ARYNews.tv | Urdu – Har Lamha Bakhabar

Tag: Capt Safdar

  • ایون فیلڈ ریفرنس : مریم نوازاور کیپٹن ریٹائرڈ صفدر کی سزا کے خلاف اپیلوں پر سماعت آج ہوگی

    ایون فیلڈ ریفرنس : مریم نوازاور کیپٹن ریٹائرڈ صفدر کی سزا کے خلاف اپیلوں پر سماعت آج ہوگی

    اسلام آباد : اسلام آباد ہائی کورٹ میں مریم نواز اور کیپٹن ریٹائرڈ صفدرکی ایون فیلڈ ریفرنس میں سزا کے خلاف اپیلوں پرسماعت آج ہوگی ، احتساب عدالت نے مریم نواز کو سات سال اور کیپٹن صفدر کو ایک سال سزا سنائی تھی۔

    تفصیلات کے مطابق اسلام آباد ہائی کورٹ میں ایون فیلڈ ریفرنس میں مریم نواز اور کیپٹن ر صفدر کی اپیلوں پر سماعت آج پھر ہوگی، عدالتی حکم پر رجسٹرار آفس نے مریم نواز اور کیپٹن ر صفدر کی اپیلیں آج کے لئے مقرر کر دی ہیں۔

    اسلام آباد ہائیکورٹ کے ڈویژن بنچ پر مشتمل جسٹس عامر فاروق اور جسٹس محسن اختر کیانی اپیلوں پر سماعت کرے گا، نیب کی پروسیکوشن ٹیم ، مریم نواز اور کیپٹن ر صفدر کی جانب سے عرفان قادر ایڈووکیٹ عدالت میں پیش ہوں گے۔

    اسلام آبا ہائی کورٹ میں مریم نواز کی آمد سے قبل سیکیورٹی ہائی الرٹ کردی ہے اور بی ڈی ایس نے کمرہ عدالت کو چیک کر کے کلیئر قرار دے دیا جبکہ کورٹ روم نمبر 2 کے سامنے سیکیورٹی واک تھرووگیٹ نصب کئے گئے ہیں اور پولیس کی بھاری نفری ہائی کورٹ کے اطراف تعینات کردی ہے۔

    نیب نے ایون فیلڈ ریفرنس میں مریم نواز اور کیپٹن صفدرکی ضمانت منسوخ کرنے کے لیے اپیل کر رکھی ہے، ہائی کورٹ نے نیب کی جانب سے مریم نواز کی ضمانت منسوخی کی درخواست بھی مرکزی اپیل کے ساتھ سننے کا فیصلہ کیا ہے۔

    مریم نواز کی ضمانت منسوخی کے لئے دائر نیب درخواست پر سماعت بھی آج ہی کے دن تک کے لئے ملتوی کر دی تھی۔

    مریم نواز کی دائر کردہ کرمنل اپیل نمبر 122 دو ہزار اٹھارہ آج سماعت کے لئے مقرر ہے ، احتساب عدالت نے مریم نواز کو 7 سال سزا سنائی تھی جبکہ کیپٹن ر صفدر کی دائر کردہ کرمنل اپیل نمبر 123 دو ہزار اٹھارہ سماعت بھی آج سماعت کےلئے مقرر ہے، احتساب عدالت نے کیپٹن ر صفدر کو 1 سال سزا سنائی تھی۔

  • نیب دفترحملہ کیس : کیپٹن (ر) صفدر کی عبوری ضمانت خارج

    نیب دفترحملہ کیس : کیپٹن (ر) صفدر کی عبوری ضمانت خارج

    لاہور : سیشن عدالت نے نیب دفترحملہ کیس میں کیپٹن (ر) صفدر سمیت16لیگی کارکنان کی عبوری ضمانت خارج کردی اور کہا دہشت گردی دفعات کے بعد سیشن کورٹ درخواست ضمانت پرسماعت نہیں کرسکتی۔

    تفصیلات کے مطابق لاہور کی سیشن عدالت میں نیب دفترحملہ کیس میں کیپٹن(ر) صفدر سمیت 16 لیگی کارکنوں کی درخواست ضمانت پر سماعت ہوئی، ایڈیشنل سیشن جج شکیل احمد نے ضمانت کی درخواستوں پر سماعت کی۔

