہے۔

    یا د رہے کہ سال دو ہزار تیرہ میں اسی تنظیم نے کراچی کو دنیا کا چھٹا خطرناک شہر قرار دیا تھا، سروے رپورٹ کے مطابق تین سو ستائیس شہروں کی فہرست میں لاہور انیس درجے بہتری کے بعد ایک سو اڑتیسویں اور اسلام آباد دو سو چھبیسویں نمبر پر ہے۔

    مزید پڑھیں: جاپانی میئر نے کراچی کو محفوظ، دلچسپ اور پرکشش شہر قرار دے دیا

    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

  • پہلا ٹیسٹ : جنوبی افریقہ نے بھارت کو چوتھے روز ہی 72 رنز سے ہرا دیا

    پہلا ٹیسٹ : جنوبی افریقہ نے بھارت کو چوتھے روز ہی 72 رنز سے ہرا دیا

    کیپ ٹاؤن : جنوبی افریقہ نے بھارت کو پہلے ٹیسٹ میں 72 رنز سے ہرادیا، گھر پر جیتنے والے بھارت کو ایک بار پھرگھر سے باہر شکست کا سامنا کرنا پڑا، 208 رنز کے جواب میں بھارتی سورما 135 رنز بنا کر پویلین لوٹ گئے۔

    تفصیلات کے مطابق گھر پر شیر اور گھر سے باہر بھیگی بلی بننے والی بھارتی ٹیم کو جنوبی افریقہ نے کیپ ٹاؤن میں عبرتناک شکست دے دی۔

    ساﺅتھ افریقہ نے بھارت کو تین میچز کی سیریز کے پہلے ٹیسٹ میچ میں 72 رنز سے شکست دیتے ہوئے ایک صفر کی برتری حاصل کرلی۔

    ٹیسٹ میچ میں کھیل کے چوتھے دن کا آغاز ساﺅتھ افریقہ نے دو وکٹوں کے نقصان پر65 رنز سے دوبارہ کیا اور مزید 130 رنز بنا کر بھارت کو208 رنز کا ٹارگٹ دیا۔

    جواب میں ہوم گراؤنڈ پر رنز اور ڈبل سنچریوں کے انبار لگانے والے ویرات کوہلی جنوبی افریقہ میں بیٹنگ بھول گئے، وہ پہلی اننگز میں 5 اور دوسری میں 28 رنز ہی بناسکے۔

    شیکھر دھون، مرلی وجے، روہت شرما اور پوجارا سب ہی فیل ہوگئے۔ 208 رنز کا معمولی سا ہدف بھارتی سورماؤں کے لئے پہاڑ بن گیا، بھارت کے بڑے بڑے بلے باز کھیلنا ہی بھول گئے، پوری ٹیم135رنز پر ہی ڈھیر ہوگئی۔

    فیلنڈر نے دوسری اننگز میں 6 کھلاڑیوں کا شکارکیا جبکہ مورنی مورکل اور کگیسو ربدانے 2,2وکٹیں حاصل کیں۔

    واضح رہے کہ گذشتہ دو سال سے ہوم گراؤنڈ پر جیتنے والا بھارت گھر سے باہر پہلے ہی امتحان میں بری طرح ناکام رہا، یہ ٹیسٹ کی نمبر ون ٹیم کی اصلیت ہے جسے صرف گھر پر ہی جیتنا آتا ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔ 

  • جنوب افریقی کرکٹر ون پارنل کی شادی کی تصاویر سوشل میڈیا پر وائرل

    جنوب افریقی کرکٹر ون پارنل کی شادی کی تصاویر سوشل میڈیا پر وائرل

    جنوبی افریقی کرکٹر وین پارنل رشتہ ازدواج میں منسلک ہوگئے۔ ان کی شادی کی خوبصورت تصاویر سوشل میڈیا پر وائرل ہوگئیں۔

    مسلمان جنوبی افریقی کرکٹر وین پارنل نے ایک فیشن بلاگر عائشہ سے شادی کی ہے۔

    دونوں کا نکاح جنوبی افرقی شہر کیپ ٹاؤن کی ایک مسجد میں ہوا۔ اس موقع پر دلہا دولہن روایتی مذہبی عروسی لباس میں ملبوس تھے۔

    دلہن عائشہ نے حجاب کے ساتھ سفید فراک جبکہ دلہا نے سیاہ شیروانی اور سیاہ ٹوپی پہنی۔

    شادی کی تقریب مکمل طور پر نجی تھی جس میں 400 مہمانوں نے شرکت کی۔

    سنہ 2009 سے اپنے انٹرنیشنل کیرئیر کا آغاز کرنے والے وین پارنل 64 ایک روزہ میچز میں 508 رنز بنا چکے ہیں۔ انہی میچز میں وہ 94 وکٹس بھی لے چکے ہیں۔

    پارنل سنہ 2008 کے انڈر 19 ورلڈ کپ میں جنوبی افریقی ٹیم کے کپتان بھی رہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • جنوبی افریقہ کے نیشنل پارک میں شتر مرغ کا سیاح پر حملہ، مار مار کر اس کا حلیہ بگاڑ دیا

    جنوبی افریقہ کے نیشنل پارک میں شتر مرغ کا سیاح پر حملہ، مار مار کر اس کا حلیہ بگاڑ دیا

    کیپ ٹاون : جنوبی افریقہ کےنیشنل پارک میں شتر مرغ نے سیاح پر حملہ کردیا اور مار مار کر اس کا حلیہ بگاڑ دیا۔

