Tag: car accident

  • یہ فلمی سین نہیں، خاتون کار کو قابو نہ کر سکی، دل دہلا دینے والی ویڈیو

    یہ فلمی سین نہیں، خاتون کار کو قابو نہ کر سکی، دل دہلا دینے والی ویڈیو

    فلوریڈا: ایک ایسی دل دہلا دینے والی ویڈیو سامنے آئی ہے جو ہرگز کسی فلمی سین پر مبنی نہیں، بلکہ ایک اصلی فاسٹ اینڈ فیورس سین دکھائی دیتا ہے۔

    تفصیلات کے مطابق امریکی ریاست فلوریڈا کے ایک ہائی وے پر نوجوان خاتون سے تیز رفتار کار بے قابو ہو گئی، اور وہ سڑک کے کنارے کھڑے ٹو ٹرک کے ریمپ پر چڑھ دوڑی، اور اگلے لمحے وہ ہوا میں کئی میٹر بلند اڑتی نظر آئی۔

    کار ایک 21 سالہ خاتون چلا رہی تھی، جو اس ہولناک حادثے میں خوش قسمتی سے بچ گئی، لیکن اسے شدید زخمی حالت میں اسپتال لے جایا گیا تھا، جہاں اب اس کی حالت سنبھل چکی ہے۔

    یہ حادثہ جارجیا ہائی وے پر پیش آیا، جب بدھ کو سڑک پر لانڈس کاؤنٹی پولیس کی جانب سے ہائی وے پر جارجیا اسٹیٹ پٹرول کی مدد کی جا رہی تھی، یہاں ہائی وے کو درمیان میں گھاس کا قطعہ بنا کر دو حصوں میں تقسیم کیا گیا ہے، ایک سڑک کے کنارے ٹو ٹرک کھڑا تھا جس کا ریمپ نیچے کیا گیا تھا۔

    باڈی کیمرہ لگائے ایک نائب شیرف ٹو ٹرک کی سمت چل رہا تھا، جب اچانک ایک بے قابو کار آئی اور ریمپ پر چڑھ دوڑی، کار نے ٹرک کے پچھلے حصے میں لگے بیریئر کو توڑا اور ہوا میں بلند ہو گئی۔

    ویڈیو میں دیکھا جا سکتا ہے کہ کار سڑک کنارے ٹوو ٹرک سے ٹکرا کر اڑتی ہوئی کافی دور دوسری گاڑی پر جا گری ہے۔

  • سعودی عرب: خوفناک ٹریفک حادثہ، اندر بیٹھے خوش قسمت نوجوان بچ گئے

    سعودی عرب: خوفناک ٹریفک حادثہ، اندر بیٹھے خوش قسمت نوجوان بچ گئے

    ریاض: سعودی عرب میں خوفناک ٹریفک حادثے کے دوران گاڑی میں موجود 2 نوجوان خوش قسمتی سے بال بال بچ گئے۔

    اردو نیوز کے مطابق سعودی عرب کے عسیر ریجن میں برجال المع علاقے میں خوفناک ٹریفک حادثے میں 2 نوجوان یقینی موت سے بچ گئے۔

    واقعہ تیز رفتاری کے باعث پیش آیا، ڈرائیونگ سیٹ پر بیٹھا نوجوان تیز رفتار سے گاڑی چلا رہا تھا جس کے دوران گاڑی کنٹرول سے باہر ہو کر انڈر پاس کے پلر سے ٹکرا گئی۔

    حادثہ اس قدر شدید تھا کہ گاڑی تباہ ہوگئی، حادثے سے متاثرہ گاڑی دیکھ کر یقین تھا کہ اس میں سوار افراد زندہ نہیں بچے ہوں گے تاہم دونوں نوجوان محفوظ رہے۔

    خیال رہے کہ سعودی عرب میں محکمہ ٹریفک کی طرف سے بارہا یہ ہدایت کی جاتی ہے کہ حد سے زیادہ رفتار سے ڈرائیونگ سے گریز کیا جائے کیونکہ بیشتر ٹریفک حادثات تیز رفتاری کے باعث پیش آرہے ہیں۔