    کیپٹن صفدر اپنے وکلا کے ہمراہ عدالت میں حاضری کے لیے پیش ہوئے ، ،وکیل نےکہا چوہنگ پولیس نے ہنگامہ آرائی کے الزام میں بے بنیاد مقدمہ درج کیا، نیب دفتر پر حملےکا الزام بے بنیاد ہے۔

    پولیس نے مؤقف میں کہا کہ مقدمے میں دہشت گردی کی دفعات شامل کر لی گئیں، جس پر عدالت نے کہا دہشت گردی دفعات کے بعد سیشن کورٹ درخواست ضمانت پر سماعت نہیں کرسکتی۔

    عدالت نے کیپٹن (ر) صفدر سمیت 16لیگی کارکنان کی عبوری ضمانت خارج کردی۔

    بعد ازاں ایڈیشنل سیشن جج شکیل احمد نے کیپٹن(ر)صفدر کی ضمانت خارج ہونے کا تحریری فیصلہ جاری کیا ، جس میں کہا کہ پراسیکیوٹر کے مطابق صرف مریم نواز کو انکوائری کیلئےبلایا گیا ،پراسیکیوٹر نے بتایا کیپٹن(ر)صفدرسمیت بڑی تعدادنیب دفترپہنچی۔

    تحریری فیصلہ میں کہا گیا تفتیشی افسرکےمطابق سی سی ٹی وی فوٹیج اور شواہد جمع کئےگئے ، جس سے ثابت ہوتا ہے، ان کا مقصد خوف پھیلانا تھا، عدالت کو بتایا گیا مقدمے میں دہشت گردی کی دفعات ہیں، دہشت گردی کی دفعات ہونے پرسیشن کورٹ درخواست نہیں سن سکتی۔
    .
    فیصلے کے مطابق دہشت گردی کی دفعات کے بعدمتعلقہ عدالت اے ٹی سی ہے، سیشن کورٹ کیپٹن صفدر کی درخواست ضمانت خارج کرتی ہے۔

    خیال رہے سیشن کورٹ میں کیپٹن (ر) صفدر سمیت 16لیگی کارکنوں نے درخواست دی تھی۔

  • سزا معطلی کیس: مریم نوازاورکیپٹن (ر) کے وکیل کے دلائل مکمل

    سزا معطلی کیس: مریم نوازاورکیپٹن (ر) کے وکیل کے دلائل مکمل

    اسلام آباد: اسلام آباد ہائی کورٹ میں نواز شریف ، مریم نواز اور کیپٹن (ر) صفدر کی سزا معطلی کی درخواست پر سماعت ہوئی، مریم نواز اور کیپٹن ( ر) صفدر کےوکیل نے دلائل مکمل کرلیے۔

    تفصیلات کے مطابق آج بروز بدھ اسلام آباد ہائی کورٹ جسٹس اطہر من اللہ اور جسٹس میاں گل حسن پر مشتمل ڈویژنل بنچ نے شریف خاندان کی جانب سے دائر کردہ درخواستوں کی سماعت کی، نواز شریف کی جانب سے خواجہ حارث ایڈوکیٹ جبکہ مریم نواز اور کیپٹن (ر) صفدر کی جانب سے امجد پرویز ایڈوکیٹ عدالت کے روبرو پیش ہوئے۔

    عدالت میں مریم نواز اور کیپٹن (ر) صفدر کے وکیل پرویز امجد نے اپنے دلائل مکمل کیے، گزشتہ سماعت پر نواز شریف کے وکیل خواجہ حارث کی جانب سے دلائل مکمل کیے گئے تھے۔نیب کے ڈپٹی پراسیکیوٹر جنرل سردار مظفر عباسی 16 اگست کو دلائل مکمل کریں گے۔

    سماعت کے دوران جسٹس میاں گل حسین نے سوال کیا کہ لندن فلیٹس کا سیٹلر کون ہے؟، جس پر امجد پرویز نے عدالت کو جواب دیا کہ ’ حسن نواز بینفشری اور سیٹلر ہیں۔ اس موقع پر عدالت نے پوچھا کہ حسن نواز بینفشری بھی ہیں اور سیٹلر بھی ؟۔ جس پر امجد پرویز نے جواب دیا کہ یہ میرا کیس نہیں ، میں نے سیٹلمنٹ کو نہیں دیکھا۔