    خواہ مخواہ کی چھیڑ خانی میں کبھی کبھی لینے کے دینے بھی پڑ سکتے ہیں، کچھ ایسا ہی دیکھنے میں آیا کیپ ٹاون کے نزدیک نیشنل پارک میں جہاں شتر مرغ نے اپنے سامنے کھڑے شخص پر اچانک حملہ کرکے اس کا حلیہ بگاڑ دیا۔

    خبررساں ادارے کے مطابق جنوبی افریقہ کے سفاری زو میں ٹینی وین نامی انجینئر سیروتفریح کیلئے گیا ہوا تھا جہا ں وہ ٹہلتے ہوئے شتر مرغ کے نزدیک پہنچ گیا اور اس کیساتھ تصویر لینے کی کوشش میں شترمرغ نے انجینئر پر اچانک حملہ کردیا اور ٹھونگیں ، لاتیں مار مار کراسے زمین پر گرادیا

    قریبی موجود دیگر افراد نے بامشکل متاثرہ شخص کی جان بچائی۔

    خیال رہے کہ شتر مرغ دنیا کا سب سے بڑا پرندہ ہے، دنیا میں موجود پرندوں  میں شتر مرغ سب سے قدآور ہے۔ عام طور پرایک  شتر مرغ کا قد چھےسے  آٹھ فٹ  تک ہوتا ہے۔

    ویڈیو دیکھیں

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

     

  • کیپ ٹاؤن : تیز ہواؤں نے سائیکل سواروں کو بھی اُڑا دیا

    کیپ ٹاؤن : تیز ہواؤں نے سائیکل سواروں کو بھی اُڑا دیا

    کیپ ٹاؤن : جنوبی افریقہ کےدارالحکومت کیپ ٹاؤن میں انتہائی تیز رفتار طوفانی ہواؤں نے زندگی کو مفلوج کردیا، انٹرنیشنل سائیکل ریس کے شرکاء بھی محفوظ نہ رہے، سائیکل سواروں کو اپنی سائیکلیں سنبھالنا مشکل ہوگئیں۔

    تفصیلات کے مطابق جنوبی افریقہ کےدارالحکومت کیپ ٹاؤن میں سو کلو میٹر فی گھنٹہ کی رفتار سے چلنے والی ہواؤں نے کاروبار زندگی کے ساتھ ساتھ  انٹر نیشنل سائیکل ریس کو بھی بریک لگا دیا۔


    south Africa, Captown, by arynews

    ریس کے شرکاء سلو موشن انداز میں پیڈل مارتے گرتے پڑتے اپنی سائیکلیں سنبھالتے رہے، منظر ایسا تھا کہ شاید یہ لوگ زمیں پر نہیں بلکہ خلا میں ہیں۔ جن کی رفتار کو تیز ہوا نے روک لیا ہے۔

    cycle-post-01

    فوٹیج میں یہ منظر دیکھا جاسکتا ہے کہ کیپ ٹاؤن میں انٹر نیشنل سائیکل ریس کے دوران جب اچانک ہوا کی رفتارسو کلومیٹر فی گھنٹہ تک پہنچی اورتیزی سے سائیکل دوڑاتے کھلاڑیوں کیلئے پیڈل مارنا بھی مشکل ہوگیا۔

    cycle-post-02

    سائیکل سواروں نے تو آگے بڑھنے کی کوشش کی لیکن ہلکی پھلکی سائیکلیں طوفانی ہواؤں  کا زور برداشت نہ کرسکیں، ایک سو نو کلومیٹر کی اس سائیکل ریس میں پینتیس ہزار افراد حصہ لے رہے تھے جسے اکیس کلو میٹر بعد ہی ختم کرنا پڑا۔

    cycle-post-03

  • بلائنڈ کرکٹ ورلڈ کپ: قومی ٹیم کی مسلسل تیسری کامیابی

    بلائنڈ کرکٹ ورلڈ کپ: قومی ٹیم کی مسلسل تیسری کامیابی

    کیپ ٹاؤن: بلائنڈ کرکٹ ورلڈ کپ میں پاکستان نے انگلینڈ کو دو سو سات رنز سے شکست دیکر ایونٹ میں مسلسل تیسری کامیابی حاصل کرلی۔کیپ ٹاؤن میں کھیلے گئے بلائنڈ کرکٹ ورلڈ کپ میں پاکستان کی شاندار کارکردگی کا سلسلہ جاری ہے۔

    انگلینڈ کے خلاف قومی بلائنڈ ٹیم نے پہلے بیٹنگ کرتے ہوئے چار سو چھیالیس رنز بنائے۔ ہدف کے تعاقب میں انگلش ٹیم شروع سے ہی مشکلات کا شکار رہی۔

    پاکستانی بولرز کی نپی تلی بولنگ کے باعث انگلش ٹیم مقررہ چالیس اوورز میں دو سو انتالیس رنز بناسکی۔پاکستان نے دو سو سات رنز سے کامیابی حاصل کرتے ہوئے میگا ایونٹ میں مسلسل تیسری کامیابی حاصل کی۔

  • کیپ ٹاؤن ٹیسٹ:جنوبی افریقہ کی ٹیم دو سوستاسی رنزبناکرآؤٹ

    کیپ ٹاؤن ٹیسٹ:جنوبی افریقہ کی ٹیم دو سوستاسی رنزبناکرآؤٹ

    Cape Town ---02