  • سعودی عرب میں کار سوار خاتون کو دل دہلا دینے والا حادثہ

    سعودی عرب میں کار سوار خاتون کو دل دہلا دینے والا حادثہ

    ریاض: سعودی عرب کے جازان ریجن میں ایک کار سوار خاتون کو دل دہلا دینے والا حادثہ پیش آیا ہے، جس میں خاتون کی جان چلی گئی۔

    تفصیلات کے مطابق سعودی عرب میں جازان ریجن کی صبیا کمشنری میں کار کےحادثے میں ایک خاتون ڈرائیور جاں بحق ہو گئی ہے۔

    رپورٹس کے مطابق حادثہ صبیا کمشنری کی شاہراہ عام پر پیش آیا، گاڑی خاتون ڈرائیور کے قابو سے باہر ہو کر بجلی کے پول سے ٹکرا گئی تھی، حادثہ اتنا شدید تھا کہ خاتون ڈرائیور نے موقع پر ہی دم توڑ دیا۔

    اطلاع ملتے ہی شہری دفاع اور ریسیکو ٹیمیں جائے حادثہ پر پہنچیں، اور خاتون کی لاش کو اسپتال کے سرد خانے منتقل کیا گیا۔

  • سعودی عرب: سڑک پر پورا خاندان حادثے کا شکار ہونے سے بال بال بچ گیا

    سعودی عرب: سڑک پر پورا خاندان حادثے کا شکار ہونے سے بال بال بچ گیا

    ریاض: سعودی عرب میں ایک لاپرواہ ڈرائیور کی غفلت کے باعث پورا خاندان حادثے کا شکار ہونے سے بال بال بچ گیا، واقعے کی ویڈیو سوشل میڈیا پر تیزی سے وائرل ہوگئی۔

    ویڈیو میں دیکھا جا سکتا ہے کہ ایک پورا خاندان حادثے کا شکار ہونے سے اس وقت بال بال بچ گیا جب ایک لاپرواہ ڈرائیور انتہائی تیزی سے کار چلاتا دکھائی دیا، یہ فورڈ کار تھی۔

    ویڈیو کلپ میں دیکھا جا سکتا ہے کہ سڑک کراس کرتے ہوئے باپ اپنے بچوں کو بچانے کی کوشش کرتا نظر آیا اور انہیں سڑک پار کروانے کے بعد زمین پر گر گیا، خوش قسمتی سے سعودی شہری گاڑی کے پہیوں تلے آنے سے محفوظ رہا۔

    کار کا مالک رات کے وقت بھی گاڑی کی لائٹس بجھا کر ڈرائیونگ کر رہا تھا اور دوسروں کی جانوں کو خطرے میں ڈال رہا تھا۔

    یہ کلپ سوشل میڈیا پر تیزی سے وائرل ہوگیا اور لوگوں نے گاڑی کے ڈرائیور کو برا بھلا کہنا شروع کردیا۔

    یاد رہے جنرل ٹریفک ڈپارٹمنٹ نے گاڑیوں کے ڈرائیورز کو رات کے وقت گاڑی چلاتے ہوئے گاڑیوں کی لائٹس آن نہ کرنے کی وارننگ جاری کی ہے، اس ضابطے کی خلاف ورزی کی سزا 3 ہزار سے لے کر 6 ہزار ریال تک ہوسکتی ہے۔

  • نیشنل ہائی وے پر خوفناک حادثے کی فوٹیج اے آر وائی نیوز پر

    کراچی: شہر قائد میں نیشنل ہائی وے کے اسٹیل موڑ پر ہونے والے خوف ناک کار حادثے کی فوٹیج اے آر وائی نیوز کو موصول ہو گئی۔

    تفصیلات کے مطابق کراچی میں تیز رفتاری سے گاڑی چلانا دو گھروں کے چراغ گل کر گیا، یہ حادثہ 2 روز قبل پیٹرول پمپ پر پیش آیا تھا، جس میں ایک تیز رفتار کار پمپ پر ری فیولنگ کراتے ٹرک سے ٹکرا گئی تھی۔

    فوٹیج میں پیٹرول پمپ پر ٹرک کو فیولنگ کراتے دیکھا جا سکتا ہے، اس دوران ایک تیز رفتار کار آئی اور کھڑے ہوئے ٹرک سے بری طرح ٹکرا گئی۔