    عدالت نے مزید استفار کیا کہ 2006 سے پہلے یہ فلیٹ کس کی ملکیت تھے ؟، قطری نے کب کہا کہ یہ فلیٹ اب آپ کی ملکیت ہیں؟۔ عدالت نے امجد پرویز سے کہا کہ سیٹلمنٹ کی درست تاریخ بتائیں ، کل آپ 2005 کہہ رہے تھے اور آج آپ 2006 کہہ رہے ہیں۔

    دورانِ سماعت جسٹس اطہر من اللہ نے اپنے ریمارکس میں کہا کہنوازشریف کیس سےمتعلق میرےخلاف سوشل میڈیاپرمنفی پروپیگنڈاشروع کیاگیا، غلط خبریں نشرکرناجرم ہے جس پر ایف آئی اے سے تفتیش شروع کرائی۔ انہوں نے کہا کہ میں نے کبھی نہیں کہا کہ کہ ’’نیب کےوکیل کوپانی پلائیں‘‘۔

    سماعت کے دوران پراسیکوٹر جنرل سردار سردار مظفر عباسی ایڈووکیٹ نے عدالت سے استدعا کی کہ پیپر بک اور کیس کی کاپی دیر سے ملنے پر سماعت ملتوی کر دیں، جس پر خواجہ حارث نے درمیان میں دخل دیتے ہوئے کہا کہ میں نیب کو پیپر بک وغیرہ دے دیے تھے۔

    سردار مظفر عباسی نے نے موقف اختیار کی کہ کل ایک بجے خواجہ حارث نے مجھے فون کیا، میں اس وقت شہر سے باہر تھا، آج سماعت سے پہلے مجھے دستاویزات فراہم کیے گئے ہیں، اس لیے عدالت انہیں پڑھنے کے لیے مجھے وقت دے۔ مظفر عباسی کی درخواست پر سماعت آئندہ روز صبح 11 بجے تک ملتوی کردی گئی۔

  • نیب نے مجرم کیپٹن (ر) صفدر کو پناہ دینے والوں کا پتا لگالیا

    نیب نے مجرم کیپٹن (ر) صفدر کو پناہ دینے والوں کا پتا لگالیا

    اسلام آباد : نیب کا کہنا ہے کہ شکیل اعوان، چوہدری تنویر، ملک ابرار و دیگر نے مجرم کیپٹن(ر)صفدر کو پناہ دی جبکہ لیگی رہنماؤں نے مجرم کی گرفتاری میں رکاوٹ ڈالی ۔

    تفصیلات کے مطابق چیئرمین نیب کی جانب سے مجرم کیپٹن صفدر کو تحفظ دینے والوں کے خلاف نوٹس کے بعد نیب نے مجرم کیپٹن (ر)صفدر کو پناہ دینے والوں کا پتہ لگالیا ہے۔

    نیب ذرائع نے کہا کہ شکیل اعوان، چوہدری تنویر، ملک ابرار و دیگر نے کیپٹن(ر)صفدر کو پناہ دی جبکہ لیگی رہنماؤں نے مجرم کی گرفتاری میں بھی رکاوٹ ڈالی، گرفتاری میں رکاوٹ ڈالنے والے تمام افراد کے خلاف کارروائی ہوگی۔

    یاد رہے کہ چیئرمین نیب نے مجرم کیپٹن صفدرکو تحفظ دینے والوں کیخلاف نوٹس لیتے ہوئے ڈی جی نیب راولپنڈی سے رپورٹ طلب کرتے ہوئے کہا تھا کہ گرفتاری میں رکاوٹ بننے والوں کی نشاندہی کی جائے، پنجاب پولیس سے پوچھا جائے دفعہ144 کی خلاف ورزی کیسے ہوئی، مکمل رپورٹ پیش کی جائے۔

    چیئرمین نیب کیپٹن ریٹائرڈ صفدر کی گرفتاری میں رکاوٹ بننے والوں کی نشاندہی کا حکم بھھی دیا تھا، ترجمان نیب کا کہنا ہے کہ مجرم قانون کا پاسدار ہوتا تو گرفتاری پیش کرتا، نہ کہ سڑکوں پر غیر قانونی تقاریر کرتا ،قانون ہاتھ میں لیتا۔

    مزید پڑھیں :  نیب نے کیپٹن (ر) صفدر کو گرفتار کرلیا

    نیب کا اعلامیہ میں کہنا تھا کہ ایون فیلڈ ریفرنس میں کیپٹن ریٹائرڈ صفدر کوگرفتارکرلیا، وارنٹ گرفتاری کے اجراکے بعدسےکیپٹن صفدر چھپتاپھررہا تھا، مجرم کیپٹن صفدر نے خود کو نیب کے حوالے نہیں کیا۔

    اعلامیہ کے مطابق تفتیشی ٹیم نے مجرم کی گرفتاری کے لئے چھاپے مارے، نیب کی تفتیشی ٹیم نے ایبٹ آباد، مانسہرہ اور ہری پور میں چھاپے مارے، کیپٹن ریٹائرڈ صفدر نے راولپنڈی میں قانون کوہاتھ میں لیا ، اگر مجرم قانون کے پاسدار ہوتے تو گرفتاری پیش کرتے، مجرم نے راولپنڈی میں غیر قانونی تقاریر کیں اور گرفتاری سے بچنے کیلئے کیپٹن صفدر اور کچھ پارٹی لیڈرز نے رکاوٹیں کھڑی کیں۔

    خیال رہے کہ 6 جولائی کو احتساب عدالت نے سابق وزیر اعظم نواز شریف، ان کے صاحبزادوں حسن اور حسین نواز، ان کی صاحبزادی مریم نواز اور داماد کیپٹن (ر) صفدر کے خلاف ایون فیلڈ ریفرنس کا فیصلہ سناتے ہوئے نواز شریف کو 10 سال، مریم نواز کو 7 سال اور کیپٹن صفدر کو 1 سال قید کی سزا سنائی تھی۔

    نواز شریف پر 80 لاکھ پاؤنڈز جبکہ مریم نواز پر 20 لاکھ پاؤنڈز کا جرمانہ بھی عائد کیا گیا تھا۔

    عدالتی فیصلے میں مریم نواز اور کیپٹن صفدر کو 10 سال تک کسی بھی عوامی عہدے کے لیے بھی نااہل قرار دے دیا گیا۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔ 

  • نیب کی نوازشریف، مریم نوازاورکیپٹن صفدرکا نام ای سی ایل میں ڈالنےکی سفارش

    نیب کی نوازشریف، مریم نوازاورکیپٹن صفدرکا نام ای سی ایل میں ڈالنےکی سفارش

    اسلام آباد : نیب نے سابق وزیراعظم میاں نوازشریف، ان کی صاحبزادی مریم نواز اور کیپٹن صفدر کا نام ای سی ایل میں ڈالنے کے لیے وزارت داخلہ کو خط لکھ دیا۔

    تفصیلات کے مطابق قومی احتساب بیورو (نیب) نے نا اہل وزیراعظم نوازشریف، مریم نواز اور کیپٹن ریٹائرڈ صفدر کے نام ایگزیٹ کنٹرول لسٹ میں ڈالنے کے لیے وزارت داخلہ کو خط لکھ دیا۔

    نیب ہیڈ کوارٹر کی جانب سے وزارت داخلہ کو لکھے گئےخط میں نوازشریف، ان کی صاحبزادی اور داماد کیپٹن صفدر کا نام ای سی ایل میں ڈالنے کا کہا گیا ہے۔

    اسحاق ڈار کا نام ای سی ایل میں ڈالا جائے

    خیال رہے کہ اس سے قبل نیب کی سفارش کے باوجود سابق وزیرخزانہ اسحاق ڈارکا نام ای سی ایل میں نہیں ڈالا گیا۔

    قومی احتساب بیورو اسحاق ڈارکا نام ای سی ایل میں ڈالنے کے لیے متعدد بارخط لکھ چکی ہے۔