    حادثہ ہوتے ہی کار سے دھواں اٹھنے لگا، حادثے کے بعد کار کو مکمل تباہ حالت میں دیکھا جا سکتا ہے۔

    حادثے کے بعد پیٹرول پمپ کا عملہ فوری مدد کے لیے پہنچا تھا اور کار میں موجود افراد کو نکالا بھی گیا، تاہم حادثے میں زخمی ہونے والے دونوں افراد نے بعد میں دم توڑ دیا تھا۔

  • ویڈیو: تیز رفتار کار کے ساتھ دل دہلا دینے والا حادثہ

    ویڈیو: تیز رفتار کار کے ساتھ دل دہلا دینے والا حادثہ

    انٹرنیٹ پر ایک ویڈیو سامنے آئی ہے جس میں ایک تیز رفتار کار کے ساتھ دل دہلا دینے والا حادثہ پیش آتے دکھایا گیا ہے۔

    یہ ویڈیو ازبکستان کے ریجن اذہان کی ہے، جہاں ایک سڑک پر یہ واقعہ اتوار کے روز پیش آیا، جس میں دیکھا جا سکتا ہے کہ تیز رفتار کار ڈیوائڈر سے ٹکرانے کے بعد خوف ناک طور سے الٹ گئی۔

    کار الٹنے کے بعد وہ سڑک کی دوسری جانب اڑتی ہوئی جا گری، اور اس میں آگ بھڑک اٹھی، ویڈیو میں گاڑی کے اگلے حصے میں بھڑکتی ہوئی آگ کو دیکھا جا سکتا ہے۔

    کار ڈیوائڈر کے ساتھ اتنی زور سے ٹکرائی تھی کہ اس کا اگلا حصہ آگ کی لپیٹ میں آ گیا تھا، ویڈیو دیکھتے ہوئے ایسا لگتا ہے جیسے کسی ہالی ووڈ فلم کا کوئی منظر ہو۔

    تاہم، اس حادثے کے نتیجے میں کسی جانی نقصان کی اطلاعات موصول نہیں ہوئی ہیں۔

  • یوکرینی صدر کی گاڑی کو حادثہ : زیلینسکی زخمی ہوگئے

    یوکرینی صدر کی گاڑی کو حادثہ : زیلینسکی زخمی ہوگئے

    کیف : یوکرین کے صدر ولادیمیر زیلینسکی ٹریفک حادثے میں زخمی ہوگئے جنہیں فوری طور پر طبی امداد کیلئے مقامی اسپتال روانہ کیا گیا۔

    اس حوالے سے یوکرینی صدر کے ترجمان نکیفوروف نے میڈیا کو بتایا کہ ولادیمیر زیلینسکی کو دارالحکومت کیف کی ایک شاہراہ پر ٹریفک حادثہ پیش آیا جس میں وہ زخمی ہوگئے تاہم چوٹ زیادہ گہری نہیں ہے۔

    ترجمان نے بتایا کہ شاہراہ پر ایک تیز رفتار کار صدر کی کار اور ان کے محافظوں کی گاڑی سے ٹکرا گئی۔ حادثے کے بعد صدر کو فوری طور پر اسپتال لے جایا گیا۔ طبی معائنہ کے بعد ڈاکٹروں نے بتایا کہ ان کو شدید چوٹ نہیں آئی ہے۔

    غیر ملکی خبر رساں ادارے کی رپورٹ کے مطابق دوسری کار میں موجود ڈرائیور کو بھی ابتدائی طبی امداد زیلنسکی کے طبی عملہ نے ہی فراہم کی۔

    یوکرینی صدر کو پیش آنے والے حادثہ کے کچھ دیر بعد ہی زیلنسکی کے دفتر نے ان کا خطاب جاری کردیا۔ اپنے خطاب میں زیلنسکی نے کہا کہ وہ خار کیف کے شہر ایزوم سے واپس آئے ہیں۔ یاد رہے خار کیف تقریبا سارا آزاد ہوچکا ہے۔