    واضح رہے کہ چیئرمین نیب جسٹس ریٹائرڈ جاوید اقبال نے سابق وزیراعظم نوازشریف اوران کے دونوں صاحبزادوں کے خلاف 2 ضمنی ریفرنسز دائر کرنے کی منظوری دے دی

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • ایک عمران قصور میں اوردوسرا عمران پورے ملک میں پکڑا گیا، کیپٹن صفدر

    ایک عمران قصور میں اوردوسرا عمران پورے ملک میں پکڑا گیا، کیپٹن صفدر

    اسلام آباد : کیپٹن صفدر نے عمران خان پر تنقید کرتے ہوئے کہا کہ ایک عمران قصورمیں پکڑاگیا دوسرا پورے ملک میں پکڑا گیا، یہ سازش نواز شریف نہیں ملکی ترقی کے خلاف کی گئی۔

    تفصیلات کے مطابق احتساب عدالت کے باہر سابق وزیراعظم نواز شریف کے داماد کیپٹن ریٹائرڈ صفدر سے صحافی نے سینیٹ سے متعلق سوال کیا تو انہوں نے جواب دینے کے بجائےعمران خان کو تنقید کا نشانہ بناتے ہوئے کہا کہایک عمران قصورمیں پکڑا گیا دوسرا پورے ملک میں پکڑا گیا۔

    کیپٹن صفدر کا کہنا تھا کہ جمہوری حکومت کے خلاف کیوں سازش کی گئی، نوازشریف کا ہر جلسہ دوسرے جلسے سے بڑا ہورہا ہے یہ سازش نوازشریف نہیں ملکی ترقی کے خلاف کی گئی ، ساری سازشیں بے نقاب ہوگی۔

    مزید پڑھیں : عمران خان نے اسمبلی کو نہیں ممبران کو گالی دی ہے، کیپٹن (ر) صفدر

    یاد رہے کہ چند روز قبل بھی سابق وزیراعظم نواز شریف کے داماد کیپٹن(ر)صفدر نے عمران خان پر تنقید کرتے ہوئے کہا تھا کہ جو عوام کے لئے کچھ کرتا ہے عوام اسے یاد رکھتے ہیں، پارلیمنٹ کیخلاف بیان کے معاملے کو عوام پر چھوڑتے ہیں۔

    کیپٹن(ر)صفدر کا کہنا تھا کہ پارلیمنٹ کیخلاف بیان دینے والا آئندہ اس میں بیٹھے بھی نہیں، عمران خان نےاسمبلی کونہیں ہراس ممبرکوگالی دی، کل لوگ انہیں ووٹ نہیں دیں گے تو یہ انہیں بھی گالیاں دینگے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • دسمبر کا مہینہ ہے ہمیں سقوط ڈھاکہ سے سبق سیکھنا چاہئے، کیپٹن(ر)صفدر

    دسمبر کا مہینہ ہے ہمیں سقوط ڈھاکہ سے سبق سیکھنا چاہئے، کیپٹن(ر)صفدر

    اسلام آباد:کیپٹن(ر)صفدر کا کہنا ہے کہ دسمبر کا مہینہ ہے ہمیں سقوط ڈھاکہ سے سبق سیکھنا چاہئے، ختم نبوت پر اسمبلی میں تقریر کے بعد جانتا ہوں کسی نہ کسی ایف آئی آر میں گرفتار کیا جاؤں گا۔

    تفصیلات کے مطابق کیپٹن(ر)صفدر نے ناقابل ضمانت وارنٹ گرفتاری کیس میں اسلام آبادہائی کورٹ کے باہر میڈیا سے گفتگو کرتے ہوئے کہا کہ ماہ دسمبرہےہ میں سقوط ڈھاکا سے سبق سیکھناچاہیے۔

    کیپٹن(ر)صفدر کا کہنا تھا کہ اسمبلیاں اپنی مدت پوری کریں توبہترہے ، اسمبلی پر کوئی بھی وار ہوا تو بوجھ ریاست اٹھائے گی۔

    عمران خان پر تنقید کرتے ہوئے انھوں نے کہا کہ عمران خان ہربات اپنے امپائر سے پوچھتے ہیں۔