    روس سے واپس حاصل کیے گئے علاقوں میں خار کیف کے شہر ایزیوم میں زیلنسکی کا یہ پہلا دورہ تھا۔ 25ویں بریگیڈ نے فیس بک پر اعلان کیا ہے کہ اس شہر میں زیلنسکی نے یوکرینی پرچم لہرانے کے جشن میں شرکت کی۔

    زیلنسکی نے ٹیلی گرام اکاؤنٹ پر اپنے فوجیوں کے ساتھ اپنی ایک تصویر شیئر کی اور ساتھ منسلک پیغام میں کہا کہ ازیم میں پہلے ہی یوکرین کا پیلا اور نیلا جھنڈا لہرا رہا ہے۔

    واضح رہے یوکرینی افواج نے اپنے علاقے واپس لینے کے لیے جوابی حملے کیے تھے جس کے باعث گزشتہ ہفتے روس نے خار کیف سے پسپائی کا اعلان کردیا تھا۔

  • سابق بھارتی کپتان اظہرالدین کی گاڑی کو حادثہ

    سابق بھارتی کپتان اظہرالدین کی گاڑی کو حادثہ

    جے پور : بھارتی کرکٹ ٹیم کے سابق کپتان اظہرالدین ٹریفک کے جان لیوا حادثے میں بال بال بچ گئے، ان کی تیز رفتار کار الٹ کر قلابازیاں کھاتی ہوئی دور جا گری۔

    بھارتی ریاست راجھستان میں ایک ٹریفک حادثے میں بھارتی کے سابق کرکٹر اور ٹیم کے کپتان اظہرالدین ٹریفک حادثے میں زخمی ہونے سے بال بال بچ گئے تاہم ان کی گاڑی کو شدید نقصان پہنچا ہے۔

    کرکٹ ٹیم کے سابق کپتان اور کانگریس پارٹی کے رہنما محمد اظہر الدین سوئی مادھوپور ضلع کے رنتھمبور میں واقع نیشنل پارک جارہے تھے کہ سڑک پر حادثہ پیش آگیا، یہ حادثہ لالسوٹ کوٹہ ہائی وے پر پیش آیا۔

    حادثہ کے وقت کار میں اظہرالدین کے علاوہ دیگر تین افراد بھی موجود تھے، واقعے کے بعد مقامی لوگوں نے اظہرالدین کو پہچان لیا اور انہیں پاس دیکھ کر حیران رہ گئے، بعد ازاں انہیں دوسری کار کے ذریعہ ہوٹل پہنچایا گیا۔

    سوروال پولیس کے مطابق اظہرالدین کی کار بے قابو ہوکر الٹ گئی تھی اور قلابازی کھاتے ہوئے سڑک کے دوسرے کنارے پر کھیت میں جاگری۔ اس دوران ایک شخص زخمی ہوگیا جس کو قریبی اسپتال میں طبی امداد فراہم کی جارہی ہے۔

  • سعودی خواتین کی گاڑی کو حادثہ : ذمہ داروں کو کیا سزا ملی؟

    سعودی خواتین کی گاڑی کو حادثہ : ذمہ داروں کو کیا سزا ملی؟

    ریاض : گاڑی گہرے گڑھے میں گاڑی گرنے سے تین خواتین کے زخمی ہونے کے واقعے پر بلدیہ حکام نے تین انجینئروں سمیت سپر وائزر کو معطل کردیا، مذکورہ افراد گڑھے کے گرد باڑ نہ لگانے کہ ذمہ دار قرار پائے۔

    تفصیلات کے مطابق گزشتہ روز سعودی عرب کے شہر ریاض میں ایک ٹریفک حادثہ پیش آیا تھا جس میں ایک کار بے قابو ہوکر گہرے گڑھے میں گر گئی تھی، جس کے نتیجے میں کار میں موجود تین خواتین شدید زخمی ہو گئیں۔

    سوشل میڈیا پر پوسٹ میں ایک صارف نے حادثے کی وجہ گڑھے کے گرد حفاظتی باڑ کا نہ ہونا بتایا جس کے جواب میں ریاض میونسپلٹی نے واقعے کی تحقیقات کرانے کی یقین دہانی کرائی تھی۔