    کیپٹن(ر)صفدر کا مزید کہنا تھا کہ ختم نبوت پر اسمبلی میں تقریر کے بعد جانتا ہوں کسی نہ کسی ایف آئی آر میں گرفتار کیا جاؤں گا۔

    مزید پڑھیں : عمران خان 2023 تک سڑکوں پرہی رہیں گے‘ کیپٹن صفدر

    یاد رہے کہ چند روز مسلم لیگ ن کے رہنما کیپٹن صفدر نے میڈیا گفتگو کرتے ہوئے کہا تھا کہ عمران خان سمجھتے ہیں عدالتیں، الیکشن کمیشن ان کےماتحت ہے، عمران خان لیڈرنہیں ہیں، آج بھی ایمپائر کےانتظارمیں ہیں۔

    صحافی نے سوال کیا کہ عمران خان کا تھرڈ ایمپائرکون ہے؟ جس پر کیپٹن صفدر نے جواب دیا کہ عمران خان کا ایمپائر ریٹائرڈ ہے، عمران خان بھول جائیں کہ ان کے نصیب میں اقتدار ہے، وہ 2023 تک سڑکوں پرہی رہیں گے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • کیپٹن(ر)صفدرنےاحتساب عدالت کے حکم نامےکوچیلنج کردیا

    کیپٹن(ر)صفدرنےاحتساب عدالت کے حکم نامےکوچیلنج کردیا

    اسلام آباد : نااہل سابق وزیراعظم نوازشریف کے داماد کیپٹن(ر)صفدرنےاحتساب عدالت کا حکم نامہ اسلام آبادہائیکورٹ میں چیلنج کردیا،تیرہ اکتوبرکر چارج فریم کرنے سے روکنے کی استدعا کی ہے۔

    تفصیلات کے مطابق کیپٹن(ر)صفدر نے اسلام آبادہائیکورٹ احتساب عدالت کے حکم نامے کے خلاف درخواست دائرکردی، وکیل محمد امجد پرویز کے ذریعے درخواست دائرکی گئی ، درخواست میں موقف اختیار کیا گیا کہ نیب عدالت نےحکم جاری کیا کہ تیرہ اکتوبرکو چارج فریم کرینگے، اسلام آباد ہائیکورٹ احتساب عدالت کو چارج فریم سے روکے۔

    درخواست میں کہا گیا ہے کہ میں اور میری بیگم لندن جانا چاہتے ہیں، میری ساس کی طبیعت انتہائی خراب ہے، عدم حاضری پرمیرےناقابل ضمانت وارنٹ جاری ہوئےتھے ، جب میں واپس پیشی کیلئےآیا تومجھے ایئرپورٹ سےگرفتار کیا گیا ، تیرہ اکتوبر کو چارج فریم کرناغیرآئینی اورغیرقانونی ہے۔

    یاد رہے کہ کیپٹن صفدر کو پاکستان پہنچے پر گرفتار کرلیا گیا تھا اور احتساب عدالت میں پیش کیا جہاں عدالت نے 50 لاکھ روپے کے مچلکے جمع کرانے کی ہدایت کرتے ہوئے ان کی ضمانت منظور کرلی تھی اور  اور کیپٹن(ر)صفدر کو بیرون ملک جانے سے پہلے آگاہ کرنے کا حکم بھی دیا۔

    مزید پڑھیں : نوازشریف،مریم نواز،کیپٹن(ر)صفدر پر 13اکتوبر کو فردجرم عائد کی جائے گی

    احتساب عدالت نے سماعت13اکتوبرتک ملتوی کرتے ہوئے نوازشریف،مریم نواز،کیپٹن(ر)صفدر کو آئندہ سماعت پر طلبی کا سمن جاری کیا تھا اور کہا تھا کہ ریفرنسز کیس میں نوازشریف،مریم نواز،کیپٹن(ر)صفدر پر 13اکتوبر کو فردجرم عائد کی جائے گی۔

    واضح رہے کہ کہ لندن فلیٹس سے متعلق ریفرنس میں سابق وزیراعظم نوازشریف ان کے دونوں بیٹے حسن اور حسین نواز، مریم نواز اور داماد کیپٹن ریٹائرڈ صفدر کوملزم نامزد کیا گیا  ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئرکریں۔