    اس حوالے سے تحقیقات کے بعد  ریاض میونسپلٹی نے ٹھیکیدار کمپنی میں کام کرنے والے تین انجینئروں سمیت منصوبے کے سپر وائزر کو معطل کر دیا ہے۔

    ریاض کے ایک علاقے میں بلدیہ کی جانب سے تعمیراتی کام جاری تھا جس کے لیے گڑھا کھودا گیا تھا، متعلقہ ٹھیکیدار اس امر کا پابند تھا کہ وہ کسی بھی نوعیت کا ترقیاتی کام شروع کرنے سے قبل احتیاطی تدابیر اختیار کرے جو اس نے نہیں کی اور یہ حادثہ رونما ہوا۔

    میونسپلٹی حکام نے ٹھیکہ لینے والی کمپنی کو حادثے کے باعث ہونے والے نقصان اور زخمیوں کے علاج پر ہونے والے اخراجات ادا کرنے کا حکم دیا ہے، اس کے علاوہ راہگیروں کی جان خطرے میں ڈالنے پر جرمانہ بھی عائد کیا گیا ہے۔

    مزید پڑھیں: سعودی خواتین کی کار کو خوفناک حادثہ

    بلدیہ حکام کے مطابق ترقیاتی کام کا ٹھیکہ لینے والی کمپنی اس بات کی پابند تھی کہ وہ قواعد وضوابط پر عمل کرتے ہوئے گڑھے کے گرد حفاظتی باڑ لگا کر شہریوں کی آگاہی کیلئے بورڈ بھی نصب کرتی مگر اس نے ایسا کچھ نہیں کیا۔

  • سعودی خواتین کی کار کو خوفناک حادثہ

    سعودی خواتین کی کار کو خوفناک حادثہ

    ریاض : تیز رفتار گاڑی گہرے گڑھے میں جاگری، گاڑی میں سوار تین خواتین شدید زخمی ہوگئیں، حادثہ کی وجہ گڑھے کے گرد حفاظتی باڑ کا نہ ہونا ہے۔

    تفصیلات کے مطابق سعودی عرب کے شہر ریاض میں ایک ٹریفک حادثہ پیش آیا ہے، خاتون ڈرائیور گڑھے کو نہ دیکھ سکی اور گاڑی بے قابو ہو کر الٹی گڑھے میں جاگری جس کے نتیجے میں کار میں موجود تین خواتین شدید زخمی ہو گئیں جنہپیں فوری طور پر طبی امداد کیلئے قریبی اسپتال منتقل کیا گیا۔

    اس حوالے سے سماجی رابطے کی ویب سائٹ ٹوئٹر پر ایک صارف نے بلدیہ حکام کو مخاطب کرتے ہوئے اپنے پیغام میں لکھا کہ گڑھے کے گرد حفاظتی باڑ نہ ہونے کے سبب خاتون ڈرائیور سنگین حادثے کا شکار ہو گئی۔

    شہری نے ٹو ئٹر پر حادثے کی تصاویر شیئر کرتے ہوئے لکھا کہ گڑھے کے گرد حفاظتی باڑ نہ ہونے کے سبب خاتون ڈرائیور سنگین حادثے کا شکار ہوگئی۔

    جواب میں بلدیہ ترجمان نے وضاحت دیتے ہوئے لکھا کہ وواقعے کی تحقیقات کی جارہی ہیں اور اس بات کا بھی تعین کیا جارہا ہے کہ گڑھے کے گرد قانون کے مطابق حفاظتی باڑ کیوں نہیں لگائی گئی۔

    تحقیقات کے بعد اس بات کا فیصلہ کیا جائے گا کہ باڑنہ لگانے کا ذمہ دار کون ہے جس کی وجہ سے حادثہ پیش آیا۔

    واضح رہے کہ ریاض کے ایک علاقے میں بلدیہ کی جانب سے تعمیراتی کام جاری تھا جس کے لیے گڑھا کھودا گیا تھا، متعلقہ ٹھیکیدار اس  امر کا پابند ہے کہ وہ کسی بھی نوعیت کا ترقیاتی کام شروع کرنے سے قبل احتیاطی تدابیر اختیار کرے۔